Connect with Us

“Jemi në udhë pa krye”/ Shehi: Edhe dreqi e shejtani do të ishte alternativë

Politikë

“Jemi në udhë pa krye”/ Shehi: Edhe dreqi e shejtani do të ishte alternativë

Publikuar

-

Kreu i LZHK, Dashamir Shehi, thotë se vendi ndodhet në një një rrugë pa krye.

Sipas Shehit qeveria e ka futur vendin në një situatë të tillë që sipas tij, do të duhet shumë kohë për ta futur vendin në rrugën e duhur.

“Kjo qeveri e ka bërë shumicën e rrugës sepse ka 7 vjet. Kjo qeveri e ka futur vendin në një situatë të tillë ku unë mendoj se do të duhet shumë kohë për ta futur vendin në rrugën e duhur. Jemi jashtë Europës, jemi jashtë politikës ballkanike, kemi shkuar mbrapa për sa i përket korrupsionit, jemi mbrapa me emigracionin, prandaj them se jemi në një udhë pa krye”, tha kreu i LZHK.

Shehi foli edhe për opozitën, për të cilën pranoi se edhe ajo ka problemet e saj.

LEXO EDHE:  Zyrtari i DASH falënderon opozitën/Deputeti i PD zbulon arsyen

“Me kaq keq qeverisje që kemi ne sot edhe shejtani dhe dreqi do të ishte alternativë. Unë mendoj se pak më mirë se dreqi ne jemi. Kjo opozitë nuk është shkëlqim, është një opozitë normale. Një pjesë janë edhe ata të ricikluarit e qeverisë Rama, por disa kanë vënë edhe mend”, tha Shehi i stuar në studion e “Dita Jonë” në A2.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Përplasja e Ramës me Kurtin për Minishengenin Ballkanik/ Berisha: Zbuloi fytyrën e tij të tradhtarit

Publikuar

-

Nga

Ish kryeministri Sali Berisha ka komentuar deklaratën e kryeministrit Edi Rama i cili tha se nuk ka ka makroshengen shqiptar pa minishengenin ballkanik.

Sipas Berishës, më këtë deklaratë Rama heq çdo maskë dhe deklaron se shqiptarët mund të bashkëpunojnë njëri me tjetrin vetëm në kuadrin e Serbisë së Madhe apo Jugosllavisë së Re.

“Sipas kësaj deklarate Shqipëria dhe Kosova nuk janë dy vende të pavarura sovrane por dy vasale të Beogradit, të cilat mund të bashkëpunojnë njëra me tjetrën vetëm nën ombrellen e Serbomadhisë.
Një deklaratë të tillë për marrëdhëniet ndërmjet dy vendeve sovrane nuk mund të gjenden në analet e marrëdhënieve bilaterale botërore. Vetëm shtetet vasale apo koloni janë të detyruar të marrin miratim tek dikush tjetër për marrëdhëniet me një vend sovran. Në rast se shqiptarët në vendet e tyre sovrane nuk vendosin për marrëdhëniet midis tyre por edhe me vende të tjera ata i presin honet e historië!
Duket se pikërisht këtë ka firmosur ky tradhtar në traktatin prej 718 nenesh të Novisadit”, shkruan Berisha.

LEXO EDHE:  Këshilli i Legjislacionit mblidhet për vettingun në politikë/ PS: E paligjshme

LEXO EDHE:  Revoltohet Rudina Hajdari/ Do fundoseni, mos bëni show politik 

Sipas tij, “Rama zbuloi fytyren e tij të tradhtarit, zbuloi shitjen që i ka bërë Kosovës së bashku me Miladinin shqipfoles dhe Baton Stanishiqin në Beograd dhe vasalizimin e Shqipërisë.”/CNA.al

LEXO TE PLOTE

Politikë

Lobimi i PD në SHBA/ Dosja e Bashës në dorë të Fatmira Hajdarit

Publikuar

-

Nga

Dosja e Bashës dhe dy zyrtarëve të PD  për lobimin rus, do të shqyrtohet nga gjyqtarja Fatmira Hajdari.

Shorti ka përzgjedhur Hajdarin si kryesuese e trupit gjykues, ndërsa anëtarë do të jenë, Alaudin Malaj dhe Shpresa Becaj.

Dosja  për lobimin në SHBA u pushua nga shkalla e parë, por Prokuroria ankimoi pushimin e cështjes për tre zyrtarët e PD-së, Bashën Ristanin e Dervishin.

Gjykata e Tiranës rrëzoi akuzat ndaj Bashës, Ristanit dhe Dervishit për falsifikim formularësh në çështjen e lobimit pasi nuk ekzistojnë prova. Në 41 faqe vendim të gjykatës së Tiranës thuhej se nuk ekziston fakti penal. Sipas hetimit gjyqësor ka rezultuar se PD s’ka pasur kontratë lobimi me kompaninë “Biniada Trade”.

LEXO EDHE:  Basha “sulmon” tryezën e Reformës Zgjedhore

LEXO EDHE:  Këshilli i Legjislacionit mblidhet për vettingun në politikë/ PS: E paligjshme

Kujtojmë se Fatmira Hajdari, është bashkëshortja e ish-deputetit të ndjerë të PD, Azem Hajdari, si edhe nëna e Rudina Hajdarit, deputetja e cila zgjodhi të dalë kundër urdhrit të kryedemokratit për djegien e mandatave dhe pranoi të kryesojë opozitën e re në parlament.

LEXO TE PLOTE

Politikë

Albin Kurtin në zyrën e Metës/ Zbardhen detaje nga takimi

Publikuar

-

Nga

Presidenti i Republikës Ilir Meta priti sot në një takim të përzemërt Kryeministrin e Republikës së Kosovës, Albin Kurti.

Pasi e uroi për marrjen e detyrës së lartë të Kryeministrit dhe për sa më shumë suksese në të mirë të Kosovës, të popullit të saj dhe të ardhmes sonë europiane, Presidenti Meta i tha Kryeministrit Kurti se:“Qeveria e tij i ka të gjitha mundësitë të jetë një shembull pozitiv i mirëqeverisjes në rajonin tonë”.

Kreu i Shtetit vlerësoi se marrëdhëniet mes Shqipërisë dhe Kosovës janë të shkëlqyera e vëllazërore.

“Bashkëpunimi midis dy vendeve konsiderohet strategjik, stabilizues për rajonin dhe orientues për perspektivën euroatlantike. Duhet të konkretizojmë Partneritetin Strategjik me Kosovën, duke e bërë atë një model dhe inkurajim për bashkëpunimin rajonal”, – tha Presidenti Meta.

Kreu i Shtetit dhe Kryeministri Kurti diskutuan rreth intensifikimit të bashkëpunimit ndërmjet dy vendeve, proceseve integruese të të dy vendeve në BE, si dhe zhvillimeve në rajon.

Presidenti Meta tha se Shqipëria mbështet dialogun Kosovë-Serbi, për normalizimin e marrëdhënieve mes dy vendeve.

LEXO EDHE:  Kuvendi voton pr. ligjet e rendit të ditës dhe mbyll seancën pa opozitën

LEXO EDHE:  Protestat te Unaza e Re/ Ish-diplomati: Opozita del sa për sy e faqe

“Në këtë kuadër, – tha Kreu i Shtetit, “janë të mirëpritura dhe përpjekjet e SHBA-ve dhe BE-së, për rifillimin e dialogut mes Republikës së Kosovës dhe Republikës së Serbisë”.

“Është e rëndësishme, – vijoi Presidenti Meta, “që të gjitha forcat politike të Kosovës të jenë të bashkuara rreth një platforme gjithëpërfshirëse në këtë proces”.
Presidenti Meta shprehu besimin e plotë se institucionet e Kosovës do të vijojnë të përfaqësojnë interesin më të mirë të Kosovës në dialogun me Serbinë.

Presidenti Meta inkurajoi gjithashtu bashkëpunimin e ngushtë me partnerët strategjikë, SHBA, Gjermaninë, Britaninë e Madhe dhe partnerët e tjerë, që kanë patur një rol vendimtar në pavarësinë e Kosovës./CNA.al

LEXO TE PLOTE