Connect with Us

Analisti zbardh skenarët/ Si mund të zgjidhet kriza politike

Politikë

Analisti zbardh skenarët/ Si mund të zgjidhet kriza politike

Publikuar

-

Analisti Afrim Krasniqi ishte i ftuar në A2, teksa ka komentuar situatën aktuale politike në vend, por edhe ecurinë e Reformës Zgjedhore, solli edhe disa skenarë, të cilët sipas mund të jenë zgjidhje për krizën aktuale politike në Shqipëri.

“Prisnim të gjithë që reforma zgjedhore të merrte një përgjigje, në çështjet kryesore që shqetësojnë opinionin publik. Fakti është që deri tani ai që quhet Këshilli Politik ka arritur kompromis për një agjendë dhe disa prioritete, por jemi ende larg një produkti konsensual ose një gjëje të shkruar. Palët politike u janë larguar temave të mëdha që mund të prekin sistemin, financimin elektoral dhe elementë të tjerë.

Problemi është se ndonjëherë, çfarë duan shqiptarët dhe çfarë dëshiron OSBE mund të ketë një hendek të madh. OSBE shikon më shumë parimet e përgjithshme të një stabiliteti politik dhe është e kënaqur që ka kompromis, por shqiptarët i frikësohen një kompromisi. Shqipëria ndodhet në krizë politike për shkak të klasës politike. Është e pamundur që një vend që nuk ka asnjë konflikt etnik apo fetar, të ketë një konflikt kaq të madh kush kontroll godinat e Tiranës, kush kontrollon oligarkinë. Prej një vit ne nuk kemi pasur asnjë nismë serioze se pse shqiptarët po largohen. Nuk kemi sinjale se palët kanë vendosur të ndryshojnë sjellje politike. Edhe tryeza e fundit, në fakt është më shumë produkt i presionit ndërkombëtar se sa i vetë ndërgjegjes së klasës politike. Ne duhet të gjejmë mekanizma për t’i zëvendësuar këto lloj mangësish dhe ndonjëherë do të duhet që disa institucione t’i kemi vërtetë të besueshme dhe t’i kemi ndërmjetësuese.

Ka një reflektim nga palët se duhet të shikojmë çështjet e financimit elektoral. Modeli britanik, buxheti i shtetit paguan vetëm partitë e opozitës. Në Shqipëri sapo ndamë miliona dhe i dhamë edhe partive që nuk janë të përfaqësuara në parlament, po ashtu i dhamë edhe partisë që është në pushtet. Deri tani, duket se gjasat e një reflektimi janë minimal. Partitë tona nuk kanë transparencë. Ka refuzimit të monitorimit nga jashtë, nuk ka vullnet për luftë ndaj korrupsionit dhe nuk ka vullnet për t’u bërë si partitë europiane.

LEXO EDHE:  Afrim Krasniqi zbulon ditën e marrëveshjes/Parlamenti i dy paradokseve të mëdha!

Ka disa skenarë që mund të zgjidhnin krizën politike. Një nga skenarët mund të ishte ai që u përdor në Maqedoni në vitin 2015, sipas të cilit opozitës iu rikthyen mandatet elektorale. Ky model mund të aplikohet edhe për rastin tonë. Ka edhe skenarë që mund të kërkojnë një kompromis më afatgjatë. Pakti për Shqipërinë, për reformat kryesore që kërkohen me insistim nga faktorët ndërkombëtarë. Ka pastaj edhe skenarë të tjerë që gati-gati i përjashtojnë liderët kryesorë politikë nga një vendimmarrje e ardhshme dhe krijojnë kabinete ose struktura vendimmarrëse më shumë teknike, për të cilat realisht ka nevojë Shqipëria. Por në të gjitha këto raste, në radhë të parë, kërkohet dialog. Fakti që askush nuk komunikon me askënd në mënyrë direkte, është shumë e vështirë për t’i çuar palët te sensi i arsyes”.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Përplasja e Ramës me Kurtin për Minishengenin Ballkanik/ Berisha: Zbuloi fytyrën e tij të tradhtarit

Publikuar

-

Nga

Ish kryeministri Sali Berisha ka komentuar deklaratën e kryeministrit Edi Rama i cili tha se nuk ka ka makroshengen shqiptar pa minishengenin ballkanik.

Sipas Berishës, më këtë deklaratë Rama heq çdo maskë dhe deklaron se shqiptarët mund të bashkëpunojnë njëri me tjetrin vetëm në kuadrin e Serbisë së Madhe apo Jugosllavisë së Re.

“Sipas kësaj deklarate Shqipëria dhe Kosova nuk janë dy vende të pavarura sovrane por dy vasale të Beogradit, të cilat mund të bashkëpunojnë njëra me tjetrën vetëm nën ombrellen e Serbomadhisë.
Një deklaratë të tillë për marrëdhëniet ndërmjet dy vendeve sovrane nuk mund të gjenden në analet e marrëdhënieve bilaterale botërore. Vetëm shtetet vasale apo koloni janë të detyruar të marrin miratim tek dikush tjetër për marrëdhëniet me një vend sovran. Në rast se shqiptarët në vendet e tyre sovrane nuk vendosin për marrëdhëniet midis tyre por edhe me vende të tjera ata i presin honet e historië!
Duket se pikërisht këtë ka firmosur ky tradhtar në traktatin prej 718 nenesh të Novisadit”, shkruan Berisha.

LEXO EDHE:  Krasniqi: Çfarë ndodh me zgjedhje pa opozitën/Hila: Pse i përjashtoi Meta ndërkombëtarët

LEXO EDHE:  Nga Afrim Krasniqi/ Paradoksi shqiptar: Mazhoranca në qershor, qeveria në shtator

Sipas tij, “Rama zbuloi fytyren e tij të tradhtarit, zbuloi shitjen që i ka bërë Kosovës së bashku me Miladinin shqipfoles dhe Baton Stanishiqin në Beograd dhe vasalizimin e Shqipërisë.”/CNA.al

LEXO TE PLOTE

Politikë

Lobimi i PD në SHBA/ Dosja e Bashës në dorë të Fatmira Hajdarit

Publikuar

-

Nga

Dosja e Bashës dhe dy zyrtarëve të PD  për lobimin rus, do të shqyrtohet nga gjyqtarja Fatmira Hajdari.

Shorti ka përzgjedhur Hajdarin si kryesuese e trupit gjykues, ndërsa anëtarë do të jenë, Alaudin Malaj dhe Shpresa Becaj.

Dosja  për lobimin në SHBA u pushua nga shkalla e parë, por Prokuroria ankimoi pushimin e cështjes për tre zyrtarët e PD-së, Bashën Ristanin e Dervishin.

Gjykata e Tiranës rrëzoi akuzat ndaj Bashës, Ristanit dhe Dervishit për falsifikim formularësh në çështjen e lobimit pasi nuk ekzistojnë prova. Në 41 faqe vendim të gjykatës së Tiranës thuhej se nuk ekziston fakti penal. Sipas hetimit gjyqësor ka rezultuar se PD s’ka pasur kontratë lobimi me kompaninë “Biniada Trade”.

LEXO EDHE:  Nga Afrim Krasniqi/Katër sinjale pozitive nga Kosova!

LEXO EDHE:  Nga Afrim Krasniqi/ Tani “demokracia“ nuk është shumë në modë

Kujtojmë se Fatmira Hajdari, është bashkëshortja e ish-deputetit të ndjerë të PD, Azem Hajdari, si edhe nëna e Rudina Hajdarit, deputetja e cila zgjodhi të dalë kundër urdhrit të kryedemokratit për djegien e mandatave dhe pranoi të kryesojë opozitën e re në parlament.

LEXO TE PLOTE

Politikë

Albin Kurtin në zyrën e Metës/ Zbardhen detaje nga takimi

Publikuar

-

Nga

Presidenti i Republikës Ilir Meta priti sot në një takim të përzemërt Kryeministrin e Republikës së Kosovës, Albin Kurti.

Pasi e uroi për marrjen e detyrës së lartë të Kryeministrit dhe për sa më shumë suksese në të mirë të Kosovës, të popullit të saj dhe të ardhmes sonë europiane, Presidenti Meta i tha Kryeministrit Kurti se:“Qeveria e tij i ka të gjitha mundësitë të jetë një shembull pozitiv i mirëqeverisjes në rajonin tonë”.

Kreu i Shtetit vlerësoi se marrëdhëniet mes Shqipërisë dhe Kosovës janë të shkëlqyera e vëllazërore.

“Bashkëpunimi midis dy vendeve konsiderohet strategjik, stabilizues për rajonin dhe orientues për perspektivën euroatlantike. Duhet të konkretizojmë Partneritetin Strategjik me Kosovën, duke e bërë atë një model dhe inkurajim për bashkëpunimin rajonal”, – tha Presidenti Meta.

Kreu i Shtetit dhe Kryeministri Kurti diskutuan rreth intensifikimit të bashkëpunimit ndërmjet dy vendeve, proceseve integruese të të dy vendeve në BE, si dhe zhvillimeve në rajon.

Presidenti Meta tha se Shqipëria mbështet dialogun Kosovë-Serbi, për normalizimin e marrëdhënieve mes dy vendeve.

LEXO EDHE:  Krasniqi: PD nuk e kaloi testin, ngeli në standardin e 2013

LEXO EDHE:  Afrim Krasniqi zbulon ditën e marrëveshjes/Parlamenti i dy paradokseve të mëdha!

“Në këtë kuadër, – tha Kreu i Shtetit, “janë të mirëpritura dhe përpjekjet e SHBA-ve dhe BE-së, për rifillimin e dialogut mes Republikës së Kosovës dhe Republikës së Serbisë”.

“Është e rëndësishme, – vijoi Presidenti Meta, “që të gjitha forcat politike të Kosovës të jenë të bashkuara rreth një platforme gjithëpërfshirëse në këtë proces”.
Presidenti Meta shprehu besimin e plotë se institucionet e Kosovës do të vijojnë të përfaqësojnë interesin më të mirë të Kosovës në dialogun me Serbinë.

Presidenti Meta inkurajoi gjithashtu bashkëpunimin e ngushtë me partnerët strategjikë, SHBA, Gjermaninë, Britaninë e Madhe dhe partnerët e tjerë, që kanë patur një rol vendimtar në pavarësinë e Kosovës./CNA.al

LEXO TE PLOTE