Connect with Us

U prodhua në 2019-ën/ Në Portin e Durrësit do të mbërrijë Krociera “Spirit of Discovery”

Lajme

U prodhua në 2019-ën/ Në Portin e Durrësit do të mbërrijë Krociera “Spirit of Discovery”

Publikuar

-

Për herë të parë në Portin e Durrësit do të mbërrijë Krociera M/V “Spirit of Discovery.
Krociera M/V “Spirit of Discovery ka këto të dhëna: Lundron nën flamurin e Britanisë së Bashkuar, është prodhuar në vitin 2019, ka një gjatësi prej 236.71 m dhe gjerësi 31.2 m, GT- 58199.

Pas diskutimeve dhe analizës, ndërmjet Kapitenerisë së Portit Durrës, Kompanive të Rimorkimit, Pilotimit, Ormexhimit dhe Agjensise Adetare, u lejua dhe u pranua Njoftimi i Mbërritjes së Krocerës M/V “Spirit of Discovery në daten 09,05,2020 në Portin e Durresit.

“Është risi për portin e Durrësit që vjen një kroçierë e cila është prodhuar vetëm përpara një viti.
Shqipëria nuk është pikë kalimi por është destinacioni turistik i turistëve të huaj”, thuhet në njoftimin e Drejtorisë së Përgjithshme detare./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Ndryshime në rang shefash/ Emërime të reja në Komisariatet e vendit

Publikuar

-

Nga

Kjo javë ka filluar me ndryshime në rang shefash në disa nga Komisariatet e vendit.

Mësohet se Nik Nikolla është emëruar shef i komisariati në Lezhë, Agron Kurti në Kukës dhe Arian Dumi në Tropojë.

Nikolla ishte shef i komisariatit të Tropojë dhe do të shkojë në Lezhë kurse Agron Kurti nga Lezha do të shkojë në Kukës./CNA.al

LEXO TE PLOTE

Lajme

Skandali-Lojrat e fatit vazhdojnë të jenë masive/ Shteti humbet miliona dollarë

Publikuar

-

Nga

Me një operacion Forca e Ligjit dhe më pas me një goditje ligjore, qeveria e Edi Ramës vendosi mbylljen e plotë të lojrave të fatit më 1 janar të 2019.

Në fakt ato ishin kthyer në një gangrenë për shoqërinë, i gjeje kudo, salla kazinosh në dyert e shkollave kompani bastesh që kishin hapur salla lojrash si kërpudha në çdo cep, një fenomen që ishte kthyer në një problem të madh për Shqipërinë. Pasoja kishte në shumë e shumë familje, pasi njerëzit kishin lënë dhe pasurinë në baste dhe në lojra fati. Kjo, për shumë arsye, një nga kryesoret abuzimi i vetë kompanive dhe e dyta mentaliteti dhe temperamenti i vetë lojtarëve.

Por çfarë ka ndodhur?

Me mbylljen e lojërave të fatit më 1 janar të 2019-ës u duk se gjithçka do të përfundonte dhe nuk do të luhej më me baste sportive por, policia gjatë vitit të kaluar ka raportuar me dhjetëra ngjarje dhe fundit ka qenë dje në Tiranë ku në ambiente të ndryshme janë konstatuar organizime të paligjshme të lojërave të fatit. Por, këto janë vetëm ato që konstaton policia pasi janë me qindra apo me mijëra të tjera që funksionojnë normalisht në të gjithë Shqipërinë.

Çfarë ka ndryshuar?

Në fakt ajo që ka ndryshuar është se nuk ka tabela, reklama, liçensa dhe lojë legale, nuk ka salla lojrash fati apo bastesh me drita në çdo cep të lagjes apo disa dhjetra hyrje në një bllok pallatesh, por bastet sportive vazhdojnë me një metodë më të avancuar. Në ambientet ku shihen ndeshjet, në klube apo salla të ndryshme, persona të caktuar, kryesisht banakierët apo vetë pronarët e lokaleve përdorin celularët e tyre apo tabletët për të vendosur baste për klientët. Pra ajo që ka ndryshuar është fakt se lojtarët vazhdojnë të luajnë, gjithçka ka kaluar në të zezë, bastexhinjtë janë më të kamufluar. Loja vazhdon, vetëm shteti nuk merr asnjë taksë.

Kuptohet numri i sallave dhe lojtarë  është ulur, nuk është aq masiv sa më parë, pra mbyllja ka dhënë një efeket, por nga ana tjetër edhe shteti ka humbur disa dhjetëra miliona euro që i merrte nga taksat direkte për bastet sportive dhe lojrat e fatit.

Si zhvillohet?

Janë disa platforma online që e zhvillojnë ende aktivitetin e basteve sportive përfshi dhe një pjesë të ish-kompanive të vjetra të cilat kanë gjetur një mënyrë kamuflimi, serverat e tyre vazhdojnë funksionojnë me llogari private, gjithçka bëhet me njerëz të besuar dhe shumë prej pikave të basteve që kanë qenë kanë ruajtur kontaktet dhe vazhdojnë të funksionojnë.

“Bastet vendosen në disa mënyra”, tha për CNA.al një burim nga krimi ekonomik në policinë e shtetit. Një nga mënyrat është vendosja me telefon, klientët kanë kontakt me personat që vendosin bastet, e dyta është në ambientet ku shihen ndeshjet dhe e treta është llogaria direkte, pra vetë personat që luajnë kanë aplikacione të servirura nga kompani të ndryshme me limit fondesh për lojë të parapaguar dhe rakordime sipas marrëveshjes. Ka me qindra e mijëra faqe të ndryshme në internet ku mund të luash baste, duke hapur edhe llogari personale.

Mënyra është mjaft e thjeshtë, ka faqe web në shqip, pra të njëjtat panele që kanë qenë edhe më parë, tashmë janë 100% dhe lehtësisht të aksesueshme për të luajtur. Ajo çfarë pretendon qeveria se ka mbyllur të gjitha akseset online është thjesht dhe vetëm një gënjeshtër.

Sot, interneti ofron milion e miliona mundësi. Kompanitë private kanë bërë dhe zhvendosje të serverave në Kosovë apo Maqedoni dhe më pas aktiviteti vazhdon normalisht në shumicën e qyteteve të Shqipërisë ku bastet vazhdojnë luhen. Në bazë të të dhënave zyrtare pretendohet se qeveria mbylli të pakten rreth 4 mijë pika bastesh legale dhe rreth 4 apo 5 mijë të tjera që dyshohet se ishin të paligjshme, pra afërsisht 9-10 mijë pika pastesh janë mbyllur në Shqipëri. Aktualisht dyshohet se gati 50% e tyre vazhdojnë aktivitetin, kur lejoheshin ishin gjysmat e sallave informale, sot pa ligj? Ende ska një shifër zyrtare por fakti është se bastet sportive vazhdojnë të ekzistojnë në mënyrë masive.

Mjafton të shikoje dje në rrjetet sociale në faqet e ndjekura me meme ku shikoje skedina pafund të vendosura të paktën për ndeshjet kryesore që ishin gjatë ditës së djeshme si Inter-Milan, Bayer me Leipzing apo ndeshja e Barcelonës me Betis dhe gjeje skedina e baste sportive pafund.

LEXO EDHE:  Sekuestrohen 500 kg kanabis/ 5 në pranga e 1 në kërkim

LEXO EDHE:  Nga Gjergj Bojaxhi/Veliera shkel të ardhmen, lashtësinë dhe ligjet

Qeveria pretendon se i ka mbyllur dhe në fakt sallat e lojërave të fatit janë mbyllur ato janë më të rralla ndoshta shumë shumë të rralla sepse fizikisht është më e vështirë për t’i fshehur ndërsa bastet sportive mund të vazhdojnë lehtësisht nga një telefon celular.

Humbja në buxhet

Pas një viti nga mbyllja e basteve dhe lojrave të fatit, buxheti i shtetit ka pësuar një humbje të menjëhershme me një mesatare prej mbi 60 milionë dollarësh në vit nga taksat direkte, që është shuma e arkëtuar nga tatimi i këtyre aktiviteteve në vitin 2017 dhe 2018.

Qeveria ka humbur miliona dollarë, nuk mund të thuhet se ndalimi me ligj nuk ka asnjë efekt, por nga ana tjetër, qeveria shqiptare jo vetëm e ka të pamundur ti elememinojë, por kushdo që të ndodhet në pushtet do ta ketë të pamundur mbylljen 100% të tyre, për sa kohë në vend ekzistojnë me mijëra lojtarë të cilët duan të luajnë ligjërisht dhe të argëtohen me baste sportive.

Ndoshta ka ardhur momenti që qeveria të ketë një qasje tjetër, pra një këndvështrim tjetër ndaj lojrave të fatit kryesisht ndaj basteve sportive, qofte edhe nga kazinove pasi ndodhet vetëm një sallë e vetme në gjithë Shqipërinë, tek kompleksi Taiwan. Ndoshta vendosja e standardeve me 5 yje, disa të tilla në vende turistike do të bënte që Shqipëria të kishte të ardhura të mira nga lojërat e fatit. Gjithashtu, dhe hapja e sallave të basteve sportive të kontrolluara me numra të limituar, ndoshta do të jepte më shumë zgjdhje informalitetit.

Nuk do të kishim bastexhinj dhe ushtrim të aktivitetit në të zezë çka mund të sjellë dhe pasoja jo vetëm poër ata që e ushtrojnë aktivitetin por dhe për ata që luajnë sepse gjithça është në të zezë dhe jo ligjore.
Nga ana tjetër shteti do të merrte më shumë të ardhura, më shumë investime në buxhet të cilat mund t’i kanalizonte të gjitha në një fushë të caktuar ndoshta si arsimi apo shëndetësia.

Edhe një herë, ashtu siç përmendëm më lart, sot aktiviteti ushtrohet, ka paligjshmëri, ka një ulje në fakt të numrit të atyre që kanë luajtur por dhe shteti nuk merr asgjë nga e gjithë ai numër i madh lojtarësh të pandalshëm që ndoshta në Shqipëri është me dhjetëra mijë.

Ne nuk jemi tek fakti që të lojrat e fatit të kthehen siç ishin, pasi ajo situatë ishte një kaos alla shqiptar, por duhett’i marrë këto dhjetëra milionë dollarë që humb çdo vit duke zhdukur informalitetin, pasi edhe pse thuhet se ato janë mbyllur ato vazhdojnë, e në këtë rast ai që humb është vetëm shteti. Dhe 60 milionë dollarë janë vetëm taksat direkte, po të punësuarit? Po sigurimet shoqërore dhe shëndetësore? Qeratë e objekteve etj etj. Janë qindra milionë dollarë të humbura në një vit në buxhetin e shtetit, dhe të gjitha ikin në të zezë.

CNA. al ka mundur te verifikojë dje me disa nga korespondentët e saj se në Fier , Korçë, Vlorë, Elbasan dhe Tiranë se ka me dhjetëra ambiente ku vazhdojnë të vendosen baste sportive. Shteti nuk mund të lejoj të humbin qindra milionë dollarë në vit por, duhet të vendose rregulla të forta të kontrollojë tregun dhe në asnjë rast nuk mund të frenojë dëshirën e njerëzve për të luajtur.

Kjo nuk ndodh në asnjë vend të Europës Perëndimore, nuk janë ndaluar me ligj por janë të kontrolluara me ligj. Paratë informale dhe tregu i zi gjithmonë furnizon krimin, prandaj dhe këto para që mund të jenë disa qindra milionë dollarë në qarkullim, nuk mund të lejohen të qarkullojnë në të zezë. Duhet të jenë të kontrolluara, si hynë dhe dalin në llogari, kush luan, si luan dhe shumën që fiton. Koha po tregon që duhet të rihapen me rregulla të qarta e kontroll të fortë ligjor, ndoshta me monopol shtetëror, situata aktuale është fakt, shteti nuk mund të fshihet pas gishtit dhe propagandës. Lojrat e fatit dhe bastet duhet të lejohen por të jenë të kontrrolluara dhe të kenë standarte. /CNA.al

LEXO TE PLOTE

Lajme

Korça e rrezikuar nga ndërtimi i një TEC-i/ Kërkohet rikthimi i projektit që do helmonte qytetin

Publikuar

-

Nga

Një vit më parë në Korçë filloi një betejë kundër ndërtimit të TEC-it 500 megavat i cili do të kishte një distancë jo të largët nga qyteti, një investim që pritej të ishte një bashkëpunim i privatit me investime të huaja dhe që do të ndërtohej në Zëmblak për të prodhuar energji elektrike nga rrjeti i gazit të TAP dhe kryesisht për ta shitur atë drejt Greqisë.

Në atë kohë, TEC-i u kundërshtua ashpër por mesa duket hijenat dhe horrat që nuk e shohin dot Korçën ashtu siç është dhe janë riaktivizuar për të nxitur një mbështetje qytetare pro TEC-it.
Në fakt reagimi ka qenë mjaft i ashpër, saqë në atë kohë qeveria u tërhoq, bashkia doli hapur këtij projekti. Kujtojmë se kryebashkiaku në detyrë i Korçës, Sotiraq Filo tha se ai projekt nuk kishte të bënte asgjë me qytetin pasi investitorët e TEC-it nuk kishin pranuar kushtet e bashkisë. Pra, të garantoheshe investimi në infrastukturën e ngrohjes së qytetit, TEC-i të ndërtohej vetëm në rastin kur do t’i jepej ngrohja qytetit, apo ngrohje falas për shkollat, kopshtet dhe çerdhet.

Më tej akoma duke garantuar ndotjen që do të shkaktonte, investime në mjedis e të tjera si këto. Të gjitha ishin hedhur poshtë nga investitorët dhe bashkia e kishte refuzuar projektin. Tani pas gati një viti disa hijena të vogla që livadhisin në Korçë, të paguar mirë po vërsulen me idenë e TEC-it për të dhënë argumentin se duhet zgjidhje për ngrohjen e qytetit sepse ndotet shumë Korça nga ngrohja me dru dhe ajo nuk është ekologjike dhe nuk është ekonomike.

Gjithashtu sillen dhe argumenta se në qendër të Europës në Vjenë në qytetet e Gjermanisë, Austirsë, Zvicrës ka me dhjetëra TEC-e me fuqi të mëdha të cilat ngrohin qytetet.
Në fakt, të gjitha janë gënjeshtra dhe vetëm gënjeshtra.

Së pari në lidhje me TEC-et që janë në Europë ka një argument: emetimet e gazrave janë të kontrolluara dhe bëhet fjalë për shtete standard të BE-së, jo për Shqipërinë ku njerëzit hanë ushqime të skaduara dhe ilaçe të skaduara që u jepen të sëmurëve. Apo pa folur pastaj për shkollat që ndërtohen dhe u bien suvatë e zënë nxënësit brenda apo pallatet që nga disa lëkundje tërmeti u shkatërruan dhe vranë mbi 50 qyetetarë. Pra standardi i Shqipërisë është nën nivelin zero dhe një TEC i tillë do të ishtë një krim për Korçën pasi nuk ka asnjë garanci se ai kontrollohet dhe ka standardet e TEC-eve të Bashkimit Europian. Pikërisht ky është një nga problemet më kryesore, së dyti në lidhje me ngrohjen e Korçes me sobat me dru, dikur Korça ka pasur një TEC, që e ndotte qytetin por ishte një TEC me qymyr.

Sot ashtu si dhe dje shumica e shtëpive të vjetra korçare ngrohen me soba me dru, një pjesë tjetë e pallateve kanë ngrohje me kaldaja me naftë apo me gaz e të tjera si këto. Për Korçën, zgjidhja do të ishte që shteti të suvenciononte impiantet e ngrohjes ose siç ka ndodhur në Greqi dhe vendet e tjera të Europës ku jepet naftë apo një lëndë djegëse me kosto të ulët. Aktualisht Shqipëria ka një nga çmimet më të ulëta të gazit në Europë, që për ngrohje do të ishte mjaft i mirë, por kurrësesi nga TEC-et me 500 megavat por me kaldaja në pallatë si investime këto të suvencionuara nga shteti që do të ndihmonin së tepërmi për të ulur atë pjesë që pretendohet të qytetit që ndotet nga zjarri dhe ngrohja me dru.

LEXO EDHE:  Vijojnë hetimet për tërmetin/ Janë mbledhur dosjet e pallateve në Durrës

LEXO EDHE:  Foto Faktet- Basha në pikiatë!/Tre qytetet që iu bashkuan Patozit

Prandaj, horrat dhe sharlatanët e oazit të Korçës, duke i ditur këto argument dhe kundërargumenta, tani kanë filluar ta riaktivizojnë çështjen e TEC-it me idenë se do të kemi një TEC që do na zgjidhë përfundimisht ngrohjen e Korçës. Kanë hall ngrohjen e Korçës ata që nuk e dinë përse janë në Korçë dhe çfarë bëjnë në Korçë, kush janë dhe çfarë përfaqësojnë në Korçë.

Kanë filluar një propagandë të shfrenuar në mbrojtje të një TEC-i si të ishin vetë investitorët. As firma vetë e cila kërkonte të ndërtonte TEC-in nuk e bëri atë propagandë, por mblodhi nja 10 veta në një hotel dhe u fsheh në një zyrë pa adresë në Pogradec, as në Korçë nuk shkoi dot. Ndërsa sot horrat po dalin hapur në mbrojtje të një TEC-i i cili nuk ka asnjë garanci dhe nuk është asnjë histori suksesi për Korçën. Kjo është e sigurt sepse nuk mund të sigurojë emetime që nuk ndotin ambientin pa folur më tej për kritikat që kanë pasur të gjithë ambientalistët në lidhje me ngrohjen e ujërave nëntokësorë, pa folur për ndotjen e ajërit nga shkarkimet.

TEC-in çuditërisht po e kërkojnë edhe disa që dje e kanë kundërshtuar, disa që dje kanë folur ashpër kundër tij dhe duke u sjellë si vemje politike shfaqen me mendimin se duhet në të mirë të qytetit të Korçës, se duhet të zgjdhim çështjen e ngrohjes. Në fakt, nuk është asgjë tjetër, është loja e radhës për të riaktivizuar një projekt vrasës që do të zhdukte përfundimisht imazhin e qytetit turistik të Korçës e në vend që qytetarët të shkonin për borën e për atë erën e oxhaqeve me tym druri do të shkonin të thithnin erën e emetimeve të gazit që do të qelbet fushën e Korçës.

Prandaj aventurierët duhet të thonë stop dhe korçarët duhet të thonë “ndalu beg se ka hendek”. Disa aventurierë nuk mund t’i vënë flakën Korçës, disa të çmendur të cilët nuk dinë nga vijnë dhe nuk dinë nga shkojnë , u zihen sytë sapo zarfi u shkon nën dorë dhe janë të gatshëm të bëjnë gjithçka. Palaçot janë në publik, tashmë janë dalë hapur, por le të mos harrojnë se përtej tyre në Korçë ka dhe qytetarë.
Ideja e TEC-it vdiq por jetojnë horrat që e duan edhe të vdekur./CNA.al

TEC-i vrasës në Korçë/ Qytetarët kundër projektit

Ekskluzive-Klosi hedh në kosh TEC-in e Korçës/ Nuk firmos ndikimin në mjedis

Pas Klosit zbulohet letra e kryebashkiakut të Korçës për Ballukun/ Jo TEC në Korçë

 

LEXO TE PLOTE