Connect with Us

U gjet i vdekur në burgun francez/ Tronditin familjarët e Mentor Rexhës: E kanë nxirë e dërrmuar

Kronika

U gjet i vdekur në burgun francez/ Tronditin familjarët e Mentor Rexhës: E kanë nxirë e dërrmuar

Publikuar

-

Mentor Rexha është i riu që u gjet disa ditë më parë i pajetë në një burg të Francës dhe që autoritetet e këtij shteti deklaruan se është vetëvrarë.

Por familjarët e të riut nga Lezha që banonte prej vitesh në Shkodër, ngrenë akuza se këtu fshihet diçka më e madhe, pasi deklarojnë se djali i tyre ka shenja dhune në trup.

Ata pretendojnë se 36-vjeçari është vrarë nga persona të tjerë. Në familjen e Mentor Rexhës janë hapur dyert e mortit, ndërsa nëna e viktimës, Rukine Rexha i ka bërë apel publik  shtetit për zbardhjen e ngajrjes.

“Djalin ma kanë mbytur dhe haber s’na kanë sjellë. S’kemi marrë asnjë lloj lajmi. Djali  im nuk është varur, por e kanë mbytur. Është me shenja dhe e ka verifikuar motra e vet dhe e ka gjetur të shtypur dhe të vrarë. Lajmin e kemi marrë vesh shumë vonë, kur na ka lajmëruar shoku i vet që ka hëngër bukë me të. Kishte një vit, ka shkuar në Francë për një jetë më të mirë. Dyshohet se kishte djeg makinat, e kanë arrestuar kur po fliste me vëllanë e vet. S’është e vërtetë që  ka vrarë veten, kishte 6 muaj në burg. Nuk ka pasur asnjë lloj shqetësimi. Javën e kaluar ka folur me vëllanë. Kërkoj të drejtën e djalit tim, i lutem ministrit dhe kryeministrit që nëse kanë fëmijë, të ma sjellin djalin në shtëpi. Të bëjnë çmos se djalin ma kanë mbytur. E kanë bërë me zor me firmosur vajzën, por s’ka pranuar. E kanë nxirë, e kanë dërrmuar. Nuk është e vërtetë që djali im është vrarë. Ka shenja dhune. I lutem shumë që të ma sjellin djalin te shtëpia”, thotë ajo.

Ndërkohë djali i xhaxhait Selaudin Rexha, deklaron se Ambasada shqiptare në Francë nuk i është përgjigjur.

LEXO EDHE:  Nis “furtuna” kundër Balilit/Në polici djali, vëllezërit e nipat e “Eskobarit” të drogës

“Ambasada shqiptare në Francë nuk na është përgjigjur, por na është shprehur në mënyrë absurde kur i kemi kërkuar ndihmë dhe të gjitha veprimet janë duke i kryer vëllai i viktimës me të motrën e tij. Akuzat ndaj kushëririt tim janë të pavërteta. Ky është rasti i 5 i shqiptarëve që vriten në burg dhe dy janë nga Shkodra ndërkohë që shteti hesht, ndërkohë që po të ishin nga ndonjë shtet tjetër reagimi do ishte i madh”, shprehet Selaudini./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

OFL kalon në “sitë” dy të dënuar jashtë shtetit/ Agjentja bjonde me syze thirrje publike

Publikuar

-

Nga

Operacioni Forca e Ligjit u ka nisur sot dy personave të tjerë kërkesat me shkrim për vetëdeklarimin e burimeve të pasurisë.

Lajmin e ka bërë të ditur agjentja bjonde me kapele dhe syze të errëta e OFL, gjatë një deklarate për shtyp.

Ajo deklaroi se në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka dorëzuar formularin për plotësim shtetasve me iniciale A. K., banues në Durrës, i dënuar në Gjermani për vepra penale në fushën e narkotikëve dhe B. P., banues në Koplik, Shkodër, i dënuar në Belgjikë për trafik të qenieve njerëzore;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

LEXO EDHE:  Shokon Kryemadhi/ “Të hetohen të vdekurit”

LEXO EDHE:  Familjarët e dy policëve të zhdukur dyshojnë se trupat nuk ishin në veturë

Më pas, përgjigjet e marra do t’i dërgohen SPAK-ut, i cili brenda jo më shumë se 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit dhe në jo më shumë se 6 muaj Gjykata Speciale duhet të vendosë për konfiskimin përfundimtar të tyre.

Theksojmë se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar të gjithë pranë OFL-së./ CNA.al

LEXO TE PLOTE

Kronika

Tentoi të hynte me forcë në selinë e PS me armë në dorë/ Detaje nga shoqërimi i Gjutës

Publikuar

-

Nga

Dalin detajet e para nga shoqërimi i Vladimir Gjutës në selinë e  PS-së.

Mësohet se Gjuta kishte tentuar të hynte me forcë brenda selisë në momentin që kryeministri Edi Rama po mbante një mbledhje me kryesinë e PS-së.

Ai ishte i pajisur me një armë tip pistoletë, të cilën e kishte të mbushur dhe gati për të qëlluar.

Fatmirësisht garda ka ndërhyrë menjëherë duke shmangur kështu një tragjedi të mundshme dhe më pas e kanë dorëzuar Gjutën te blutë, sapo këta të fundit kanë mbërritur në seli.

Ngjarja ende nuk është konfirmuar nga policia, ndërsa pritet një njoftim zyrtar.

LEXO EDHE:  Familjarët e turqve të deportuar nga Kosova i drejtohen Gjykatës Kushtetuese

LEXO EDHE:  “Kriminela, vrasës”/ Familjarët e 25-vjeçares protestë para gjykatës

Kujtojmë se Vladimir Gjuta është një emër i njohur për policinë, duke qenë se vetëm 5 ditë më parë u lirua nga burgu, pasi akuzohej se kishte rrahur me çekiç kushëririn e tij, të cilit i kishte thyer dhëmbët dhe i kishte dëmtuar njërin sy. Personi që ishte dhunuar nga Gjuta, u tërhoq nga ankimi dhe prokuroria kërkoi revokimin e masës, ndërsa gjykata vendosi që ta lërë të lirë.

Kujtojmë se Vladimir Gjuta është arrestuar edhe me herët si autor i vendosjes së tritolit tek farmacia e babait të ish-ministrit të Brendshëm, Saimir Tahiri./ CNA.al

LEXO TE PLOTE

Kronika

Me pistoletë gati për të qëlluar/ Ndalohet pranë selisë së PS Vladimir Gjuta

Publikuar

-

Nga

Vladimir Gjuta i cili u lirua nga burgu pesë ditë më parë, është shoqëruar sërish në polici.

Mësohet se shoqërimi i Gjutës është bërë pranë selisë së PS në Tiranë, pasi është kostatuar se ai mbante me vete një armë të tipit pistoletë, gati për të qëlluar.

Fatmirësisht kanë ndërhyrë në kohë trupat e gardës së selisë, të cilët më pas ia kanë dorëzuar policisë.

Ngjarja ka ndodhur pak pasi përfundoi mbledhja e grupit të PS-së, e cila kishte filluar që prej mëngjesit të sotëm, ku u diskutua edhe ristrukturimi i strukturave të kësaj partie.

LEXO EDHE:  Shokon Kryemadhi/ “Të hetohen të vdekurit”

LEXO EDHE:  Familjarët e dy policëve të zhdukur dyshojnë se trupat nuk ishin në veturë

Ndërkohë Gjuta ka vetëm 5 ditë që la qelinë, pasi akuzohej se kishte rrahur me çekiç kushëririn e tij, duke i thyer dhëmbët dhe duke i dëmtuar njërin sy. Personi që ishte dhunuar nga Gjuta, u tërhoq nga ankimi dhe prokuroria kërkoi revokimin e masës, ndërsa gjykata vendosi që ta lërë të lirë.

Kujtojmë se Vladimir Gjuta është arrestuar edhe me herët si autor i vendosjes së tritolit tek farmacia e babait të ish-ministrit të Brendshëm, Saimir Tahiri./ CNA.al

LEXO TE PLOTE