Connect with Us

“Rusët po vijnë vërdallë”/ Myslim Murrizi bën denoncimin e fortë: Qeveria po bën pazare nafte

Politikë

“Rusët po vijnë vërdallë”/ Myslim Murrizi bën denoncimin e fortë: Qeveria po bën pazare nafte

Publikuar

-

murrizi sulmo qeverine

Deputeti, Myslim Murrizi, ka reaguar në lidhje më protestën e më shumë se 850 punëtorëve naftëtarë të rafinerisë së Ballshit.

Në një deklaratë për mediat, Murrizi u shpreh se mbi 1 milion ton naftë ikën jashtë vendit tonë, por prej 12 vitesh kompania që merr energjinë nëntokësore shqiptare nuk paguan asnjë lek fitimi në arkën e shtetit.

Sipas tij, askush nuk flet për to, pasi qeveritarët po ndajnë pazaret në pjesën e naftës.

“Ndodhem sot para jush si deputet i qarkut të Fierit, për të denoncuar heshtjen e qeverisë prej muajsh për 850 punonjës të rafinerisë së Ballashit të cilët janë katër muaj pa paga dhe dy muaj në protestë.
Protesta e tyre është në vesh të shurdhër sepse qeveria është e kapur nga korrupsioni dhe askush nuk flet për 100 familje që vuajnë për kafshatën e bukës.

Disa herë punonjësit e rafinerisë së Ballshit, jo vetëm sot por prej vitit 2008, janë denigruar dhe diskredituar nga qeveritë sepse zyrtarë të ndryshëm dhe politikanë të mazhorancave respektive ndajnë pazarë me pjesën e naftës dhe me “Banker Petroleum”.

Mbi 1 milion ton naftë në Shqipëri ikën jashtë vendit tonë. Prej 12 vitesh kompania që merr energjinë nëntokësore shqiptare nuk paguan asnjë lek fitimi në arkën e shtetit.
E çuditshmja është që nafta ikën në tregjet e botës me një çmim 15 euro më lirë sesa në vend dhe 815 punonjës të rafinerisë së Ballshit janë pothuajse të flakur në rrugë prej vitit 2008 kur është privatizuar Alpetroli.

Si deputet i qarkut Fier i jam drejtuar dy herë me shkresë zyrtare Autoritetit të Konkurrencës, autoritet i cili duhet të ndërhyjë në raste të tilla për të vetmin rast që autoriteti ka marrë 6 vendime dhe nuk ka zbatuar asnjë vendim të tij. Ky është rasti abuziv i mosndërhyrjes në rastin e shkeljes flagrante të konkurrencës të kompanisë “Bankers Petroleum”, kontratës që ka me rafinerinë Ballsh për të mos u flakur në rrugë këta punonjës dhe që kjo naftë shitet në Shqipëri me çmim më të lirë sesa vjen nga importi.
100 milion euro është gjobitur kompania “Bankers Petroleum” nga Drejtoria e Përgjithshme e Doganës për mospagesë akcize.

LEXO EDHE:  Valbona Mezini nxjerr në shesh "të palarat"/ Pazaret Rama-Basha

Në datë 31 maj 2019, edhe sot e kësaj dite, s’ka paguar asjë lek sepse në mënyrë arbitrare nga Ministrja e Financave, e urdhëruar nga kapoja që është i kyçur në kullën e kryeministrisë që urdhëron dhe zonjën Juljana Latifi, kryetare e Autoritetit të Konkurencës, nuk është realizuar, dhe nuk është ekzekutuar vendimi i Drejtorisë së Përgjithshme të Doganës.

Ju bëj thirrje deputetëve të qarkut Fier të Partisë Socialiste, të cilët sa herë që kanë patur nevojë për vota ja kanë premtuar, që uzina do të ndizet. Kryeministrit, kryetarit të Kuvendit, që është deputet i qarkut Fier, Zv.kryeministrit, dhe të gjithë deputetëve të qarkut Fier që nuk kanë gisht tek aferat korruptive që luhen në kurriz të familjeve të Mallakastrës, Patosit dhe Roskovecit dhe të 1 milion e kusur ton naftë pasuri kombëtare të Republikës së Shqipërisë që të ngrihen dhe të reagojnë për një të drejtë legjitime të këtyre punëtorëve që çdo ditë protestojnë sa para Prefekturës, aq edhe në uzinën e rafinerisë së Ballshit.

Gjashtë vendimet e Autoritetit të Konkurrencës dhe përgjigja përfundimtare që më drejtohet mua zonja Juljana Latifi është që në të gjithë vendimet, autoriteti merr vendim që “Bankersi…”, mbi 80% të xhiros vjetore dhe 5% të xhiros ditore nëse nuk zbatohet kontrata. Deri më sot asnjë vendim i ekzektutivit, asnjë lek i futur në arkën e shtetit.

Kohët e fundit kam vënë re një propagandë demagogjike edhe nga qeveria edhe nga suflerët e saj, që  kane hap krahët për investitorët amerikan në Shqipëri.
Kam parë selfie me Ambasadoren e re të ardhur, por realisht është prezente prej 30 vitësh post komunizëm, vëmë re është që naftën, minierat, aeroportin e kanë kinezët.

BKT, Telekomin, hidrocentralet , Kurumin por edhe portin e Durrësit dhe aeroportin imagjinar të Vlorës e kanë turqit.

Rusët po vijnë vërdallë për vendburimin e naftës.
Skanerin e doganës, SKS-në, aleatëtin që bën pashaporta, embarkimin e naftës, kasat fiskale, dheck up-in e famshëm , sterilizimin e paisjeve kirurgjikale, PPP-të, dhe çdo tendër që ka miliona euro i kanë tufa solidare e hajdutëve të politikës shqiptare. Amerikanët nuk i shof gjëkund, në asnjë cep të ekonomisë shqiptare.”/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Më tha Rama të hëngsha shaminë”/ Gjuzi shpjegohet pas përjashtimit nga Kuvendi

Publikuar

-

Nga

“Më tha Rama të hëngsha shaminë”/ Gjuzi shpjegohet pas përjashtimit nga Kuvendi

Deputeti Kujtim Gjuzi ka qenë i ftuar mbrëmjen e sotme në emision “360 gradë” në Ora news, ku ka sqarur dhe përjashtimin e tij nga Kuvendi me 26 qershor, pas debateve me Ramën dhe deputetët e tjerë.

Gjuzi tha se e dënuan pasi i tha Rama në mes të Kuvendit që të hëngsha shaminë.

“Rama ka 78 vota. Nëse vjedh, intimidon dhe blen 6 vota të tjera, kjo është përgjegjësi e Ramës që do ta çojë aty ku nuk i shkon mendja.

LEXO EDHE:  “Boshatiset” parlamenti/ Rama dhe Basha mbeten me “gisht në gojë”

LEXO EDHE:  Murrizi drejton seancën për herë të parë/ Batuta në Kuvend

I kam thënë Ruçit që nuk të takon të rrish aty dhe më ka dënuar. Më kërkoi 10 ditë dënim, por i shkoi një diplomate dhe 4 ditë la.

Më tha Rama në mes të Kuvendit që të hëngsha shaminë. Prandaj më dënuan.”/CNA.al

 

LEXO TE PLOTE

Politikë

Bushati për rrugën me pagesë Milot-Fier/ “Kujt i duket shtrenjtë, t’i bjerë nga rruga tjetër”

Publikuar

-

Nga

Bushati për rrugën me pagesë Milot-Fier/ "Kujt i duket shtrenjtë, t'i bjerë nga rruga tjetër"

Deputeti socialist, Ervin Bushati, thotë se kujtdo që tarifa e 7.5 euro e rrugës Milot-Fier i duket e shtrenjtë, atëherë të përdorë rrugën aktuale. Këtë deklaratë Bushati e bëri në studion e “Ora News”.

“Ne kemi disa lloj mundësish si mund ti ndërtojmë këto rrugë, njëra është të rrisim borxhin dhe limitet i kemi të kufizuara aq më tepër që tani duhet të marrim borxh për të ringritur ekonominë, ose të rrisim taksat që ne nuk duam ta bëjmë, ose të bëjmë që ai që e përdor më shumë ta paguajë. Patjetër që do të ketë rrugë alternative. Ata që duan të arrijnë më shpejt do të mund të kenë një vlerë të shtuar. Nëse mendojnë se është e shtrenjtë rruga, mund të përdorin rrugën që është sot”, tha Bushati.

Projekti është kundërshtuar nga opozita, e cila akuzon se vlera e investimit është 11 herë më e lartë nga realja.  Në shtator të këtij viti Ministria e Infrastrukturës do të hapë ofertat që kompanitë do të paraqesin për ndërtimin e autostradës Milot-Fier.

LEXO EDHE:  Valbona Mezini nxjerr në shesh “të palarat”/ Pazaret Rama-Basha

LEXO EDHE:  Murrizi drejton seancën për herë të parë/ Batuta në Kuvend

Ky aks propozohet të jepet me një koncesion prej 35 vitesh. Në të dhënat e qeverisë parashikohet dhe fluksi i automjeteve që do të qarkullojnë, por nëse kjo nuk arrihet fituesi do të ketë garancinë e shtetit për të mbuluar humbjet në gjysmën e parë të kontratës.

Më konkretisht në materialin zyrtar parashikohet një fond prëj 121 milionë euro që do të jepet për koncesionarin për 17 vitet e para duke nisur prej vitit 2024 deri në vitin 2040.  Të  ardhurat bazë në këtë periudhë janë parashikuar të jenë  1.7 miliardë euro. /CNA.al

 

LEXO TE PLOTE

Politikë

Kapja e “peshqve të mëdhenj”?! Yuri Kim: Reforma në drejtësi duhet të tregojë rezultate!

Publikuar

-

Nga

Kapja e “peshqve të mëdhenj”?! Yuri Kim: Reforma në drejtësi duhet të tregojë rezultate!

Ambasadorja e Shteteve të Bashkuara të Amerikës, Yuri Kim thotë se Reforma në Drejtësi duhet të tregojë rezultate.

Teksa u pyet nga gazetari Sokol Balla në lidhje me çështjen e shumëpërfolur për arrestimin e të ashtuquajturve ‘peshqit e mëdhenj’, Kim u tregua e rezervuar, ndërsa dha mesazhin e qartë që kjo reformë duhet të vijojë përpara.

Ajo theksoi ndër të tjera se Shtetet e Bashkuara të Amerikës do ta mbështesë Shqipërisë, por në fund të ditës i takon vendit të vendosë për veten.

Ambasadorja Kim: Mendoj që nëse e doni dhe luftoni për të, dhe i kushtoni pak kohë dhe përpjekje, po, e besoj. Mendoj që ajo që nuk ka për të ndodhur është një proces i menjëhershëm. Nuk ndodh. Nuk është që papritur, do keni një sistem gjykatash 100% të përsosur. Nëse prisni këtë, do të zhgënjeheni. Ajo që do të ndodhë është që do të shihni përparim, pastaj do të shihni diçka të tmerrshme, pastaj përparim përsëri. Siç e thashë, është si të shohësh baticën dhe zbaticën. Nuk është një proces i thjeshtë, i qartë linear.

LEXO EDHE:  Murrizi i del në mbrojtje Malajt/ Në Kuvend ka njerëz që marrin dyfishin e rrogës

LEXO EDHE:  Kërkesa për shkarkimin e saj nga 'Zgjedhorja'/ S'jam kundër zëvendësimit! S'luftoj për kolltuqe

Sokol Balla: Teksa jemi në ujëra, le të flasim për peshqit, peshqit e mëdhenj. Po presim që të kapen, por ju sugjeroni që të presim?

Ambasadorja Kim: Mendoj që ju …

Sokol Balla: E dini për çfarë e kam fjalën, apo jo? Peshqit e mëdhenj?
Ambasadorja Kim: E dini, sapo kam arritur gjashtë muaj më parë dhe e di cila është puna ime. Dhe siç ju kam thenë, dhe mendoj se populli shqiptar e di këtë, unë jam njeri shumë praktik. Dhe ajo që kam thënë është që reforma në drejtësi duhet të vazhdojë, duhet të këmbëngulim, dhe reforma në drejtësi duhet të tregojë rezultate. Nuk jam sistemi gjyqësor.

LEXO TE PLOTE