Connect with Us

Nga Luçiano Boçi/ Vrasja e mësuesit

Opinione

Nga Luçiano Boçi/ Vrasja e mësuesit

Publikuar

-

Mësuesit e shkollës në Krahës të Tepelenës, humbën jetën rrugës së kthimit, pas ndarjes me nxënësit e tyre. Ngjarja e rëndë tronditi familjarët, por dhe kolegët e fëmijët e shkollës. Ata ishin në krye të detyrës fisnike. Pas hutimit të parë prej dhimbjes, prita që dikush të reagonte. Prita se mos Besa qëllonte fjalët e duhura, se mos përmendte ndonjë vlerësim për ta, për punën e tyre plot mund e sakrifica, të shoqëruar me një mea culpa për lënien e kujdesit ndaj tyre krejt pas dore, për shkak të korrupsionit dhe të paaftësisë, por kjo nuk ndodhi.

Dhe tani që po hedh këto rreshta postimi i saj i fundit në FCB, është një foto e qeshur në një takim që gjithkush do ta kishte zili, i bërë të premten në 18.03, vetëm pak orë pasi kishte ndodhur tragjedia. Ironikisht, Ministrja na ishte “hapur” para ambasadores së sapoardhur të SHBA-së për të ashtuquajturat reforma madhështore në arsim, që vetëm atë ditë, për shkak të mënyrës skandaloze dhe përçmuese të trajtimit të mësuesve, kishin sjellë për pasojë vdekjen e dy mësuesve dhe plagosjen e dy të tjerëve. Nuk e di nëse këtë tragjedi e ka ndarë si ngushëllim me ambasadoren, por fotot e postuara pak të bindin ose më mirë aspak.

Shpresova mos Rama, që e mban veten për fjalaman dhe Kryeministër që “vdes” për mësuesit, do kishte shkruar dy gisht status për vdekjen e tyre tragjike për shkaqe shtetërore. Por dhe tek ai asnjë fjalë për dy “heronjtë”, se për mua janë të tillë. Postimet e fundit ishin për një depo farmaceutike me kokë të kuqe dhe një copë pamje nga një zonë në Vlorë me një ndërtesë krejt e ngjyer në rozë e vetëm kaq. Por nuk kishte harruar ndërkohë që në cover të vendoste një foto të tij të përzgjedhur me disa fëmijë dhe mbi të sloganin “TiNukDoJeshKurrëVetëm”. Cinike. Po nxënësit e mësuesve të vrarë nga babëzia e pushtetit pse janë lënë vetëm në humbjen e tyre?  Po familjarët e kolegët pse u lanë vetëm në dhimbjen e pamatë dhe u braktisën? Pse Rama dhe Besa nuk kanë asnjë fjalë për përgjegjësinë e tyre në këtë tragjedi?

Përkundër kësaj kudo kanë vendosur dhe balsamosur heshtjen, sipas parimit shpëtues heshtja është flori. Heshtje për mësuesit që lanë me kokën pas familjarët dhe nxënësit e tyre. Një heshtje varri për humbjen e dy mësuesve, apostuj të dijes dhe të dritës. Një heshtje e cila kërkon të fshehë gjurmët e një krimi dhe tragjedie që implikon drejtpërdrejtë ata vetë, fajtorët që fshihen pas buzëqeshjeve të stisura dhe propagandës marramendëse. Një heshtje që është në vazhdën logjike të gjitha vrasjeve që i janë bërë mësuesve përgjatë këtyre viteve. Ditë për ditë. Vendim pas vendimi.

Humbja e jetës së dy mësuesve në aksidentin tragjik dhe plagosja e dy të tjerëve, sado të hyjë tek rastësitë aksidentale, nuk është aspak e tillë. Ngjarja është një skenë krimi qeveritare e paralajmëruar më parë. Mësuesve jua mori jetën jo fati i keq apo i mbrapshtë. Ishte papërgjegjshmëria, neglizhenca dhe babëzia e zyrave shtetërore që fillojnë nga Kryeministri, vazhdojnë me ministren e Bashkinë e mbarojnë me Zyrat arsimore.

LEXO EDHE:  Emrat-Milionerët e Qeverisë/ Qytetarët të zhvatur dhe në varfëri

Atë ditë mësuesit që nxitonin të arrinin nxënësit e tyre në klasën e mijëra ëndrrave, sikurse çdo ditë tjetër, duhet të ishin në autobusin, apo mjetin e vënë në dispozicion për to dhe për nxënësit. Por ka kohë që për to s’pyet askush. Jo vetëm në Tepelenë, por kudo në Shqipëri. Prandaj ajo është një vrasje. Një vrasje shtetërore e parandjekur nga dhjetëra vrasje të përditshme që i janë bërë mësuesit përgjatë këtyre viteve. Sikur-et e shumta që shoqërojnë mendimet e dhimbjen e të afërmeve, kolegëve dhe nxënësve përmbyllen vetëm me një sikur. Sikur përkujdesi për transportin e tyre të ishte realizuar ngjarja nuk do kishte ndodhur dhe vrasja do ishte shmangur.

Ndërsa ajo jo vetëm nuk u shmang, por u pasua dhe nga një vrasje tjetër me heshtjen e varrtë të Ramës e Besës. Dhe këta nuk bënë asgjë tjetër veçse vazhduan vrasjet e seriale pa iu dridhur as zëri dhe as dora duke na shndërruar në një shoqëri që kemi vrarë mësuesin. Rama dhe Besa janë duke pritur 7 Marsin që nuk është larg, ku secili prej tyre do bëjë garën e fjalëve prekëse e dashurore, por ama në sytë e publikut tashmë të gjykuar dhe të parë si vrasës që lavdërojnë viktimën e vet, mësuesin. Mësuesi është vrarë që kur misionin e tyre fisnik Rama, Lindita e Besa, e shndërruan në një shërbesë banale politike me pahir.

Mësuesi është vrarë që kur profesionin e tij mësimdhënës e shndërruan në profesion letrashkruesish. Mësuesi është vrarë që kur është braktisur nga ata në mëshirën e fatit e profesionit të vet, i lënë mes katër rrugëve pa dalje dhe siguri për të nesërmen.

Mësuesi është vrarë që kur ai denigrohet, shkelet me këmbë, përçmohet nga komisarët politikë që kanë uzurpuar drejtimin e institucioneve arsimore.

Mësuesi është vrarë që kur vlerësimi financiar për të konsiderohet i tepërt.
Mësuesi është vrarë që kur arroganca e pushtetit e konsideron atë si njeri të dorës së dytë.

Mësuesi është vrarë që pa lindur me mbylljen masive të degëve që përgatisin mësuesë.
Mësuesi po vritet çdo ditë sepse është lënë i vetëm në sakrificën e tij.

Ai duhet mbrojtur. Qeveritë që vrasin mësuesin kanë përgatitur me siguri funeralin e vet.
Mësuesit që humbën jetën përgjatë ushtrimit të misionit e tyre vlen të nderohen dhe respektohen.

Ata janë heronjtë e thjeshtë të përkushtimit për transmetimin e dijes.
Mësuesi nuk duhet e nuk mund të vritet.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Bledi Mane/ Unë nuk ta njoh mamin…

Publikuar

-

Nga

Mes fëmijëve dhe adoleshentëve të shkollave të kryeqytetit që konkuronin mes tyre, ishin edhe ata të dy. Gëzonin fëmijët, gëzonte edhe Mirela Kumbaro me Lali Erin. Një moment ndaluan duke i përkëdhelur dhe duke i pyetur një e nga një.

Mirela Kumbaro i afrohet një vajze dhe e pyet:

-E kujt je ti xhan i vogël?

-E Qibrie Ciut, përgjigjet vajza rrufeshëm.

-Nuk ta njoh mamin, ia ktheu Mirela, por besoj se edhe ti je energjike si mami.

Lali Eri nisi të përkëdhelë një djalë dhe porsi Mirela e pyeti:

LEXO EDHE:  Emrat-Milionerët e Qeverisë/ Qytetarët të zhvatur dhe në varfëri

LEXO EDHE:  Braçe irritohet me qeverinë: A ka mundësi të më tregojë njeri pse duhet të shkurtohet kjo rrugë?

-Po ti, i kujt je?

-Unë jam i Zyber Hallullit, ktheu përgjigje vogëlushi si i zënë në faj dhe uli kokën.

-Ngrije kokën se je djalë i bukur, i ngjan kopje babit tënd, ia ktheu Lali Eri dhe bashkë me Mirelën vazhduan të përkëdhelnin gjithë fëmijët e shkollave të Tiranës…

LEXO TE PLOTE

Opinione

Nga Ibsen Elezi/ Shoqja Nexhmije të “uroj” edhe 100 !

Publikuar

-

Nga

Të uroj jetë të gjatë zonja e zeze, ndryshe nga ç’e kisha menduar dikur, që ju duhet të ishit dënuar me varje si zanafillë e ndërtimit të drejtesise në këtë vend dhe jo shenjë hakmarrje.

Jo vetëm ty por j’a uroj edhe gjithe kastës tënde, që zanafillën e ardhjes në pushtet mbrujtet me gjak shqiptarësh, këtu e në Kosovë, për të treguar servilizmin tuaj të pakufi ndaj eprorëve tuaj komunist pansllav. Vratë e vodhët familjet e medha fisnike që dhanë aq shumë për këtë komb, zoti e di se shumica e kockave dhe pasurive të tyre ku përfunduan, vratë e burgoset intelektualë e patriotë që i vlenin këtij kombi me shumë se pasuria që vodhet. Ju nuk ishit trima por aq frikacak sa edhe eshtrat e tyre ju tmerronin, i varrosët, i zhvarrosët e i zhduket (si eshtrat e të madhit Gjergj Fishta), kaluat Hitlerin e Stalinin, zvenitet Shekspirin e Danten.

Kanibalizmi juaj nuk ka të krahasuar. Ju vratë elitën, se shkëlqimi i saj i verbonte një tufë bandidësh si ju ‘pa din e pa iman’, i vratë që të krijonit ‘Historinë tuaj’, ‘Elitën Tuaj’, por që elitë s’do bëhej kurre dhe historia juaj do mbetej e ndyrë.

Teoria juaj ishte e pështirë, t’i fshinit nga historia, s’u ngopët as me brezin pasardhës e paspasardhës, duke e mos i shkolluar e denigruar, si ta dinit se strukturën gjenetike e fal zoti, se atë se besuat kurrë.

Ne 45 vjet u munduat te deformoni tiparet e kombit, i late me bark dhe mendje bosh qe as te mos mendonin dot ndryshe vec ‘doktrines’ tuaj. I shërbyet armiqve të kombit tonë më mirë se ata e kishin imagjinuar.Ju nuk ishit Byroja politike sic e quanit veten por një ‘Bandë Mafioze’ që s’latë pasuri pa vjedhur, kontrabandë e maskarallëk pa bërë për tu pasuruar.

LEXO EDHE:  Studenti me aftësi të kufizuara: Jemi 5 veta në familje dhe vetëm 1 punon

LEXO EDHE:  Basha sulmon Qeverinë/ “Eksportoni drogë dhe importoni plehra’

Ju s’e kishit 90-ën, e as 92-shin, se e dinit që letrat tuaja s’do hapeshin kurrë, s’do dënoheshit kurre as për qindra tonelata floriri të vjedhura dhe as për mijërat e jetëve të marra.

Ju ndoshta edhe 97 e kishit programuar që në 90, se të derdhni gjak shqiptari për të shpëtuar lëkurën dhe pasuritë tuaja është pjesë filozofisë tuaj, por ju s’mund të fshiheni pas Sudeve e Xhaferave si dikur, zullumi juaj është trashur shumë sa dallohet që përtej oqeanit.Sot fytyrat tuaja nuk mund t’i lajnë shërbëtorët maskarenj që shkruajnë se sa njerëzor ishit brenda mureve të shtëpisë së lyer me gjak.

Ju ndoshta e kishit programuar qe sot do ishit ‘Elita’ e vendi, se i kishit në dorë të gjitha, fundja e morët me pushkë dhe e ‘meritoni’. Sot jeni shpalosur në 3 braza, nga Gramozi me shokë te djemtë e nipat, duke demostruar se jeni po ata, por kjo është edhe shenjë frike se djathta e vërtetë në këtë vend do vij si antitetzë e juaja, duke e çliruar politikën njëherë e mirë nga kthetrat tuaja 75 vjeçare.

Jetove kohën kur ‘fytyra’ e burrit u shitet në shkëmbim të lëkureve tuaja. Tash jeto që imazhi juaj t’ju dal në ëndërr pinjolleve të bashkëpunëtorëve që i vratë e denigruat, punë kaniblesh mes jush.

Jeto që të inspirosh njerëzit fisnik dhe të ndershëm për misionin e papërfunduar të baballarëve të tyre, të inspirosh njerëzit e ndershëm të këtij vendi se drejtësia herët a vonë do bërë. ‘Zullumi këputet nga e trasha’ kjo është shenja që tregon fundin e perandorisë tuaj, jeto aq sa ta shohesh me syte tuaj si shenjë e ndëshkimit të zotit në tokë.

 

LEXO TE PLOTE

Opinione

Luli i SHQUP-it dhe hipokrizia e Bashës përmes rubrikës “Po të dëgjoj” në Facebook

Publikuar

-

Nga

Nga Rigels Seliman

Thonë qe vesi vdes me shpirtin. E tillë është edhe hipokrizia, një ves që tanimë ka pushtuar në masë qenien njerëzore. Por përtej këtyre sofizmave, morra guximin të shkruaj dy fjalë për situatën politike në vend, teksa në fokus të celuloidit dhe analizës sime modeste, këtë herë është Partia Demokratike. Kjo e fundit prej korrikut të vitit 2013 drejtohet nga Lulzim Basha.

Ai hyri të martën e nxehtë të atij korriku në selinë blu si kryetar i PD, 8 vjet e gjysmë pasi iu bashkua Partisë Demokratike si një nga figurat e reja të saj. Në të dy rastet edhe kur u afrua për të kontribuar në PD në vitin 2005, si pjesë e një grupi intelektualësh të rinj, që punuan për programin e partisë në tentativën e rikthimit në pushtet pas 8 viteve në opozitë, por edhe na rastin kur u katapultua si kryetar i kësaj partie, Partia Demokratike ndodhej në opozitë.

Kjo një koeçidencë sa ironike, aq edhe bukur, për vetë faktin se ka ndodhur në politikë, fushë kjo mjaft e ndjeshme për qytetarët shqiptarë. Megjithatë, nuk po humb kohë dhe po iu drejtoj në brazë, në mënyrë që të merrni esencën e ideve të mia racionale. Prej dhjetë ditësh kryedemokrati ka zbritur në terren, duke bërë maratonomakun dhe trokitur shtëpi më shtëpi dhe biznes më biznes. Kudo ku ka shkuar praninë e tij tek qytetarët e ka justifikuar me faktin se ka nisur një fushatë, në mënyrë që të dëgjojë hallet e tyre, probleme që do t’iu japë zgjidhje sapo të vijë në pushtetit.

Deri këtu gjithçka është ok, pasi një parti politike që të bindë popullin që t’ia besojnë pushtetin, duhet të ulet këmbëkryq me ta dhe t’i dëgjoja hallet e tyre. Por problemi është se në të gjithë këtë interval takimesh, ra në sy fakti se shumica e qytetarëve që pritën shefin e selisë blu ishin ose të njohur të këtij të fundit, ose anëtarë të Partisë Demokratike, apo militantë që i ishin bashkuar protestës së opozitës në Çadër gjatë pranverës së vitit 2017 para Kryeministrisë. Kështu që, kjo strategji e ndjekur nga Basha, duke shëtitur derë më derë e takuar qytetarë, ngjan më shumë me propagandë, sesa me takime reale.

Të jeni të sigurt se gjatë takimeve reale, një politikan është i destinuar që t’iu japë dorën si atyre që punojnë në  ndërtim, bujqësi dhe blegtori, apo më keq akoma edhe atyre që punojnë në komunale dhe që i kanë duart të bëra pis nga ujërat e zeza. Mirëpo, në të gjitha takimet që u pasqyruan nga Basha, shumica e qytetarëve ishin të krehur dhe të mbajtur mirë, edhe pse ata u përballën me “surprizë” në vendin e punës, kur para tyre u shfaq Luli i SHQUP-it. Pra, ndryshe nga sa mund të ndodhet në realitet, të gjithë ata që patën luksin dhe privilegjin të takonin Bashën, u dukën se ishin informuar që do të takoheshin me shefin e opozitës, informacioni ky që i ndihmoi atë të hynin në rol dhe të aktronin bashkë me kreun e PD.

LEXO EDHE:  Habit Top Channel akuza qeverisë për çështjen “Tahiri”/ Të dhënat e rastit të dytë rëndojnë edhe mbi qeverinë

LEXO EDHE:  Habit Top Channel akuza qeverisë për çështjen "Tahiri"/ Të dhënat e rastit të dytë rëndojnë edhe mbi qeverinë

Megjithatë, skandali thellohet, duke arritur kulmin pasditen e së enjtes, kohë kur shefi i selisë blu zhvilloi një bashkëbisedim “LIVE” me qytetarët në llogarinë e tij në “Facebook”. Këtë komunikim lideri demokrat e kishte bekuar me emrin folklorik “Po të dëgjoj”, teksa gjatë bashkëbisedimit me qytetarët iu jepte përgjigje shqetësimeve të këtyre të fundit, të cilat ia kishin dërguar atij përmes komenteve. Njëri prej komentuesve që kërkoja përgjigje për një problem isha edhe unë. Edhe pse pyetja ime ishte e karakterit politik, duke qenë se unë jam gazetar i politikës, unë nuk e morra kurrë atë përgjigje nga Basha. Ky i fundit në mënyrë më hipokrite u kujdes që t’iu jepte përgjigje të gjithë të qytetarëve, që me thënë të drejtë pas një investigimi të vogël që bërë unë, nuk ishin popull i thjeshtë, por ofiqarë, militantë dhe vartës të shefit të selisë blu. Mes komentuesve që shtronin pyetje ishin Xhelal Mziu, kreu i PD të Kamzës, deri tek kreu i PD i njësisë numër 1 në Tiranë, Dilaver Laçi, apo edhe kandidatë për deputetët që garonin në zgjedhjet e 2017 nën siglën e PD.

Të gjithëve këtyre Basha iu dha përgjigje një për një, duke iu drejtuar me drojë dhe shqiptuar emrin me habi, a thua se ata nuk ishin të njohurit e tij, madje të infiltruar që t’i jepnin më shumë dekor e grint rubrikës “Po të dëgjoj” në Facebook. Pra, në këtë video-komunikim, Basha nxori në pah aftësitë e tij të aktrimit dhe qasjen e tij hipokrite, vese këto që ia zbuluan “pa dashje” “militantë” e PD, pasi komentuesit nuk ishin krejtësisht të rastësishëm, sikundër e shiti kryedemokratit rubrikën “Po të dëgjoj” në Facebook. Sa keq dhe sa turp! Zoti Luli, një gjë duhet të dish që populli nuk e ha më sapunin për djathë.

LEXO TE PLOTE