Connect with Us

Nga Ibsen Elezi/ Shoqja Nexhmije të “uroj” edhe 100 !

Opinione

Nga Ibsen Elezi/ Shoqja Nexhmije të “uroj” edhe 100 !

Publikuar

-

Të uroj jetë të gjatë zonja e zeze, ndryshe nga ç’e kisha menduar dikur, që ju duhet të ishit dënuar me varje si zanafillë e ndërtimit të drejtesise në këtë vend dhe jo shenjë hakmarrje.

Jo vetëm ty por j’a uroj edhe gjithe kastës tënde, që zanafillën e ardhjes në pushtet mbrujtet me gjak shqiptarësh, këtu e në Kosovë, për të treguar servilizmin tuaj të pakufi ndaj eprorëve tuaj komunist pansllav. Vratë e vodhët familjet e medha fisnike që dhanë aq shumë për këtë komb, zoti e di se shumica e kockave dhe pasurive të tyre ku përfunduan, vratë e burgoset intelektualë e patriotë që i vlenin këtij kombi me shumë se pasuria që vodhet. Ju nuk ishit trima por aq frikacak sa edhe eshtrat e tyre ju tmerronin, i varrosët, i zhvarrosët e i zhduket (si eshtrat e të madhit Gjergj Fishta), kaluat Hitlerin e Stalinin, zvenitet Shekspirin e Danten.

Kanibalizmi juaj nuk ka të krahasuar. Ju vratë elitën, se shkëlqimi i saj i verbonte një tufë bandidësh si ju ‘pa din e pa iman’, i vratë që të krijonit ‘Historinë tuaj’, ‘Elitën Tuaj’, por që elitë s’do bëhej kurre dhe historia juaj do mbetej e ndyrë.

Teoria juaj ishte e pështirë, t’i fshinit nga historia, s’u ngopët as me brezin pasardhës e paspasardhës, duke e mos i shkolluar e denigruar, si ta dinit se strukturën gjenetike e fal zoti, se atë se besuat kurrë.

Ne 45 vjet u munduat te deformoni tiparet e kombit, i late me bark dhe mendje bosh qe as te mos mendonin dot ndryshe vec ‘doktrines’ tuaj. I shërbyet armiqve të kombit tonë më mirë se ata e kishin imagjinuar.Ju nuk ishit Byroja politike sic e quanit veten por një ‘Bandë Mafioze’ që s’latë pasuri pa vjedhur, kontrabandë e maskarallëk pa bërë për tu pasuruar.

LEXO EDHE:  Prezantohet axhenda Antiestabilishment dhe Antisoros/ Ish-kreu i PD ftesë qytetarëve

Ju s’e kishit 90-ën, e as 92-shin, se e dinit që letrat tuaja s’do hapeshin kurrë, s’do dënoheshit kurre as për qindra tonelata floriri të vjedhura dhe as për mijërat e jetëve të marra.

Ju ndoshta edhe 97 e kishit programuar që në 90, se të derdhni gjak shqiptari për të shpëtuar lëkurën dhe pasuritë tuaja është pjesë filozofisë tuaj, por ju s’mund të fshiheni pas Sudeve e Xhaferave si dikur, zullumi juaj është trashur shumë sa dallohet që përtej oqeanit.Sot fytyrat tuaja nuk mund t’i lajnë shërbëtorët maskarenj që shkruajnë se sa njerëzor ishit brenda mureve të shtëpisë së lyer me gjak.

Ju ndoshta e kishit programuar qe sot do ishit ‘Elita’ e vendi, se i kishit në dorë të gjitha, fundja e morët me pushkë dhe e ‘meritoni’. Sot jeni shpalosur në 3 braza, nga Gramozi me shokë te djemtë e nipat, duke demostruar se jeni po ata, por kjo është edhe shenjë frike se djathta e vërtetë në këtë vend do vij si antitetzë e juaja, duke e çliruar politikën njëherë e mirë nga kthetrat tuaja 75 vjeçare.

Jetove kohën kur ‘fytyra’ e burrit u shitet në shkëmbim të lëkureve tuaja. Tash jeto që imazhi juaj t’ju dal në ëndërr pinjolleve të bashkëpunëtorëve që i vratë e denigruat, punë kaniblesh mes jush.

Jeto që të inspirosh njerëzit fisnik dhe të ndershëm për misionin e papërfunduar të baballarëve të tyre, të inspirosh njerëzit e ndershëm të këtij vendi se drejtësia herët a vonë do bërë. ‘Zullumi këputet nga e trasha’ kjo është shenja që tregon fundin e perandorisë tuaj, jeto aq sa ta shohesh me syte tuaj si shenjë e ndëshkimit të zotit në tokë.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Luli i SHQUP-it dhe hipokrizia e Bashës përmes rubrikës “Po të dëgjoj” në Facebook

Publikuar

-

Nga

Nga Rigels Seliman

Thonë qe vesi vdes me shpirtin. E tillë është edhe hipokrizia, një ves që tanimë ka pushtuar në masë qenien njerëzore. Por përtej këtyre sofizmave, morra guximin të shkruaj dy fjalë për situatën politike në vend, teksa në fokus të celuloidit dhe analizës sime modeste, këtë herë është Partia Demokratike. Kjo e fundit prej korrikut të vitit 2013 drejtohet nga Lulzim Basha.

Ai hyri të martën e nxehtë të atij korriku në selinë blu si kryetar i PD, 8 vjet e gjysmë pasi iu bashkua Partisë Demokratike si një nga figurat e reja të saj. Në të dy rastet edhe kur u afrua për të kontribuar në PD në vitin 2005, si pjesë e një grupi intelektualësh të rinj, që punuan për programin e partisë në tentativën e rikthimit në pushtet pas 8 viteve në opozitë, por edhe na rastin kur u katapultua si kryetar i kësaj partie, Partia Demokratike ndodhej në opozitë.

Kjo një koeçidencë sa ironike, aq edhe bukur, për vetë faktin se ka ndodhur në politikë, fushë kjo mjaft e ndjeshme për qytetarët shqiptarë. Megjithatë, nuk po humb kohë dhe po iu drejtoj në brazë, në mënyrë që të merrni esencën e ideve të mia racionale. Prej dhjetë ditësh kryedemokrati ka zbritur në terren, duke bërë maratonomakun dhe trokitur shtëpi më shtëpi dhe biznes më biznes. Kudo ku ka shkuar praninë e tij tek qytetarët e ka justifikuar me faktin se ka nisur një fushatë, në mënyrë që të dëgjojë hallet e tyre, probleme që do t’iu japë zgjidhje sapo të vijë në pushtetit.

Deri këtu gjithçka është ok, pasi një parti politike që të bindë popullin që t’ia besojnë pushtetin, duhet të ulet këmbëkryq me ta dhe t’i dëgjoja hallet e tyre. Por problemi është se në të gjithë këtë interval takimesh, ra në sy fakti se shumica e qytetarëve që pritën shefin e selisë blu ishin ose të njohur të këtij të fundit, ose anëtarë të Partisë Demokratike, apo militantë që i ishin bashkuar protestës së opozitës në Çadër gjatë pranverës së vitit 2017 para Kryeministrisë. Kështu që, kjo strategji e ndjekur nga Basha, duke shëtitur derë më derë e takuar qytetarë, ngjan më shumë me propagandë, sesa me takime reale.

Të jeni të sigurt se gjatë takimeve reale, një politikan është i destinuar që t’iu japë dorën si atyre që punojnë në  ndërtim, bujqësi dhe blegtori, apo më keq akoma edhe atyre që punojnë në komunale dhe që i kanë duart të bëra pis nga ujërat e zeza. Mirëpo, në të gjitha takimet që u pasqyruan nga Basha, shumica e qytetarëve ishin të krehur dhe të mbajtur mirë, edhe pse ata u përballën me “surprizë” në vendin e punës, kur para tyre u shfaq Luli i SHQUP-it. Pra, ndryshe nga sa mund të ndodhet në realitet, të gjithë ata që patën luksin dhe privilegjin të takonin Bashën, u dukën se ishin informuar që do të takoheshin me shefin e opozitës, informacioni ky që i ndihmoi atë të hynin në rol dhe të aktronin bashkë me kreun e PD.

LEXO EDHE:  Akuza e fortë e ish-kryetarit/ PD punoi që të dështonte protesta në Kukës

LEXO EDHE:  30 Qershori si një vazhdim i marrëveshjes së papërfunduar të 17 Majit!

Megjithatë, skandali thellohet, duke arritur kulmin pasditen e së enjtes, kohë kur shefi i selisë blu zhvilloi një bashkëbisedim “LIVE” me qytetarët në llogarinë e tij në “Facebook”. Këtë komunikim lideri demokrat e kishte bekuar me emrin folklorik “Po të dëgjoj”, teksa gjatë bashkëbisedimit me qytetarët iu jepte përgjigje shqetësimeve të këtyre të fundit, të cilat ia kishin dërguar atij përmes komenteve. Njëri prej komentuesve që kërkoja përgjigje për një problem isha edhe unë. Edhe pse pyetja ime ishte e karakterit politik, duke qenë se unë jam gazetar i politikës, unë nuk e morra kurrë atë përgjigje nga Basha. Ky i fundit në mënyrë më hipokrite u kujdes që t’iu jepte përgjigje të gjithë të qytetarëve, që me thënë të drejtë pas një investigimi të vogël që bërë unë, nuk ishin popull i thjeshtë, por ofiqarë, militantë dhe vartës të shefit të selisë blu. Mes komentuesve që shtronin pyetje ishin Xhelal Mziu, kreu i PD të Kamzës, deri tek kreu i PD i njësisë numër 1 në Tiranë, Dilaver Laçi, apo edhe kandidatë për deputetët që garonin në zgjedhjet e 2017 nën siglën e PD.

Të gjithëve këtyre Basha iu dha përgjigje një për një, duke iu drejtuar me drojë dhe shqiptuar emrin me habi, a thua se ata nuk ishin të njohurit e tij, madje të infiltruar që t’i jepnin më shumë dekor e grint rubrikës “Po të dëgjoj” në Facebook. Pra, në këtë video-komunikim, Basha nxori në pah aftësitë e tij të aktrimit dhe qasjen e tij hipokrite, vese këto që ia zbuluan “pa dashje” “militantë” e PD, pasi komentuesit nuk ishin krejtësisht të rastësishëm, sikundër e shiti kryedemokratit rubrikën “Po të dëgjoj” në Facebook. Sa keq dhe sa turp! Zoti Luli, një gjë duhet të dish që populli nuk e ha më sapunin për djathë.

LEXO TE PLOTE

Opinione

Nga Bledi Mane/ Alketa, martohemi bashkë?

Publikuar

-

Nga

Të ngujuar të gjithë brenda kullës së një cinizmi kolektiv, nga frëngjia e ngushtë zgjasim kokat, nxjerrim armët dhe po qëllojmë pa ndaluar me një batarre të paparë virtuale.

Mallkojmë, ofendojmë, masturbojmë, ulërasim, bërtasim pse njëra nga vajzat tona u ftua të prezantonte një festival kënge te vendi ynë fqinj.

Me pisqollat e ndryshkura të një race që kompleksohet nga arti dhe e bukura, nuk po bëjmë dot pushim as në fundjavë por lodhemi e lodhemi si maratonomaku mediokër:

-Pse veshe fustanin rozë para atij të kuqit?
-Pse u tregove italianëve për brengat tona gjatë diktaturës?
-Pse fole aq shpejt?
-Pse gënjeve për prezantimet e festivaleve tona?
-Pse nuk tregon kush të ndihmoi të prezantoje San Remon?
-Pse stonove kur këndove?…

2./
Edhe në Shtëpinë e Bardhë sikur të kishte shkuar kjo Alketë, edhe sikur të ishte zyrtare shqiptare e të mbante fjalime në OKB, Bashkim Evropian, Konferencë Islamike apo NATO nuk do intimidohej “e perdhunohej” kaq dendur e kaq ashpër nga ne të gjithë.

Është një prezantuese televizive që kurrë nuk ka punuar në administratën publike, nuk ka marrë rrogë nga taksat tona, nuk ka përfituar tendera apo bonuse qeveritare. Një prezantuese dhe shoëgirl që paguhet me honorare nga radio apo televizione private e cila në ekonomi tregu ka marrë rolin e një individi të argëtojë miletin.

LEXO EDHE:  Flamur Noka dhe PD, pro apo kundër protestës për “Rrugën e Kombit”?!

LEXO EDHE:  Flamur Noka dhe PD, pro apo kundër protestës për “Rrugën e Kombit”?!

Alketa Vejsiu nuk u ka thirrur kurrë në fushata elektorale ti jepni votën, nuk u ka kërkuar ta duartrokisni të sforcuar, nuk u ka kërkuar ta mbani pultin të gozhduar vetëm në një kanal televiziv.

Le ti kërkojmë Alketës nëse paguan tatimfitim mbi honoraret që merr, nëse burri ndërtues i Alketës paguan taksat, paguan rrogat dhe sigurimet e punonjësve, nëse familja e saj është korrekte me institucionet fiskale të këtij vendi.

Ti lemë sulmet bajate dhe energjinë që harxhojmë për Alketën ta orientojmë për deputetin, ministrin, opozitarin, gangsterin apo zyrtarin publik. Në fund të ditës ti shkon në shtëpi dhe aty te lagjia krimi plagos komshium, nga rubineti nuk të pikon ujë, frigoriferi gjysēm bosh, stomaku dremit i pangrënë por përsëri shqetësohesh kush e çoi në San Remo zonjën Vejsiu?

Milet i dashur, misioni i Alketës është të të argëtojē trurin dhe shpirtin, stomakun duhet ta argëtosh ti me ushqime që i ble me lekët e punës që bën, jo me llogje Kavaje e as me llogje San Remoje!

LEXO TE PLOTE

Opinione

Nga Andi BUSHATI/Dy fytyrat e Ramës kur Basha hap frigoriferin

Publikuar

-

Nga

Pak javë më parë, në stilin e tij të njohur, ku cinizmi dhe ironia rreken të mbulojnë të vërteta të rënda, Edi Rama u tha shqiptarëve se, një ditë, do t’u fanepsej jo vetëm në TV, por edhe kur të hapnin frigoriferin.

Pa kaluar shumë kohë, Lulzim Basha, ka prodhuar një spot, duke hapur realisht frigoriferin e një familjeje të varfër në Tiranë. Aty shihej vërtet fytyra e qeverisjes së Edi Ramës.

Përballë një Edi Rame, që i ka mbyllur veshët ndaj çdo kritike që i vjen, që tani e ka për zor të qëndrojë edhe pas dyerve të BE, që është zhytur në delirin e atij që ka monopolin e së vërtetës, duke i ironizuar edhe mediat edhe opozitën edhe presidentin edhe liderët e Kosovës edhe deputetët e Bundestagut apo ata holandezë se ia fusin kot, është tejet produktive të japësh imazhin e atij që është i vëmendshëm ndaj atyre që mendojnë ndryshe.

Përballë një pushteti të izoluar në kullën e tij të fildishtë dhe që prodhon të mira vetëm për një grusht të pasurish është e domosdoshme të kesh veshë për zërin e atyre që e kanë bosh firgoriferin në fund të muajit.

Por, kjo fushatë, sado e gjetur të jetë nga zanatçinjtë e kësaj pune, përmban në vetvete dy risqe të mëdha. Ato lidhen me fallcitetin e saj, si në formë ashtu edhe në përmbajtje.

Lulzim Basha e nisi atë me këmbën e gabuar.

Në një nga videot e para që shpërndau, ai tregoi se po bënte shfaqje. Duke u filmuar me një qese domate në dorë dhe duke shitur si qytetare një militante të partisë së tij, ai demonstroi se nuk i kishte veshët të hapura për qytetarët.

Nga  #PotëDëgjoj, nisma degradoi në refrenin e përhershëm të politikanëve: Më dëgjoni ju në teatrin që unë luaj.

Kjo lloj mendësie rrezikon të infektojë edhe thelbin aksionit që sapo ka nisur. Basha i ka dhënë atij ngjyrat dhe theksin e një fushate elektorale. Por, ndonëse janë të shumtë ata që shpresojnë që kjo të ndodhë, askush nuk është i bindur se do të ketë një të tillë. Madje zëra kryesorë nga mazhoranca e kanë hedhur poshtë me forcë mundësinë e zgjedhjeve të parakohshme.

LEXO EDHE:  30 Qershori si një vazhdim i marrëveshjes së papërfunduar të 17 Majit!

LEXO EDHE:  Prezantohet axhenda Antiestabilishment dhe Antisoros/ Ish-kreu i PD ftesë qytetarëve

Atëherë pyetja që shtrohet është: ç’kuptim ka një tur takimesh të shoqëruara me spote që i ngjajnë një fushate zgjedhore pa zgjedhje?

Pikërisht prej këtu lind frika që gjithë kjo lëvizje e Bashës e ka një hile.

Prej këtu ngrihet dyshimi se mos e gjitha po përdoret si mbulesa iluzive që do të maskojë një mëkat.

Në këtë rast ajo që duhet fshehur është harrimi i përbetimeve të para një viti, paqja e rivendosur me rilindjen, ulja në tryezën e Damian Gjiknurit dhe Rudina Hajdarit, braktisja e rrugës radikale dhe akteve ekstreme për të luftuar regjimin.

Ndoshta për të mbuluar të gjitha këto, për t’iu shamngur përgjigjeve për kthesën e papritur, për të mos dhënë llogari se si po rikthehet në sistem pa garantuar votën, kreu i PD po i mëkon militantët e tij me mirazhin e zgjedhjeve të parakohëshme.

Dhe nëse është kështu, ky do të qe një gabim trashanik, pasi vërtet fortuna momentale do të qe shmangur, por qytetarët do të ndiheshin sërish të përdorur.  Ata nuk do të ishin të dëgjuar, por thjesht të gënjyer.

Pra, nëse Lulzim Basha ka nisur një fushatë me gjetjen e duhur, por të yshtur nga qëllime të gabuara dhe të vendosur në kohë të papërshtatshme, çmimi që do të paguajë do të jetë i rëndë.

Sepse kur të dojë ta bëjë realisht, do ta ketë të pamuandur. Pasi atëherë, nëse do kërkojë të hapë sërish frigoriferin, aty do t’i shfaqet Edi Rama që nuk mposhtet dot me propagandë, ai që na shfaqet përditë në TV, me arrogancën dhe vetbesimin që i jep lidhja me botën okulte.

LEXO TE PLOTE