Kronika
Grabitet pika e dhënies së kredive në Durrës/ Roja lajmëron policinë pas 40 minutash
Një pikë dhëniesh kredie në lagjen numër 12 të qytetit të Durrësit, ka rënë pre e një grabitje gjatë ditës së sotme.
Mësohet se një person i maskuar ka marrë shumën prej 1 milion lekësh.
Nga informacionet paraprake, raportohet se punonjësi i kësaj pike i ka lajmëruar autoritetet vetëm 40 minuta pasi kishte ndodhur ngjarja.
Ndërkohë, policia ka shkuar në vendngjarje dhe ka hapur hetimet për zbardhjen e kësaj grabitjeje.
Gjithashtu raportohet se do të sekuestrohen edhe kamerat e sigurisë të zonës përreth për identifikimin dhe vënien në pranga të autorit./ CNA.al
Kronika
Anti KÇK-ja me lëvizje të vrullshme/ “Operacioni Forca e Ligjit terrorizon qytetarët”
Ish kryeministri Sali Berisha, duke iu referuar mesazhit të qytetarit dixhital thotë se Operacioni Forca e Ligjit po terrorizojnë qytetarët.
Qytetari tregon se gjatë rrugës për në Korçë, në Elbasan disa policë me kapuça i ndaluan për kontroll, me sjellje arrogante dhe shkaterruan makinën duke nxjerrë çdo gjë nga vendi i vet.
Ai rrëfen se u nxorrën jashtë makine dhe pritën rreth 30 minuta pa xhupa.
E njëjta skenë kishte ndodhur edhe në Pogradec si dhe gjatë rrugës të kthimit për në Tiranë./CNA.al
Kronika
Plagosja me thikë në Shkodër/ Arrestohet autori
Arrestohet autori i plagosjes së regjistruar në fshatin Shtoj të Ri të Shkodrës.
Blutë bëjnë me dije se dy persona janë konfliktuar me njëri-tjetrin, por sheri ka degjeneruar deri në përdorimin e armëve të ftohta.
Shtetasi me iniciale A.B. ka qëlluar me thikë 42-vjeçarin me iniciale B.I., i cili është dërguar menjëherë në spital.
“Me datë 09.02.2020, rreth orës 12:50, në fshatin Shtoj i Ri, Shkodër gjatë një konfikti të çastit, shtetasi A. B. 47 vjeç, ka plagosur me mjet prerës (Thikë) shtetasin B. I. 42 vjeç, banues në fshatin Shtoj i Ri Shkodër, i cili ndodhet në Spitalin Rajonal Shkoder jashtë rrezikut për jetën.
Falë reagimit të shpejtë të forcave policore u bë kapja dhe arrestimi autorit të dyshuar”, thuhet në njoftimin e policisë.
Ndërkohë, po kryhen veprimet e grupit hetimor për sqarimin e rrethanave të kësaj ngjarje./ CNA.al
Kronika
Sherr me thika në lokal/ Plagoset një person
Një person ka mbetur i plagosur në fshatin Shtoj të Ri të Shkodrës.
Mësohet se i plagosur ka mbetur shtetasi B.I. 42 vjeç i cili është dërguar menjëherë në spital.
Ngjarja ka ndodhur pas një konflikti të çastit në një lokal të zonës.
Nuk dihen ende rrethanat e kësaj ngjarje, ndërkohë që autoritetet po punojnë për zbardhjen e plotë të tyre./CNA.al
Lajme të Rekomanduara:
Aksidenti fatal në Memaliaj/ Reagon KSSH: Babëzia e MAS me tenderat e transportit shkaktoi vdekjen e dy mësuesve
Një aksident tragjik më pasojë vdekjen e dy mësuesve ka ndodhur ditën e sotme në Memaliaj. Mësuesit që humbën jetën ishin duke u kthyer nga...
Aksidenti me 2 mësues të vdekur/ Ngrihet alarmi: Fondet për transportin e tyre vidhen sistematikisht
Një asksident tragjik është rregjistruar këtë të premte në aksin rrugor Memaliaj- Krahës, ku viktima kanë mbetur dy mësues të shkollës së Krahës në Tepelenë...
