Connect with Us

Shqipëria dhe Kosova, pagat minimale më të ulëta në Europë

Politikë

Shqipëria dhe Kosova, pagat minimale më të ulëta në Europë

Publikuar

-

Shqipëria dhe Kosova i paguajnë më pak punonjësit e tyre se në çdo vend tjetër të Europës, sa i takon pagës minimale, që ata janë të detyruar të japin me ligj. Sipas të dhënave të Eurostat, në fillim të vitit 2020, paga minimale bruto në Shqipëri ishte 213 euro. Në Shqipëri, sipas INSTAT, janë mbi 320 mijë persona, ose gati një e treta e të punësuarve, që paguajnë sigurime me pagën minimale prej 26 mijë lekë.

Ndonëse paga minimale në vend është rritur disa herë, sërish mbetet më e ulëta në Europë, me përjashtim të Kosovës. Niveli i ulët i saj është dhe një nga arsyet që deklarohet si shkak për tendencën e lartë për emigrim.

Të dhënat e Eurostat nuk janë për Kosovën, por sipas të dhënave zyrtare, paga minimale aktualisht në Kosovë është 130 euro për punonjësit nën 35 vjeç dhe dhe 170 euro për ata mbi 35 vjeç. Kurse kërkesa gjatë vitit te kaluar ka qenë që kjo pagë të bëhet 250 euro, por nuk u arrit. Paga minimale në Kosovë ka mbetur e njëjtë që nga viti 2011, çmimet e konsumit kanë shënuar rritje.

Në Maqedoninë e Veriut, paga minimale bruto është 282 euro, sipas Eurostat. Në Mal të Zi është 331 eurp. Paga më e lartë minimale në rajon është në Serbi,  me 343 euro.

Në përgjithësi, pagat minimale në rajon janë shumë më të ulëta në raport me vendet e Bashkimit Europian.

Si variojnë pagat minimale në Europë

Deri në 1 janar 2020, 21 nga 27 vendet anëtare të Bashkimit Evropian (BE) kanë paga minimale kombëtare: vetëm Danimarka, Italia, Qipro, Austria, Finlanda dhe Suedia nuk kanë një minimum për pagën.

LEXO EDHE:  Ç’do të thotë Brexit për sigurinë e Europës?

Sipas Eurostat, pagat minimale mujore në përgjithësi janë nën 600 € në lindje dhe mbi 1 500 € në veri-perëndim të BE-së

21 Shtetet Anëtare të BE-së që kanë pagat minimale kombëtare mund të ndahen në tre grupe kryesore.

Në janar të vitit 2020, Bullgaria kishte pagën më të ulët bruto (312 €) në të gjithë BE-në. Nëntë Shtete Anëtare, të vendosura kryesisht në lindje të BE, pasuan me paga minimale midis 400 € dhe rreth 600 € në muaj: Letonia (430 €), Rumania (466 €), Hungaria (487 €), Kroacia (546 €) , Çekia (575 €), Sllovakia (580 €), Estonia (584 €), Lituania (607 €) dhe Polonia (611 €).

Në pesë shtete të tjera anëtare, të vendosura kryesisht në jug të BE-së, pagat minimale shkonin midis 700 € dhe pak më shumë se 1 000 € në muaj: Portugali (741 €), Greqi (758 €), Maltë (777 €), Slloveni ( 941 €) dhe Spanja (1 050 €).

Në shtatë Shtete Anëtare të mbetura, të gjitha të vendosura në perëndim dhe veri të BE-së, pagat minimale ishin mbi 1 500 € në muaj: Franca (1 539 €), Gjermania (1 584 €), Belgjika (1 594 €), Hollanda (1 636 €), Irlanda (1 656 €) dhe Luksemburgu (2 142 €).

Për krahasim, paga minimale federale në Shtetet e Bashkuara ishte 1 119 € në muaj në Janar 2020./ Monitor

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Politikë

“Në shtator do përsëritet situata e ’97”/ Jenisheri bën deklaratën e papritur, mesazhi për Metën

Publikuar

-

Nga

Deputeti Selami Jenisheri ka bërë deklarata të forta sot në foltoren e Kuvendit.

Jenisheri tha se zgjedhjet e 25 prillit 2021 janë të pavlefshme. Kjo tha ai do e çojë Shqipërinë në shtator në një situatë destibalizuese si ajo e vitit 1997.

Gjithashtu ai i ka drejtuar edhe një mesazh presidentit Meta, ndërsa tha se “Shpresoj që presidenti nuk do i certifikojë zgjedhjet e 25 prillit 2021

“Me ligjin nr 118, të miratuar nga ky parlament Duhet të bëheshin zgjedhjet e 25 prillit 2021 gjë që nuk ka ndodhur. KQZ ka refuzuar të bëjë detyrën e saj duke lënë pa votuar emigrantët. Kjo do të prodhojë në shtatorin e 2021 situatë destibalizuese si ajo e 1997.

Nuk ka parlament e qeveri legjitime. Shpresoj që presidenti nuk do i certifikojë zgjedhjet e 25 prillit 2021. Duhet të përsëritën zgjedhjet se është shkelur neni i kodit zgjedhor. Këto zgjedhje janë të pavlefshme kur shkelet neni dhe kodi zgjedhor”,-tha Jenisheri./CNA.al

LEXO TE PLOTE

Politikë

Ralf Gjoni sulmon ambasadorët/ Shqiptarët i duan për skllevër në Gjermani

Publikuar

-

Nga

shkarkimi i metes

Deputeti Ralf Gjoni ka folur me tone mjaft të forta sot në sallën e Kuvendit, në lidhje me mos hapjen e negociatave për anëtarësimin e Shqipërisë në BE.

Nga foltorja e Kuvendit, deputeti Gjoni ka sulmuar edhe ambasadorët e huaj në vendin tonë, ndërsa tha se “Unë e dua Shqipërinë me shumë se ambasadorët që shkojnë e vinë si autobusa”.

Sa I takon vendimit për të mos hapur negociatat për Shqipërinë, deputeti Gjoni tha se BE kërkon që shqiptarët ti marrë si skllevër, dhe jo ti anëtarësojë në familjen europiane.

LEXO EDHE:  Fatura 5 miliardë euro që rrezikojnë shqiptarët, nga Lulzim Basha

LEXO EDHE:  Ç’do të thotë Brexit për sigurinë e Europës?

“Unë dua të jetoj në Shqipëri, unë dua që vajza ime të rritet në Shqipëri dhe jo të shkojë si argat të lajë të prapmet e pleqve në Gjermani. Se këtë po bëjnë. Mbyllni dyert, merrini shqiptarët si skllevër për larje prapanicash”-tha Ralf Gjoni.

LEXO TE PLOTE

Politikë

Thellohen përplasjet në PS/ “Shpërthen” kryebashkiaku: Nuk ju lejoj të prekni qytetin

Publikuar

-

Nga

Përplasjet në PS-në e Vlorës, duket se vijonë të thellohen. Pas debateve të forta disa ditë më parë, mes deputetit të zgjedhur të PS në këtë qark, Anduel Tahiraj dhe kryebashkiakut Leli, së fundi ka ardhur një tjetër debat në distancë.

Ditën e sotme ka dështuar sërish mbledhja e radhës këshillit Bashkiak të Vlorës, kjo pasi këshilltarët dhe kryetari Dritan Leli nuk bien dakord për formën e mbajtjes së mbledhjes. Leli kërkon mbledhje online, ndërsa këshilltarët e ftojnë në “gjyq publik”.

Në një postim në rrjetet sociale, kryebashkiaku Leli thekson se këshilli bashkiak nuk po mblidhet për interesat e qytetarëve, duke përmendur fëmijët me problemet sociale apo miratimi i ndihmës ekonomike. Ai u bën thirrje këshilltarëve që Vlora të promovohet dhe jo të sakatohet në një kohë kur sapo ka nisur sezonin turistik pas muajsh të gjatë e të vështirë në luftë për shëndetin.

Leli shkruan me tone mjaft të forta, ndërsa shkruan se nuk mund të lejojë që të preket Vlora, ndërsa shkruan “e pranoj haraçin e veprimeve tuaja deri në masën që më prek mua, por jo qytetin”.

“Pas radhës së gjatë të kërkesave për mbledhje jashtë radhe, në emër të së mirës së qytetit, sot, këshilltarët bashkiak, kanë anulluar mbledhjen e radhës, atë të çdo muaji, ku vërtet mblidhemi për interesat e qytetit e ku përgjatë më shumë se një viti, kemi diskutuar online, siç ishte parashikuar të ndodhte edhe sot!

Më vjen keq që me këngën e kusureve të mia, Këshilli Bashkiak nuk po i përkrah sot fëmijët me probleme sociale të qytetit, që me miratimin e vendimit do të frekuentonin kopshtet dhe çerdhet me të ardhurat e bashkisë, nuk po miraton as ndihmën ekonomike, as listën e familjeve apo individëve që përfitojnë kredi nga të ardhurat e bashkisë dhe as po mbështet projektin e qeverisë shqiptare për rimëkëmbjen e zonës përreth sahatit, që ka nevojë për angazhimin e të gjithëve, prandaj edhe do të përfshihej sot me urgjencë, për të mos ecur me ritmin e mbajtjes së radhëve!

Të nderuar këshilltar, e pranoj haraçin e veprimeve tuaja deri në masën që më prek mua, por jo qytetin! Vlora sapo ka nisur sezonin turistik, pas muajsh të gjatë e të vështirë lufte me shëndetin! Turistët po gëzojnë lirinë dhe bukurinë e një qyteti që nuk mund dhe nuk duhet të shëmtohet prej gjyqeve teatrale!

Vlora duhet promovuar, jo sakatuar! Të gjithë mund të bëjmë më shumë, mund të bëjmë më mirë, pa shterpëzuar një energji të tërë që mund ta shfrytëzonim në dobi të Vlorës! Po e marrë unë barrën e ndjesës, ndaj të gjithë banorëve të Vlorës që po penalizohen a qoftë edhe vetëm bezdisen, nga radhët tona të ngatërruara që po iu rëndojnë, por e di që deti dhe dielli i Vlorës do ta bëjnë këtë verë të ndritshme, siç kaq gjatë e dëshiruam”, shkruan Leli.

“Plas” mes Dritan Lelit dhe Këshillit Bashkiak/ Sherr për masat anti-Covid

“Kryetari i bashkisë ka humbur mbështetjen e PS-së”/ Deputeti i Ramës përplasje me Dritan Lelin

LEXO TE PLOTE