Connect with Us

Aksioni Anti-KÇK/ Ish-ministri i Ramës zbulon planet e kryeministrit, mesazhi për opozitën 

Politikë

Aksioni Anti-KÇK/ Ish-ministri i Ramës zbulon planet e kryeministrit, mesazhi për opozitën 

Publikuar

-

Ish-ministri i Drejtësisë në qeverinë “Rama 1”, Ylli Manjani ndërsa komenton miratimin e paketës Anti-KÇK dhe Operacionin Forca e Ligjit, shkruan se kjo është një gjetje politike për qëllime elektorale.

Në një postim në rrjetet sociale, Manjani shkruan se Rama ka hyrë në fushatë elektorale për mandatin e tij të tretë.

“Përtej shakave që bëhen në rrjetet sociale, përtej arsyetimeve ligjore mbi pakushtetutshmërinë e vendimeve të qeverisë e të parlamentit, KÇK dhe OFL janë gjetje politike për qëllime elektorale.

Kam kohë që konstatoj dhe them se Edi Rama ka hyrë në fushatë elektorale për mandatin e tij të tretë. Duket si film i parë e stërparë. Veç se përshtaten gjetjet sipas kohës dhe rrethave aktuale.

Sot pjesa e kriminalizimit të pushtetit është njolla e zezë e dukshme e qeverisë. Me KÇK e OFL synohet të pastrohet kjo njollë. Pra qeveria po përpiqet të thotë se të fortët që dolën nga burgjet dhe që bënë vota, nuk janë të saj. Kulmi!”-shkruan Manjani.

Më tej, ai thekson se nëse do e hajë dot njeri apo jo, mbetet për t’u parë.

Por, shton se nëse fusha politike është pa kundërshtarë, qeveria nuk del pa gjë nga kjo përpjekje.

LEXO EDHE:  Rama: Politika nuk është e keqe, por mund të bëjë shumë keq

Nga ana tjetër, sipas Manjanit, ligji i KÇK dhe OFL, për aq sa do zbatohet, sigurisht me selektim politik, do shërbejë për të amnistuar të fortët që dalin të pastër nga ky proçes, ose që nuk u shkon letra.

Manjani ka edhe një mesazh për opozitën, ndërsa thekson se ky kurth taktik dhe elektotal, meriton vemendje dhe kundërpërgjigje elektorale.

“Pra efekti është i dyfishtë.

Pa dyshim, këtu skemi të bëjmë as me shtet, as me ligj, as me drejtësi e as me luftë kundër krimit. Është thjesht fushatë elektotale.

Në këtë fushatë elektorale nuk flitet për ekonominë, punësimin dhe emigracionin masiv. Përkundrazi, flitet për krimin tamam si kronikat rozë që fryhen për të shmangur vemendjen publike nga dështimet e qeverisë.

Shumë komode për një qeveri që nuk jep llogari për punët që ska bërë, me thënë të drejtën!!!

Kështu e shoh këtë sjellje haptazi jo Kushtetuese, por edhe politikisht të papërgjegjshme të qeverisë!

Nuk e di si e sheh opozita zyrtare, por ky kurth taktik dhe elektotal, meriton vemendje dhe kundërpërgjigje elektorale.”-përfundon postimin e tij Ylli Manjani./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Shqipëria shkeli direktivën e BE-së për hidrocentralin e Poçem/ Nisin hetimet

Publikuar

-

Nga

Shqipëria shkeli direktivën e BE-së për hidrocentralin e Poçem/ Nisin hetimet
Sekretariati i Traktatit për Energjinë në Vienë njoftoi se ka hapur hetim të thelluar për Shqipërinë pasi një vlerësim paraprak gjeti që qeveria e kryeministrit Edi Rama shkeli direktivën e Bashkimit Europian për vlerësimin e ndikimit në mjedis kur i dha me koncesion të pakërkuar një kompanie turke të drejtën për ndërtimin e hidrocentralit të Poçemit mbi lumin Vjosë.Sekretariati i Komunitetit të Energjisë i dërgoi një letër qeverisë shqiptare të martën ku i kërkohet të përgjigjet për akuzat se qeveria shkeli rregullat e Bashkimit Europian në dhënien e kontratës së Poçemit, të cilat janë detyrim ligjor për shkak të Traktatit të Energjisë në të cilën Shqipëria është palë.

“Sekretariati paraprakisht gjeti se procedurat administrative të kryera për projektin ishin jo në përputhje me kriteret e Direktivës 2011/92 të BE-së, në veçanti në lidhje me kërkesat e Direktivës për përmbajtjen e raportit mjedisor dhe kërkesat për konsultim publik,” njoftoi Sekretariati në një deklaratë për shtyp.

“Duke dërguar letrën fillestare, Sekretariati nisi një procedurë paraprake, synimi i të cilës është t’i japë Shqipërisë mundësinë të reagojë ndaj akuzave për shkelje të ligjit të Komunitetit të Energjisë brenda dy muajsh dhe t’i mundësojë Sekretariatit të kuptojë rrethanat e plota të çështjes,” vijon më tutje deklarata.

Qeveria e kryeministrit Edi Rama pranoi një ofertë të pakërkuar për koncesion nga një kompani turke në vitin 2016 e quajtur Çinar-San Hafriyat Nakliyat Inşaat Turizm Sanayi Ve Ticaret Limited Şirketi, për ndërtimin e një hidrocentrali me fuqi të instaluar 50 MW dhe me prodhim të projektuar vjetor prej 200 milionë kWh. Nëse do të bëhet realitet, shitja vjetore e energjisë mund t’i japë kompanisë rreth 10-20 milionë euro në vit, në varësi të çmimit të energjisë.

LEXO EDHE:  Video-Arrestimi i dy ish-deputetëve socialistë/ Zbulohet “kurbani” i radhës i Ramës



Aktivistët mjedisorë kanë luftuar qeverinë me protesta dhe me procese ligjore të ndryshme që nga viti 2016. Aktualisht kompania koncesionare ka krijuar një kompani të veçantë për ndërtimin e hidrocentralit e quajtur Kovlu energji. Kjo e fundit është nën pronësinë e AYEN ENERJI dhe dhe CINAR ndërsa në mars 2017, në këtë kompani ka hyrë si aksioner me 5% shtetasi shqiptar Genti Malko, i cili ka paguar për këtë kuotë kapitali 70 mijë lekë të rinj.

LEXO EDHE:  Rama: Politika nuk është e keqe, por mund të bëjë shumë keq

Projekti i Poçemit u bllokua fillimisht në maj 2017 kur Gjykata Administrative e Tiranës shpalli absolutisht të pavlefshme kontratën koncesionare të firmosur nga qeveria.

Lumi Vjosa kërcënohet aktualisht nga dy projekte, Poçemi dhe Kalivaçi.

Sekretariati i Energjisë me seli në Vienë mbikëqyr zbatimin e Traktatit për Krijimin e Komunitetit të Energjisë të firmosur në Athinë në vitin 2005, në të cilin, BE-ja dhe vendet fqinje me të, përfshirë vendet e Ballkanit dhe ato të Detit të Zi, u angazhuan të krijojnë një treg të përbashkët energjie të mbështetur në rregullat e brendshme të BE-së për tregun e energjisë./Reporter.al

LEXO TE PLOTE

Politikë

Rama në Athinë, në tryezë me Mitsotakis çështja e detit

Publikuar

-

Nga

Rama nesër në Athinë/ takim “kokë më kokë” me kryeministrin grek Mitsotakis

Kryeministri shqiptar Edi Rama pritet të takohet sot në mbrëmje në Athinë me homologun e tij grek Kyriakos Mitsotakis, me të cilin është parashikuar një darkë pune.

Zoti Rama ndodhet në kryeqytetin grek për të marrë pjesë në konferencën e përvitshme të organizuar nga Qeveria greke dhe revista The Economist. Takimi i mbrëmjes me kryeministrin Mitsotakis, vjen në një moment kur Greqia ka deklaruar se synon të zgjerojë ujërat e saj territoriale në detin Jon deri në 12 milje.

Vendimi i saj rihapi debatet e vjetra mbi një marrëveshje mes Greqisë dhe Shqipërisë për përcaktimin e kufijve detarë dhe zonave ekonomike eskluzive. Kryeministri Rama foli për një të drejtë që Greqisë I njihet nga Konventat ndërkombëtare, duke saktësuar se ajo nuk ka lidhje me përcaktimin e kufirit detar mes dy vendeve.



Pas rrëzimit nga ana e Gjykatës Kushtetuese të marrëveshjes së firmosur në vitin 2009, Tirana dhe Athina, rinisën bisedimet dy vjet më parë, si pjesë e një pakete çështjesh të mbetura pezull mes dy vendeve. Kryeministri Rama ka deklaruar se bisedimet për çështjen e detit janë ndërprerë, pas ardhjes në pushtet të qeverisë së kryeministrit Mitsotakis. Një gjë të tillë e konfirmoi pak ditë më parë dhe vetë kreu i qeverisë greke, ndërsa njoftoi se çështja e detit do të jetë temë e bisedimeve Të mbrëmjes së sotme me zotin Rama.

LEXO EDHE:  Letra nga Trump për Ramën apo për Ramushin?

LEXO EDHE:  Video-Arrestimi i dy ish-deputetëve socialistë/ Zbulohet “kurbani” i radhës i Ramës

Vizita e kryeministri shqiptar në Athinë, u parapri në fundjavë nga një takim që ai pati në Turqi me presidentin turk Tayp Erdogan, vendi i të cilit është përfshirë në një përplasje të hapur me Greqinë, pikërisht për ujërat detare që dy vendet ndajnë me njëri tjetrin./ VOA

LEXO TE PLOTE

Politikë

Meta thirrje Këshillit Politik/ Realizoni sa më parë ndryshimet në Kodin Zgjedhor

Publikuar

-

Nga

Meta: Nuk shqetësohem për shkarkimin, por për pasigurinë në vend

Presidenti Ilir Meta ka reaguar lidhur me ecurinë e mbledhjeve të Këshillit Politik për Reformën Zgjedhore.

Meta deklaron se Këshilli Politik duhet të gjejë konsensus dhe të realizojë sa më parë ndryshimet në Kodin Zgjedhor.

“Tani që data e zgjedhjeve është dekretuar pas konsultimit me forcat politike, është domosdoshmëri që Këshilli Politik të realizojë sa më parë ndryshimet në Kodin Zgjedhor, me konsensus dhe duke respektuar pikë për pikë Marrëveshjen konsensuale të 5 qershorit.

Kërkesa legjitime dhe parimore e opozitës për të kërkuar ekspertizën e ODIHR nuk duhet refuzuar. Zgjedhjet e lira dhe të ndershme janë domosdoshmëri absolute për çeljen e negociatave”, shkruan ai në rrjetet sociale.



Kujtojmë se mbledhja e djeshme e Këshillit Politik u shoqërua me debate nga palët politike, pasi opozita kërkoi të mos preken koalicionet parazgjedhore dhe hapje të lista 100%.

LEXO EDHE:  Letra nga Trump për Ramën apo për Ramushin?

LEXO EDHE:  Me çfarë e kërcënon Xhafaj, kryeministrin Rama?

Nga ana tjetër, Damian Gjiknuri i PS-së ngriti akuza se opozita po tenton të vonojë procesin e implementimit të ndryshimeve kushtetuese në Kodin Zgjedhor.

Sot opozita e Lulzim Bashës kërkoi që Këshilli Politik të mblidhet sërish nesër për të diskutuar mbi implementimin e ndryshimeve kushtetuese./ CNA.al

LEXO TE PLOTE