Politikë
Andi Përmeti paralajmëron Ramën dhe Bashën/ Marrëveshja juaj e fshehtë nuk do të votohet
Deputeti i Bindjes Demokratike, Andi Përmeti gjatë fjalës së tij në seancën e sotme të Kuvendit, ka hedhur dyshime të forta për një marrëveshje të fshehtë mes kreut te PD-së, Lulzim Basha dhe kryeministrit Edi Rama.
Këta dy të fundit, sipas Përmetit, kanë rënë dakort për një Reformë Zgjedhore, që nuk prek ndryshimin e sistemit, por ai paralajmëroi se opozita parlamentare nuk do ta pranojë.
Ai theksoi se opozita parlamentare ka 35 vota dhe do të jetë kundër reformës, nëse nuk preket sistemi zgjedhor.
“Ky parlament, të paktën ky krahu këtëj nuk ka për të miratuar asnjë marrëveshje midis dy individëve. Ky parlament i ka 35 firma kundër. Koliacioni i ri Basha-Rama ka vetëm 78 vota dhe do detyrohet ose Basha ti lutet deputetëve për ti marrë votën ose Basha do bashkohet me Ramën për të blerë votat e opozitës, për të votuar këtë marrëveshje. Kolegët e mi nuk do votojnë asnjë arrëveshje, jam i sigurtë.”-tha Andi Përmeti./ CNA.al
Politikë
Këlliçi publikon videon që Veliaj nuk e shfaq/ Jemi drejt gropës
Kreu i FRPD, Belind Këlliçi ka publikuar një video përmes të cilës nxjerr zbuluar bëmat e kryetarit të Bashkisë, Erion Veliaj.
Në video shihet qartë se për gjysmë ore te “Pallati me shigjeta” kaluan 12 betoniere! Këlliçi thekson se këto betoniere bllokojnë kalimin e automjeteve dhe këmbësorëve në shumë rrugë e rrugica.
Ai thotë se me foto nga Veliaj, jemi vendi më i gjelbëruar i Europës ndërsa në realitet jemi drejt gropës.
“Videot si kjo, Erion Veliaj nuk i shfaq!
Për gjysmë ore te “Pallati me shigjeta” kaluan 12 betoniere! Është vetëm një nga hyrjet në Tiranë.
1 betoniere ka një kapacitet maksimal 11 metër kub, ku vetëm 1 m³ ka 2400 Kg. Gjithsej 316,8 ton beton që derdhet në Tiranë në 30 minuta! Pa llogaritur hyrjet e betoniereve nga rr. Durrësit, rr. Dibrës, rr. Elbasanit, etj.
100 foto publikon Veliaj për një tek pemë që mbjell. Pemë që mbillen vetëm në parkun ekzistues të liqenit artificial. Këto betoniere bllokojnë kalimin e automjeteve dhe këmbësorëve në shumë rrugë e rrugica. Makina të tonazhit të rëndë që punojnë orar pa orar, që shkatërrojnë rrugë e shkaktojnë një ndotje akustike të tmerrshme për banorët e Tiranës. Rasti më i afërt për të cilin u njoftova nga banorët, ishte ai në rr. “Nikolla Lena”, ku nuk u vendos asnjë tabelë informuese që njoftonte banorët për bllokimin e rrugës.
Veliaj nuk i fotografon betonieret sepse i prishin imazhin e rremë të gjelbëruesit.
Kjo masakër urbane po e bën Tiranën të pajetueshme, po shkatërron trashëgiminë e saj ndërtimore e kulturore.
Po shqepin kodrat e gjelbëruara të Tiranës për të derdhur lumenj betoni.
Ku janë parqet e reja? Ku janë lulishtet? Ku i kaloni pasditet me fëmijët tuaj? Në kafenetë poshtë pallateve?
Me foto nga Veliaj, jemi vendi më i gjelbëruar i Europës. Në realitet jemi drejt gropes”, shkruan Këllici./CNA.al
Politikë
Video-Basha kapet mat/ Si gënjeu hapur në emision
Kryetari i PD, Lulzim Basha ka dalë sërish bllof me gënjeshtrat e tij që tashmë jemi mësuar t’i dëgjojmë shpesh në daljet televizive.
Dy ditë më parë Basha ka qenë i ftuar në “Opinion’ përballë një paneli gazetarësh. Gjatë intervistës, gazetarët pyetën Bashën për veprat e tij gjatë kohës kur qendronte në krye të Bashkisë së Tiranës.
Teksa diskutohej për ndërtimin e shkollave të reja gjatë asaj kohe, analisti Lorenc Vangjeli i kërkoi Bashës emrin e një shkolle që ai ka inaguruar. Stafi i Bashës i çoi gazetari Blendi Fevziut emrin e shkollës “Ahmet Gashi” që e konfirmon dhe Basha por në fakt kjo ishte genjeshtra e rradhës.
Por si qendron e vërteta e inagurimit të kësaj shkollë?
Shkolla “Ahmet Gashi” nuk është ndërtuar e re ashtu siç Basha pretendon, por është bërë vetëm një rikonstruksion i saj nga ana e bashkisë.
Nuk ka asnjë shkollë të rindërtuar apo të ndërtuar nga Basha, por ka vetëm rikonstruksione me fonde qesharake dhe ajo që vlen të theksohet është se rikonstruksioni i kësaj shkolle zgjati tre vite.
Për shkollën “Ahmet Gashi”, bashkia e Tiranës me në krye Bashën në atë kohë kishte planifikuar shuma qesharake për vitin 2014 shumën 11.006.652 lekë, për vitin 2015 shumën 8.000.000 lekë dhe për vitin 2016 shumën e 10.000.000 lekëve.
Pra Basha në atë kohë ka inaguarar vetëm rikonstruksionin e kësaj shkolle dhe jo ndërtimin e saj siç ai e shet paturpësusht nëpër emisionet televizive./CNA.al
Politikë
“Ëndrra europiane” e kryetarit të PD/ Kulluri “i pret krahët” Bashës
Ish-anëtari i Këshillit Kombëtar të Partisë Demokratike, Edvin Kulluri, thotë se shumica e shqiptarëve nuk i meritojnë Ramën dhe Bashën.
Me nota ironie, Kulluri shkruan se jemi akoma një vend i prapambetur për të kuptuar këta intelektualë të medhenj dhe lider progresistë.
Përmes një postimi në rrjetet sociale, Kulluri thotë se mbi 50% e votuesve janë arsimuar para 1990 c’ka e bën pothuaj të pamundur “endrrën europiane” të Kryetarit të PD!
“Fatkeqesisht shumica e shqiptareve nuk jane arsimuar ne perendim! Ndaj shansin per ta shnderruar Shqiperine ne Hollande pas 25 prillit nuk do ta kemi! Jo vetem kaq, por mbi 50% e votuesve jane arsimuar para 1990 c’ka e ben pothuaj te pamundur “endrren europiane” te Kryetarit te PD! Edhe kete here mesa duket ne “injorantet” e formuar ne Shqiperi do ta mbajme Shqiperine peng! Por meqe shume te tjere nuk marrin as vesh nga arti e piktura ne vecanti, do mbeten pa votuar fare! Se nga moda nuk ja thone hic! Shumica e shqiptareve nuk i meritojne Ramen dhe Bashen! Jemi akoma nje vend i prapambetur per te kuptuar keta intelektuale te medhenj dhe lider progresiste! Fatkeqesi e madhe!”, shkruan Kulluri./CNA.al
Lajme të Rekomanduara:
53 emrat e listës fituese të Lulzim Bashës
Lulzim Basha po paraqet ditë pas dite listën e tij të kandidatëve fitues në zgjedhjet e 25 prillit. Fiton apo jo opozita, Luli çdo ditë...
Zbulohet kandidatja surprizë e Lulzim Bashës
Partia Demokratike, duket se ka vendosur të na surprizojë edhe këtë herë me kandidatët e saj për zgjedhjet e 25 prillit. Bëhet fjalë për një...
1 Koment