Politikë
“Edhe më keq se “i keqi” Sali”/ Ish-ministri kujton gjyqin e fituar si avokat i PS, mesazhi i fortë për Ramën
Ish-ministri i Drejtësisë në qeverinë “Rama 1”, Ylli Manjani ka reaguar pasi qeveria ka miratuar ligjin e aashtuquajtur “KÇK”, të cilin e cilëson si vaandalizëm Kushtetues.
“Ky është neni 101 i Kushtetutës së Republikës, që ende e kemi në letrat e shtetit.
Siç mund të lexohet, qeveria lejohet të nxjerrë akt normativ me fuqinë e ligjit, pra e thënë thjeshtë të miratojë një ligj, vetëm kur:
1. Është një NEVOJË dhe URGJENCË,
2. Ligji përmban masa të PËRKOHSHME.
E qartë kristal!
Ligji që kanë miratuar dje për të ashtuquajturën KÇK, nuk kishte as nevojë e as urgjencë që të justifikohej anashkalimi i Parlamentit. Kujtoj këtu se ky ligj u propozua që më 26 dhjetor. Pa llogaritur kohën që raportonte Rama se “po punoj për një ligj” ….
Pra kishte kohë plot për ta debatuar në procedurat parlamentare.”-shkruan Manjani.
Sipas Manjanit, urgjenca presupozon një arësye të ngutshme që zakonisht vjen nga fatkeqësi dhe, kur kërkohen ndërhyrje të shpejta dhe ska kohë për të ndryshuar ligjet.
Në këto kushte nxirret një akt normativ nga qeveria. Vetëm në këto kushte.
Nga ana tjetër, Manjani thekson se masat e propozuara në akt duhet të jenë me natyrë të Përkohshmë.
“KÇK-ja ka tashmë ndryshime drastike parimore me natyrë afatgjatë, pra aspak të përkohshme.
Kështu që nën dritën e këtij neni akti i KÇK konsiderohet qartësisht vandalizëm Kushtetues. Rrëmbim ashiqare i pushtetit Legjislativ dhe shmangie e pushtetit gjyqësor nga Qeveria!
Haptazi fare!
Nuk e di se çfarë do të lexojnë më shumë ambasadat, sepse mjafton kaq për të kuptuar se qeveria është mbi çdo pushtet tjetër. Nejse punë për ta.”.
Po ashtu, Manjani kujton kohën kur si avokat i PS-së ka fituar një gjyq, kundër Berishës, për të cilin e ka përgëzuar Rama dikur.
“Edhe një gjë: me këto argumenta dikur kam fituar gjyqin në Gjykatën Kushtetuese, si avokat i Partisë Socialiste, kundër aktit normativ të qeverisë Berisha. E pra ai akt i Berishës kishte një sens emergjence sepse popullsia ishte pa energji.
E megjithatë akti ra.
Edi Rama asokohe më përgëzoi për fitoren. Sot po i sjell në vemendje të njëjtat argumente dhe të njëjtin nen, që të kuptojë ku është katandisur!
Edhe më keq se “i keqi” Sali…”-përfundon postimin e tij Ylli Manjani./ CNA.al
Politikë
Denoncon ish deputeti/ Qeveria lë në mëshirë të fatit Dibrën, mijëra banorë pa energji elektrike prej 24 orësh
Ish deputeti i PD, Xhemal Gjunkshi ka denoncuar mungesën e energjisë elektrike prej 24 orësh në Dibër.
Përmes një postimi në rrjetet sociale, Gjunkshi thotë se Dibra po përjeton varfërinë dhe pakujdesinë ekstreme të kësaj qeverie ndërsa shton se dibranët nuk e meritojnë një ndëshkim të tillë.
“Kanë kaluar mbi 24 Orë që në Dibër, në këto netë të acarta të dimrit ka pllakosur errësira.
Kushteve të vështira të motit, temperatuarave mjaft të ulta në (-)minus disa gradë ju shtohet edhe mungesa e energjisë elektrike.
Janë me dhjetra mijëra banorë të Zonave të thella malore si Lura, Çidhna, Arrasi, Bllice, Sllovë, Kala e Dodës etj, të cilat qeveria i ka lënë në mëshirë të fatit.
Dibra po përjeton varfërinë dhe pakujdesinë ekstreme të kësaj qeverie.
Në emër të Partisë Demokratike, kërkoj ndërhyrjen dhe zgjidhjen e menjëherëshme të kësaj situate të paprecedentë.
Dibra nuk e meriton këtë ndëshkim!
Mesazhi i një qytetari ;
përshëndetje gjeneral. nënstacioni fushë -alie është jashtë funksionit,pasi eshtë djeg transformatori. 7 njësi bashkiake janë pa energji. fushë alie,lura,zall-dardhë,reç,sllovë,kala e dodës arras.”/CNA.al
Politikë
Goxhaj për OFL/ “Model tipik komunist, i kohës së Edverit”
Avokati Altin Goxhaj ishte i ftuar në studion e lajmeve në Fax News, teksa foli për Operacionin Forca e Ligjit.
Sipas Goxhaj ky është një model tipik komunist që sipas tij mund të ndiqej një mënyrë fare e thjeshtë për të luftuar paratë dhe pasuritë e vëna në mënyrë kriminale dhe të paligjshme.
“Bashkë me Armir Shkurtin bëmë një investigim në ish-Bllok mbrëmjen e kaluar. Kishte mungesa në githë zonën, kishte karrige lokalesh bosh. Kjo duket një prirje komuniste. Nëse do të kërkosh diçka është e thjeshtë, futesh në sistem dhe kontrollon gjithçka.
Të ndalosh njerëz në rrugë është një sjellje tipike komuniste që në kohën e Edverit, pra të Edi Ramës vetëm udhëheqësit duhet të kenë makina të shtrenjta. Prandaj Blloku ishte bosh, por kanë gjetur disa ‘fukarenj’. Nuk kam të drejtë të paragjykoj askënd përse ka një makinë të shtrenjtë, qeveria ka të gjitha mekanizmat e duhura për të gjetur të dhëna mbi mjetet e shtrenjta”, tha Goxhaj./CNA.al
Politikë
Bardhi paralajmëron nga Vlora/ “Ndryshimi është vetëm çështje kohe”
Sekretari i Përgjithshëm i PD, Gazment Bardhi, ka mbajtur një takim me strukturat në qarkun e Vlorë.
Bardhi ngre akuzat se ky qark është shfrytëzuar pa mëshirë nga kryeministri Edi Rama dhe trafikantët e drogës.
Demokrati deklaron se nga bashkëbisedimi i hapur ka kuptuar se sa më shumë presion të paligjshëm që ushtron qeveria, aq me më shumë vendosmëri dhe kurajo reagojnë qytetarët dhe demokratët në Vlorë, Selenicë, Sarandë dhe Delvinë.
“Për fat të keq, këto qytete janë shfrytëzuar pa mëshirë nga Edi Rama dhe trafikantët e drogës, të njohur kudo në zonë si partnerët e tij kryesorë në bashkëqeverisje.
Me mbështetjen e pakursyer të qytetarëve të këtij qarku, besoj fort se ndryshimi është vetëm çështje kohe”, shprehet ai./ CNA.al
Lajme të Rekomanduara:
Opozitë për Bashën, dhe opozitë përtej Bashës
Dashamir Shehi, kreu i LZHK-së, në një dalje të fundit publike hodhi idenë e një koalicioni më të gjërë opozitar, duke dalë kështu për herë...
Ekskluzive-Zbulohet dokumenti/ Robert Rakipllari, miliona nga konflikti i interesit
Gazetari dhe analisti, shërbëtori i kahershëm i Irfan Hysenbelliut, Robert Rakipllari, në një shkrim investigativ në CNA.al, u raportua si një person në konflikt të...
Z
1 Shkurt, 2020 at 11:26 am
Kjo eshte e keqja shqiptare! Nje medioker si manjani merr persiper te diskutoje dhe po nje portal medioker i boton shkrimin!