Connect with Us

Nuk kurseu as 1.1 milionë fëmijë/ Shifrat e frikshme të Holokaustit

Bota

Nuk kurseu as 1.1 milionë fëmijë/ Shifrat e frikshme të Holokaustit

Publikuar

-

Holokausti nisi në janarin e vitit 1933, kur Adolf Hitleri u ngjit në pushtet, dhe përfundoi më 8 maj 1945, kur Gjermania naziste nënshkroi kapitullimin.

Gjatë Holokustit vdiqën mbi 1.1 milionë fëmijë. Ata ishin në shënjestër të nazistëve, pasi vlerësohej se përbënin një kërcënim kur të rriteshin si një brez i ri hebrenjsh. Shumë fëmijë vdiqën rrugës në trenat e mbipopulluar si pasojë e asfiksisë. Ata që mbijetuan, u dërguan menjëherë në dhomat e gazit.

Vrasja më masive e Holokaustit, ndodhi në shtatorin e vitit 1941 në Babi Jar në rrethinat e Kievit në Ukrainë. Në vetëm 2 ditë, trupat SS vranë më shumë se 33.000 hebrenj.

Të burgosurit Sonderkommando, u detyruan të varrosnin kufomat ose t’i digjnin në krematoriume. Për shkak se nazistët nuk donin dëshmitarë okularë, shumica e Sonderkommando dërgoheshin vetë në dhomat e gazit, dhe më pak se 20 nga disa mijëra prej tyre, arritën që të mbijetojnë.

“Zgjidhja përfundimtare e problemit hebre”, u miratua gjatë Konferencës së Vansisë në janarin e vitit 1942. 14 nazistë të nivelit të lartë, prezantuan një program për t’i dëbuar të gjithë hebrenjtë në Poloni, ku ata do të eleminoheshin nga trupat SS.

Mbi 1 milionë njerëz u vranë vetëm në kampin e Aushvicit, më shumë se sa në çdo kamp tjetër. Ai  përbëhej nga 3 kampe:një kamp përqendrimi, një kamp vdekje dhe një i punës së skllevërve modernë. Ai kishte një sipërfaqe 49 km katrorë, ruhej nga 6.000 roje, dhe ndodhej në qytetin polak Osviecim.

Termi “Holokaust” vjen nga greqishja Holo “të gjithë” plus kaustos “djegur”. Ajo i referohej dikur një flijimi, gjatë të cilit digjej e gjithë kafsha.

Gjatë Holokaustit, u vranë përafërsisht 220.000-500.000 romë.

Shumica e njerëzve që u dërguan në kampet e punës dhe ato të vdekjes, u transportuan në vagona trenash që përdoreshin për bagëtitë. Në këto vagona ​​nuk kishte ujë, ushqim, tualet, apo ventilim. Për shkak të mungesës së vagonëve, qindra njerëz futeshin me zor në secilin nga vagonët, dhe qëndronin më këmbë gjatë gjithë udhëtimit, që ndonjëherë zgjaste 18 ditë. Kur hapeshin dyert e vagonëve, në jo pak raste të gjithë njerëzit aty brenda kishin vdekur.

Aushvicvi ishte famëkeq edhe për eksperimentet e doktor Jozef Mengeles. Shumë fëmijë u sakatuan ose u paralizuan, dhe qindra prej tyre vdiqën. Mengele arriti t’i shpëtojë daljes para drejtësisë. Ai vdiq i mbytur aksidentalisht në Brazil në vitin 1979.

Gazi në dhomat e vdekjes në kampe, hynte fillimisht nga dyshemeja, dhe më pas ngjitej ngadalë drejt tavanit. Kjo i detyronte viktimat të shkelnin njëri-tjetrin, në përpjekje për të marrë frymë. Viktimat që ishin fizikisht më të fuqishëm, gjendeshin shpesh në majë të grumbullit të kufomave. Procedura e vrasjes në këto dhoma zgjaste 3-15 minuta.

Kampi i parë i përqendrimit ishte Dahau, ku u burgosën në fillim kundërshtarët politikë të Hitlerit, përfshirë komunistët, socialistët dhe kristiandemokratët. Më vonë, edhe ai u përdor si një kamp shfarosjeje për hebrenjtë.

LEXO EDHE:  Pse do të funksionojë strategjia e Donald Trumpit ndaj Iranit

Ndërsa hebrenjtë po dëboheshin në Gjermani, përfaqësuesit e 32 vendeve u takuan në Evian të Francës në vitin 1938, për të diskutuar mbi krizën në rritje të refugjatëve në Evropë. Por përfaqësusit britanikë thanë se nuk kishin vend për të akomoduar refugjatët hebrenj. Vende të tjera, ofruan azil të përkohshëm, por vetëm për pak refugjatë hebrenj.

Në hyrje të çdo kampi shfarosës, kishte një proces seleksionimi. Gratë shtatzëna, fëmijët e vegjël, të sëmurët, personat me aftësi të kufizuara dhe të moshuarit, dënoheshin menjëherë me vdekje. Punëtorët e kampeve të përqendrimit, detyroheshin të vraponin para oficerëve SS, për të treguar se kishin ende forcë të punonin.

Gjatë Holokaustit, nazistët vodhën direkt dhe indirekt mbi 150 miliardë dollarë pasuri të viktimave të tyre hebreje. Ata morën ç’mundën nga viktimat e tyre, përfshirë unazat e martesës, orët, gurët e çmuar dhe syzet.

Në atë periudhë të errët edhe korporatat më të njohura gjermane përdorën punën e skllevërve, përfshirë BMW dhe Mercedes-Benz.

Ata që e mohojnë Holokaustin, pretendojnë se hebrenjtë “e zhdukur” nga Evropa pas vitit 1945, janë rishfaqur në SHBA, Izrael dhe gjetiu tjetër si emigrantë të paligjshëm. Sot mohimi i Holokaustit, përbën një vepër penale jo vetëm në Gjermani, por në shumë vende të botës.

Pasi u çliruan kampet e përqendrimit, mijëra të mbijetuar që ishin tejet të uritur dhe të rrahur, vdiqën brenda javës së parë të lirisë. Disa hebrenj të liruar nga kampet e përqendrimit, vdiqën nga ëmbëlsirat dhe çokollatat e tepërta që konsumuan me vrull, dhe që iu dhanë nga ushtarët perëndimorë.

Gjatë viteve 1945-1985, mbi 5.000 kriminelë nazistë të luftës u ekzekutuan më vdekje, dhe 10.000 të tjerë u dënuan me burg.

Përgjegjësi kryesor për zbatimin e Holokaustit ishte Hajnrih Himler. Ai u arrestua nga britanikët në fund të luftës, por kreu vetëvrasje para daljes në gjyq.

Gjatë procesit të de-nazifikimit të Gjermanisë, të tre fuqitë e mëdha (SHBA-ja, Britania e Madhe dhe Rusia), dënuan në forma të ndryshme mbi 3.4 milionë ish-nazistë./Factretriever.com-Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

“Tërmet” politik në Gjermani/ Pasardhësja e Merkelit merr vendimin e papritur

Publikuar

-

Nga

Drejtuesja e CDU-së, Annegret Kramp-Karrenbauer, heq dorë nga kandidatura për kancelare, si edhe nga posti i kryetares së CDU-së.

Pas ngjarjeve në landin e Tyringjisë javën e kaluar, ku një kryeministër liberal (FDP) u zgjodh me votat e partisë populiste të djathtë, AfD dhe u dorëhoq pak ditë më vonë, kryetarja e partisë kristian-demokrate, CDU, Annegret Kramp-Karrenbauer ndeshi në kritika të forta që vunë në dyshim autoritetin e saj. Tani ajo vendosi të heqë dorë si nga kandidatura për kancelare ashtu edhe nga pozicioni i kryetares së CDU-së, bëri të ditur presidiumi i CDU-së në Berlin, sipas një zëdhënësi konservator.

Kramp-Karrenbauer, tha në presidium, citon dpa,se ka “një marrëdhënie të pasqaruar të pjesëve të CDU-së, me AfD dhe Të Majtët”. A

LEXO EDHE:  SHBA përgatit tërheqjen e trupave nga Gjermania

LEXO EDHE:  Gjermania nën kërcënimin e sulmeve kibernetike të Rusisë

jo është kundër një bashkëpunimi me AfD dhe Të Majtën. Në të njëjtën kohë është e qartë, që kryesimi i partisë dhe kandidatura për kancelare janë në një dorë. Sipas AKK në verë ajo do të organizojë procesin e kandidaturës për kancelar, do ta përgatisë partinë për të ardhmen dhe do të dorëzojë postin e kryetares, thuhet në njoftimin e presidiumit të CDU-së. Njoftohet se Merkel do ta mbajë Kramp-Karrenbauer si ministre të Mbrojtjes./DW

LEXO TE PLOTE

Bota

Rritet në 811 numri i të vdekurve nga koronavirusi

Publikuar

-

Nga

Në Kinë numri i persona që kanë gjetur vdekjen si pasojë e koronavirusit prej momentit të shpërthimit deri më sot ka arritur në 811, duke e kaluar numrin e vdekjeve në nivel botëror të shkaktuar nga virusi SARS.

Shumë prej qyteteve janë shdërruar në qytete fantazmë gjatë dy javëve të fundit pas urdhrit të autoriteteve për t’i izoluar ato, bllokuar fluturimet dhe mbyllur fabrika e shkolla. Edhe të hënën një numër i madh vendesh pune e shkollash, do të vazhdojnë të qëndrojnë të mbyllura. Në total numri i personave të prekur nga virusi në Kinë njoftohet se është 37,198 persona. Virusi është përhapur në të paktën 27 vende e rajone të ndryshme të botës duke infektuar më shumë se 330 njerëz.

Ndërkohë autoritetet kineze njoftuan se po rritet numri i pacientëve me koronavirus që po shërohen. Sipas Komisionit Kombëtar kinez të Shëndetit, numri i përgjithshëm i personave që janë shëruar prej shpërthimit të infeksionit viral është 2649 persona. Dy ditët e fundit kanë shënuar një rritje të numrit të pacientëve me koronavirus të cilët janë shëruar dhe kanë lënë spitalet në mbarë Kinën.

Në provincën Anhui në lindje të Kinës, 12 persona u liruan nga spitali ditën e shtunë në disa qytete, duke e çuar në 59 numrin e përgjithshëm të pacientëve të shëruar.

“Një numër i madh i pacientëve janë larguar nga spitali këto dy ditë, mesatarisht dy ose tre në ditë. Kjo rrit besimin tek mjekët. Shpresojmë që e gjithë shoqëria të mbështesë punën tonë për parandalimin dhe kontrollin. Kemi besim se do ta fitojmë betejën kundër epidemisë”, thotë Yang Dexiang, mjek i rrugëve të frymëmarrjes në spitalin e qytetit Tongling.

LEXO EDHE:  Gjermania nën kërcënimin e sulmeve kibernetike të Rusisë

LEXO EDHE:  Pse ndodh ecja në gjumë?/ Shkencëtarët nuk kanë ende një përgjigje shterruese

Një pacient i cili kishte ardhur në spital në gjëndje të rëndë në provincën Heilongjiang në verilindje të Kinës, la spitalin pasi testet e fundit rezultuan negative. Në qytetin Zunyi të provincës Guizhou, një pacient u largua nga spitali të shtunën pasdite pas trajtimit 13-ditor.

Lajme inkurajuese vijnë gjithashtu edhe nga provinca ishull Hainan, e cila raportoi për tre raste pacientësh të shëruar të shtunën duke e çuar në 14 numrin e përgjithshëm të tyre. Në qytetin lindor Liaocheng, të provincës Shandong, pacienti i parë u lirua nga spitali të premten.

Rajoni autonom Ningxia Hui, raportoi të shtunën 10 raste të tjera pacientësh që e kanë marër veten, duke e çuar kështu në 13 numrin e përgjithshëm të tyre. Sipas shifrave të Komisionit Kombëtar të Shëndetit, numri i përgjithshëm i pacientëve të shëruar në të gjithë Kinën deri ditën e shtunë, rezulton të jetë 2,649 persona. /VOA 

LEXO TE PLOTE

Bota

E djathta populiste/ Një tendencë europiane në forcim

Publikuar

-

Nga

Eurodeputeti dhe kreu i partisë populiste të djathtë, AfD, Jörg Meuthen u shpreh i gëzuar për rezultatin e papritur në Tyringji këtë javë. Për herë të parë në një land gjerman u zgjodh një kryeministër me ndihmën e AfD-së. Meuthen tha për gazetën “Frankfurter Allgemeinen Zeitung”, se partia e tij AfD, kristiandemokratët e CDU-së dhe liberalët e FDP-së krijojnë një “rreth konservator-liberal”. Ndërkohë politikani i zgjedhur i FPD-së në Tyringji si kryeministër, Thomas Kemmerich u dorëhoq nga posti, por për AfD-në mbetet suksesi i futjes në “kampin liberal-konservator”. Eurodeputeti i majtë, Martin Schirdewan e kritikoi ashpër bashkëpunimin kohëshkurtër mes CDU, FDP dhe AfD si “thyerje tabuje”. Për populistët e djathtë në Europë, që paraqesin ndërkohë grupin parlamentar të katërt më të madh, Tyringjia paraqet një hap tjetër suksesi, një simptomë e një trendi të dukshëm prej vitesh në BE.

Jörg Meuthen, AfD

Në shumë vende populistët e djathtë janë pjesëmarrës në qeveri, krijojnë grupimin më të fortë parlamentar ose i kanë dobësuar ndjeshëm partitë tradicionale. Gjermania ishte deri të mërkurën një përjashtim. Vetëm në muajt e fundit në Austri dhe Itali populistët e djathtë pësuan disa goditje. Tyringjia, megjithë dorëheqjen e Kemmerichs, duket se i jep më shumë besim AfD-së dhe grupit parlamentar populist “Identiteti dhe demokracia” (ID) në Parlamentin Europian. Krahas AfD-së aty janë të përfaqësuar edhe Lega e radikalit të djathtë, Matteo Salvini, partia austriake  FPÖ e shkundur me themel nga skandali i (i njohur si afera e Ibicës, shën red.) dhe “Asambleja Kombëtare” franceze e Marine Le Pen.

Të qenit djathtas në Austri është prej kohësh normale

Në Austri, FPÖ ka qenë e përfaqësuar disa herë në nivel qeveritar federal. Partia kristiandemokrate, ÖVP nën kreun e saj “fleksibël”, Sebastian Kurz është afruar me pozicionet e FPÖ-së dhe gati e përqafoi këtë parti. Në disa lande, po ashtu FPÖ ka qenë e përfaqësuar. Madje edhe me socialdemokratët ka pasur në landin “Burgenland” një koalicion deri në skandalin e “Ibicës” vitin e kaluar. Vitin e kaluar, atëherë kreu i FPÖ-së, Strache donte t’i shiste shërbimet politike një gjoja vajze të një oligarku. Kjo u zbulua përmes një videoje të filmuar fshehurazi. Qeveria u rrëzua dhe FPÖ u largua nga qeveria. Kreu i FPÖ-së në parlamentin austriak, Herbert Kickl i mbështeti të premten kolegët e partisë mike në Tyringji duke i quajtur zhvillimet në Tyringji si “përshtypje e një shtrembërimi total të demokracisë” që ofrojnë “të vetëemëruarit mbrojtës të gralit të shenjtë”. Kickl kishte parasysh këtu kritikën që iu bë CDU dhe FDP në Tyringji që zbutën vijën ndarëse me AfD.

Protestë populiste kundër ndërtimit të xhamisë në Köln, (30.03.2016)

Në Itali nuk ka drojë

Edhe në Itali kufijtë ndarës me kristiandemokratëve, konservatorëve dhe radikalëve të djathtë kanë rënë prej kohësh. Partia nacional-konservatore, “Forza” e Silvio Berlusconit punon hapur me populistët e djathtë të Legas dhe neonazistët e “Fratelli d’Italia”. Të treja partitë duan në zgjedhjet e ardhshme të fitojnë si aleancë e djathtë mbi kampin e majtë të populistëve të “5 Yjeve” e socialdemokratëve. Lega e Matteo Salvinit ka bashkëqeverisur në Romë. E Salvini vazhdon të jetë shumë popullor, edhe pse zgjedhjet rajonale në rajonin e Emilia Romagnas i humbi me distancë të vogël votash. “Thyerja e tabusë” ka ndodhur prej vitesh në Itali. Në Itali qytete, komuna e rajone të tëra qeverisen nga populistët e djathtë.

LEXO EDHE:  U frymëzua nga romani i Zhyl Vern, kush ishte gazetarja që udhëtoi anembanë botës për 72 ditë

LEXO EDHE:  A është divorci zgjidhja e duhur për një martesë të palumtur?

Populistët e djathtë të forcuar

Në Francë partia e Marine Le Pen, “Asambleja Kombëtare” pret që të fitojë ndjeshëm në zgjedhjet komunale në mars. Le Pen që e ktheu Frontin Nacional në “Asamble Kombëtare” ka kohë që ka hyrë thellë në kampin liberal-konservator. Partitë e dikurshme konservatore janë zvogëluar. Le Pen synon që nga bashkitë të ngjitet në pushtet në nivel kombëtar. Në vitin 2022 ajo synon të jetë presidente e Francës e do të dalë kundër Emmanuel Macron në zgjedhje. Një zgjedhje si në Tyringji nuk do të shokonte askënd në Francë. Në Spanjë konservatorët dhe populistët e djathtë të Vox bashkëpunojnë në Andaluzi. Në nivel kombëtar, Vox është forca e tretë politike në vend dhe vazhdon të depërtojë në kampin konservator. Në Holandë, kryeministri liberal, Mark Rutte ka dy parti populiste pas vetes. Në Belgjikë, vend që prej 14 muajsh pa qeveri, sipas sondazheve, nacional-konservatorët flamandë të “Vlams Belang” dalin partia më e fortë. Në Finlandë populistët e djathtë janë vetëm pak pikë pas socialdemokratëve në vendin e dytë, më parë ata kanë qenë edhe në qeverisje. Lista vazhdon. Në Zvicër, Poloni, dhe Hungari nacionalistët dhe populistët qeverisin me shumicë të qartë. Kampi “liberal konservator” në këto vende ka kohë që është dobësuar.

Protestë kundër kongresit të AfD-së në Köln (22.42017), dhe Björn Hocke, të njohur si radikal i djathtë në AfD – Parrullat që lexohen “Jo urrejtjes kundër myslimanëve” dhe “Kurrë më- asnjë skenë për AfD”

Tani edhe Gjermania?

Tani edhe Gjermania? AfD, që filloi karrierën politike si parti euroskeptike në kohën e krizës financiare dhe që është zhvendosur gjithnjë e më djathtas si parti kundër migracionit është ndërkohë partia më e fortë opozitare në Bundestag. Një pjesëmarrje në qeveri në një land si Tyringjia duket si “një avari teknike”, të cilën CDU dhe FDP duan ta riparojnë. Kryeministri që u ngjit në post me votat e AfD është dorëhequr, parlamenti mund të shpërndahet. Në plan afatgjatë mund të ndodhë që edhe Gjermania të ndjekë trendin që ka kohë që është realitet në Europë. Partitë e mëdha popullore janë ose duke humbur ndjeshëm elektorat ose po humbasin nocionin parti popullore. Skajet politike, sidomos ai i djathtë janë forcuar. Dështimet si në Austri apo Itali vetëm e ngadalësojnë këtë zhvillim, por duket se nuk e ndalin./DW

LEXO TE PLOTE