Connect with Us

Sqarim i editorit pse reaguam dhe po flasim ndaj nismës “Thurje”

Opinione

Sqarim i editorit pse reaguam dhe po flasim ndaj nismës “Thurje”

Publikuar

-

Besjan PEsha, Pano Soko, Endri Shabani

City News Albania (cna.al), një agjensi lajmesh prej gati 6 vitesh në treg, prej disa ditësh ka sjellë një seri materialesh lidhur me nismën “Thurje”, një lëvizje e cila herë duket me një fytyrë të djathtë, herë si një grup nekomunistësh, herë si mbetje politike të keq përdorura dhe herë si një lëvizje kundër sistemit politik në Shqipëri, këtë të fundit e kanë zbuluar si lojë për të hyrë vetë në sistem. Le të shohim faktet.

Thurja është krijuar nga Besian Pesha dhe Panajot Soko, dy personazhet kryesorë të nismës, të cilëve i është bashkuar tashmë edhe Endri Shabani, por që të mos lodhen çunat me sqarime, gënjeshtra  dhe opinioni publik të kuptojë gjithçka, ne po japim sqarimet tona shteruese, pse po shkruajmë për nismën “Thurje” dhe pse tani.

Së pari, ndaj nismës “Thurrje” kemi pasur dyshimet tona dhe nuk është hera e parë që shkruajmë. Për Besian Peshën kemi shkruar edhe më parë, mund të vemë në dispozicion edhe komunikime personale me të, ku ai ishte i shqetësuar se pse ne po e sulmonim, por le të ruajmë konfidencialitetin dhe privatësinë me disa komunikime krejtësisht personale. Edhe Endri Shabanit i jemi drejtuar me pyetje për Thurjen, por kurrë su përgjigj.

Rifillojmë nga Besian Pesha pretendon se është një personazh i shoqërisë civile, ndërsa në fakt ne po ia themi atë që ai e di, po ai është pjesë e ish-strukturave të “Mjaft”-it, fotot, faktet dhe shqiptarët kanë memorie, e dinë mjaft mirë.

“Mjaft”-i është financuar nga Sorosi dhe nuk ka pse pyet kush e ka paguar lali Eri apo Soros. Ka qenë ushtar i “Mjaft”-it dhe lali Erit, pikë dhe kjo nuk ka diskutim. Më pas hyri te LSI, kjo është e vërtetë, mund të sjellim edhe deklarimin e tij të pasurisë, të cilën mund ta shikoni këtu më poshtë, ku deklaron se ka marrë shuma të mëdha parash si këshilltar i kësaj force politike.

Më pas nga LSI është bërë drejtor i AKBN-së dhe më pas ka akaluar në shoqërinë civile. Është një person i dënuar si hajdut me vendim të  gjykatës Gjirokastër. Kjo është pak a shumë jeta politike e këtij aktivisti, i cili pretendon se është në shoqërinë civile, tek nisma “Thurje”, tek një parti politke, tek “Mjaft”- dhe kështu me radhë.

Ne të CNA.al nuk kemi asgjë me Besian Peshën, përkundrazi e kemi me shqiptarët dhe të vërtetën që ata duhet të dinë se kush flet në emër të tyre.

Le të shkojmë te Pano Soko. Panajot Sokoja, i cili ka qenë një ish-shef sektori në Ministrinë e Financave dhe më pas drejtor i Financës në AKBN, një institucion i mbuluar nga skandalet kur ai drejtohej nga Besian Pesha. Nëqoftëse duam të shkojmë më tej, Pano Sokoja duhet ta kuptojë mirë dhe ta dijë se cilat janë zullumet në AKBN-së, që ka kontatuar KLSH-ja dhe kontrollet e ndryshme, cilat janë skandalet dhe problematikat e atij institucioni.

Shkojmë më tej tek Endri Shabani, nuk e kemi akuzuar dhe nuk e kemi fyer, kemi thënë vetëm të vërtetën, atë të vërtetë që dhe shokët dhe miqtë e tij bashkëpunëtorë të nismës “Thurje” e kanë fshehur, finacimin nga Soros. Sorosi nuk është gogoli, por nuk kanë pse ta fshehin dhe të thonë se janë studiuar dhe financuar nga paratë e Soros. Le ta thotë që ka qenë një nga aktivistët kryesorë dhe numri 2 i Aleancës Kuq e Zi të Kreshnik Spahiut. Mund t’i ofrojmë qindra shkrime dhe materiale publike gjatë aktiviteteve të tij dhe ka deklaruar publikisht se është një votues i Edi Ramës, e ka thënë në 2013-ën, ashtu siç ka thënë se ka marrë disa mijëra e mijëra euro nga Soros për t’u shkolluar.

Nuk kemi thënë asgjë të gënjeshtërt, kemi thënë çdo gjë të vërtetë për këta tre personazhe, për atë të parin e dënuar si hajdut, për të dytin që ka qenë bashkëpunëtor i tij tek AKBN-ja dhe të dy bashkë, Panajoti dhe Besi kanë dhe lidhje të tjera.

Në deklaratat e pasurive duket se bashkëshortja e Panajotit është paguar nga bashkëshortja e Besian Peshës e kështu me radhë. Nuk kanë rëndësi për dikë këto fakte por tregojnë se janë thjesht një sekt për interesa krejtësisht personale.

Rëndësi publike ka fakti, kush janë këta tre personazhe, të cilët kanë marrë përsipër të shëmbin sistemin politik.

Për shumë gjëra dhe çështje që ata flasin ata kanë të drejtë por ato sjanë kauzat e tyre por të shqiptarëve. Ne jemi dakord me shqiptarët, që në shumicë janë për të ndryshuar sistemin politik në Shqipëri, qoftë edhe sistemin e votimit, por kjo nuk mund të përfaqësohet dhe keqpërdoret  nga tre persona të cilët kërkojnë të hyjnë në politkë dhe të kapin një karrige në Kuvend.

Do të ishin të besueshëm nëse Endri do të na thoshte se nuk do të hynte kurrë në Parlament dhe nuk do të futej në politikë, bashkë me Panajot Sokon, se e bënin për qytetarët, se nuk e bëjën që të rikthejnë karriget dhe për të marrë pushtet, bashkë me Besian Peshën e dënuar si hajdut.

Ne si media pro çdo aksioni që çon në ndryshimin e sistemit politik, një sistemi mazhoritar, ndoshta me proporcional rajonal të korrigjuar, e kështu me radhë, ka 101 mënyra. Por këtë s’mund ta vendosë një hajdut, një i paguar nga Soros dhe një ish drejtor i hajdutit, këtë duhet ta vendosin shqiptarët qoftë edhe me referendum.

Ne jemi pro aksionit të artistëve dhe shoqërisë civile te Teatri, jemi në mbrojtje të Teatrit dhe e kemi bërë këtë çdo ditë.

Ne si media kemi denoncuar me qindra e qindra skandale, vjedhje e abuzime të kryebashkiakut të Tiranës Erion Veliaj, jemi e vetmja që kemi denoncuar drejtpërdrejt dhe pastër skandalin në Gjykatën e Tiranës dhe tentativën për të manipuluar se Ardit Gjoklaj ishte hedhur atje, pra trupi i tij ishte sjellë nga jashtë impiantit të mbetjeve të kryeqytetit.

Jemi media që kemi mbështetur dhe lëvizjet dhe aksionet dhe kemi raportuar edhe për debatet që janë bërë për çështjen e rritjes së çmimit të biletës së urbanit në kryeqytet, kemi qenë kundër dhe jemi kundër hapur, e deklarojmë publikisht. Jemi kundër hapur kryebashkiakut të Tiranës. Kemi denoncuar qindra qindra raste.

LEXO EDHE:  Ligji për Teatrin/ Zbulohet deputeti që i ndërroi kartën Robert Bitrit (Video)

Jemi kundër koncesioneve , kemi denoncuar me dhjetëra raste koncesionesh dhe tenderash skandaloze të Rilindjes. Të gjithë ministrat me radhë, nga i pari tek i fundit, i gjeni te rubrika vettingu, pasuritë e tyre, skandalet e tyre, mud të gjeni dosje gjyqtarësh, prokurorësh, korrupsioni. Ashtu brenda tyre do të gjeni dhe dosjen korruptive të Besian Peshës dhe atë që kemi thënë se është dënuar për hajdut, se kjo është e vërtetë.

Ne sot mbështesim shumë nga kazuat që sot përpiqet t’i rrëmbejë nisma “Thurje”, të cilat nuk janë kauzat e saj, por janë kauzat e qytetarit shqiptar, prandaj kur del çeta e “Thurjes” kauzat veniten dhe nxihen. Raportojmë, mbështesim kauzat e qytetarëve shqiptarë, mbështesim të vërtetën që duan qytetarët, ne nuk mbështesim kurrsesi disa personazhe butaforikë, ish-pjesë të korruptuara të sistemit politik, të cilat tentojnë të fusin tentakulat e tyre për të kapur çfarë të mundin nga politika, për t’u bërë vetë deputet, për t’u bërë vetë drejtor, për t’u bërë vetë dhe majë fiqve me LSI-në, duke i vënë emrin “Thurje”.

Pra, CNA.al do të vazhdojë çdo ditë të denoncojë gjithçka për nismën “Thurje”, për skandalet e këtyre tre personazheve , që nga vjedhja e programit që e kanë kopjuar as janë munduar ta bëjnë vetë. E kemi thënë kush është Besian Pesha, kush janë këta personazhe, të cilët ne i denoncojmë për një arsye shumë të thjeshtë, ne jemi kundër atyre që vjedhin atributet dhe kauzat e qytetarëve. Nuk mund ta bëjnë këtë personazhe të dënuar si hajdutë apo ish drejtorë të korruptuar.

Ne jemi pro shumë kauzave të qytetarëve, përfshirë këtu edhe protestën e minatorëve të Bulqizës, por jo duke i ndarë te një individ i vetëm, por duke shkuar tek të gjithë, duke u bashkuar te minatorët në Bulqizë apo qoftë edhe në Tiranë, por jo për interes të Arlind Qorrit, një neokomunisti dhe horrave që e ndjekin nga pas, jo për interes të hajdutit Besian Pesha, jo për interes të Pano Sokos, drejtorit që ka humbur karrigen, as të Endri Shabanit, numrit dy të AKZ-së dje, që u shkollua me paratë e Sorosit ku dhe mbushi xhepat si menaxher,  as për një nga këta, por për interesin e qytetarëve këtë kemi ne detyrë.

Jemi pro çdo denoncimi ndaj Rilindjes, që e ka votuar dhe e solli partia e Besian Peshës, që e ka votuar Endri Shabani që e deklaron publikisht. Prandaj ne të CNA.al do të denoncojmë çdo ditë korrupsionet dhe skandalet e qeverisë Rama dhe Erion Veliajt, por jo në mënyrë selektive dhe duke bërë tabelë qitje persona të caktuar apo personazhe publikë, apo biznesmenë për t’ju vënë gjobë.

Do të qëndrojmë përballë me të vërtetën dhe me kauzat e qytetarëve. Jemi në mbështetje të plotë për çdo qytetar që ka nevojë, të shkojmë bashkë të denoncojmë çdo ditë koncesionet, por jo vetëm një koncesion. Problemi i koncesioneve nuk është vetëm sterilizimi që i vuri qëllim në vetvete nisma “Thurje”, por është dhe Check Up-i që nuk e flet dhe mbetjet e tyre, djegia e tyre, por dhe të tjera skandale me infrastrukturën, ndëtimet e rrugëve, shkollat dhe gjithçka tjetër ndodh në vend.

Për këto jemi pro kauzave të qytetarëve, por jo ato të vidhen nga personazhe për qëllime aspak qytetare, por për interesat e tyre personale. Kur kauzat dhe çështjet ndahen e çohen tek individë segmente të caktuara i duan thjesht dhe vetëm për të bërë propagandë, nuk janë kauzë e qytetarëve, por janë gjoba dhe abuzim.

Prandaj CNA.al do të vazhdojë sërish të flasë dhe të thotë të vërtetën në mbrojtje të kauzave të qytetarëve, që të mos i lejojmë ti vrasin këta personazhe, ashtu si vranë protestën e studentëve Arlind Qorri me Besian Peshën e të tjerë. Ashtu si Besian Pesha me të tjerë kanë vrarë kauza të tjera me shoqërinë civile duke e përçarë atë dhe për këtë ka mjaft fakte, prandaj nuk ka pse të shqetësohet askush, as të përgjigjet dhe as t’ju përgjigjemi.

Ne do të luftojmë kundër koncesioneve korruptive të qeverisë, do të luftojmë pro lëvizjes për Teatrin Kombëtar, do të luftojmë pro studentëve, ashtu siç e kemi bërë që ditën e parë kur ka dalë ligji i Arsimit të Lartë, por do të jemi qartë dhe hapur përpara publikut duke qenë pro kapitalist, pro demokracisë, kurrë me neokomunistët dhe kurrë kundër biznesit, por gjithmonë pro tij, pro zhvillimit të demokracisë dhe zhvillimit të ekonomisë.

Kurrsesi s’mund të pranojmë që individë të caktuar, në emër të disa gjoja parimeve të kthehen kundër biznesit, ta sulmojnë dhe ta vrasin, t’i vejnë gjoba, apo më keq akoma të përdorin kllouna publikë si  kauza për t’ia hedhur mbi supe biznesit.

Në fakt janë këta që kanë frikë të protestojnë atje ku është problemi, tek qeveria, janë këta që kanë frikë të thonë të vërtetën te Edi Rama, janë këta që kanë frikë se kanë qenë ushtarë të Edi Ramës, kanë qenë ushtarë të Erion Veliajt, dhe duke qenë se janë të pakënaqur nga thelat dhe lokmat që nuk iu dhanë, janë aty ku janë tani sepse dua të jenë pjesë e pushtetit, pjesë e tortës, duan pjesën e tyre, të marrin thelën e tyre, të futin duart në xhepat e qytetarëve duke përfituar nga kauzat që ato kanë dhe duke i kthyer në interesat e tyre personale.

Prandaj dhe CNA.al ka folur për nismën “Thurje”, ashtu siç ka folur për organizatën politike dhe do të flasë për çdo lëvizje politike dhe për çdo indidvid dhe grupim, për të cilën ne mendojmë se në të vërtetë nuk janë udhëheqësit e kauzave dhe shpresa e qytetarëve, por janë presë e lojërave dhe pazareve të pista që luhen në Shqipëri./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Dua të bëhem edhe unë si Dritan Dajti

Publikuar

-

Nga

Dua të bëhem edhe unë si Dritan Dajti

Nga Mentor Kikia

* Një i njohur, në një agjensi ku paguhen drita, gjoba… më njoftoi se kisha një gjobë 12.000 lekë të reja nga policia rrugore. U interesova dhe më thanë se ishte gjoba që kisha marrë tek “Qofte Tymi”, Rruga e Kavajës, në 3 Qershor. “Po e mbaj mend – i thashë personit që po më sqaronte. Ishte mëngjes, trafik, bori… dhe gjëja e fundit që çova ndërmend ishte të vija rripin e sigurimit. Polici më ndaloi, e më tha:
-Rripin se kë vënë.
-E drejtë “shef”, por ja trafik, s’ka rrezik. Njdesë…
-Ka rrezik s’ka rrezik, rregullorja është rregullore. Duhet të paraqitesh në komisariat. Në TV kërkoni zbatimin e ligjit ju, këtu se zbatoni.
-Ke të drejtë “shef”…

E kisha harruar edhe shefin, edhe gjobën, edhe rripin, derisa më erdhi mandata sot, 120 mijë lekë, kur i themi ne me të vjetrat. Kishte brënda edhe një kamatë vonesë, pasi vendimi i komisionit ishte marrë në 3 korrik dhe unë paguaja kamatë për këtë 1 muajshin kur gjoba nuk ishte vendosur ende.

-Por ka edhe një arsye tjetër – më thz personi që më sqaroi. Eshtë vepër e përsëritur, dhe kur përsëritet vepra, rritet gjoba.

-Ke tejkaluar shpejtësinë në 2016.

-Po e mbaj mend, në Vlorë- Fier. Në njërën anë të urës ishte shpejtësia 80 në anën tjetër 40. Tek tabela me 40 rrinte natë e ditë një patrullë policie që plotësonte numrin e gjobave që kishte caktuar shefi.

-Ke edhe një rrip tjetër në 2018

-Se mbaj mend, por derisa e thotë shteti, e kam.

E mbylla. Askujt si pëlqen kur e gjobisin, por rregullat janë rregulla. Falenderova personin që më sqaroi dhe iu ktheva punës.
Por duke shfletuar mediat, hasa në një shkrim: “Dritan Dajti drejt lirimit”.

What the fuck?- kur thonë anglezët

Gjykata e Elbasanit kishte bërë, së fundmi, bashkimin e dy dënimeve. Njëri 23 vjet për dy vrasje, tjetri 25 për 4 vjase, në një dënim të përbashkët 25 vjet. Pra 23 + 25 = 25. Meqë ¾ e dënimit i ka kryer, mund të kërkojë lirim para kohe për sjellje të mirë. Ca nene të Kodit Penal janë të pabazuara në shkencën e matematikës dhe gjykatësit këtu kanë marrë të gjithë notën 10. Por logjika është kjo. Sa më shumë vrasje të bësh, aq më pak dënohesh. Dënimi është si puna e çmimit të mallit me shumicë, e keni parasysh. Me shumicë bie.

LEXO EDHE:  Video-Shushunjat, që sot i mban nën sqetull/ Si mendon Basha për LSI dhe PDIU

LEXO EDHE:  Ligji për Teatrin/ Zbulohet deputeti që i ndërroi kartën Robert Bitrit (Video)

-Hë- thashë tërë nervra, po mua pse ma shtuan gjobën për dy rripa?

Ndaj – dua të jem edhe unë si Dritan Dajti apo Emiliano Shullazi, qoftë dhe një ditë – mendova. Ti jap makinës pa rrip, pa frena, pa drita. Tu bie e ti bëj përshesh kush të më dalë përpara. Dhe kur të vijnë ata të rrugores, të më thonë:

-Hë “shefo”, u vrare? – “shefoja” jam unë tani, jo polici.

-Ata e kanë fajin, ata të dolën përpara ti s’kishe faj.

Të shtyp ca njerëz, apo edhe ti vras po nuk mu bindën, të vijnë ata të kriminales, e të thonë. “Shefo” nuk është faji jot, ata të dolën para makinës dhe të provokuan.

Ehhhh shteti. Ka dy lloje qelbësirash që punojnë në këtë shtetin tonë.

Njëri lloj janë ata, që atyre të fortëve dhe të pasurve u lëpijnë duart e çdo gjë tjetër, duke shkelur ligjin, rregullat, urdhërat, e çdo gjë tjetër. Pa pyetur, pa patur as frikë, as cipë e as sedër.
Ndërsa lloji tjetër janë ata, që atyre të drejtëve, urtëve dhe të varfërve, u vënë shkelmin në fyt, si atij të “ziut” Flyod, duke i tundur para syve ligjet, kodet, rregulloret, urdhërat, madje edhe ato që s’janë miratuar ende, por i ka qeveria në kokë./ CNA.al

LEXO TE PLOTE

Opinione

Garderoba e fitores/ Kush të vesh mor bir, kush të qeth o xhan?

Publikuar

-

Nga

Garderoba e fitores/ Kush të vesh mor bir, kush të qeth o xhan?

Nga Bledi Mane

Fizikisht vetëm një herë e kam takuar në ecejaken e mbrëmjes te Pedonalja e Tiranës dhe ia thashë pa teklif e pa turp:

-Burrit ndryshoi berberin dhe garderobën në mënyrë emergjente dhe urgjente!
Për Aurelën po flas, Aurela Bashën, gruan e kryeopozitarit Lulzim i cili po avitet prej 7 vitesh të vijë në pushtet por duket se pushteti po i largohet edhe për arsye estetike.
Nëse e vini re me kujdes si qethet e si vishet Lulzim Basha, nuk ndihet re as një lloj progresi e as një lloj atashimi me tendenca mode e madje nuk ka as më të voglin stil të tij unik. Përballë ka Edi Ramën që ka eksperimentuar pa fund duke rënë jo vetëm në sy, jo vetëm duke larguar vëmendje nga hallet e përditshme por duke u bërë edhe inspirues apo kopjues nga të tretët.

Të dy janë lindur e rritur në kryeqytet, janë të gjatë, të jetuar prej vitesh në Perëndim e të kthyer sërish në Tiranë. Nuk u mungon paraja e as mundësia e blerjes së rrobave të mira, të shtrenjta e të rehatshme por stonojnë nga njëri-tjetri. Edi Rama pa flokë por të paktën kuron mjekrën dhe tullacllëkun e tij, Lulzim Basha me flokë plot por qethet tipikisht si ata nxënësit e dalluar që ulen në bangën e parë dhe riprodhojnë mësimin përmendësh. Edi Rama u rri mbi kokë rrobaqepësve për teshat e tij, Lulit edhe kanatieret dhe benevreket ia blen gruaja. Nuk ka liri në dizajnimin stilor të Lulit por ka një imponim të rrezikshëm bashkëshortor i sforcuar dhe demode. Edi Rama e mbulon bukur defektin në të ecur, Luli e zbulon keq e mos më keq.

LEXO EDHE:  Video-Shushunjat, që sot i mban nën sqetull/ Si mendon Basha për LSI dhe PDIU

LEXO EDHE:  Foto-Veliaj sulmon mediat/ CNA.al i përgjigjet  

Të jemi koshientë, stili dhe sqima e një lideri i shton bonuse kauzës së tij për pushtet dhe madje josh elektorat të dyzuar. Unë nuk e di ku ia blen gruaja rrobat Lul Bashës por thjesht imagjinoj sikur një ditë fushate elektorale Luli të kopjonte Edi Ramën e media ti publikonte foto pa brekë në ndonjë plazh nudistësh, çfarë do bënin militanët demokratë:
Do hidhnin fletët në kutitë e votimit apo me ato fletë do mbulonin nudizmin pa apel seksual të kryetarit të tyre?

Eh mor miq, atëhere do justifikohej opozita si gjithnjë, nuk morrëm pjesë në votime se na vjedhin votat!

LEXO TE PLOTE

Opinione

Nga Astrit Patozi/ Janë edhe më qesharakë, seç i dinim

Publikuar

-

Nga

Nga Astrit Patozi/ Janë edhe më qesharakë, seç i dinim

Hahaha. E kam pritur me durim këtë ditë, sepse e dija që do të vinte më shumë se një vit përpara. Që kur nisën sulmet e egra mbi ata, të cilët po pranonin një e nga një mandatin në listën vijuese të Partisë Demokratike dhe të LSI-së.

Madje edhe i kam paralajmëruar atëherë sharësit me pagesë ose jo, që të mos nxitoheshin duke i fyer dhe degjeneruar deputetët e rinj, se në dorën e tyre do të përfundonin shumë shpejt.

Por nuk e kisha menduar kurrë se “pendesa” do të ishte kaq e thellë dhe kaq qesharake.
Dhe ja ku jemi sot. Ata nuk janë më dallkaukë, sharlatanë, njerëz që nuk përfaqësojnë asgjë, injorantë, të paqenë, të pabesë, tradhëtarë, gafaxhinj, të shitur, e plot epitete të tjera poshtëruese si këto.

Madje, ata nuk janë as ilegjitimë, siç deklaronte solemnisht, jo vetëm Ilir Meta, që njihte vetëm 82 deputetë të parlamentit shqiptar, sepse të tjerët nuk i quante. Por paskan qenë vërtetë burra dhe gra të nderuara, që nuk i paskemi njohur më parë, se ashtu ishte një punë.

Dhe ja tani ata u shfaqën para nesh madhështorë. Sot kuptuam dashurinë e tyre për Shqipërinë dhe integrimin europian, e cila nuk mund të ketë asnjë mënyrë tjetër për t’u shprehur, përveçse të jesh dakord dhe të votosh në parlament marrëveshjen e Damianin me Oerdin, për të mos e trazuar fekalen politike, por për ta lënë siç ishte. Dhe ata pikërisht këtë bënë sot, në këtë ditë historike, ndaj edhe e meritojnë respektin dhe admirimin e gjithë popullit.

Por puna është se nuk dimë kë të urojmë më parë; “të sharët me libër shtëpie”, të cilët u kthyen trimfues tek partitë, që i hodhën në rrugë para një viti, apo këto të fundit, që u rikthyen sot në parlament me bisht ndër shalë përmes tradhëtarëve të djeshëm.

LEXO EDHE:  Partinë e Ramës e drejton Luli

 

LEXO TE PLOTE