“Miliona viktima të pafajshme të mizorisë së pashpirt”/ Meta: Të mos përsëriten më kurrë

27 Janar 2020, 08:01, Politikë CNA
“Miliona viktima të pafajshme të mizorisë së

Presidenti Ilir Meta, në Ditën Ndërkombëtare të Kujtesës ka përkujtuar Holokaustin.

Në një postim në rrjetet sociale, Meta shkruan se sot përkujtojmë me nderim miliona viktima të pafajshme, për të mos lejuar që ngjarje të tilla të përsëriten më kurrë.

?Në Ditën Ndërkombëtare të Kujtesës, përkujtojmë me nderim miliona viktima të pafajshme të mizorisë së pashpirt të Holokaustit, në mënyrë që antisemitizmi, mungesa e tolerancës, bashkëjetesës, dhe shkeljet e lirive e të drejtave të njeriut, të mos përsëriten kurrë më.
Dy dekada më parë në zemër të Europës, fatkeqësisht ishim dëshmitarë të masakrave e spastrimit etnik dhe fetar në Bosnje e Hercegovinë, dhe Kosovë.
Gjenocide dhe akte të tilla çnjerëzore ndaj kujtdo që i përket një feje, etnie apo kombësie ndryshe, nuk duhet të ndodhin dhe nuk duhen lejuar të ndodhin kurrë më në botën ku jetojmë!?-shkruan Meta.

Më tej, kreu i shtetit thekson se ndihet krenar për popullin shqiptar, që strehoi hebrenjtë në periudhën, siç e cilëson ai, më të errët të njerëzimit.

?Krenar për kombin tonë, që në periudhën më të errët të njerëzimit, mbrojti dhe mirëpriti mijëra hebrenj të larguar nga vendet e tjera, duke mos dorëzuar asnjë te pushtuesit.?-përfundon postimin kreu i shtetit./ CNA.al

Lajmet e fundit nga