Connect with Us

“Po talleni me ne”/ Banorët e Kalivaçit presin me revoltë projektin e HEC-it

Politikë

“Po talleni me ne”/ Banorët e Kalivaçit presin me revoltë projektin e HEC-it

Publikuar

-

Në qendrën kulturore të qytetit të Memaliajt, ekipi i koncesionarit të Kalivaçit u prit me këmbët e para nga banorët e zonës, në një seancë të tensionuar konsultimi brenda sallës ende të dekoruar me urimet e festave të fundvitit.

Banorët ishin ftuar për t’u njohur me rezultatet e vlerësimit të ndikimit në mjedis të HEC-it të Kalivaçit, por ata kërkuan me ngulm të dinin se cili ishte plani për kompensimin e shtëpive të tyre.

“Ju vini këtu të talleni me ne. Nuk kemi punë me zogj e me sorra, duam të dimë kur do të bëhet kompensimi i shtëpive, ai është halli ynë kryesor,” tha Rahit Taka, një banor i zonës së Kalivaçit.

Planet për ndërtimin e hidrocentraleve mbi lumin e Vjosës kundërshtohen prej vitesh nga banorët e zonës, aktivistët mjedisorë vendas dhe të huaj si dhe grupe të shkencëtarëve, të cilët e konsiderojnë Vjosën si lumin e fundit të egër në Europë që nuk duhet të cenohet nga digat.

Në vitin 2017, aktivistët mjedisorë triumfuan në gjykatë duke e nxjerrë të pavlefshme kontratën koncesionare të qeverisë për hidrocentralin e Poçemit. Megjithatë, qeveria miratoi në vitin 2017 një koncesion të ri për ndërtimin e HEC-it në Kalivaç në favor të kompanisë turke Ayen-Alb dhe kompanisë Fusha sh.p.k.

Për të realizuar vlerësimin e ndikimit në mjedis, kompania koncesionare ka kontraktuar kompaninë Abkons.

Autorët e raportit të ndikimit në mjedis filluan t’u shpjegonin banorëve të zonës se fuqia e instaluar në 3 turbinat e hidrocentralit do të ishte 111 MË dhe prodhimi mesatar i energjisë në 366,6 GËh në vit por u ndërprenë prej tyre.

“Zotëri, po flet me fshatarë, jo me inxhinierë,” iu drejtua njëri prej banorëve të pranishëm ekspertit Erjon Kalaja.

Banorët e konsideruan takimin një tallje dhe kërkuan me ngulm të dinin se çdo të ndodhte me fatin e tyre.

“Të na japin vetëm lekët. Sepse duam ne, s’duam ne, kjo do bëhet. Të më kompensohet toka se gjynah ata fëmijë,” tha Rahit Taka për BIRN.

“Po deshi shteti, s’të pyet njeri,” shtoi ai.

I pranishëm në sallë dhe i vendosur për të vazhduar betejën në mbrojtje të Vjosës, Olsi Nika, drejtor ekzekutiv i Eco Albania tha se në shkurt do të inaugurohej pak metra larg rrjedhës së lumit në Tepelenë “Vjosa Science Center”.

“Çështja e Vjosës  është kthyer në një legjendë urbane, për të cilën ka kaq vite që flitet e diskutohet, por ne do vazhdojmë punën tonë në mbrojtje të saj,” tha Nika për BIRN.

Ndërsa Vera Pullen, konsulente mjedisore nga Serbia dhe pjesë e ekipit që ka realizuar VNM-në nuk preferoi të ndalej gjatë tek ndikimi që do të ketë HEC-i mbi lumin.

“Sigurisht , jam e ndërgjeshme që Vjosa është një lumë i egër me biodiversitet të lartë dhe me specifika të veçanta,” tha shkurtimisht ajo.

Altin Gërbi, ish-ekonomist i kantierit të Kalivaçit shprehu shqetësimin se koncesionari i mëparshëm kishte përdorur lëndë plasëse dhe se askush nuk e kishte ngritur zërin. Ndërsa përfaqësuesit e kompanisë aktuale koncesionare premtuan se këto lëndë do të përdoreshin në mënyrë të kufizuar, vetëm në kushte gjeologjike specifike.

Banorët thanë se përdorja e eksplozivit ishte shqetësim jo vetëm për mjedisin, por edhe për sigurinë e tyre.

Gëzim Taka, banor i zonës kërkon transparencë mbi skemën e kompensimit të banorëve të prekur. Foto: Nensi Bogdani

“Ju s’keni ardhur një herë tek asnjë nga shtëpitë tona, a e keni idenë se çfarë zhurme e çfarë ndotje do të kemi ne, po ku jetohet ashtu”? tha me irritim në drejtim të panelit Gëzim Taka, banor i zonës.

E ndërsa banorët shprehen se asnjë prej ekipit nuk ka ardhur t’i shohë nga afër, autorët e vlerësimit të ndikimit në mjedis pretendojnë të kundërtën.

“Është monitoruar niveli i zhurmave në shtëpitë më të afërta me kantierin dhe gjithashtu është monitoruar edhe cilësia e ajrit,” tha koordinatori i ekipit, i cili shtoi se asnjë prej shtëpive nuk do të kishte ndikim nga zhurmat.

Por banorët e Kalivaçit kërkuan transparencë, ndërsa shprehën shqetësim për të ardhmen e tyre.

“Jemi 7 familje, ne jemi m’u tek zona e digës. Nuk e di fare ku do na çojnë,” tha Njazir Çaushi për BIRN, duke u ankuar se askush nuk i jep përgjigje.

“Ti  thua se do më paguash mua investimin e shtëpisë, por duhet të më paguash edhe 20 vjet prodhim. Vetëm unë kam mbjellë 3000 rrënjë në tokën time. Ne në bujqësi i kemi të ardhurat, “ u thotë ai ekspertëve.

Autorët e raportit të Vlerësimit të Ndikimit në Mjedis e konsideruan tokën e prekur nga ndërtimi i HEC-it si tokë me vegjetacion në stadin e fundit të degradimit, me kapacitet të ulët prodhues dhe nivel të lartë erozioni dhe sugjeruan se do të ishte më frytdhënës për banorët nëse vendosej në funksion të projektit.

Por banorët që rrezikojnë të preken nga projekti energjetik nuk binden.

“Ku do vete unë mor zotëri, ti më flet mua për shifra peshqish dhe bimësh, por nuk më thua ku do më çoni. Ti më vjen e më heq nga shtëpia, e më thua të të dëgjoj,” vazhdoi i revoltuar Gëzim Taka.

Paneli i ekspertëve shpjegoi se procesi për zhvendosjen e familjeve nuk kishte filluar ende dhe se do të bëhej në bashkëpunim me ta dhe me pushtetin lokal. Por banorët e zonës e konsideruan këtë një tallje.

“Ju do fërkoni duart me ne, do kënaqeni, do qeshni me ne,” përfundoi Gëzim Taka i pashpresë./BIRN

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Nga Astrit Patozi/ Meta si lider opozite, Basha si President

Publikuar

-

Nga

Nga Astrit Patozi/ Meta si lider opozite, Basha si President

Ilir Meta duket shumë i shqetësuar me të drejtë nga drafti i Damian Gjiknurit për Kodin Zgjedhor, ndaj edhe po reagon përditë me ashpërsi. Megjithëse si President e ka mbyllur historinë e tij me zgjedhjet, kur ka dekretuar 25 prillin, të vetmin rol që i ka caktuar kushtetuta. Më tepër se kaq nuk mund të bëjë, të paktën zyrtarisht.

Çudia është se Lulzim Basha nuk po ndihet fare dhe kuptohet qartë që është i relaksuar. Ndërkohë që i takon të jetë pala më e interesuar dhe personi më i vëmendshmëm për rregullat e lojës së 25 prillit.

Këtë qetësi, thua ta ketë vetëm nga sondazhet që nxjerrin fitues plebishitar, apo ka ndonjë arsye më shumë?



Sepse sot Presidenti ngjan sikur po bën punën e liderit të opozitës, kurse Lulzim Basha po sillet si të ishte kryetar shteti, të cilit nuk ia lejon detyra të përzihet me punët e partive politike.

Dhe hajde mos i beso pastaj ato thashethemet që Ilir Meta do të bëhet kryeministër, pas këtyre zgjedhjeve, të cilat Edi Rama i pilotoi fillimisht në një media të Ylli Ndroqit dhe pastaj u bënë popullore.

LEXO TE PLOTE

Politikë

Berisha publikon videon/ Qytetari goditet me thikë, policia asnjë veprim

Publikuar

-

Nga

Berisha publikon videon/ Qytetari goditet me thikë, policia asnjë veprim

Ish-kryeministri Sali Berisha ka publikuar këtë të diel një video të një sherri në Kavajë dhe hedh akuza kundër policisë për moszbardhje të krimit. Në videon e publikuar shihet sherri i ndodhur në një lokal, ku një person qëllohet me thikë.

Berisha ka bërë publik dhe një mesazh të një qytetari, i cili tregon detaje nga ngjarja. Sipas qytetarit daja i tij, Bensik Çelmeta, ka mbetur i plagosur në këtë ngjarje dhe shton se autori është Rizan Aliu.



“Qytetari goditet me thike ne Kavaje! Narkopolicia asnje veprim. Lexoni mesazhin shikoni videon e qytetarit dixhital. sb
Mirmbrema. Jetoj në Gjermani dhe punoj si Mësues. Para dy ditësh daja im Bensik Çelmeta u godit me thik nga një kriminel që quhet Rizan Aliu. I cili ka ushtruar ne itali aktivitete kriminale me prostituicion dhe me pasurin ilegale ka ndertuar shpi 5 kate pa leje dhe një lokal pa leje ne kavaj. Ju lutem shifeni vidjon dhe foton dhe ju lutemi bejeni publike si policia e korruptuar e kavajes nuk ben asnje gjë . Personi esht par ne shpin e tij serbes dhe policia pin lafe dit per dit ne lokalin e tij ku para vetem 2 ditesh daja im u gjakos gati per vdekje”, është ky postimi i Sali Berishës në Facebook./CNA.al

LEXO TE PLOTE

Politikë

“Ju ftoj të punojmë non stop”/ Hajdari propozim për anëtarët e Këshillit Politik

Publikuar

-

Nga

“Ju ftoj të punojmë non stop”/ Hajdari propozim për anëtarët e Këshillit Politik

Deputetja Rudina Hajdari ka shprehur shqetësim për situatën e krijuar në Këshillin Politik, lidhur me mungesën e progresit për cështjet që kanë të bëjnë me amendimet e Kodit Zgjedhor

Hajdari thekson se ka ardhur koha që të gjithë të lënë mënjanë interesat e ngushta personale dhe partiake dhe të shohin interesat madhore të vendit.

Gjithashtu ajo ka propozuar që të zhvillohet takimi i Këshillit Politik në 22 shtator, ora 10:00 për të punuar deri në realizimin e një dokumenti të dakordësuar për mundësimin e hapjes 100% të listave.



“Të nderuar anëtarë të Këshillit Politik,
Si fillim dua të shpreh shqetësimin tim për situatën e krijuar në Këshillin Politik, lidhur me mungesën e progresit për cështjet që kanë të bëjnë me amendimet e Kodit Zgjedhor dhe përshtatjen e tij për të garantuar zgjedhje të lira dhe të ndershme në 25 prill të vitit 2021.Unë besoj se ka ardhur koha që të gjithë ne të lëmë mënjanë interesat e ngushta personale dhe partiake dhe të shohim interesat madhore të vendit duke punuar natë e ditë për ti dhënë Shqipërisë një Kod Zgjedhor dhe një palë zgjedhje model.

Në këtë kontekst, duke përshëndetur qëndrimin konsensual që u arrit nëpërmjet deklaratave publike të të gjitha palëve politike, lidhur me hapjen e listave 100%, do të doja që të vijonim punën e Këshillit Politik për ta përmbyllur këtë process, i cili sot gëzon mbështetjen e mbi 80% të shqiptarëve si edhe dakordësinë paraprake të palëve.
Unë dhe grupimi që përfaqësoj kemi përgatitur amendamentet përkatëse të Kodit Zgjedhor të cilat garantojnë hapjen 100% të listave, jo vetëm si mekanizëm I shprehjes së opinionit popullor mbi cilësinë e kandidatëve por mbi të gjitha si një mekanizëm përzgjedhës I deputetëve të ardhshëm të Kuvendit të Shqipërisë.

Amendimet dhe relacionin shoqërues I gjeni bashkangjitur këtij emaili.
Duke qenë se edhe PS, edhe PD edhe LSI janë shprehur tashmë publikisht se qëndrojnë për hapjen 100% të listave, unë ju ftoj të takohemi ditën e martë, 22 shtator, ora 10:00 për të punuar non stop deri në realizimin e një dokumenti të dakordësuar për mundësimin e hapjes 100% të listave, për tua dhënë zgjedhësve në dorë fuqinë për të përzgjedhur përfaqësuesit e ardhshëm në Kuvend.
Do të ishtë zhgënjyese për të gjithë shqiptarët por edhe anti-kushtetuese nëse palët do të tërhiqeshin nga qëndrimet tashmë të qarta mbi mundësimin e përzgjedhjes së përmbajtjes së Kuvendit të ardhshëm nga shqiptarët e jo thjesht nga Kryetarët e partive.
Duke shpresuar në një reagim pozitiv e konstruktiv,
Me respekt, Rudina Hajdari”./CNA.al

LEXO TE PLOTE