Connect with Us

Mijëra italianë mblidhen në sheshe/ “Sardelet” luftojnë kundër populistëve të djathtë

Bota

Mijëra italianë mblidhen në sheshe/ “Sardelet” luftojnë kundër populistëve të djathtë

Publikuar

-

E gjitha filloi me protestë spontane. Tani mijëra italianë mblidhen në sheshe për të protestuar kundër populistëve të djathtë dhe Matteo Salvinit. Salvini lufton të kthehet në skenë në zgjedhjet e ardhshme rajonale.

Matteo Salvini u largua nga koalicioni qeverisës në gusht të vitit 2019, por ai është duke përgatitur kthimin në qeverinë italiane, kësaj here si kryeministër. Lëvizja “Sardelet” kërkon që ta pengojë këtë gjë. Anëtarët e lëvizjes mblidhen në mënyrë spontane duke e thirrur njëri tjetrin në mediat sociale, duke qenë të paorganizuar dhe duke u bashkuar vetëm në protestë. Strategjita e tyre është e suksesshme. Sepse para zgjedhjeve sondazhet tregojnë, se Salvini ka pak mbështetje.

Sardelet – të vegjël dhe të lëvizshëm, por aktualisht janë duke e trazuar Italinë. Elena Gecchelin-it, aktivistja e lëvizjes i pëlqen që t’ i pikturojë sardelet me bojëra uji dhe i merr ato me vete në çdo demostratë. Ajo mbështet Lëvizjen Sardelet dhe thotë duke qeshur: „Sardelet e mia notojnë kundër rrymës, siç bëjnë edhe salmonët. Sardelet janë të vogla. Por kur bëhen bashkë me sardelet e tjera, rriten shumë, bëhen më të mëdha se një peshk i madh!”

Elena Gecchelin është duke u bërë gati për të shkuar në demostratë. Sepse sot në Bolonjë do të mblidhen sërish shumë simpatizantë të Lëvizjes Sardelet. 37 vjeçarja ka marrë pjesë që në fillim të lëvizjes. Ajo ka qenë prezente, kur në mes të muajit nëntor sardelet dolën për herë të parë në rrugët e Bolonjës për të protestuar kundër racizmit dhe diskriminimit, kundër populizmit të djathtë. Që nga ajo ditë Lëvizja është duke mbushur sheshet e Italisë, duke befasuar jo vetëm Elenën, por edhe gjithë politikanët e sprovuar.

Italien, Bologna: Sardinen-Bewegung (Getty Images/AFP/A. Solaro)

Bolonja kundër Salvinit

Matteo Lepore, Këshilltar për çështjet e kulturës në Bashkinë e Bolonjës shpjegon: „E gjitha filloi me Matteo Salvinin. Ai donte që të mbushte stadiumin e Bolonjës me mijëra vetë, mbështetës së tij. Kështu lindi ideja e bastit, për të mbledhur në shesh të paktën 6 mijë vetë, më shumë se sa mund të mblidhte Salvini në stadium. Në fund fare në shesh u mblodhën 15 mijë vetë!” Për të penguar kryetarin e Legas dhe politikën e tij populiste të djathtë. Sepse Salvini kërkon të ngjitet sërish në pushtet, pasi u largua verën e kaluar nga qeveria e krijuar së bashku me Pesë Yjet.

Italia ndodhet para zgjedhjeve rajonale, edhe në Bolonjë dhe në Emilia Romagna. Matteo Salvini kërkon të marrë edhe këtë zonë, të qeverisur deri tani nga të majtët. Sardelet nuk duan ta lejojnë një gjë të tillë. „Aktualisht Matteo Salvini është burri i fortë. Shumë njerëz mendojnë se ai ofron siguri dhe mbrojtje. Po pikërisht kjo ka alarmuar sardelet dhe lëvizjen tonë,” thotë Elena.

Sardelet nuk duan që Italia të bëhet nacionaliste. Kjo gjë i ka bashkuar njerëzit, mendon Pierluigi Musarò, sociolog nga Universiteti i Bolonjës, i cili e shikon si fenomen të ri ngjitjen e sardeleve në skenën politike. Ai shpjegon ndryshimet. „Sardelet janë për globalizimin dhe për një botë të hapur. Këto nuk përputhen me idenë e një Italie populiste të djathtë, që kërkon të ndahet nga bota, një vend pa migracion në mes të Europës dhe Mesdheut.”

Demonstrata plot ngjyra dhe fantazi

Ashtu si puna e Elenës edhe sardelet nuk duan revolucion, por duan një politikë, sipas të cilës partitë ekzistuese të marrin përgjegjësinë në mënyrë që Italia të ecë sërish përpara, pas shumë vitesh krize. Elena beson tek vendi i saj. „Unë i besoj ende kësaj Italie, përndryshe ashtu si shumë moshatarë të tjerë do isha larguar nga vendi.Të qëndrosh ende këtu kërkon të jesh i guximshëm,” thotë ajo.

Kështu ajo ndihmon firmat e reja Start- ups që të ngrihen në këmbët e veta. Puna e saj është që të gjej financime për idetë e reja, si për shembull për këtë transmetues që i ngjitur në timon, kërkon të mbrojë nga vjedhja biçikletat dhe të zotët e tyre.

Me këtë patentë ata duan të pushtojnë tregun, por politika jo largpamëse nuk i përkrah idetë kreative. „Unë mendoj se ne italianët mund të jemi konkurrues në treg. Sepse megjithë vështirësitë me burokracinë ne jemi të uritur për sukses dhe për të përmbushur ëndrrat, shumë më tepër se në vendet e tjera ku funksionon shumë më mirë, madje në mënyrë perfekte,” thotë Elena Gecchelin.

Duke qenë në tufë sardelet ndihen të forta. Duke qendruar bashkë ato duan të fusin në kursin e duhur partitë demokratike, në mënyrë që Italia të përgatitet për të ardhmen. Prandaj ata demostrojnë plot ngjyra dhe fantazi./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Rritet frikshëm shifra/ Arrin në mbi 900 numri i vdekjeve nga koronavirusi

Publikuar

-

Nga

Numri i vdekjeve nga koronavirusi në Kinë ka arritur në mbi 900, ndërsa sot për herë të parë që nga shpërthimi i epidemisë, Presidenti kinez Xi Jinping vizitoi një lagje të Pekinit dhe një spital për trajtimin e presonave të prekur nga virusi. Ndërkohë, rritja e rasteve në Britani bëri që qeveria e këtij vendi ta shpallë virusin një “kërcënim serioz” për shëndetin publik.

Zyrtarët kinezë të shëndetit raportuan 97 vdekje të reja të dielën. Kjo e çon në 908 numrin e përgjithshëm të vdekjeve të shkaktuara nga koronavirusi. Sipas zyrtarëve të shëndetësisë janë raportuar 3.062 raste të reja të virusit, duke i dhënë fund prirjes shumë ditëshe të rënies së numrit të rasteve që kishte sjellë shpresat se masat e kontrollit do të funksiononin.

Me një maskë në fytyrë, Presidenti kinez Xi Jinping bëri një paraqitje publike për herë të parë pas shpërthimit të koronavirusit, duke vizituar një lagje dhe një spital në Pekin. “Duhet të kemi besim. Ne do ta mposhtim këtë epidemi”, tha presidenti kinez.

Britania raportoi të hënën katër raste të reja, duke e sjellë në gjithsej tetë numrin e personave me koronavirus. Ministri britanik i Shëndetësisë Matt Hancock shpalli virusin një kërcënim për publikun për t’i dhënë qeverisë më shumë fuqi për të izoluar të sëmurët në përpjekjen e saj për të shmangur përhapjen e tij të mëtejshme.

Në Japoni, një anije turistike mbetet në karantinë në Yokohama me 66 raste të reja të raportuara të hënën, më shumë sesa dyfishi i numrit të rasteve të njohura në bord.

Anija Diamond Princess (Princesha e Diamantit) u urdhërua të mbetej në karantinë javën e kaluar pasi një pasagjer i saj, i cili zbriti nga anija në Hong Kong rezultoi se ishte prekur nga koronavirusi.

Epiqendra e shpërthimit të koronavirusit është në provincën Hubei të Kinës, ku miliona njerëz vazhdojnë të jenë të izoluar. Në zonat e izoluara njerëzit po ankohen për mungesa ushqimore.

LEXO EDHE:  Itali, arrestohen 2 shqiptarë me drogë dhe Rolex

LEXO EDHE:  A do të rrëzohet qeveria në Iran?

Zyrtari kinez i tregtisë Ëang Bin tha të dielën se ka mungesa në logjistikë, rritje të çmimeve dhe mungesë të krahut të punës. “Është e vështirë që furnizimi i tregut të arrijë nivelet normale,” tha ai. Aktualisht, ai tha se ka një furnizim pesë-ditor të mishit të derrit dhe vezëve, dhe furnizim tre-ditor të perimeve.

Banka Qendrore e Kinës vuri në dispozicion 300 miliardë juanë (43 miliardë dollarë) për të ndihmuar bizneset e përfshira në luftimin e epidemisë. Joseph Eisenberg, profesor i epidemiologjisë në Fakultetin e Shëndetit Publik në Universitetin e Miçiganit, i tha agjencisë së lajmeve Reuters se ishte shumë herët për të thënë nëse epidemia ka arritur kulmin për shkak të paqartësisë mbi numrin e rasteve.

“Edhe nëse rastet e raportuara mund të kenë arritur kulmin, ne nuk e dimë se çfarë po ndodh me rastet e paraportuara,” tha ai. “Kjo është veçanërisht një çështje problematike në disa nga zonat më rurale”, tha zoti Eisenberg.

Numri i vdekjeve nga koronavirusi është më i lartë se ai i sindromës së rëndë të frymëmarrjes akute (SARS) që shpërtheu në vitet 2002-03, i cili besohet se ka vrarë 774 njerëz dhe të ketë sëmurë gati 8,100 njerëz në Kinë dhe në Hong Kong. /VOA

LEXO TE PLOTE

Bota

“Tërmet” politik në Gjermani/ Pasardhësja e Merkelit merr vendimin e papritur

Publikuar

-

Nga

Drejtuesja e CDU-së, Annegret Kramp-Karrenbauer, heq dorë nga kandidatura për kancelare, si edhe nga posti i kryetares së CDU-së.

Pas ngjarjeve në landin e Tyringjisë javën e kaluar, ku një kryeministër liberal (FDP) u zgjodh me votat e partisë populiste të djathtë, AfD dhe u dorëhoq pak ditë më vonë, kryetarja e partisë kristian-demokrate, CDU, Annegret Kramp-Karrenbauer ndeshi në kritika të forta që vunë në dyshim autoritetin e saj. Tani ajo vendosi të heqë dorë si nga kandidatura për kancelare ashtu edhe nga pozicioni i kryetares së CDU-së, bëri të ditur presidiumi i CDU-së në Berlin, sipas një zëdhënësi konservator.

Kramp-Karrenbauer, tha në presidium, citon dpa,se ka “një marrëdhënie të pasqaruar të pjesëve të CDU-së, me AfD dhe Të Majtët”. A

LEXO EDHE:  Itali shqiptari dënohet me 2 vjet burg për një jastëk me kanabis

LEXO EDHE:  Sa do të vazhdojnë protestat?/ Kryemadhi: Jemi të papunë...

jo është kundër një bashkëpunimi me AfD dhe Të Majtën. Në të njëjtën kohë është e qartë, që kryesimi i partisë dhe kandidatura për kancelare janë në një dorë. Sipas AKK në verë ajo do të organizojë procesin e kandidaturës për kancelar, do ta përgatisë partinë për të ardhmen dhe do të dorëzojë postin e kryetares, thuhet në njoftimin e presidiumit të CDU-së. Njoftohet se Merkel do ta mbajë Kramp-Karrenbauer si ministre të Mbrojtjes./DW

LEXO TE PLOTE

Bota

Rritet në 811 numri i të vdekurve nga koronavirusi

Publikuar

-

Nga

Në Kinë numri i persona që kanë gjetur vdekjen si pasojë e koronavirusit prej momentit të shpërthimit deri më sot ka arritur në 811, duke e kaluar numrin e vdekjeve në nivel botëror të shkaktuar nga virusi SARS.

Shumë prej qyteteve janë shdërruar në qytete fantazmë gjatë dy javëve të fundit pas urdhrit të autoriteteve për t’i izoluar ato, bllokuar fluturimet dhe mbyllur fabrika e shkolla. Edhe të hënën një numër i madh vendesh pune e shkollash, do të vazhdojnë të qëndrojnë të mbyllura. Në total numri i personave të prekur nga virusi në Kinë njoftohet se është 37,198 persona. Virusi është përhapur në të paktën 27 vende e rajone të ndryshme të botës duke infektuar më shumë se 330 njerëz.

Ndërkohë autoritetet kineze njoftuan se po rritet numri i pacientëve me koronavirus që po shërohen. Sipas Komisionit Kombëtar kinez të Shëndetit, numri i përgjithshëm i personave që janë shëruar prej shpërthimit të infeksionit viral është 2649 persona. Dy ditët e fundit kanë shënuar një rritje të numrit të pacientëve me koronavirus të cilët janë shëruar dhe kanë lënë spitalet në mbarë Kinën.

Në provincën Anhui në lindje të Kinës, 12 persona u liruan nga spitali ditën e shtunë në disa qytete, duke e çuar në 59 numrin e përgjithshëm të pacientëve të shëruar.

“Një numër i madh i pacientëve janë larguar nga spitali këto dy ditë, mesatarisht dy ose tre në ditë. Kjo rrit besimin tek mjekët. Shpresojmë që e gjithë shoqëria të mbështesë punën tonë për parandalimin dhe kontrollin. Kemi besim se do ta fitojmë betejën kundër epidemisë”, thotë Yang Dexiang, mjek i rrugëve të frymëmarrjes në spitalin e qytetit Tongling.

LEXO EDHE:  Prostitutat shqiptare “alarmojnë” italianët/Sjellja e tyre e papranueshme

LEXO EDHE:  Itali shqiptari dënohet me 2 vjet burg për një jastëk me kanabis

Një pacient i cili kishte ardhur në spital në gjëndje të rëndë në provincën Heilongjiang në verilindje të Kinës, la spitalin pasi testet e fundit rezultuan negative. Në qytetin Zunyi të provincës Guizhou, një pacient u largua nga spitali të shtunën pasdite pas trajtimit 13-ditor.

Lajme inkurajuese vijnë gjithashtu edhe nga provinca ishull Hainan, e cila raportoi për tre raste pacientësh të shëruar të shtunën duke e çuar në 14 numrin e përgjithshëm të tyre. Në qytetin lindor Liaocheng, të provincës Shandong, pacienti i parë u lirua nga spitali të premten.

Rajoni autonom Ningxia Hui, raportoi të shtunën 10 raste të tjera pacientësh që e kanë marër veten, duke e çuar kështu në 13 numrin e përgjithshëm të tyre. Sipas shifrave të Komisionit Kombëtar të Shëndetit, numri i përgjithshëm i pacientëve të shëruar në të gjithë Kinën deri ditën e shtunë, rezulton të jetë 2,649 persona. /VOA 

LEXO TE PLOTE