Connect with Us

SPAK nisi hetimet/ Qeveria rishikon kontratën për sterilizimin

Politikë

SPAK nisi hetimet/ Qeveria rishikon kontratën për sterilizimin

Publikuar

-

Kontrata koncesionare e sterilizimit të pajisjeve mjekësore ka ndezur debatet dhe ka bërë që të merret në dorë dhe të hetohet nga SPAK.

Mirëpo duket se pas kësaj, edhe qeveria ka nisur rishikimin e kontratës së koncesionit dhe këtë e konfirmon ministrja e Shëndetësisë Ogerta Manastirliu. Manastirliu tregoi për A2 se çmimi i shërbimeve të sterilizimit do të ulet.

“Do të kemi një amendim i cili do të sjellë një reduktim me 25% të çmimit për të gjithë paketat instrumentare të kompleksiteteve të ndryshme, mbi një numër referencial prej 64 mijë ndërhyrjesh. Këtu flasim vetëm për ndërhyrje me kompleksitet të lartë, të mesëm dhe të ulët, pasi ka dhe një seri ndërhyrjesh të tjera që kanë mikrokirurgjitë, ku mesatarisht ndërhyrjet në vit, përfshirë mikrokirurgjitë arrijnë në shifrat 90 mijë”, deklaroi Manastirliu.

Sipas ministres, vendimi i tyre nuk ka ardhur pas hetimeve të SPAK-ut, pasi pretendon se diskutimet kanë filluar që në mars të vitit 2019.

LEXO EDHE:  Festat e fundvitit/ Manastirliu publikon masat e marra

“Është një proces i cili ka filluar muaj më parë, për të negociuar një kontratë e cila praktikisht është amenduar në fillimet e muajit janar. Ky hap është ndërmarrë për të akomoduar nevojat që kanë pasur spitalet për ndërhyrjet e planifikuara kirurgjikale”, theksoi Manastirliu.

Kujtojmë se koncesioni ju dha në vitin 2015, një konsorciumi, ku pjesën më të madhe e kishte një kompani e vogël e një emigranti shqiptar në Itali, Ilir Rrapaj, për të cilin pati në atë kohë njoftime se, përpara se të bëhej fitues i koncensionit, kishte patur kontakte të vazhdueshme me ministrin e kohës, Ilir Beqaj./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“BE të mbajë premtimin”/ Komisioneri Varhelyi: Nëse s’hapen negociatat në pranverë Ballkani në rrezik

Publikuar

-

Nga

Komisioneri për Zgjerimin Oliver Varhelyi gjatë prezantimit të metodologjisë së re për integrimin, deklaroi në Parlamentin Europian se procesi duhet të jetë i besueshëm.

Ai kërkoi që procesi të jetë i parashikueshëm për të dy palët, në mënyrë që vendet kandidate të kenë qartësi për kushtet që duhet të plotësojnë dhe ndikimin.

Varhelyi kërkoi që BE të mbajë premtimin dhe t’i hapë negociatat Shqipërisë dhe Maqedonisë së Veriut në pranverë, pasi theksoi se në të kundërt rrezikohet Ballkani Perëndimor.

“Ne kemi nevojë për stimuj të qartë dhe të prekshëm për të inkurajuar reformat. Komisioni qëndron në rekomandimet për hapjen e negociatave të pranimit me Maqedoninë e Veriut dhe Shqipërinë dhe shpresojmë që këto të mund të hapen para samitit të Ballkanit Perëndimor në Zagreb. Të dy vendet kanë dhënë atë që u kërkuan.

LEXO EDHE:  Fuqizimi i spitaleve rajonale/ 4.5 milion euro investime në aparatura

LEXO EDHE:  Financimi për karriget me rrota/ Manastirliu: 900 persona me aftësi të kufizuara do të përfitojnë çdo vit

Gjatë vizitave të mia të fundit në Shkup dhe Tiranë, nënvizova rëndësinë e reformave dhe kërkova që zbatimi i tyre të vazhdojë. Të dy vendet janë angazhuar në përpjekje të mëtejshme për reformat. Në të njëjtën kohë për të qenë një partner i besueshëm, BE-ja duhet të përmbushë premtimet e saj. Ne jemi të bindur se çdo shtyrje e mëtejshme do të shkaktonte një rrezik të fortë, duke dëmtuar stabilitetin në të gjithë rajonin. Ne gjithashtu do të rrezikonim ndërhyrjen nga aktorët e vendeve të tretë dhe të tjerët” deklaroi komisioneri./ CNA.al

LEXO TE PLOTE

Politikë

Alibeaj akuza Ramës për paketën Anti-KÇK/ “Përdoret për shantazh ndaj grupeve kriminale”

Publikuar

-

Nga

Ish-deputeti i PD-së Enkelejd Alibeaj thotë se paketa Anti-KÇK është shantazh i kryeministrit Edi Rama për grupet kriminale.

Alibeaj pretendon se Rama po i shantazhon ata për t’i përdorur në zgjedhjet e ardhshme.

“Qeveri tani dhe ish-qeveria më pas duhet të ishte lënda e parë e SPAK-ut. Por me këtë Anti-KCK-në e ka eklipsuar SPAK-un, sepse kanë krijuar institucione të tilla që në një grup njerëzish futen brenda edhe prokurori i përgjithshëm dhe kreu i SPAK, që drejtohen nga ministri i Brendshëm dhe japin llogari te kryeministri.  Do u hedhë hi syve shqiptarëve, por edhe ndërkombëtarëve, do të mbushë statistikat tani që jemi në prag të çeljes së negociatave. Ky është shantazh ndaj grupeve kriminale për t’i përdorur nesër”, u shpreh ai në emisionin “5 pyetje nga Babaramo”.

LEXO EDHE:  Manastirliu në linjën e këshillimit të fëmijëve/ Mbrojtje për çdo fëmijë të neglizhuar

LEXO EDHE:  Vërtetimi i pensionit dhe karta e shëndetit tashmë tërhiqen online

Sipas tij, mesazhi i kryeministrit për grupet kriminale është: “Po ju sekuestroj pasurinë do të përdoreni sikur unë di në zgjedhje për të përsëritur përsëritjen e krimit në procese elektorale përndryshe pasuritë tuaja do të mbeten të bllokuara”./ CNA.al

LEXO TE PLOTE

Politikë

Voltana Ademi ngre alarmin/ “Shkodra aspak e qetë nga krimi, qytetarët të pasigurt”

Publikuar

-

Nga

Kryebashkiakja në detyrë e Shkodrës, Voltana Ademi, deklaron se situata në qytetin që ajo drejton, vijon të mbetet alarmante.

Ademi tha se të shtënat e pak ditëve më parë në pedonalen e Shkodrës, tregojnë se krimi po godet edhe jetën e qytetarit.

“Situata në Shkodër vazhdon të mos jetë e qetë. Ngjarjet e fundit ishin në mes të qytetit. Ajo që ndodhi atje ishte një konflikt i armatosur. Krimi godet në zemër të qytetit, në jetën e qytetit. Situata në Shkodër bëhet më evidente sepse ngjarjet e fundit ishin më evidente”, u shpreh ajo në emisonin “360 gradë”.

Sipas saj, kjo tregon se krimi nuk po goditet dhe ngjarjet e ndodhura në Shkodër ende nuk janë zbardhur.

LEXO EDHE:  Rama e bëri pjesë të listës/Falënderimi i veçantë i ministres

LEXO EDHE:  Fuqizimi i spitaleve rajonale/ 4.5 milion euro investime në aparatura

“Ndihesh i pasigurt në qendër të qytetit të Shkodrës dhe vazhdon të përsëritet situata jo e qetë dhe kriminaliteti nuk goditet. Ngjarjet që kanë ndodhur në Shkodër akoma nuk janë zbardhur. Nuk janë zbardhur ata që kanë bërë krime dhe për ata shteti duhet të kishte vepruar. Kriminaliteti është një nga arsyet që njerëzit ikin”, theksoi demokratja./ CNA.al

LEXO TE PLOTE