Connect with Us

Si tentoi “ish-Sigurimi i Shtetit” të anëtarësojë Bilbil Mete-n në KED!

Politikë

Si tentoi “ish-Sigurimi i Shtetit” të anëtarësojë Bilbil Mete-n në KED!

Publikuar

-

Disa ditë përpara kostituimit të KED, në disa media on-line që shpesh furnizohen me lajme të brendshme prokurorie dhe nga KLP, u përhap teza sipas të cilës ligji detyronte Arta Markun që të lëshonte karriken e fituar nga shorti në KED, me arsyetimin që tashmë nuk punonte më në Prokurorinë e Përgjithshme.

“Ekspertë” që drejtësia e re i nxorri në krye të institucioneve më të lakmuara e që kanë në dorë atë pjesë që i takon akuzës në sistemin e drejtesisë, arsyetonin në karrike dhe biseda “miqsh”, që Arta Marku nuk mund të qëndronte më si anëtare e KED, sa kohë ajo jo vetëm nuk u zgjodh prokurore e përgjithshme, por tashmë nuk punonte më fare në Prokurorinë e Përgjithshme.

Thënë këtë, nuk lexonin e as citonin as ligjin e as atë pak historik të kostituimeve të KED-ve të viteve 2018 e 2019!

Loja me Arta Markun u harrua për pak kohë, sepse fokusi i anëtarëve të KLP, shkoi tek ngritja e SPAK e sidomos tek zgjedhja e drejtuesit të SPAK.

Është interesant votimi dhe diskutimet e zhvilluara në KLP, në të cilat secili prej tyre arsyetonte mbi kriteret konkuruese dhe arsyet që midis tre kandidaturave, mbështesnin Arben Krajën.

Dy anëtare të KLP, Bujar Sheshi dhe Nurihan Sehiti, të deklaruar në lidhje me sigurimin e shtetit votuan dhe lobuan fort për kandidaturën e Arben Krajës.

Lidhja e tyre me Sigurimin e Shtetit, është deklaruar nga i vetmi autoritet që ka akses mbi dosjet e Sigurimit të Shtetit, njëri si bashkëpunëtor i rëndomtë (që me sa duket i jati i kish gjetur rrugën se si mund të shkonte për “studime” jashtë shtetit) dhe tjetra si pjesë e mekanizmit të vendimarrjes për dosje të qepura nga Sigurimi i Shtetit.

Me një pacipëri dhe mungesë lirie që vetëm qenia si ish bashkëpunëtor i sigurimit mund ta justifikojë, asnjëri prej tyre nuk u largua nga KLP qoftë edhe për të ruajtur reformën nga “njolla” që nuk lahet dot më, megjithë vendime shokësh gjyqtarë, pas “akuzave” të formuluara nga shokët prokurorë.

Lobimi dhe vota e tyre e mbështetur mbi arsyetimin banal të eksperiencës që kish Kraja si hartues udhëzimesh, eleminoi kandidaturën, që në mos më e favorizuara nga të huajt, përfaqësonte një jurist pa njolla si të ngjashmit e Arben Krajës në KLP.

LEXO EDHE:  Analiza e Kryeprokurores/ Zvarritje hetimesh e çështje të bllokuara...

Sigurimi i Shtetit fitoi dhe në krye të SPAK për tre vjetët e para të funksionimit, që sipas pritshmërive duhet të ishin edhe me efikaset, do të jetë një ish prokuror i tranzicionit diktatorial, që kish akuzuar për tentativë të kalimit të paligjshëm të kufirit një 17 vjeçar të arrestuar në mes të Tiranës. Akuza formulohej kur dyert e ambasadave ishin hapur dhe qindra shqiptarë ishin dyndur brenda tyre.

Llogjika ta do që me të njëjtin arsyetim Arben Kraja, (nëse rrota e historisë do ish rrotulluar mbrapsh), do kish akuzuar ata qindra shqiptarë, jo më peë tentative arratisje, por për veprën e kryer penale të kalimit të paligjshëm të kufirit dhe tradhtisë ndaj atdheut. I votuar dhe mbështetur nga ish Sigurimi i Shtetit, Arben Kraja, ish prokuror ekstremist i diktaturës, sot është drejtues i SPAK.

Por kthehemi tek KED.

Debati për nevojën e spostimit të Arta Markut, u ngroh prap në dy tre ditët përpara kostituimit të KED.

CNA.al me këtë rast sqaron që Arta Marku nuk meriton aspak respekt, për atë që bëri e aq më pak për atë që nuk bëri, në karriken me funksione të plota si prokurore e Përgjithshme e Republikës, por çështja që analizojmë nuk ka lidhje me individin Arta Marku.

Ka lidhje me listën e ish sigurimsave në kupolën e drejtësisë, të cilët në fakt kur flisnin për ligj, synonin zëvendësimin e Arta Markut me Bilbil Metën të cilin shorti e nxorri kandidaturë zëvendësues për rastet ku Arta Marku sëmuret dhe nuk shkon dot në mbledhje të KED, ose në rastet kur Arta Marku mund të ketë konflikt interesi me ndonjë çeshjte në rendin e ditës së KED.

Dhe kur degjon Bilbil në raport me Prokurorinë, gjithkush e përkthen “Sigurimi i Shtetit”.

Dhe kjo jo për faj të shqiptarëve e as të CNA.al.

Por më e keqja do ish nëse do të provonim thashethemin se skenarët për “emërimin” e Bilbil Mete në KED, u luajtën diku në një zyrë të rëndësishme në Prokurorinë e Përgjithshme./CNA.al

 

Me pasuri nga Gjiri i Lalzit tek Liqeni i thatë/ Ish hetuesi i regjimit komunist në Prokurori

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“BE të mbajë premtimin”/ Komisioneri Varhelyi: Nëse s’hapen negociatat në pranverë Ballkani në rrezik

Publikuar

-

Nga

Komisioneri për Zgjerimin Oliver Varhelyi gjatë prezantimit të metodologjisë së re për integrimin, deklaroi në Parlamentin Europian se procesi duhet të jetë i besueshëm.

Ai kërkoi që procesi të jetë i parashikueshëm për të dy palët, në mënyrë që vendet kandidate të kenë qartësi për kushtet që duhet të plotësojnë dhe ndikimin.

Varhelyi kërkoi që BE të mbajë premtimin dhe t’i hapë negociatat Shqipërisë dhe Maqedonisë së Veriut në pranverë, pasi theksoi se në të kundërt rrezikohet Ballkani Perëndimor.

“Ne kemi nevojë për stimuj të qartë dhe të prekshëm për të inkurajuar reformat. Komisioni qëndron në rekomandimet për hapjen e negociatave të pranimit me Maqedoninë e Veriut dhe Shqipërinë dhe shpresojmë që këto të mund të hapen para samitit të Ballkanit Perëndimor në Zagreb. Të dy vendet kanë dhënë atë që u kërkuan.

LEXO EDHE:  Zbardhen faktet/ Ja pse Arta Marku duhet të japë dorëheqjen

LEXO EDHE:  Berisha shpërthen ndaj Prokurorisë/ Ja kush fshihet pas veprimeve të saj

Gjatë vizitave të mia të fundit në Shkup dhe Tiranë, nënvizova rëndësinë e reformave dhe kërkova që zbatimi i tyre të vazhdojë. Të dy vendet janë angazhuar në përpjekje të mëtejshme për reformat. Në të njëjtën kohë për të qenë një partner i besueshëm, BE-ja duhet të përmbushë premtimet e saj. Ne jemi të bindur se çdo shtyrje e mëtejshme do të shkaktonte një rrezik të fortë, duke dëmtuar stabilitetin në të gjithë rajonin. Ne gjithashtu do të rrezikonim ndërhyrjen nga aktorët e vendeve të tretë dhe të tjerët” deklaroi komisioneri./ CNA.al

LEXO TE PLOTE

Politikë

Alibeaj akuza Ramës për paketën Anti-KÇK/ “Përdoret për shantazh ndaj grupeve kriminale”

Publikuar

-

Nga

Ish-deputeti i PD-së Enkelejd Alibeaj thotë se paketa Anti-KÇK është shantazh i kryeministrit Edi Rama për grupet kriminale.

Alibeaj pretendon se Rama po i shantazhon ata për t’i përdorur në zgjedhjet e ardhshme.

“Qeveri tani dhe ish-qeveria më pas duhet të ishte lënda e parë e SPAK-ut. Por me këtë Anti-KCK-në e ka eklipsuar SPAK-un, sepse kanë krijuar institucione të tilla që në një grup njerëzish futen brenda edhe prokurori i përgjithshëm dhe kreu i SPAK, që drejtohen nga ministri i Brendshëm dhe japin llogari te kryeministri.  Do u hedhë hi syve shqiptarëve, por edhe ndërkombëtarëve, do të mbushë statistikat tani që jemi në prag të çeljes së negociatave. Ky është shantazh ndaj grupeve kriminale për t’i përdorur nesër”, u shpreh ai në emisionin “5 pyetje nga Babaramo”.

LEXO EDHE:  Kryeprokurori i ri/ Kush është Olsian Çela, prokurori i “dosjeve të nxehta”

LEXO EDHE:  Ekskluzive- U shkarkua pa asnjë motivacion/ Flet Hajdarmataj

Sipas tij, mesazhi i kryeministrit për grupet kriminale është: “Po ju sekuestroj pasurinë do të përdoreni sikur unë di në zgjedhje për të përsëritur përsëritjen e krimit në procese elektorale përndryshe pasuritë tuaja do të mbeten të bllokuara”./ CNA.al

LEXO TE PLOTE

Politikë

Voltana Ademi ngre alarmin/ “Shkodra aspak e qetë nga krimi, qytetarët të pasigurt”

Publikuar

-

Nga

Kryebashkiakja në detyrë e Shkodrës, Voltana Ademi, deklaron se situata në qytetin që ajo drejton, vijon të mbetet alarmante.

Ademi tha se të shtënat e pak ditëve më parë në pedonalen e Shkodrës, tregojnë se krimi po godet edhe jetën e qytetarit.

“Situata në Shkodër vazhdon të mos jetë e qetë. Ngjarjet e fundit ishin në mes të qytetit. Ajo që ndodhi atje ishte një konflikt i armatosur. Krimi godet në zemër të qytetit, në jetën e qytetit. Situata në Shkodër bëhet më evidente sepse ngjarjet e fundit ishin më evidente”, u shpreh ajo në emisonin “360 gradë”.

Sipas saj, kjo tregon se krimi nuk po goditet dhe ngjarjet e ndodhura në Shkodër ende nuk janë zbardhur.

LEXO EDHE:  Zbardhen faktet/ Ja pse Arta Marku duhet të japë dorëheqjen

LEXO EDHE:  Ekskluzive- U shkarkua pa asnjë motivacion/ Flet Hajdarmataj

“Ndihesh i pasigurt në qendër të qytetit të Shkodrës dhe vazhdon të përsëritet situata jo e qetë dhe kriminaliteti nuk goditet. Ngjarjet që kanë ndodhur në Shkodër akoma nuk janë zbardhur. Nuk janë zbardhur ata që kanë bërë krime dhe për ata shteti duhet të kishte vepruar. Kriminaliteti është një nga arsyet që njerëzit ikin”, theksoi demokratja./ CNA.al

LEXO TE PLOTE