Connect with Us

“Xhevdeti iku, tani kemi Çukurin”

Kultura

“Xhevdeti iku, tani kemi Çukurin”

Publikuar

-

Nga Ilir Levonja

Nga dje nuk është më mes nesh një nga yjet e kinemasë shqiptare, Xhevdet Ferri. Çfarë nuk u tha, çfarë nuk u shkruajt. Ai zakoni jonë me bulëri kolektive, pikëllim, rrëfime, postulate…, teknikën e emrit të shkurtër atë që zakonisht kanë vulën e përhershme të të thirrurit veç miqtë e ngushtë.

Çfarë nuk shkruajti  presidenti, kryeministri, ishët, shefi i opozitës. Bosët e mediave, të industrisë, të dikastereve etj. Çfarë nuk thanë zogat e kronikave me mikrofonin në gojë, vdiq, vdiq, vdiq, po e varrosin, e varrosën, po përcillet për në varrezë.

E kemi tmerrësisht të vështirë të themi ndërroi jetë, po ikën në amëshim, po e përcjellin për në banesën e fundit etj., por vdiq, po e varrosin. Kjo është kultura e komunikimit tek ne, nuk ke çfarë i bën. Jemi dorëzuar krejt. Nuk ngeli këmbë robi pa u qaravitur aq sa me të drejtë duket e ditur këtë farsë kolektive, i ndjeri e la me amane që asnjë lloj ceremonie të mos i bëhej.

Më kujtohet se e bëri një gjë të tillë edhe i madhi Fatos Sela, në mos gaboj ishte dimri i vitit 2013-të. Por ne nuk vëmë mend, asesi.

Nuk lanë gurë pa lujtur televizionet me kronika e intervista, me kujtime, por sikur njëri prej tyre të transmetonte dy filma ku luan Xhevdeti. Sikur një televizion kombëtar a shtetëror të transmetonte një film ku ai bën pjesë. Paralel vlonin kronikat me varrosje, këtej të çante Kuzguni, Familja e madhe, Lotë në Detin e zi a ku di unë. Gjëkundi se e shikoje Xhevdetin, herë si Trimi, herë si Gori Koroshi, Sako apo kush tjetër?! Se i ka me shumicë karakteret. Ai është një pasuri kombëtare?

Absolutisht po, sidomos për vendin tonë që i zë fill aty tek dera e shekullit të kaluar shkolla e kinematografisë. Por të ashtuquajturit ekrane kombëtare kanë më shumë kohë e hapësira kohe për studiot e idiotëve që thonë punë e madhe se po zbrazet Shqipëria, po vinë plot sirianë, plot irakenë. Hajvanët që kanë rënë në dashuri me Palestinën a konfliktin Palestinë Izrael, hajvanët që i hakërrohen Trumpit përse vrau një terrorist iranian.

LEXO EDHE:  Sot në “Çukur”/ Jamaç bisedon me Selimin për çështjen e spiunit

Nuk kishin pak hapësirë të transmetonin përshembull filmin “Përrallë nga e kaluara”. Kanë alergji nga kinematografia jonë, megjithëse shqyhen bulçish për të ngritur Xhevdetin në qiell. Por nuk e kanë aspak kohën të ritransmetojnë dy a tri filma ku luan.

Kemi alergji, madje a mund ta shfarosim çfarë prodhuam nga pas lufta e këtej se, është demode të shohësh një film shqiptar.

A mund t’i shembim sa më parë teatrot ku ata lujtën, kinematë etj., çfarë na hynë punë. Kemi Diamante dhe dashuri nga Turqia, kemi Çukurin, Luginën e Ujqërve, kujt i duhet se çfarë krijoi Xhevdeti.

Dhe a e dini përse? Sepse tek ne, ata që bëjnë politikën e bëjnë për vete, jo për vendin. Ata që bëjnë televizionet i bëjnë për vete, jo për publikun dhe vendin.

Ata që bëjnë artin e bëjnë për vete, jo për artin. Ata që a japin mësim, e bëjnë për vete jo për të arsimuar brezat. Ata që bëjnë tregtinë a biznesin, e bëjnë për vete jo për ekonominë.

Ata që ndërtojnë, ndërtojnë për vete jo për njerëzit. Ata që shërojnë, e bëjnë për vete, jo për njerëzit. Ata që predikojnë e bëjnë për vete dhe arkat e objekteve të kultit jo për besimtarët. Njëzetë e katër orë folën për Xhevdetin, por një film nuk e transmetuan. Kur ndërroi jetë Alberto Sordi (shkurt 2003) kanalet italiane u shqyen me filmat e djalit nga lagja Trastevere Romë.

Ne në Shqipëri kemi postulatin, pse me filmat e komunizmit do merremi. Megjithatë asaj rruge erdhën ata, erdhi edhe Xhevdeti. Një aset që do ta kish zili edhe Hollywoodi.

Por të tillë jemi ne, zhurmëtar ndaj edhe sot qetësia na mbyt me harresë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kultura

Arti në zi!/ Ndahet nga jeta muzikanti i njohur korçar

Publikuar

-

Nga

Arti në zi!/ Ndahet nga jeta muzikanti i njohur korçar

Muzikanti i njohur korçar, Ilir Tasellari është ndarë nga jeta në moshën 50 vjeçare. Tasellari vuante nga një sëmundje e rëndë ndaj së cilës nuk mundi ta fitonte betejën. Ilir Tasellari do të mbahet mend për të gjithë kontributin që i dha muzikës deri në momentet e tij të fundit.

Të shumtë kanë qenë artistët që kanë shprehur dhimbjen e thellë për humbjen e një nga muzikantëve më të njohur korçarë.



Këngëtari Devis Xherahu bëri të ditur lajmin e trishtueshëm nëpërmjet një postimi në rrjetet sociale ku ndan me ndjekësit dhimbjen e thellë për humbjen e artistit.

LEXO EDHE:  Çfarë bisedoi Edi Rama me Donald Trump

LEXO EDHE:  PSD i ka mbetur veç hiri/Po Sasha komenton

“Nuk dua ta besoj qe ti u largove kaq shpejt,buke e vjeter, kemi ndare kaq aktivitete dhe festa familjare bashke, kaq ore provash per tu bere keta qe jemi sot,Lamtumire miku im Ilir Tasellari.. jam i bindur qe ti do prehesh ne paqe..�”, shkruan Xherahu në postimin e tij./ CNA.al

LEXO TE PLOTE

Kultura

Ndahet nga jeta “Partizani i vogël Velo”

Publikuar

-

Nga

Ndahet nga jeta “Partizani i vogël Velo”

Ndahet nga jeta në moshën 90-vjeçare Konstandin Ropi, apo siç e njohim ndryshe të gjithë “Partizani i vogël Velo”.
Konstandin Ropi ka lindur në Leshnicë, Vithkuq në vitin 1930. Ai mbeti jetim që në moshë të vogël, pasi i u vranë prindërit dhe doli në mal partizan në moshën 12-vjeçare.

Është personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo”. Pas Çlirimit ka mësuar në një shkollë ekonomike për kontabilitet në vitet 1947 – 1948. Më pas ka studiuar në shkollat ushtarake në BS.

LEXO EDHE:  Sot në “Çukur”/ Jamaç bisedon me Selimin për çështjen e spiunit

LEXO EDHE:  Humbi betejën me sëmundjen/ Regjisori Milkani: Xhodën e qëmtuam që të ri, ishte fotozhenik

Në Tiranë përfundoi Shkollën e Bashkuar të Oficerëve dhe Akademinë Ushtarake. Më pas, kur mbaroi Akademinë Ushtarake shkoi me shërbim në Durrës ku shërbeu për shumë vite.



Pas daljes në pension u rikthye në vendlindje në Korçë. Konstandin Ropi kishte në zotërim një arsenal dekoratash të marra për veprimtarinë e tij në luftë, si: medaljen e trimërisë, medaljen e flamurit, ndërsa në Moskë është dekoruar nga ish-presidenti rus Boris Jelcin me dekoratën e luftëtarit kundër Nazizmit.

Konstandin Ropi do të varroset sot në qytetin e Korçës në orën 14.00./CNA.al

LEXO TE PLOTE

Kultura

“Teatër në oborrin e Mësonjëtores”/ Aktorët korçarë sjellin surprizën e madhe

Publikuar

-

Nga

Aktorët korçarë do të sjellin këtë fundjavë një surprizë për qytetarët.

Mësohet se gjatë kësaj fundjave, në oborrin e Mësonjëtores,  aktorët korçarë nën drejtimin e regjisorit Hervin Çuli sjellin për publikun komedine brilante të Çajupit “Pas vdekjes”.

“Teatër në oborrin e Mësonjëtores!
E kishit menduar ndonjëherë?!



Do të ndodhë këtë fundjavë e mjaft të vish ta shohësh. Aktorët korçarë nën drejtimin e regjisorit Hervin Çuli sjellin për publikun komedine brilante të Çajupit “Pas vdekjes”.

LEXO EDHE:  Nga Ilir LEVONJA/ Zoti ambasador ti nuk di më shumë se ne!

LEXO EDHE:  Çukur/Jamaç arrin të gjejë vendndodhjen e Xhumalit,ja çfarë do ndodhë sot

Rezervo biletën! Vendet janë të kufizuara!”-thuhet në një njoftim të Bashkisë së Korçës.

LEXO TE PLOTE