Connect with Us

Në promovimin e romanit “Hijet e Muzgut”, të Arben Kallamatës

Kultura

Në promovimin e romanit “Hijet e Muzgut”, të Arben Kallamatës

Publikuar

-

Toronto dje u zbardh nga dëbora që s’kishte të pushuar. Qarkullimi me automjete kishte vështirësitë e veta në zona të caktuara e megjithatë kjo nuk i ndali aspak të interesuarit dhe apasionuarit e librit të merrnin pjesë në promovimin e romanit “Hijet e Muzgut” nga Arben Kallamata. Në ambientet e “Colombus Center” në orën 19 salla e prenotuar për këtë eveniment shkëlqente nga prania e ajkës së intelektualëve shqiptaro-kanadezë, të mirënjohur në fushën e shkencës, medias, artit, e biznesit.

Nuk ishte e vështirë të lexoje emocionet e Arben Kallamatës në këtë aktivitet organizuar me sqimë e klas nga regjisori Gjergj Rita në bashkëpunim me botuesin e FlasShqip Taulant Dedja, me prezantimin elegant të kineastit Mishel Koçiu dhe me mbështetjen e miqve të autorit Julian Dyrmishi dhe Arben Dedelli.

Nën tinguj të muzikës së zgjedhur në sfond dhe gotave me shampanjë aktori Artan Sejko me zërin e tij magjik interpretoi disa paragrafë provokues e me humor të romanit.

Më pas, kryeredaktorja e FlasShqip.ca Jeta Dedja, gazetari Genc Tirana dhe shkrimtari Artan Gjyzel Hasani, në cilësinë e reçensuesve të romanit njohën të pranishmit me kritikat dhe vlerësimet e tyre për veprën.

Të ftuarit, me një vëmendje impresionuese treguan edhe një herë respektin e tyre për artin, letërsinë dhe vlerat e komunitetit. Një vend i veçantë u ishte rezervuar edhe miqve përtej oqeanit, në mëmëdhe. Shkrimtari i mirënjohur Bardhyl Londo dhe gazetari Ilir Kadia morën pjesë në mënyrë virtuale në promovim duke dhënë komentet dhe përshëndetjet e tyre për librin, autorin dhe të pranishmit.

LEXO EDHE:  “Sekretet” dhe gënjeshtrat e librit të Xhon Bolton

I konceptuar sipas një stili interaktiv të ftuarve iu dha rasti të bënin pyetje e komente për librin. Kështu nuk mund të rrinte pa dhënë një mendim një nga anëtarët më të hershëm të diasporës shqiptaro-kanadeze Hajro Çini, i cili shquhet për replikat me Kallamatën në rrjetet sociale edhe pse janë shumë miq me njëri-tjetrin.

Pyetje për autorin kishte kirurgia Eda Deliallisi Çini, e cila me një sy të hollë vëzhgimi kishte kapur disa elementë interesantë të romanit. Gjithashtu regjisori Jani Tane, edhe pse nuk e kishte lexuar ende librin, nisur nga reçensat e prezantuara, arriti të përcillte përceptimin e tij për temat e romanit. Nga pyetjet e të ftuarve të tjerë u zbulua se Arben Kallamata është në përfundim të librit të tij të dytë. Por pa e lexuar kritikja e tij e parë, bashkëshortja Mimoza Kallamata libri zor se shkon për botim.

E kështu me humor e ndërveprim erdhi fundi i aktivitetit. Pasi kishin kaluar pa u ndjerë më tepër se dy orë, dhe dëbora kishte pushuar, pjesëmarrësit patën mundësinë të merrnin librin me autograf nga autori e të bisedonin me njëri-tjetrin.

Promovime librash bëhen gjithandej, ashtu siç edhe botohet me shumicë në ditët e sotme, por librin e mirë lexuesi i kultivuar di ta nuhasë. Prandaj romani “Hijet e muzgut” edhe pse ka veç dy muaj që ka dalë nga shtypi ka shënuar rekorde shitjeje.

I urojmë suksese Arben Kallamatës!/ FlasShqip.ca

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kultura

Mbahet Festivali Ballkanik i Filmit dhe Kulinarisë/ Fatos Baxhakut i jepet çmimi “Mirënjohja e Qytetit”

Publikuar

-

Nga

Mbahet Festivali Ballkanik i Filmit dhe Kulinarisë/ Fatos Baxhakut i jepet çmimi "Mirënjohja e Qytetit"

Mbrëmjen e sotme është mbajtur edicioni i 10-të i Festivalit Ballkanik të Filmit dhe Kulinarisë në Pogradec.

Gjatë festivalit gazetarit dhe dokumentaristit Fatos Baxhaku i është dhënë çmimi “Mirënjohja e Qytetit”, me motivacionin “Për kontributin e tij në zhvillimin kulturor, artistik dhe promovimin e Pogradecit”.

Çmimi iu dorëzua vëllait të Fatos Baxhakut, nga kryetari i Bashkisë Ilir Xhakolli. Në netët e Festivalit morën pjesë 40 filma me metrazh të gjatë dhe të shkurtër dhe çmime shkuan si më poshtë.

Ndërkohë, çmimi për filmin më të mirë shkoi për “Posta e zemrës” nga dy regjisorët turq Elif Polat dhe Cigdem Bozali dhe çmimi për regjinë më të mirë për filmin shkurtër, shkoi për Ergys Metën me “Njeriu i mirë”.

Çmimet e dhëna:

Shortd Deeds – Best Director Short – Urban Zorko Slovenia

Best Director – Short Student – A Brand Neë Tv – Nina Ognajnovic – Serbia

Best Director – Short – Good Man -E Ergys Meta – Albania

Best Balkan Spirit – School Bus – Ramazan Kilic – Turkey

Best Documentary – The Same Snoëflake Has Fallen Numerous Times On Earth – Evrim Inci – Turkey

Jury Special Mention – Mechanism And Other Systems – Miruna Minculescu



Best Screenplay – Best Feature

Feated Hearts – Elif Polat Cigdem Bozali- Turkey

Human Rights Aëard – Betëeen Pain And Amen – Toma Enache – Romania

Human Rights Short – The Stamp – Lovro Mrdjem – Slovenia

Best Director – Best Cinematography – Stanislav Donchev – Bulgaria

Anti Covid – 19 Aëard – Handshake – Katerina Sigala – Greece/ CNA.al

 

View this post on Instagram

 

Përbyllim me sukses Edicionin e 10-të Festivalit Ballkanik të Filmit dhe Kulinarisë në Pogradec. Ne natën speciale të këtij Festivali, çmimi “Mirënjohja e Qytetit” iu dha gazetarit dhe dokumentaristit Fatos Baxhaku, me motivacionin “Për kontributin e tij në zhvillimin kulturor, artistik dhe promovimin e Pogradecit”. Çmimi iu dorëzua vëllait të Fatos Baxhakut, nga kryetari i Bashkisë Ilir Xhakolli. Në netët e Festivalit morën pjesë 40 filma me metrazh të gjatë dhe të shkurtër dhe çmime shkuan si më poshtë. Çmimi për filmin më të mirë shkoi për “Posta e zemrës” nga dy regjisorët turq : Elif Polat dhe Cigdem Bozali. Çmimi për regjinë më të mirë për filmin shkurtër, shkoi për Ergys Meta nga Shqipëria “Njeriu i mirë” SHORTD DEEDS – BEST DIRECTOR SHORT – URBAN ZORKO SLOVENIA BEST DIRECTOR – SHORT STUDENT – A BRAND NEW TV – NINA OGNAJNOVIC – SERBIA BEST DIRECTOR – SHORT – GOOD MAN -E ERGYS META – ALBANIA BEST BALKAN SPIRIT – SCHOOL BUS – RAMAZAN KILIC – TURKEY BEST DOCUMENTARY – THE SAME SNOWFLAKE HAS FALLEN NUMEROUS TIMES ON EARTH – EVRIM INCI – TURKEY JURY SPECIAL MENTION – MECHANISM AND OTHER SYSTEMS – MIRUNA MINCULESCU BEST SCREENPLAY – BEST FEATURE FEATED HEARTS – ELIF POLAT CIGDEM BOZALI- TURKEY HUMAN RIGHTS AWARD – BETWEEN PAIN AND AMEN – TOMA ENACHE – ROMANIA HUMAN RIGHTS SHORT – THE STAMP – LOVRO MRDJEM – SLOVENIA BEST DIRECTOR – BEST CINEMATOGRAPHY – STANISLAV DONCHEV – BULGARIA ANTI COVID – 19 AWARD – HANDSHAKE – KATERINA SIGALA – GREECE

A post shared by Bashkia Pogradec Faqja Zyrtare (@bashkiapogradec) on

LEXO TE PLOTE

Kultura

Dorëshkrimi i shkrimtarit të njohur botohet me emër tjetër/ Vajza e tij denoncon vjedhjen

Publikuar

-

Nga

Shkrimtari dhe filozofi i njohur shqiptar, Isuf Luzaj lindi në Kaninë më 21 shkurt të vitit 1913.

Ai la pas si trashëgimi në dorëshkrim 32 vëllime në poezi,filozofi,histori e ditarë.

Vajza e tij ka akuzuar së fundimi se vjersha që babai i tij i ka kushtuar shokut të tij Hazis Sharra, është publikuar në librin e z.Enver Memishaj.

Ajo shprehet e indinjuar për faktin se vepra e të atit, tashmë është në emër të dikujt tjetër.



Elisabeta Luzaj ka denoncuar me ashpërsi këtë vjedhje pasi sipas saj,  i ati i ka dorëzuar një listë me librat e tij, në dorëshkrim. Kjo me arsyetimin se pas vdekjes ndokush mund të tentonte t’i vjedhë dhe ti botojnë në emrin e vetë.

LEXO EDHE:  Trafik organesh gjatë luftës në Kosovë/ Rama: Libri i Dick Marty, fantazi, nëse…

LEXO EDHE:  Marrin fund përplasjet/ Grida Duma i rikthehet “dashurisë së vjetër”

Dorëshkrimin e të atit e ka e bija e cila ka publikuar faktet që vërtetojnë se akuzat e saj janë të vërtëta.

 

LEXO TE PLOTE

Kultura

“Diku ku dielli nuk perëndon”/ Një roman nga Enxhi Drapi

Publikuar

-

Nga

Studentja e Drejtësisë Enxhi Drapi, ka sjell për lexuesit shqiptar romanin e saj të parë.

Shumë kritik letrarë e kanë vlerësuar si një roman të guximshëm, që godet fort në mentalitetin e shoqërisë. Është një roman me karakter psikologjiko-social, ku në qendër të së cilit vendoset femra.

Unik për llojin e tij në Shqipëri dhe jo vetëm. Dielli për këdo përfaqëson një lëmsh zjarri i cili ndriçon, por autorja e këtij romani na bën ta shohim diellin në një tjetër këndvështrim.

Diku ku dielli nuk perëndon na përballë me historinë e Helenës, një vajzë në dukje të thjeshtë dhe të dobët por, e cila arrin t’i bëjë ballë sfidave, sëmundjeve dhe kërcënimeve jo të thjeshta. Ajo është vajza e një inxhinieri ndërtimi, i cili kthehet në një vrasës të sëmurë dhe herë pas here të pamëshirshëm.



Mois është një njeri i cili pranon të bëjë gjithçka vetëm që fëmijët e tij të mos cënohen, por papritur e gjen veten në duart e një hebreu, Xhorxh, i cili e përdor dhe mundohet ta mbajë pas vetes në mënyrë që të mos e ketë rival.

LEXO EDHE:  Trump vazhdon kritikat për librin e ri provokativ “Zjarr dhe Furi”

LEXO EDHE:  “Sekretet” dhe gënjeshtrat e librit të Xhon Bolton

Një histori rrënqethëse dhe intensive e cila bazohet në ngjarje të vërtetë, sepse krimi, dështimi, fitoret, zilia dhe paragjykimet janë pjesë e jetës të kujtdo.

Autorja premton se çdokush do e gjejë veten tek njëri nga personazhet. Gjithashtu premton se do t’ju bëjë ta shihni jetën me më shumë pozitivitet sepse gjithçka është e mundur nëse e dëshiron me shpirt. Ky libër gjendet aktualisht në çdo librari në Shqipëri dhe Kosovë.

LEXO TE PLOTE
Lajme të Rekomanduara: