Connect with Us

Çunat e Desadës bëjnë moral publik

Politikë

Çunat e Desadës bëjnë moral publik

Publikuar

-

Pas një lajmi të publikuar gjerësisht në media, por dhe të detajuar nga Hashtag,  për ekipin e ri të propagandës të Lulzim Bashës, pas daljeve i pudrosur dhe ngjyrë çokollatë javët e fundit, kanë reaguar dy personazhe publike, Ergys Mërtiri dhe Fitimtar Zekthi.

Të dy kanë reaguar për shkrimet dhe ato ç’ka thuhej, iu ka djegur miza nën kësulë dhe folën të justifikohen çunat me komandë. Por le të themi disa detaje për ta dhe përgjigjet e dhëna.

Të dy pretendojnë se nuk janë pjesë e një grupi propagande në PD, por në fakt, të dy çohen në emisionet kryesore televizive me porosi nga PD. Për ata që nuk e dinë, studiot kryesore televizive mbajnë kontakte me zyrën e shtypit të PD-së dhe është kjo e fundit që për emisionet apo debatet e caktuara, çon përfaqësuesit e saj.

Kështu ndodh me emisionin “Hapur” në Top Channel, “Opinionin” në Tv Klan, apo edhe me shumë televizione të tjera. Të dy, Fitimtar Zekthi, i cili është një personazh publik i dënuar për mashtrim, me vendim gjykate, kjo e pranuar prej tij dhe e deklaruar në KQZ, dhe Ergys Mërtiri.

Të dy çohen nëpër ekranet e televizioneve të shqiptarëve me porosi zyrtarisht nga PD. Ata nuk e pranojnë këtë, e mohojnë, thonë që janë të djathtë dhe shprehin mendimet e tyre, kjo është një gjë shumë e mirë, por fakti është që ata çohen me porosi nga Elona Meço e zyrës së shtypit të PD, apo Desada Metaj, e cila tashmë ka braktisur “Opinionin”, ku dhe i dha një dorë apo shtysë të fortë Ergysit apo Fitimtarit.

Të dy pretendojnë se janë në punën e tyre, nuk kanë marrë premtime për deputetë dhe nuk do të merren me

fitim zekthi i propozuar nga basha
Fitimtar Zekthi Lulzim Basha

propagandë. Në fakt kanë kohë që bëjnë propagandë, janë të hapur në propagandën e tyre dhe nuk ka asgjë të keqe ta bëjnë këtë, qoftë kjo edhe me pagesë si mercenarë të PD apo Desadës, apo të kryejnë kontributet e tyre si qytetarë të lirë, si opinionistë dhe duke shkruar apo dhënë mendimet e tyre të lira, por kur ata përdoren si marioneta, e për më tepër e mohojnë faktin se janë instrumenta politikë të rekomanduar nga Republika e Re,  dhe një zyre të ngritur së fundmi nga Lulzim Basha me një kompani izraelite, për propagandë dhe për të ngritur figurën e kryetarit, duken qesharakë.

Janë po këta personazhe, të cilët mbështesnin djegjen e mandateve dhe rrugën pakrye të Lulzim Bashës, janë po këta personazhe që sot mbështesin sërish kthimin në tryezë dhe pazarin e rradhës të Lulzim Bashës, se ku shkoi më shumë se një vit protesta dhe rrugë pa krye, as kanë gojë ta thonë.

Tani ose je me revolucionin, me pushkën në dorë kundër ndërkombëtarëve dhe Ambasadës amerikane, ose je pro institucioneve dhe në rrugën që kërkuan diplomatët. Këtë e kanë thënë në të dyja versionet edhe Ergysi, edhe Fitimtari, por të dy sot mohojnë që ta kenë bërë në shërbim të kryetarit të PD-së, por e bëjnë se kështu mendojnë.

Në fakt mendojnë pikërisht siç mendon Lulzim Basha dhe prandaj janë nëpër ekrane televizive, si përfaqësues të Republikës së Re, ata vërtet nuk i përkasin PD, këta të dy, por edhe disa të tjerë që ende nuk po shfaqen, por do të dalin në ditët në vijim nëpërmjet një strategjie të menduar mirë nga grupi i propagandës.

Ergys Mertiri

Sa për faktin që mohojnë nëse do të hapin profile fallco dhe do të sulmojnë persona të tjerë, mesa duket e kanë harruar atë që kanë raportuar mediat. Askush nuk i përmend ata si njerëz të cilët do të hapin profile fallco apo do bëjnë veprime të cilat kanë qenë në ekskluzivitet të kontrolluara deri dje nga Odeta Malaj, krahu i djathtë i kunatit të Lulzim Bashës, Erion Isufi dhe vetë Desada etj etj p[ersonazhe që do i themi ditë pas dite.

LEXO EDHE:  Faktet-Kush e drejton vërtetë PD-në?

Është e vërtetë që ka pasur një grup të rinjsh dhe sot ekziston po e njëjta strukturë, por sot kanë ndryshuar emrat apo fytyrat dhe profilet. Një grup i cili hap profile fallco në rrjetet sociale, sulmon, gjuan apo intimidon, kështu ka ndodhur edhe dy ditët e fundit me publikimin e lajmeve që janë bërë kundër Zekthit, Desadës apo Ergysit dhe ndonjë tjetër. Kanë ekzistuar dhe janë aktive grupe të caktuara që i përdor kryeministri Rama, Mona në LSI dhe Lulzim Basha. Për ketë punë kanë edhe sekretariat digjital të gjithë.

Së pari, ato kanë filluar në vitin 2011, kur Basha kandidonte për kryetar bashkie në Tiranë dhe zyra ndodhej te Kullat Binjake në qendër të qytetit, ku disa të rinj, pjesëtarë të forumit rinor drejtoheshin nga Erion Isufi, kunati i Lulzim Bashës.

Më pas, kjo zyrë u hap sërish në 2014 selinë e PD-së dhe u përdor me të rinj të forumit rinor ku kryesisht drejtohej nga dy militantë të rinj, që koordinoheshin kryesisht me Odeta Malajn, e cila është, siç e thamë edhe më lart, krahu i djathtë i kunatit të Lulzim Bashës, Erion Isufi.

Tani ka ndryshuar struktura, do të përdoret një formë tjetër, do të ketë një zyrë propagande për të ruajtur imazhin e kryetarit. Lëvizjet dhe çdo kritikë ndaj tij, apo dhe budallëqet që bën Lulzim Basha do të shpallen si fitore. Kjo do bëhet nëpërmjet një kompanie izraelite, e cila ka disa muaj që ka ardhur në selinë e PD-së, por njeriu kryesor i kësaj detyre kordinuese do të jetë Desada Metaj.

Më pas kjo zyrë do të ketë edhe disa njerëz që do të shkojnë në media, si ata që kanë disa kohë që shkojnë, Ergys Mërtiri, apo Fitim Zekthi që çohen si përfaqësues të PD-së në panelet e debateve, megjithëse nuk kanë asnjë kontribut politik në PD dhe i përkasin thjesht dhe vetëm Republikës së re të Lulzim Bashës, nuk kanë asnjë lidhje  me strukturën kontibutet politike apo bazën e PD, thjeshtë dhe vetëm dalin si mercenarë të dërguar nga Desada.

Nga ana tjetër do jenë edhe grupet në rrjetet sociale, të cilat sulmojnë, shajnë, fyejnë, apo lëvdojnë atëherë kur duhet dhe si duhet, me porosi të Desadës.

Ergysi dhe Fitimtari që nuk fitoi as në vendlindje,  nuk ka nevojë të hapin profile fallco, nuk ka nevojë fare ta bëjnë këtë dhe të fshihen, ata janë kaq fallco në daljet e tyre publike, në mbrojtjen që i bëjnë Lulzim Bashës, sa nuk ka nevojë për t’u fshehur, mjafton të dalin sa më shumë në publik, ashtu siç kanë dalë dhe në rastin e fundit duke folur mjaft qartë, thjesht dhe vetëm si një profil fallco./ CNA.al

Skandali-dokumentet/ Basha zgjedh një të dënuar si mashtrues për propagandën

Lulzim Basha bën Desada Metajn numrin 2 të PD-së/ Ja detyra dhe ekipi i propagandës

I dënuari për mashtrim/ Thellimi e zgjidh krizën

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. Ben

    20 Janar, 2020 at 12:34 pm

    Ne q.s. i varin shpresat tek Fitimtari dhe Ergysi vari trapin.Çdo gje paska marre fund tek PD–ja.

Komentoni

Your email address will not be published. Required fields are marked *

Aktualitet

Ambasadori gjerman takon Bashën/ Ja cila është arsyeja

Publikuar

-

Nga

Ambasadori gjerman takon Bashën/ Ja cila është arsyeja

Paraditën e sotme Ambasadori i Gjermanisë në Tiranë, Peter Zingraf, po zhvillon një takim me kryetarin e Partisë Demokratike, Lulzim Basha.

Sipas informacioneve takimi po zhvillohet në selinë e PD.



Akoma nuk dihen arsyet e këtij takimi mes ambasadorit  Zingraf dhe Bashës , por ditët e fundit ka pasur  përplasjet politike në Këshillin Politik. Kjo pasi opozita kërkon lejimin e koalicioneve parazgjedhore dhe hapje 100% të listave. Këto  kërkesa nuk janë akoma nga mazhoranca socialiste./CNA.al

LEXO TE PLOTE

Politikë

Dy “perlat” e Lulzim Bashës tek Fevziu/ Pse shqiptarët duhet ta zgjedhin kryeministër

Publikuar

-

Nga

Basha: Vetëm 0.5% e xhiros vjetore, taksa për biznesin e vogël

Kreu i Republikës së re, Lulzim Basha ka thënë dje se biznesi i vogël me xhiro deri në 140 milionë lekë të vjetra, do ketë taksën deri në 0.5% të xhiros.

Lulzim Basha vazhdon të bëjë qyfyre publike, megjithëse do ishte më mirë të mos kishte dalë fare, se hall kur del, e hall kur nuk del. Dhe sa herë që del do ta thotë ndonjë budallallëk, që nuk ka burrë nëne, apo kompani propaganda që t’ia rregullojë.

Nga janari i vitit 2021 taksa për biznesin e vogël me xhiro deri në 100 milionë, është zero. Është bërë fakt i kryer që në muajin korrik nga qeveria, dhe është deklaruar publikisht nga Ministria e Financave. Po ndiqen të gjitha proçedurat për t’u reflektuar në buxhetin e vitit 2021.

Tani, cili lider opozite në botë do të fitojë zgjedhjet, e del e thotë se do t’iu vërë taksa?

Ky është vetëm Lulzim Basha. Është i papërsëritshëm në llojin e vet.

Luli ka thënë se biznesi i vogël, me xhiro deri në 140 milionë do paguajë deri në 0.5% taksa. Por, shumica e biznesit të vogël është në fashën deri në 100 milionë, dhe të gjithë mezi pop resin që të shkojë taksa zero. Ndërsa Luli thotë se do paguani 0.5% të zhiros.

LEXO EDHE:  Basha e bëri numrin 2 të PD-së/ Goxhaj nuk i kursehet Desada Metajt

LEXO EDHE:  I dënuari për mashtrim/ Thellimi e zgjidh krizën

Përveç kësaj edhe taksat lokale të biznesit të vogël, me mënyrën sesi i trajton është i paqartë dhe aspak bindës.



Nuk thotë cila është mënyra sesi do hiqet kjo taksë, sepse pushteti vendor është autonom në vendosjen e taksave.

Zoti Basha ka deklaruar se do t’i heqë të gjitha taksat lokale.

Por, si mund t’i heqë taksat lokale? Do t’i marrë ai nën administrim bashkitë? Nuk do ketë më bashki, do jetë vetëm Luli?

Këto janë dy çështjet ekonomike, që Luli nuk dinte t’I sqaronte. Thjeshtë i përsërist si papagall dhe si gjithmonë bën gafa të papërsëritshme.

Është i vetmi kryetar opozitë në botë, që pretendon se do vijë kryeministër, duke premtuar se do të vendosë dhe do të rrisë taksa. Të paktën për biznesin e vogël.

Dhe nga ana tjetër është edhe loja e taksës 10% për të ndihmuar njerëzit e pasur, ata që marrin miliona e miliarda. Por kjo i përket një tjetër teze.

Mjaftojnë këto dy pika për të treguar strategjitë e Bashës pro biznesit./ CNA.al

LEXO TE PLOTE

Aktualitet

Probleme me deklarimin e pasurinë/ Komisioneri Publik kërkon shkarkimin e Donika Prelës

Publikuar

-

Nga

Probleme me deklarimin e pasurinë/ Komisioneri Publik kërkon shkarkimin e Donika Prelës

Komisioni i Pavarur i Kualifikimit ka nisur ditën e sotme seancën publike ndaj prokurores Donika Prela. Në seancën e sotme, është e pranishme vetë Prela.

Sipas Komisionerit publik, Prela nuk arriti të provojë se pasuria ishte nga burime të ligjshëm dhe se prokurorja ka deklarim të pasaktë dhe të pamjaftueshëm.



Dy kërkesa të mëparshme për përjashtim të anëtareve të trupit gjykues, komisioneri publik i vlerëson si përpjekje për vonimin e këtij procesi.

LEXO EDHE:  Tre kuçedrat apo kukumjaçkat e Lulit/ Të përzgjedhurat e kunatit që drejton PD

LEXO EDHE:  Faktet-Kush e drejton vërtetë PD-në?

Prandaj Komisioneri publik kërkon shkarkimin nga detyra të Donika Prelës./CNA.al

LEXO TE PLOTE