Connect with Us

A shkaktojnë kancer celularët?

Bota

A shkaktojnë kancer celularët?

Publikuar

-

Gjykata e Apelit në Torino të Italisë, konfirmoi së fundmi një vendim të vitit 2017, që zbuloi praninë e një “lidhje shkakësore” midis përdorimit të telefonave celularë dhe një forme të veçantë të kancerit (neuroma akustike), një tumori beninj por që ka pasoja paaftësuese në veshin tonë.

Pa hyrë në detajet e lajmit, shkenca dhe metodat shkencore mund t’ju ndihmojnë të kuptoni më mirë qëllimin e tij, si dhe të kuptoni vërtetë rreziqet që paraqesin telefonat celularë. Ja cilat janë disa nga pyetjet dhe përgjigjet e tyre, nga një këndvështrim rigoroz dhe shkencor.

A shkakton kancer telefoni celular?

Deri më sot, nuk ekziston asnjë provë shkencore e besueshme dhe e verifikueshme, sipas së cilës përdorimi i telefonave celular shkakton tumor tek njeriu. Edhe pse telefonat celularë përdoren nga miliarda njerëz edhe për disa orë në ditë, nuk janë zbuluar kurrë zhvillime anormale të kancerave specifike, pikërisht nga përdorimi i kësaj paisje.

Duke pasur parasysh përhapjen e madhe të telefonave celularë, Organizata Botërore e Shëndetësisë (OBSH), është duke monitoruar ende efektet e mundshme të telefonave celularë mbi popullatën, me nisma dhe programe për vlerësimin e rrezikut.

Disa vendime gjyqësore, njohin një lidhje midis përdorimit të telefonave celularë dhe shfaqjes së  kancerit. Por hulumtimet e kryera deri më tani nuk lejojnë pohimin dhe as përjashtimin e tij si shkaktar të kancerit, me siguri absolute. Këtë e konfirmon Instituti  Kombëtar i Kancerit në SHBA, Administrata e  Ushqimit dhe Barnave, dhe Qendra për Kontrollin dhe Parandalimin e Sëmundjeve në SHBA. Dhe së fundmi, edhe Instituti i Lartë i Shëndetit në Itali.

Megjithatë, agjencia Ndërkombëtare për Kërkime mbi Kancerin (IARC), pjesë e Organizatës Botërore të Shëndetësisë, ka klasifikuar në vitin 2011 fushat elektromagnetike të radiofrekuencave të shkaktuara nga rrezatimi jo-jonizues i emetuar nga telefonat celularë, si potencialisht kancerogjenë për njerëzit.

Në praktikë, ato u përfshinë në grupin 2B, që do të thotë “potencialisht kancerogjen”, ku përfshihen edhe substanca dhe agjentë që janë ende nën vëzhgim, dhe të cilat tani për tani nuk konsiderohen as kancerogjenë “të mundshëm” (grupi 2A), as “disi kancerogjenë” (Grupi 1).

LEXO EDHE:  Kërkoi favore seksuale/ Krimet e Rënda, lënë në burg gjyqtarin

Sipas Shoqatës Amerikane të Kancerit, ky klasifikim tregon se mund të ketë një rrezik të lidhur me kancerin. Por provat në dispozicion, nuk janë ende të mjaftueshme për të konfirmuar një lidhje shkakësore.

Për shembull, një  studim  3-vjeçar australian i botuar në vitin 2016 në “Cancer Epidemiology”, dhe i kryer mbi mijëra pacientë ka përjashtuar telefonat celularë nga të qënit favorizues të tumoreve të trurit, nëpërmjet rrezatimit elektromagnetik.

Me kalimin e viteve, mbi kafshët dhe njerëzit janë kryer qindra eksperimente shkencore dhe kërkime. Dhe thuajse asnjë nga ata nuk ka gjetur një lidhje të qartë shkakësore midis ekspozimit ndaj telefonave celularë dhe sëmundjeve të veçanta, siç janë tumoret.

Në gushtin e vitit të shkuar Istituti i Lartë i Shëndetësisë në Itali, arriti një përfundimin:

“Meta-analizat e studimeve të shumta të publikuara në periudhën 1999-2017, nuk zbulojnë ndonjë rrezik të shtuar të sëmundjeve malinje (glioma) ose beninje (meningioma, neuroma akustike, tumoret e gjëndrave të pështymës), nga përdorimi i zgjatur në kohë (më shumë se 10 vjet) i telefonave celularë”.

Prandaj nevojiten më shumë studime mbi këtë çështje. Ndërkohë, ata që flasin shumë kohë në telefon, këshillohen që të përdorin kufjet. Sidomos për të rinjtë./Përshtati në shqip CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Rritet frikshëm shifra/ Arrin në mbi 900 numri i vdekjeve nga koronavirusi

Publikuar

-

Nga

Numri i vdekjeve nga koronavirusi në Kinë ka arritur në mbi 900, ndërsa sot për herë të parë që nga shpërthimi i epidemisë, Presidenti kinez Xi Jinping vizitoi një lagje të Pekinit dhe një spital për trajtimin e presonave të prekur nga virusi. Ndërkohë, rritja e rasteve në Britani bëri që qeveria e këtij vendi ta shpallë virusin një “kërcënim serioz” për shëndetin publik.

Zyrtarët kinezë të shëndetit raportuan 97 vdekje të reja të dielën. Kjo e çon në 908 numrin e përgjithshëm të vdekjeve të shkaktuara nga koronavirusi. Sipas zyrtarëve të shëndetësisë janë raportuar 3.062 raste të reja të virusit, duke i dhënë fund prirjes shumë ditëshe të rënies së numrit të rasteve që kishte sjellë shpresat se masat e kontrollit do të funksiononin.

Me një maskë në fytyrë, Presidenti kinez Xi Jinping bëri një paraqitje publike për herë të parë pas shpërthimit të koronavirusit, duke vizituar një lagje dhe një spital në Pekin. “Duhet të kemi besim. Ne do ta mposhtim këtë epidemi”, tha presidenti kinez.

Britania raportoi të hënën katër raste të reja, duke e sjellë në gjithsej tetë numrin e personave me koronavirus. Ministri britanik i Shëndetësisë Matt Hancock shpalli virusin një kërcënim për publikun për t’i dhënë qeverisë më shumë fuqi për të izoluar të sëmurët në përpjekjen e saj për të shmangur përhapjen e tij të mëtejshme.

Në Japoni, një anije turistike mbetet në karantinë në Yokohama me 66 raste të reja të raportuara të hënën, më shumë sesa dyfishi i numrit të rasteve të njohura në bord.

Anija Diamond Princess (Princesha e Diamantit) u urdhërua të mbetej në karantinë javën e kaluar pasi një pasagjer i saj, i cili zbriti nga anija në Hong Kong rezultoi se ishte prekur nga koronavirusi.

Epiqendra e shpërthimit të koronavirusit është në provincën Hubei të Kinës, ku miliona njerëz vazhdojnë të jenë të izoluar. Në zonat e izoluara njerëzit po ankohen për mungesa ushqimore.

LEXO EDHE:  Dhuna në protestë/ Gjykata lë në burg, 3 nga 6 të arrestuarit

LEXO EDHE:  Të arrestuar për korrupsion/ Gjykata refuzon kërkesën e dy ish-deputetëve

Zyrtari kinez i tregtisë Ëang Bin tha të dielën se ka mungesa në logjistikë, rritje të çmimeve dhe mungesë të krahut të punës. “Është e vështirë që furnizimi i tregut të arrijë nivelet normale,” tha ai. Aktualisht, ai tha se ka një furnizim pesë-ditor të mishit të derrit dhe vezëve, dhe furnizim tre-ditor të perimeve.

Banka Qendrore e Kinës vuri në dispozicion 300 miliardë juanë (43 miliardë dollarë) për të ndihmuar bizneset e përfshira në luftimin e epidemisë. Joseph Eisenberg, profesor i epidemiologjisë në Fakultetin e Shëndetit Publik në Universitetin e Miçiganit, i tha agjencisë së lajmeve Reuters se ishte shumë herët për të thënë nëse epidemia ka arritur kulmin për shkak të paqartësisë mbi numrin e rasteve.

“Edhe nëse rastet e raportuara mund të kenë arritur kulmin, ne nuk e dimë se çfarë po ndodh me rastet e paraportuara,” tha ai. “Kjo është veçanërisht një çështje problematike në disa nga zonat më rurale”, tha zoti Eisenberg.

Numri i vdekjeve nga koronavirusi është më i lartë se ai i sindromës së rëndë të frymëmarrjes akute (SARS) që shpërtheu në vitet 2002-03, i cili besohet se ka vrarë 774 njerëz dhe të ketë sëmurë gati 8,100 njerëz në Kinë dhe në Hong Kong. /VOA

LEXO TE PLOTE

Bota

“Tërmet” politik në Gjermani/ Pasardhësja e Merkelit merr vendimin e papritur

Publikuar

-

Nga

Drejtuesja e CDU-së, Annegret Kramp-Karrenbauer, heq dorë nga kandidatura për kancelare, si edhe nga posti i kryetares së CDU-së.

Pas ngjarjeve në landin e Tyringjisë javën e kaluar, ku një kryeministër liberal (FDP) u zgjodh me votat e partisë populiste të djathtë, AfD dhe u dorëhoq pak ditë më vonë, kryetarja e partisë kristian-demokrate, CDU, Annegret Kramp-Karrenbauer ndeshi në kritika të forta që vunë në dyshim autoritetin e saj. Tani ajo vendosi të heqë dorë si nga kandidatura për kancelare ashtu edhe nga pozicioni i kryetares së CDU-së, bëri të ditur presidiumi i CDU-së në Berlin, sipas një zëdhënësi konservator.

Kramp-Karrenbauer, tha në presidium, citon dpa,se ka “një marrëdhënie të pasqaruar të pjesëve të CDU-së, me AfD dhe Të Majtët”. A

LEXO EDHE:  Si të aplikosh për studime në Itali/ Udhëzimet e Ambasadës Italiane

LEXO EDHE:  Bananet e pjekura shumë luftojnë kancerin

jo është kundër një bashkëpunimi me AfD dhe Të Majtën. Në të njëjtën kohë është e qartë, që kryesimi i partisë dhe kandidatura për kancelare janë në një dorë. Sipas AKK në verë ajo do të organizojë procesin e kandidaturës për kancelar, do ta përgatisë partinë për të ardhmen dhe do të dorëzojë postin e kryetares, thuhet në njoftimin e presidiumit të CDU-së. Njoftohet se Merkel do ta mbajë Kramp-Karrenbauer si ministre të Mbrojtjes./DW

LEXO TE PLOTE

Bota

Rritet në 811 numri i të vdekurve nga koronavirusi

Publikuar

-

Nga

Në Kinë numri i persona që kanë gjetur vdekjen si pasojë e koronavirusit prej momentit të shpërthimit deri më sot ka arritur në 811, duke e kaluar numrin e vdekjeve në nivel botëror të shkaktuar nga virusi SARS.

Shumë prej qyteteve janë shdërruar në qytete fantazmë gjatë dy javëve të fundit pas urdhrit të autoriteteve për t’i izoluar ato, bllokuar fluturimet dhe mbyllur fabrika e shkolla. Edhe të hënën një numër i madh vendesh pune e shkollash, do të vazhdojnë të qëndrojnë të mbyllura. Në total numri i personave të prekur nga virusi në Kinë njoftohet se është 37,198 persona. Virusi është përhapur në të paktën 27 vende e rajone të ndryshme të botës duke infektuar më shumë se 330 njerëz.

Ndërkohë autoritetet kineze njoftuan se po rritet numri i pacientëve me koronavirus që po shërohen. Sipas Komisionit Kombëtar kinez të Shëndetit, numri i përgjithshëm i personave që janë shëruar prej shpërthimit të infeksionit viral është 2649 persona. Dy ditët e fundit kanë shënuar një rritje të numrit të pacientëve me koronavirus të cilët janë shëruar dhe kanë lënë spitalet në mbarë Kinën.

Në provincën Anhui në lindje të Kinës, 12 persona u liruan nga spitali ditën e shtunë në disa qytete, duke e çuar në 59 numrin e përgjithshëm të pacientëve të shëruar.

“Një numër i madh i pacientëve janë larguar nga spitali këto dy ditë, mesatarisht dy ose tre në ditë. Kjo rrit besimin tek mjekët. Shpresojmë që e gjithë shoqëria të mbështesë punën tonë për parandalimin dhe kontrollin. Kemi besim se do ta fitojmë betejën kundër epidemisë”, thotë Yang Dexiang, mjek i rrugëve të frymëmarrjes në spitalin e qytetit Tongling.

LEXO EDHE:  Si të aplikosh për studime në Itali/ Udhëzimet e Ambasadës Italiane

LEXO EDHE:  Dhuna në protestë/ Gjykata lë në burg, 3 nga 6 të arrestuarit

Një pacient i cili kishte ardhur në spital në gjëndje të rëndë në provincën Heilongjiang në verilindje të Kinës, la spitalin pasi testet e fundit rezultuan negative. Në qytetin Zunyi të provincës Guizhou, një pacient u largua nga spitali të shtunën pasdite pas trajtimit 13-ditor.

Lajme inkurajuese vijnë gjithashtu edhe nga provinca ishull Hainan, e cila raportoi për tre raste pacientësh të shëruar të shtunën duke e çuar në 14 numrin e përgjithshëm të tyre. Në qytetin lindor Liaocheng, të provincës Shandong, pacienti i parë u lirua nga spitali të premten.

Rajoni autonom Ningxia Hui, raportoi të shtunën 10 raste të tjera pacientësh që e kanë marër veten, duke e çuar kështu në 13 numrin e përgjithshëm të tyre. Sipas shifrave të Komisionit Kombëtar të Shëndetit, numri i përgjithshëm i pacientëve të shëruar në të gjithë Kinën deri ditën e shtunë, rezulton të jetë 2,649 persona. /VOA 

LEXO TE PLOTE