Connect with Us

“Shqipëria dhe Kosova nuk mund të ekzistojnë pa të rinjtë”/ Thirrja e Metës: Koha për reflektim

Lajme

“Shqipëria dhe Kosova nuk mund të ekzistojnë pa të rinjtë”/ Thirrja e Metës: Koha për reflektim

Publikuar

-

Presidenti Ilir Meta thotë se Shqipëria dhe Kosova nuk mund të ekzistojnë pa shqiptarë, dhe sidomos pa të rinjtë.

Sipas tij, kjo është sfida më madhore kombëtare që kërkon urgjent bashkëpunim, zgjidhje afatgjatë e të qëndrueshme, dhe kthimin e shpresës për të gjithë shqiptarët.

“Jemi në kohën e duhur për të pasur një reflektim më të plotë, më të thellë e të përbashkët në këtë drejtim.
T’u krijojmë mundësitë dhe shanset të rinjve në Shqipëri, në Kosovë e kudo në rajon, ta shohin dhe ta ndërtojnë të ardhmen në trojet e tyre. Ky duhet të jetë objektivi ynë strategjik”, shkruan Meta./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Aktorja turke humb djalin/ E gjeti të vdekur në apartament

Publikuar

-

Nga

Aktorja e mirënjohur turke Hümeyra Akbay, ka pësuar shok pasi ka gjetur të vdekur djalin e saj 47-vjeçar, Sadik Bigat, në apartamentin e tij.

Sipas gazetës turke “Hürriyet Daily Neës”, Hümeyra kishte dy ditë që kishte humbur kontaktet me të. Ajo vendosi të shkonte në shtëpinë e tij për ta kontrolluar dhe e gjeti të vdèkur.



Nuk dihet ende shkaku i vdèkjes, por dyshohet se mund të ketë pësuar një sùlm në zemër. Siç shihet dhe nga pamjet në videon e mëposhtme, aktorja duket e shkátërruar në ceremoninë mortore të të birit, ndërkohë që pjesëmarrja e njerëzve ka qenë e kufizuar për shkak të Covid 19.

LEXO EDHE:  Kërkesa për plotfuqishmëri në negociatat me Greqinë/ Nishani: Po përdhoset Presidenti

LEXO EDHE:  Rrëzimi i tre dekreteve të Metës/ Vasili: Parlamenti, "Rrobaqepësi" që qep ligje me porosi oligarkësh!

Hümeyra njihet për rolin e saj si halla Maide në serialin “Fate të kryqëzuara”, por edhe për shumë filma të tjerë që janë luajtur në Turqi. /CNA.al

LEXO TE PLOTE

Lajme

Vodafone Albania vlerësohet nga umlaut si rrjeti më i mirë në Shqipëri

Publikuar

-

Nga

Vodafone Albania vlerësohet nga umlaut si rrjeti më i mirë në Shqipëri

Një prej kompanive lider, ndërkombëtar, në testimin e cilësisë së infrastrukturave dixhitale, umlaut, publikoi rezultatet e testimeve më të fundit të kryera në Shqipëri, ku rezulton se Vodafone Albania ka marrë pikët më të larta të arritura ndonjëherë në vendin tonë, në të gjithë treguesit e performancës së rrjetit celular.

Umlaut ka analizuar cilësinë e rrjeteve celulare në  Shqipëri, duke testuar performancën e shërbimeve voice dhe data në celular, në qytete të mëdha e të vogla, si edhe rrugë ndërqytetëse. Bazuar në testimet e kryera, Vodafone Albania arriti pikët më të larta të marra ndonjëherë në vendin tonë (893 pikë nga 1000), përsa i përket performancës së rrjetit në total, cilësisë së telefonatës, cilësisë së internetit, si dhe performancës nga të dhënat crowdsourced, rezultate që theksojnë edhe një herë standardin e lartë në cilësinë e shërbimeve të ofruara nga Vodafone në Shqipëri.

Drejtori i Përgjithshëm i Vodafone Albania, Achilleas Kanaris, u shpreh: “Kjo arritje historike është rezultat i investimeve të vazhdueshme dhe tregues që këto investime kanë sjellë diferencën në treg. Jemi shumë krenarë që kemi ndërtuar një rrjet të fuqishëm e të qëndrueshëm në Shqipëri, i cili arriti performancën maksimale edhe në situata sfiduese, siç ishte periudha e Covid-19. Ky rezultat nuk është vetëm një arritje e radhës për kompaninë, por edhe një përgjegjësi më shumë për të ruajtur intensitetin e punës sonë, në realizimin e shoqërisë dixhitale për Shqipërinë, nëpërmjet rrjetit të fuqishëm Vodafone Gigabit.”

LEXO EDHE:  Kërkesa për plotfuqishmëri në negociatat me Greqinë/ Nishani: Po përdhoset Presidenti

LEXO EDHE:  Situata shqetësuse nga Covid/ Meta: Rritja e masave mbrojtëse, domosdoshmëri jetike!

Drejtori Ekzekutiv i Telekomunikacionit në umlaut, Hakan Ekmen, përgëzoi kompaninë  Vodafone për këtë arritje: “Përgëzoj Vodafone Albania për arritjen. Me 893 pikë, skuadra e Vodafone ka arritur rezultatet më të larta të siguruara ndonjëherë në Shqipëri në testimet e umlaut. Klientëve Vodafone iu ofrohet cilësia më e mirë e shërbimeve celulare. Vlerësimi i performancës së rrjeteve celulare nga umlaut standardizon industrinë, duke vlerësuar me korrektësi dhe transparencë infrastrukturën globale dixhitale.”



Vodafone Albania ka qenë dhe do të jetë gjithmonë forca lëvizëse e zhvillimit të industrisë së komunikimeve elektronike në Shqipëri. Superioriteti në cilësinë e rrjetit është rezultat i investimeve të vazhdueshme në infrastrukturën e rrjetit dhe angazhimit maksimal të kompanisë për të garantuar cilësinë dhe shërbimet më të mira në treg për klientët.

Për më shumë informacion rreth rezultateve të testimeve umlaut vizitoni:

https://www.umlaut.com/en/benchmarking/albania

 

LEXO TE PLOTE

Lajme

Trafikant droge me lidhje terroriste/ Ylli Ndroqi drejt një akuze të re?!

Publikuar

-

Nga

Trafikant droge me lidhje terroriste/ Ylli Ndroqi drejt një akuze të re?!

SPAK publikoi gati 10 ditë më parë një njoftim të gjatënë lidhje me vendimin për sekuestrimin e pasurive të shtetasit Ylli Ndroqi, i cili në fakt është trafikanti i drogës Xhemail Pasmaçiu, sipas INTERPOL, me të paktën dy ngjarje kriminale në lidhje me trafikun e drogës në Turqi dhe Itali.

Sipas SPAK “Në datë 02.09.1998 nga ekipet e sektorit kundër narkotikëve të Drejtorisë së Policisë së Stambollit Turqi, pas kryerjes së hetimeve proaktive dy-mujore, në kuadër të operacionit të policisë ″ESAS″, për trafik ndërkombëtar lëndësh narkotike, janë sekuestruar 30.5 kg lëndë narkotike heroinë dhe janë arrestuar në flagrancë shtetasit Ismail Cira, Musa Kazim AY, Fatmir Sofia, Hekuran Hoxha, Cevdet Sahin Balcilar, Abdulselam Yunus dhe Ylli Ndroqi, i paraqitur me emrin Xhemail Pasmaçiu.

Nga ana e shërbimeve të policisë gjyqësore në Drejtorinë e Përgjithshme të Policisë së Shtetit janë administruar gjurmët daktiloskopike të shtetasit Ylli Ndroqi (alias Xhemail Pasmaçiu) dhe nëpërmjet Zyrës Qëndrore Interpol Tirana janë dërguar për krahasim zyrave homologe në Ankara, Turqi dhe Romë, Itali.

Ylli Ndroqi (Xhemail Pasmaçiu)

Nga të dhënat e siguruara nga Shërbimet e Policisë Gjyqësore në Drejtorinë e Përgjithshme të Policisë së Shtetit, në bashkëpunim me Zyrën Qëndrore Kombëtare, Interpol-Ankara, Turqi, është konfirmuar se shtetasi Ylli Bahri NDROQI, i datëlindjes 11.03.1965, lindur dhe banues në Tiranë, është i njëjti person me Xhemail (Xhemal) PASMACIU (PASMAÇIU), i arrestuar në Turqi.

Zyra Qëndrore Kombëtare Interpol ka përcjellë të dhëna për aktivitetin kriminal të shtetasit Ylli Ndroqi (alias Xhemail Pasmaçiu), të siguruara nga Interpol Roma/Itali. Autoritetet italiane kanë konfirmuar se në vitin 2004 shtetasi Ylli Ndroqi (alias Xhemail Pasmaçiu), është referuar tek Autoritetet Gjyqësore në përfundim të operacionit ″BAKLLAVA″, si organizator i trafikut të drogës për llogari të një grupi kriminal, i përbërë kryesisht nga shtetas shqiptarë.

Në vijim ai u arrestua më datë 17.02.2015 bazuar në urdhër arrestin e lëshuar në vitin 2006 nga Prokuroria e Milanos. Nga analiza e fakteve dhe e dokumentacionit të administruar përsa i përket pasurive të shtetasit Ylli Ndroqi (alias Xhemail Pasmaçiu), dhe familjarëve të tij, rezulton se kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t’i kenë fituar si rezultat i veprimtarisë së tij kriminale që ai ka zhvilluar në Shqipëri, Turqi dhe Itali.”, shkruhet në njoftimin publik të shpërndarë nga SPAK. Por ky njoftim përfshin vetëm hetimet dhe të dhënat siguruara nga INTERPOL, për aktivitetin kriminal në trafikun e drogës. SPAK nuk jep asnjë të dhënë dhe nuk flet për asnjë hetim në lidhje me terrorizmin.

Nga personat e arrestuar në Turqi me Ylli Ndroqin (alias Xhemail Pasmaçiu) është edhe personi i quajtur Abdulselman Turgut, i cili u bë anëtar i një celule terroriste, që planifikoi të kryente sulme terroriste në kampin e muxhahedinëve iranianë që  jetojnë në Shqipëri.

LEXO EDHE:  Meta mesazh për kreun e Këshillit të Europës/ Vetëm të bashkuar, bëhemi më të fortë

LEXO EDHE:  Përpjekje për koalicione parazgjedhore në Kosovë

Celula terroriste që planifikoi sulme në Shqipëri. Turgut (ortak i Ndroqit në trafikun e drogës)

Turgut ishte pjesë e një strukture, të lidhur me terroristë iranianë,  që planfikuan të sulmonin kampin e MEK ditën e Sulltan Nevruzit, ndërsa drejtori i Policisë, Ardi Veliu në zbërthimin e operacionit që u parandalua, i mëshoi fort këtij personi, madje duke kujtuar edhe lidhjet e tij të vjetra  të trafikut të drogës me  trafikantë shqiptarë.

“…Turgut, i njohur si një bos mafioz turk dhe kreu i një rrjeti të fuqishëm ndërkombëtar të trafikut të drogës është burgosur së fundmi në Azerbajxhan dhe në Turqi me akuza për trafik droge. Turgut ka gjithashtu lidhje të vjetra me krimin e organizuar në Shqipëri. Turgut është liruar nga një burg në Turqi në fund të vitit 2018. Në vitin 2011, Turgut është burgosur gjithashtu në Shqipëri me akuza në lidhje me trafikimin e dyshuar të rreth 1 ton heroinë, por u arratis nga vendi duke përdorur një pasaportë false, pasi gjykata ndërroi masën e sigurisë nga “Arrest në burg” në “Arrest shtëpie”, deklaronte vitin e kaluar Policia e Shtetit, ndërsa vendimi për arrestin shtëpiak ishte firmosur nga gjyqtari Gjin Gjoni, vendim që e shpëtoi nga ekstradimi në Gjermani.

Agjencitë ligjzbatuese, përfshi këtu SPAK, SHISH, Policia e Shtetit etj nuk mund të qëndrojnë vetëm tek historitë e drogës dhe ccështjet të cilat Ylli Ndroqi, pretendon se i ka mbyllur me procedurë apo për ndonjë ka bërrë dhe burgun, apo ska dënim final me vendim gjykate. Nuk mund të lihet një trafikant droge me lidhje me element terroristë të shihet thjesht dhe vetëm si dikush që u pasurua nga droga dhe pronat duhet ti sekuestrohet për aktivitetin e tij. SPAK dhe çdo strukturë e shtetit duhet të zbardhë çdo akuzë dhe fakt që lidhet me aktivitet e tjera që pasojnë trafikun e drogës. Rasti i njohjeve me persona të akuzuar për terrorizëm ndërkombëtar është një nga më flagrantët dhe më i rëndësishëm sesa trafiku i drogës. /CNA.al

Si u zhvillua aksioni antidrogë në Turqi/ Xhemal Pasmaçiu dhe një turk ishin pritësit e heroinës



Biznesmen i ndershëm dhe me borxhe/ Po trafikant droge kush ka qenë?

18 muaj hetime në bashkëpunim me ndërkombëtarët/ Policia jep detaje nga sekuestrimi i pasurive të Ylli Ndroqit

Po hajduti (trafikanti) ka faj?

Nga trafiku i drogës, tek celulat terroriste/ Lidhjet kriminale të Ylli Ndroqit dhe paralajmërimet e gazetarëve

Ylli Ndroqi dhe lidhjet me elementët terroristë ndërkombëtarë

 

LEXO TE PLOTE