Connect with Us

Gënjeshtra e Republikës së Re për zgjedhjet e parakohshme

Politikë

Gënjeshtra e Republikës së Re për zgjedhjet e parakohshme

Publikuar

-

Dje si një “qen i rrahur”, pasi gjykata i mbylli çështjen e financimeve me para nga off-shore ruse në SHBA, Lulzim Basha shkoi tek Edi Rama. Ai u rikthye dje në tryezë tek Reforma Zgjedhore, një tryezë që mund ta kishtë bërë edhe një vit e gjysëm më parë, mund ta kishte bërë edhe dy vite më parë, mund ta kishte bërë edhe para se të digjte mandatet.

Mund ta kishte bërë edhe kur nuk hyri në zgjedhjet lokale, mund ta kishte bërë edhe para tërmetit. Edhe para qëndrimeve të Bundestagut, ku shpesh herë iu shtrihej dora për Reformën Zgjedhore por ikte dhe vetëm ikte.

Pasi shkoi dhe u sorollat rrugëve nëpër protesta dhe dështoi, pasi i dha Ramës një mazhorancë kushtetuese, pasi i fali 61 bashki në tavolinë Edi Ramës dhe pasi vendosi ky i fundit që me drejtësinë e tij të kapur t’i mbyllte dosjen e hetimeve, Luli u rikthye tek Rama.

U rikthye tek Reforma Zgjedhore, por tani duhej edhe një rrugë shpëtimi. Duhej një fjalë e besueshme, disa argumenta për t’ua thënë militantëve, të cilët do t’i hidheshin në fyt.

Dhe kështu ndodhi. Shumica e demokratëve janë ndier të zhgënjyer. Kanë reaguar shumë ashpër ndaj Lulzim Bashës dhe marrëveshjes së tij me Edi Ramën, e cila në fakt nuk është marrëveshja e radhës, por është marrëveshja në fuqi e majit të 2017 që po zbatohet dhe për këtë ka nxjerrë në terren gënjeshtarët e tij. Qorra apo jo, shurdhër apo jo, ata po flasin.

Po na thonë se nuk ulen në tryezë dhe se do të ketë zgjedhje të parakohshme. Këto do të bëhen në pranverë, menjëherë sapo të përfundojë Reforma Zgjedhore.

Së pari, zgjedhje të parakohshme nuk duket të ketë në horizont dhe i vetmi njeri që mund të provokojë zgjedhjet e parakohshme, është kryeministri i vendit, i cili këtë gjë mund ta bëntte mjaft lehtë në rast se Shqipëria do të merrte dritën jeshile për çeljen e negociatave. Por, edhe sikur të ndodhin zgjedhjet e parakohshme, që në fakt edhe kjo është një gënjeshtër e gatuar në paradhomën e Republikës së re, a mund t’i fitojë zgjedhjet Lulzim Basha?

A mundet njeriu që për më shumë se një vit tërhoqi zvarrë demokratët, duke u betuar dhe premtuar se nuk do të kishte qeveri me Edi Ramën se Edi Rama kishte rënë nja dhjetë herë, se nuk do të ulej në tavolinë me Damian Gjiknurin, që kishte vjedhur votat në Dibër, që nuk do të kishte marrëveshje me Edi Ramën dhe se Edi Rama nuk do të qëndronte më kryeministër, por do të kishim një qeveri teknike dhe do të kishim zgjedhje të parakohshme. Por, iku pranvera, vjeshta, e po vjen sërish pranvera tjetër e kjo nuk u pa.

LEXO EDHE:  Qeveria “përdor” Tahirin për të larguar vëmendjen nga gjykimi i protestuesve kuksianë?/ Ja si shprehet Anila Basha [VIDEO]

Pra, Lulzim Basha thjeshtë dhe vetëm gënjen, ai po gënjen edhe me zgjedhjet e parakohshme dhe këtë po e bën për t’iu ulur sadopak reagimin e streukturave të PD-së, e militantëve dhe bazës, të zhgënjyer nga tradhëtitë e tij të pandalshme.

Luli, thjeshtë dhe vetëm po gënjen. Zgjedhje të parakohshme nuk duket se ka në sfon, por edhe po pati, ngremë pyetjen: A i fiton dot ky Lulzim zgjedhjet e parakohshme? Ky tradhëtar i demokratëve. Njeriu që për shtatë vjet e ka përdorur Partinë Demokratike, thjeshtë dhe vetëm për t’u pasuruar vetë dhe familjarët e tij. e ka bërë atë si plackë pazari në tregun çam me kryeministrin Edi Rama./ CNA.al

Lulzim Basha, “KÇK”-ja e Edi Ramës

E treta e vërteta e Lulit!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kërkesa e çuditshme në KQZ/ Qytetari nga Vlora kërkon mandatin e deputetit

Publikuar

-

Nga

KQZ ka protokolluar ditën e sotme një shkresë të çuditshme nga një qytetar nga Vlora me banim në Tiranë.

Sipas Abc news, me anë kësaj kërkese drejtuar KQZ, Tasim Mehmeti ka kërkuar mandatin e deputetit për Kuvendin e Shqipërisë.

Sipas tij kjo kërkesë është e bazuar në ligjin 10019 të datës 29.12.2008.

“I nderuar kryetari i KQZ Denar Biba!
Unë Kërkuesi Tasim Mehmeti kam kandiduar për deputet në Kuvendin e Shipërisë nga Lista e partisë politike “Sfida për Shqipërinë” në qarkun e Vlorës. Sipas listës shumëemërore në qytetin e Vlorës kam qenë i dyti në listë.
Kërkesa ime për dhënien e mandatit të deputetit në Republikën e Shipërisë është si më poshtë:
Si pasojë e vendeve vakante, sepse parlamenti ka mangësi në numra si deputet, që duhet të jenë në parlamentin shqiptar 140 deputetë, sipas Kushtetutës së Republikës së Shqipërisë.
-Dhënia e mandatit tim sipas ligjit të Kodit Zgjedhor i shërben parlamentarizmit, demokracisë funksionale për shtetin ligjor dhe funksional.
-Kërkesa ime është e bazuar për të qenë deputet i Kuvendit të shqipërisë është si pasojë e largimit të opozitës nga parlamenti dhe është një detyrim për tu plotësuar nga ana e KQZ.
-Kërkoj mandatin e deputetit për Kuvendin e Shqipërisë për z. Tasim Emin Mehmeti”.
Tasim Mehmeti në fakt për të qenë më zyrtar dhe më i bazuar në kërkesën e tij, e ka firmosur dhe vulosur atë edhe me avokat.

LEXO TE PLOTE

Politikë

“Nuk ka makroshengen shqiptar pa minishengenin Ballkanik”/ Paloka i kthehet Ramës

Publikuar

-

Nga

Nënkryetari i PD, Edi Paloka thotë se me një deklaratë të vetme, edhe sot kryeministri Rama rikonfirmoi se për interesa të kujt punon.

Paloka ka kujtuar përgjigjen e Ramës gjatë konferencës për shtyp me kryeministrin e Kosovës, Albin Kurti, teksa ky i fundit tha se ishte i interesuar për “Makroshengenin shqiptar me parë se për minishengenin Ballkanik”.

“Me një deklaratë të vetme edhe sot Rama rikonfirmoi se për interesa të kujt punon.
Deklaratës së kryeministrit të Kosovës se është i interesuar për “Makroshengenin shqiptar më parë se për minishengenin ballkanik” , Rama ju pergjigj:“Nuk ka makroshengen shqiptar pa minishengenin rajonal…” Më trocc se kaq Esadi nuk mund të fliste”, shkruan Paloka.

LEXO TE PLOTE

Opinione

Nga Andi Bushati/ Pse s’ranë dakord? Ramën dhe Albinin i largon Vuçiçi

Publikuar

-

Nga

analisti dhe gazetari andi bushati

Edi Rama e ka yshtjen për ironi më të fortë se atë për vetëpërmbajtje. Vesin e tij ai nuk ia kurseu në konferencën e shtypit, as Albin Kurtit. Duke e etiketuar si “të ri në detyrë”, ai mëtoi të theksonte gjithë naivitetin dhe ëndërrat fluturake që ngërthen ky togfjalësh. Pasi ia ka thënë më parë edhe privatisht, gjatë takimit të tyre të mëhershëm në Tiranë, se realiteti i qeverisjes bie shpesh ndesh me poezinë e opozitës, ai u rimundua ta fusi në këtë steriotip edhe publikisht bashkëbiseduesin e tij.

Por, në fakt, divergjenca e thellë që Rama dhe Kurti shfaqën këtë të martë, ajo e mospajtimit për idenë e mini Shengenit Ballkanik, nuk ka të bëjë thjesht me ndryshimin mes një njeriu që u është nënshtruar ingranazheve të pushtetit dhe një tjetri që vazhdon inercinë idealiste të opozitës.

Ajo mbi të gjitha është thelbësore, parimore dhe patriotike.

Mes Edi Ramës dhe Albin Kurtit qëndron një hendek i thellë : i pari e sheh Kosovën si mish për top për pushtetin e tij. Për këtë, ai është i gatshëm, që përkrah Aleksandar Vuçiçit, të kërkojë një zgjidhje që i vë të dy në piedestalin e liderëve të pashmangshëm të Ballkanit.

Vetëm kështu mund të justifikohen piruetat krejtësisht haluçinante, që bëjnë dhe shiun dhe diellin në fare pak kohë. Vetëm kështu mund të shpjegohet se si këta dy politikanë u shndërruan papritmas nga idhtarë të zgjidhjeve me ngritje muresh, me ndarje etnike, me shkëmbime territoresh dhe popullsish, në krejt të kundërtën, në partizanë të rrëzimit të mureve, të heqjes së kufijve, të lëvizjes së lirë të njerëzve dhe mallrave, sipas modelit të Europës së bashkuar.

Mjafton vetëm ky kapërcim i pabesueshëm, për të mos e parë Edi Ramën as si idealist, as si realist, por thjesht si oportunist.

Me Albin Kurtin e opozitës, në 22 vjet, ka ndodhur e kundërta. Ai ka vuajtur burgun serb për Kosovën e pavarur, ai ka duruar prangat e UMNIK-ut për një shtet pa enklava të dirigjuara nga Beogradi, ai është shndërruar në deputet radikal me gaz lotsjellës në dorë, për të mos dorëzuar pjesë të territorit, ai ka pasur gjithmonë një yll polar, të diskutueshëm për shumëkënd, por të panegociueshëm për të: bashkimin kombëtar.

Pikërisht këto dy modele politikanësh janë përballur në takimin e tyre të parë zyrtar në Tiranë.

LEXO EDHE:  Akuzat e PD/Policia e Shtetit: S’ka asnjë urdhër kërkimi për vëllain e Fatmir Xhafës

LEXO EDHE:  "Basha çimentoi postin e kryetarit"/ Ristani tregon përse nuk u përfshi dorëheqja në Statut

Ashtu sikurse u duk edhe nga fjalët e tyre, ata nuk kanë rënë dakord. Sepse, sipas Albinit (shiko linkun e shkrimit lart) më parë duhet një “Makro- Shengen” midis vetë shqiptarëve. Ndërsa, sipas Ramës, ai nuk mund të arrihet kurrë, pa mini Shengenin, pra pa lejen e Beogradit dhe të Vuçiçit.

Ky pra është hendeku, i cili u vu re sot. Ai mes një politikani që qëndron prej 22 vitesh në pushtet dhe që e sheh gjithçka vetëm me cinizmin e përfitimit të vet personal dhe një lideri që vjen nga opozita dhe që ruan ende idealin e të folurit në emër të shumicës.

Pikërisht këtë përplasje, Edi Rama u mundua ta fshehë përmes ironisë me steriotipin e “të riut në detyrë”, duke lënë të kuptohet se koha dhe pushteti do ta transformojnë edhe Albin Kurtin.

Natyrisht askush nuk mund të vërë bast për këtë.

Por, mosmarrëveshja e sotme na tregoi një gjë: se udhëheqës si Rama, nuk mund të ndryshojnë dot më, ata kanë vetëm një shpresë, ta bëjnë edhe Albinin si vetja.

Ndërsa Kurti ende na mëkon me besimin për të dyshuar, se nuk ekziston një rrugë e vetme, se për të qëndruar gjatë në politikë nuk duhet patjetër të kalosh nga Beogradi, nuk mund t’u nënshtrohesh edhe kompromiseve më të ulta, se në fund të fundit, nuk duhet vetëm të përulesh, por edhe të besosh.

LEXO TE PLOTE