Connect with Us

Bien temperaturat/ Mësoni si do jetë moti në vijim

Sociale

Bien temperaturat/ Mësoni si do jetë moti në vijim

Publikuar

-

Edhe për ditën e sotme, moti do të jetë i kthjellët në të gjithë territorin.

Temperaturat e mëngjesit pritet të kenë një rënie të lehtë duke prekur vlerat -3ºC në relievet malore deri 6ºC në ato të ulta e bregdetare.

Në vlerat e mesditës pritet një rritje e lehte duke arritur 8ºC në relievet malore ndërsa ato të ulta dhe bregdetare 18-19ºC./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

loading...

Sociale

Horoskopi i ditës, 15 janar 2020

Publikuar

-

Nga

DASHI 21. mars – 20. prill

Gjate kësaj dite, ne vende qe te josheni nga aventurat dhe ta tradhtoni partnerin tuaj, me mire përkushtojuni atij dhe kaloni momente pasiononte. Beqaret nuk do joshen shume nga ftesat qe do iu bëhen dhe do preferojnë te presin pak para se te hedhin hapat përfundimtare. Ne planin financiar do iu dalin goxha vështirësi megjithatë nuk duhet ta humbisni durimin.

DEMI 21. prill – 21. maj

Dite shume e këndshme ka për te qene kjo e sotmja për ata qe janë ne një lidhje. Do merreni vesh mire me partnerin dhe nuk do i mendoni me problemet e se shkuarës. Beqaret do jene me te gatshëm për te realizuar njohje te reja dhe për te hedhur ndonjë hap. Financat do jene te favorshme edhe për te kryer ndonjë investim me te madh se me pare.

BINJAKET 22. maj – 21. qershor

Dite shume delikate do jete kjo e sotmja për ata qe kane një lidhje, Persona te trete do ndërhyjnë tek jeta e tyre dhe do ua prishin gjithë ekuilibrin. Beqaret do jene specialiste te joshjes dhe do bëjnë për vete cilindo person qe do pëlqejnë. Për ta me ne fund do linde dielli. Për te kryer shpenzime do jeni kampione pa marre parasysh se një dite gjendja mund te dobësohet.

GAFORRJA 22. qershor – 22. korrik

Sido qe te jete jeta juaj ne çift me mire mos hidhni hapa te nxituara sot. Mendohuni gjere e gjate e me pas vendosni çfarë do bëni. Këshillat e te afërmve dëgjojini sepse mund t’iu ndihmojnë. Beqaret do fillojnë te thurin ëndrra për një person qe kane pak kohe qe e kane njohur. Venusi do ju ndihmoje mjaft me financat megjithatë mire është te kurseni sa te mundeni.

LUANI 23. korrik – 22. gusht

Dite shume e lehte ka për te qene kjo e sotmja për gjithë ju qe keni një lidhje. Do iu realizohen te gjitha dëshirat dhe do surprizoheni nga dhuratat e partnerit. Beqaret do mërziten serish sepse do lodhen dhe nuk do e gjejnë dot personin e ëndrrave. Ne planin financiar do filloni te merrni masa strikte ne mënyrë qe jeta juaj te mbetet e kënaqshme. Vështirësi do keni, por nuk duhet te dorëzoheni.

VIRGJERESHA 23. gusht – 23. shtator

Një dite e zakonshme do jete kjo e sotmja për çiftet. Nuk do ndodhe ndonjë surprize e madhe, por për fat nuk do ketë as debate te zjarrta. Kujdes vetëm nga disa intriga te ashtuquajturish “miq”. Ata qe janë vetëm duhet te bëjnë kujdes me çdo veprim sepse dikush po i vrojton nga larg. Ne planin financiar çdo gjë ka për te shkuar mire nëse kontrolloni çdo hap qe do hidhni.

PESHORJA 24. shtator – 23. tetor

Jeta juaj ne çift do ece shume mire sot nëse tregoheni te kujdesshëm me fjalët dhe i përkushtoheni me shume partnerit. Sa me shume ta dashuroni atë aq me shume do afrohet ai me ju. Beqaret do kenë nevoje jetike për një person ne krah dhe për këtë do i ndihmojnë mjaft miqtë. Për financat do jete një dite e kënaqshme dhe pa vështirësi.

AKREPI 24. tetor – 22. nëntor

Te dashuruarit do e fillojnë ditën normalisht, por pas mesditës do ju ndodhin gjera vërtet te veçanta dhe emocionuese. Mbrëmja nga ana tjetër do jete pasionante dhe fantastike. Beqaret do kenë dashuri me shikim te pare dhe jeta do ju ndryshoje brenda disa orësh. Buxheti do filloje dalëngadalë te stabilizohet. Mundohuni qe tani e tutje te shpenzoni me plan dhe te mendoheni gjate për çdo hap qe do hidhni.

SHIGJETARI 23. nëntor – 21. dhjetor

Pas një periudhe disi te vështirë për jetën ne çift sot gjerat do fillojnë te qetësohen. Do jeni me te lirshëm kur te flisni dhe nuk do mbani mërzi për te shkuarën. Beqaret do realizojnë disa takime premtuese, megjithatë mire është te presin edhe pak kohe para se te hedhin hapa. Sektori i financave nuk do jete i shkëlqyer, por goxha me i mire se disa dite me pare.

BRICJAPI 22. dhjetor – 20. janar

Dite mjaft dinamike ka për te qene kjo e sotmja për te dashuruarit. Do provoni edhe gjera te reja me partnerin dhe rutina nuk do jete asnjëherë pjese e jetës tuaj. Beqaret do kenë dëshira te papërmbajtshme dhe nuk do arrijnë dot t’i plotësojnë qe te gjitha. Me shpenzimet do jeni te kujdesshëm dhe pak nga pak do i rregulloni te gjitha problemet qe keni pasur me pare.

UJORI 21. janar – 19. shkurt

Ka mundësi qe sot, ata qe janë ne një lidhje, te përballen me probleme shume te vështira. Besimi tek njeri-tjetri do jete venitur dhe asgjë nuk ka për te qene me si me pare. Beqaret nuk duhet te ndërmarrin asnjë lloj rreziku për ta ndryshuar sa me pare statusin sepse do lëndohen pamase nga gabimet qe mund te bëjnë. Ne planin financiar duhet pasur kujdes me shpenzimet.

PESHQIT 20. shkurt – 20. mars

Jeta sentimentale e te dashuruarve do privilegjohet tej mase sot. Do ja kaloni për mrekulli pranë te dashurit te zemrës dhe mund te hidhni edhe hapa te rëndësishme. Beqaret do jene shume te vendosur qe ta bëjnë për vete atë qe pëlqejnë, e madje për këtë mund te ndërmarrin edhe rreziqe. Rezultati për fat do jete pozitiv. Buxheti nuk do jete i keq kështu qe do jeni disi me te qete.

LEXO TE PLOTE

Sociale

E thotë Gjykata e Apelit në Itali: Përdorimi i tepërt i celularit shkakton tumor në kokë

Publikuar

-

Nga

Përdorimi i tepruar i celularit mund të shkaktojë tumor në kokë. Kështu ka deklaruar Gjykata e Apelit të Torinos në Itali.

Kjo gjykatë mori në dorë çështjen e Roberto Romeo, punonjës në një kompani telefonike në Itali, i cili për shkak të përdorimit të celularit ka pësuar dëmtime në nervin akustik.

Apeli i Torinos la në fuqi verdiktin e Shkallës së Parë në vitin 2017 dhe vendosi që kompania të paguajë një pension vjetor për punonjësin, pasi togat e zeza deklaruan se përdorimi i shpeshtë i telefonit ndikon keq në shëndet.

“Është rasti i parë në botë që konfirmon lidhjen shkak-pasojë mes kancerit dhe përdorimit të celularit. Është një betejë ndërgjegjësimi, është një çështje që prek shëndetin e qytetarëve ”, thanë avokatët Stefano Bertone dhe Renato Ambrosio, pas përfundimit të seancës gjyqësore.

LEXO EDHE:  Surprizat e motit/Ja çfarë do të ndodhë gjatë ditës së sotme

LEXO EDHE:  Pasditja sjell “surpriza”/ Ja si do jetë moti në vijim

Ndërkohë punonjësi i dëmtuar tha se kompania duhet ta kishte paralajmëruar për atë që e priste.

“Do të duhej një udhëzim mbi rrezikun në shëndet. Në kutitë e celularëve duhet të shkruhet ‘nëse nuk përdoret siç duhet, dëmton rëndë shëndetin’. Kjo është ajo që do të ishte e dobishme”, u shpreh ai për mediat e shtetit fqinj./ CNA.al

LEXO TE PLOTE

Sociale

Del vendimi/ Si përfitohet banesë e re nëse është shembur nga tërmeti?

Publikuar

-

Nga

Këshilli i Ministrave ka miratuar kushtet, kriteret, kategoritë prioritare, masën e përfitimit, procedurat dhe rregullat për vlerësimin e përzgjedhjen e përfituesve nga disa programe të procesit të rindërtimit.

Subjektet përfituese janë individët dhe familjet, që kanë humbur një ose më shumë anëtarë të familjes dhe/ose kanë pësuar dëme në banesat e tyre dhe kanë mbetur të pastrehë si pasojë e fatkeqësisë natyrore, në njësitë e vetëqeverisjes vendore ku është shpallur gjendja e fatkeqësisë natyrore.

Aplikimi për të përfituar nga programet e procesit të rindërtimit sipas parashikimeve të këtij vendimi bëhet me dy faza. Në fazën e parë aplikantët paraqesin kërkesën e tyre për të përfituar nga programet e procesit të rindërtimit. Në fazën e dytë të aplikimit përfshihen vetëm ata/o individë/familje që janë përzgjedhur për t’u trajtuar me njërin prej këtyre programeve.

“Përfshirja në programet e rindërtimit bëhet nëpërmjet aplikimit në njësinë e vetëqeverisjes vendore ku individi/familja ka vendbanimin dhe sipas deklarimit tip për vërtetësinë e të dhënave.  Aplikimi paraqitet drejtpërdrejt në strukturën/at përgjegjëse të njësisë së vetëqeverisjes vendore ku është shpallur gjendja e fatkeqësisë  natyrore ose në zyrën e qëndrimit me një ndalesë të njësisë së vetëqeverisjes vendore, në rast se ka një të tillë. Njësitë e vetëqeverisjes vendore mund të vendosin që këto kërkesa të paraqiten pranë njësive administrative ku individët kanë vendbanimin.

 Aplikimet për përfitimin nga programet e rindërtimit duhet të jenë në formë të shkruar. Ato regjistrohen dhe përpunohen nga struktura/t përgjegjëse të njësive të vetëqeverisjes vendore në një sistem elektronik. Njësitë e vetëqeverisjes vendore ku është shpallur gjendja e fatkeqësisë natyrore krijojnë, administrojnë dhe përditësojnë bazën e të dhënave për individët dhe familjet që kanë humbur familjarë dhe/ose kanë mbetur të pastrehë si pasojë e fatkeqësisë natyrore, si dhe për plotësimin e nevojave të tyre nga programet e procesit të rindërtimit” përcaktohet në vendimin që sjell SCAN.

Kërkesat e plotësuara me të dhënat dhe dokumentacionin sipas parashikimit të këtij vendimi regjistrohen sipas rendit kronologjik në sistemin e posaçëm elektronik nga strukturat përgjegjëse. Regjistri i kërkesave përmban informacionin që mundëson përpunimin e të dhënave, si më poshtë vijon:

a) emrin, atësinë, mbiemrin;

b) numrin e kërkesës;

c) datën e dorëzimit/paraqitjes së aplikimit;

ç) objektin e kërkesës, përfshirë edhe preferencën e paraqitur për programin e rindërtimit;

d) adresën e kërkuesit;

dh) përbërjen familjare në momentin e aplikimit;

e) Aktin e konstatimit/aktekspertizën e thelluar, të lëshuar nga çdo person fizik ose juridik, subjekt i së drejtës tregtare, i pajisur me lejen, licencën ose autorizimin përkatës nga autoritetet shtetërore për vërtetimin e gjendjes së rrezikut për jetën dhe shëndetin, në të cilin vërtetohen dëmet që ka pësuar ndërtesa apo që është shpallur si e pabanueshme;

ë) dokumentin e pronësisë ose çdo akt për fitimin e pronësisë së banesës së dëmtuar.

Çdo individi/familjeje, që paraqet kërkesën, në çdo rast, i lëshohet një vërtetim që konfirmon regjistrimin e kërkesës, objektin e saj, datën dhe listën e dokumenteve të bashkëlidhura.

Faza e dytë e aplikimit fillon në momentin e vënies në zbatim të programeve të procesit të rindërtimit. Bazuar në kërkesat specifike të çdo programi, njësia e vetëqeverisjes vendore ndjek procedurat, si më poshtë vijon:

a) miraton sistemin e pikëzimit;

b) klasifikon kërkesat për programet e procesit

të rindërtimit, sipas sistemit të pikëzimit;

c) mbledh cilindo prej dokumenteve që vërteton statusin e familjeve të përmendura në pikën 8, të këtij vendimi, që e mbajnë organet publike në vend, duke përjashtuar aplikantin nga detyrimi për paraqitjen e tyre;

ç) bën verifikimin e dokumentacionit, sipas pikës 8, të këtij vendimi, brenda 5 (pesë) ditëve nga data e dorëzimit;

d) harton dhe miraton listën e përfituesve, mbështetur në listën e objekteve të vëna në dispozicion nga organi përgjegjës shtetëror;

dh) njofton familjet që përfitojnë nga programet specifike të procesit të rindërtimit, si dhe ata/o që nuk kanë përfituar, brenda 5 (pesë) ditëve nga data e miratimit të listës së përfituesve nga këshilli i njësisë së vetëqeverisjes vendore.

Kandidatët që nuk kanë fituar caktohen të përfitojnë nga një program tjetër i procesit të rindërtimit.

Kriteret e përparësisë për renditjen e përfituesve janë:

a) familjet që kanë humbur familjarët nga fatkeqësia natyrore;

LEXO EDHE:  Kapriçot e motit/ Ja çfarë parashikojnë sinoptikanët

LEXO EDHE:  Kapriçot e motit/ Ja çfarë parashikojnë sinoptikanët

b) familjet njëprindërore që kanë në ngarkim fëmijë, ku përfshihen edhe vajzat nëna;

c) familjet që kanë në përbërje personat me aftësi të kufizuara;

ç) të moshuarit, që kanë mbushur moshën e pensionit;

d) familjet në skemën e ndihmës ekonomike;

dh) të rënët në krye të detyrës.

Struktura përgjegjëse u njofton aplikantëve jofitues edhe arsyet e kësaj vendimmarrjeje, si dhe të vendimit për përfitim nga një program tjetër I procesit të rindërtimit. Aplikantët jofitues mund të paraqesin ankesat e tyre pranë kryetarit të njësisë së vetëqeverisjes vendore ku është shpallur gjendja e fatkeqësisë natyrore, brenda 5 ditëve nga njoftimi.

Në fazën e dytë, dosja e çdo aplikanti duhet të përmbajë dokumentacionin që vërteton deklarimet e bëra në fazën e parë. Dokumentacioni i kërkuar sipas këtij vendimi, që mbajnë apo përgatisin organet publike në vend, sigurohet nga vetë struktura përgjegjëse e njësisë së vetëqeverisjes vendore, duke përjashtuar aplikantin nga detyrimi për paraqitjen e tyre, vetëm nëse aplikanti depoziton deklaratën e pëlqimit për mbledhjen e informacioneve/dokumenteve të lidhura me të, sipas formatit tip.

Nëse aplikanti nuk e dorëzon apo refuzon të firmosë këtë deklaratë, struktura përgjegjëse shkarkohet nga detyrimi i mbledhjes së dokumentacionit dhe ky detyrim i kalon vetë aplikantit. Dokumentacioni i nevojshëm sigurohet me shpenzimet e njësisë së vetëqeverisjes vendore, e cila, nëse është e nevojshme, mund të lidhë marrëveshje me strukturat përkatëse, në funksion të lehtësimit të marrjes së dokumentacionit.

Për vlerësimin dhe përzgjedhjen e përfituesve nga programet e procesit të rindërtimit, në bazë të kritereve të përcaktuara në këtë vendim dhe listës së objekteve të vëna në dispozicion nga organi përgjegjës shtetëror, kryetari i njësisë së vetëqeverisjes vendore, ku është shpallur gjendja e fatkeqësisë natyrore, krijon një komision të  posaçëm, i cili vlerëson kërkesat e subjekteve që përfitojnë nga programet e procesit të rindërtimit, në bazë të dokumentacionit përkatës dhe parashikimeve të këtij vendimi, si dhe harton listen e subjekteve që përfitojnë nga programet e procesit të rindërtimit.

Komisioni informon kryetarin e njësisë së vetëqeverisjes vendore në lidhje me listën e subjekteve që përfitojnë nga programet e procesit të rindërtimit, i cili lidh kontratën për kalimin e pronësisë së banesave te përfituesit, pas marrjes së miratimit të këshillit të njësisë së vetëqeverisjes vendore.

Organet e vetëqeverisjes vendore bëjnë publike, nëpërmjet mjeteve të informimit publik në faqet e tyre të internetit dhe shpalljes në vende të dukshme pranë institucionit të tyre:

a) kërkesat që duhen plotësuar për t’u trajtuar nga programet e procesit të rindërtimit;

b) personat përgjegjës me të cilët duhet kontaktuar për plotësimin dhe ndryshimin e të dhënave të formularit apo për çdo sqarim tjetër për plotësimin e tij;

c) dokumentacionin që kërkohet për verifikimin e të dhënave që deklaron subjekti i interesuar;

ç) procedurën që ndiqet nga njësia e vetëqeverisjes vendore për miratimin e përfituesve;

d) organin ankimor, të cilit duhet t’i drejtohet subjekti që nuk është përzgjedhur si fitues, si dhe afatet kohore.

Njësitë e vetëqeverisjes vendore marrin të gjitha masat e mundshme që informimi publik të jetë i aksesueshëm dhe i kuptueshëm për të gjithë individët.

Përfituesit nuk mund të përfitojnë në të njëjtën kohë nga më shumë se një program i procesit të rindërtimit, përveç rasteve kur parashikohet ndryshe në aktin normativ që rregullon përballimin e pasojave të fatkeqësisë natyrore.

Subjektet përfituese nga programet e procesit të rindërtimit trajtohen dhe përfitojnë, si  më poshtë vijon:

-Familjet, që kanë humbur banesat si pasojë e shembjeve të ndërtesave (pallateve), përfitojnë nga programi i zhvillimit të zonave të reja ose programi i rindërtimit të godinave në të njëjtin truall ose programi i fondit të banesave. Struktura e njësisë së banimit (apartament), që i kalohet në pronësi përfituesve në ndërtesat e reja, llogaritet sipas tabelës A, që i bashkëlidhet këtij vendimi dhe është pjesë përbërëse e tij. Strukturë njësie në kuptim të kësaj pike është sipërfaqja e shkelshme e banesës në numër dhomash, kuzhinë, korridor, banjë e ambiente ndihmëse.

-Familjet në qytet, që kanë humbur shtëpitë individuale si pasojë e shembjes, përfitojnë nga programi i zhvillimit të zonave të reja ose programi i granteve të rindërtimit ose programi i fondit të banesave.

LEXO TE PLOTE