Connect with Us

Tërheqja e Bashës/ Andi Përmeti: Kjo tryezë është shitur

Politikë

Tërheqja e Bashës/ Andi Përmeti: Kjo tryezë është shitur

Publikuar

-

Deputeti i Bindjes Demokratike Andi Përmeti ka komentuar rikthimin e opozitës në tryezën zgjedhore, ndonëse këta të fundit prej një viti deklaronin se nuk do të bashkëpunonin me qeverinë Rama.

Përmeti përmendi deklaratat e Bashës, teksa thekson se Basha nuk mbajti premtimet dhe përfundoi, në tryezë me Edi Ramën dhe kryetarin e Komisionit të Reformës Zgjedhore Damian Gjiknurin, personin më të akuzuar nga demokratët për vjedhje votash.

Deputeti e cilëson marrëveshjen si paturpësi, ndërsa deklaron se edhe opozitarët dhe gazetarët që punojnë në media opozitare kanë mbetur të habitur nga kjo tryezë, për të cilën thotë se padiskutim sjell pasoja të forta.

“Kjo tryezë është shitur. Zgjedhjet e parakohshme i përjashtroi Basha mbas zgjedhjeve të 30 qershorit, Basha i ka harruar zgjedhjet dhe me këtë marrëveshje i ka riharruar dhe me këtë ka plotësuar synimin e Ramës, futjen e Bashës në sistem”, u shpreh ai në studion e Fax News.

“Kjo tryezë nuk më lë përshtypje shumë të madhe se po të kishte dashur PD ndërkombëtarët dhe BE-në do i kishte dëgjuar kur i thonin të mos digjte mandatet, të hynte në zgjedhje”, theksoi më tej ai, ndërsa deklaroi se PD nuk ka qenë kurrë në historinë e saj pa asnjë pushtet. Sipas tij ky është dëmtim shumë i madh për PD-në.

LEXO EDHE:  Nga ARTUR  AJAZI/ Zoti  Lu  foli edhe për opozitën e Lulit

Nga ana tjetër, ai shprehu besim se deputetja Rudina Hajdari nuk do të firmosë draftin e paraqitur sot në tryezë.

“Nuk besoj se Rudina shkon në atë drejtim, se ajo e ka shprehur qartë qëndrimin e saj. Unë nuk besoj se do firmosi një draft që nuk parashikon ndryshimin e sistemit zgjedhor”, tha deputeti./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Fuga dhe Veliaj kërkojnë kontrollin e AMA-s/ “Banda” e këshilltarëve vërsulet në garë

Publikuar

-

Nga

Zgjedhja e kryetarit të ri të Autoritet të Mediave Audiovizive ka nisur dhe po vazhdon me shkeljen e ligjit nga ana e mazhorancës socialiste.

Sot në Komisionin e Medias në Kuvend kanë mbërritur 4 emra të propozuar nga Partia Socialiste.

Maklen Misha, Denis Dedej, Edvin Kukunja dhe Fatjon Hoxhalli janë kandidatët të cilët janë propozuar nga PS-ja, shkruan Syri dhe thekson se të gjithë kandidatet janë në shkelje te ligjit.

Të gjithë emrat e propozuar njihen për afërsinë me Erion Veliaj dhe Endri Fugën, pasi janë të gjithë njerëz që kanë punuar dhe janë promovuar politikisht nga të dy.

Por me ligjin për AMA-n të gjithë kandidatët e propozuar janë në shkelje të plotë të ligjit.

Sipas ligjit thuhet se kandidati për kryetar i AMA duhet të plotësojë kushtet e mëposhtme:

10 vite eksperiencë pune

Nuk duhet të jetë anëtar partie/shoqate politike

Dhe të mos jetë kandidat për deputet në 2 zgjedhjet e fundit, kryetar Bashkie, anëtar i Kryeministrisë apo prefekt në 3 vitet e fundit.

Por të 4 kandidatët e PS-së i shkelin këto kushte.

1. Maklen Misha, këshilltar i Erion Veliaj, këshilltar politik i Olta Xhaçkës, djali i Pirro Mishës. Ky i fundit 5 vitet e shkuara anëtar i bordit të AMA-s.

2. Denis Dedej, drejtori i komunikimit në Bashkinë e Tiranës, nipi i Alfred Pezës.

LEXO EDHE:  Heshtja e Lulzim Bashës për korrigjimin e kufijve/ Goxhaj zbulon prapaskenat

LEXO EDHE:  Shënim/Karabina dhe Karabushi

3. Edvin Kukunja, këshilltar politik i Etilda Gjonajt në Ministrinë e Drejtësisë.

4. Fatjon Hoxhalli, këshilltar politik i Niko Peleshit në Kryeministri dhe Ministri të Bujqësisë.

Ky është rasti kur Rilindja tregon se kërkon të kapë me çdo kusht edhe institucionet e balancuara politikisht. Qëllimi janë gjobat, presioni dhe shantazhi ndaj medias.

Kandidimi i katër kamikazëve politikë me urdhër, tregon se Rama dhe Veliaj duan të kenë nën thundër median, e cila nuk po i nënshtrohet, kryesisht ato online.

Me ndryshimet e fundit ligjore dhe kapjen e AMA-s, Edi Rama kthehet në kryetar të komisionit të gjobave ndaj medias, detyrë me deligim që ja ka kaluar Fugës. Ky i fundit ka përgatitur listën e bandës së këshilltarëve politikë, të gjithë aktivistë dhe mbështetës të hapur të Partisë Socialiste.

Kapja e AMA- s dhe kandidimi i këshilltarëve të ministrave është tashmë fakt dhe vërteton edhe njëherë se kryeministri kërkon të kontrrollojë mediat kritike, duke i monitoruar dhe gjobitur ato me këshilltarët e kabinetit të tij.

Shumë shpejt mund të kemi Maklen Mishën kryetar te AMA-s, por defakto do jetë çifti Fuga-Veliaj si të deleguar të Ramës për të copëtuar dhe gjymtuar mediat kritike në vend./ CNA.al

LEXO TE PLOTE

Politikë

Takimi i Metës me kongresmenin amerikan/ Reagon Eliot Engel

Publikuar

-

Nga

Kryetari i Komisionit për Politikën me Jashtme në Kongresin Amerikan, Eliot Engel, ka mbajtur një takim me presidentin Ilir Meta.

Për këtë ka reaguar vetë Engel, i cili deklaron se së bashku diskutuan për situatën politike në Shqipëri dhe kontributin e vendit tonë në NATO.

Një tjetër temë diskutimi, mësohet se ka qenë edhe integrimi i Shqipërisë në BE dhe marëveshja e Mini-Shengenit Balllkanik.

LEXO EDHE:  Basha flet me emra/Kush janë kokat e trafikut të drogës

LEXO EDHE:  Hajdari takim me trupën diplomatike në Shqipëri/ Shpjegon pozicionin e saj në tryezën e “Zgjedhores”

“Një takim i shkëlqyer me mikun tim, Presidentin Ilir Meta. Diskutuam mbi situatën politike në Shqipëri, kontributin e saj në NATO, përpjekjet e saj për çeljen e negociatave të anëtarësimit në BE, si dhe për çështjet e ngritura rreth ‘mini-Shengenit’ në Ballkan”, shkruan kongresmeni amerikan./ CNA.al

LEXO TE PLOTE

Politikë

Çupi kritika Albin Kurtit/ “Është akoma në provë për Kryeministër”

Publikuar

-

Nga

Analisti Frrok Çupi ka komentuar vizitën e parë të Albin Kurtit si kryeministër i Kosovës në Shqipëri.

Çupi deklaroi se në takim vuri re ftohtësi mes Kurtit dhe kryeministrit Edi Rama, për të cilën pretendon se vjen si shkak të inateve që këta dy krerë qeverish kanë me njëri-tjetrin.

Sipas tij, Rama është një kryeministër racional, ndërsa Albin Kurti është akoma në provë për t’u bërë ose për të mos u bërë Kryeministër.

Analisti nuk i kurseu aspak kritikat për kreun e qeverisë së Kosovës, të cilit i kujtoi deklaratat e mëparshme dhe premtimet që nuk i ka mbajtur.

LEXO EDHE:  Pas takimit me eurodeputetët/ Basha tregon çfarë do të bëjë opozita

LEXO EDHE:  Pas takimit me eurodeputetët/ Basha tregon çfarë do të bëjë opozita

“Mendoj se nuk është Albin Kurti kryeministri i Kosovës. Ai ishte njeriu i Vetëvendosjes që gjithçka do ta vendosë vetë. Albin Kurti ishte njeriu që tha se kurrë nuk do ta njoh flamurin e Kosovës, që tha se nuk do ta pranojë Shengenin Ballkanik, ndërsa sot kemi një kryeministër që ka pranuar heqjen e taksës dhe që ka pranuar Shengenin Ballkanik”, theksoi ai në emisionin “Top Talk”./ CNA.al

LEXO TE PLOTE