Connect with Us

Prova e fundit e marrëveshjes Rama-Basha

Politikë

Prova e fundit e marrëveshjes Rama-Basha

Publikuar

-

Ka shumë skeptikë, të cilët thonë, se nuk ka një marrëveshje Rama-Basha. Ajo ka marrë fund, pasi kreu i Qeverisë nuk i qëndroi asaj që firmosi me Lulin me 17 Maj 2017.

Djegia e mandateve, molotovët mbi kryeministrinë, protestat e dhunshme ishin gjithçka që treguan, se Luli përfundimisht ishte shkëputur nga  Edi Rama dhe kishte marrë rrugën për të udhëhequr popullin opozitar, drejt rrëzimit të kryeministrit.

Tha 15 herë se Edi Rama ishte rrëzuar dhe se zgjedhje nuk do të kishte me 30 Qershor. Ato u bënë dhe Luli dogji  mandatet e deputetëve që mos të kishim zgjedhje, por nuk fitoi asgjë.

Në fund demokratët ngelën me gisht në gojë, por këto prova nuk i pranojnë shumë skeptikë, apo shumë militantë, të cilët thonë se nuk ka një marrëveshje Rama-Basha.

Këto janë dy prova që në fakt Luli i dha në tavolinë, Edi Ramës, një mazhorancë kushtetuese, mbi 100 deputetë dhe të gjithë pushtetin vendorë.

Së fundmi, kemi pasur dhe një lëvizje tjetër, pra konsensusi politik, mes Ramës dhe Bashës për sistemin zgjedhor, pranimi i Lulit dhe lëvizja e tij më pas. Çka tregonte, se kishte një marrëveshje në lidhje me sistemin, gjithçka ishte e mbyllur  dhe sot morën provën e fundit.

Lulzim Basha shkoi dhe u ul në tryezën negociatave me Qeverinë, për reformën, pa iu plotësuar asnjë nga pikat apo kushtet e vendosura më parë.

Lulzim Basha ka deklaruar publikisht se nuk do të ulej në tavolinën e reformës zgjedhore pa ikur kryeministri  që vidhte votat. Sepse, hajdutëria e Edi Ramës ndaj votave, krimi që blinte votat dhe që dhunonte zgjedhësit, ishin faktorët kryesorë të cilët i shërbenin Edi Ramës dhe ky qe përgjegjësi kryesore. Dhe pa ikur Edi Rama nuk mund të kishte më një negociatë me shumicën, por gjithçka do të bëhej në momentin që Edi Rama do të jepte dorëheqjen.

Më pas, me ngritjen e komisionit të reformës zgjedhore u artikulua fakti, se një problem tjetër ishte qëndrimi i Damian Gjiknurit në këtë komisionit, i cili ishte personi i kapur në përgjimet e dosjes 184 në Dibër.

Kujtojmë qëndrimet tërmet-tërmet  apo telefonatat e Gjiknurit në atë kohë, që kontrollonte qarkun e Dibrës për zgjedhjet e Bashkisë, por çfarë ndodhi, çfarë ndryshoi, asgjë dhe sot kemi provën e re.

Oerd Bylykbashi dhe Petrit Vasili, shkuan dhe u ulën në tavolinë për reformën zgjedhore me Damian Gjiknurin e dosjes 184. Shkuan dhe u ulën në tryezën e  reformës zgjedhore me Edi Ramën, kryeministër, pa ikur ai nga Qeveria dhe me të njëjtin komision, siç u krijua në parlament.

Pra një vit lufte, beteje për opozitën 6 muaj protesta, mesa duket ishin thjesht fasadë, që Luli të tërhiqte njerëzit pas vetes dhe të krijonte besimin se nuk kishte një marrëveshje me Ramën, por çdo ditë që kalon ai na tregon se ka një marrëveshje dhe për të dalin pika të reja.

Sot kemi pikën e fundit, uljen në tryezë të reformës zgjedhore me Edi Ramën, kryeministër dhe Damian Gjiknuri krye të tavolinës. Dhe këtë e deklaroi dhe e bëri Lulzim Basha, i cili kishte thënë se nuk do ulej as me Damianin as me Edi Ramën, por askush nuk  e besonte se kjo do të ndodhte.

Tani e kemi sërish në tryezë, ka sërish një marrëveshje, por nuk po ulen të dy, por vartësit e tyre, të cilët do të bëjnë atë që thonë shefat e mëdhenj, të cilët prej vitit 2017 vazhdojnë ta duan shumë fort njëri tjetrin./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kërkoi më shumë pushime për administratën/ Arben Malaj i del në mbrojtje Beqjës

Publikuar

-

Kërkoi më shumë pushime për administratën/ Arben Malaj i del në mbrojtje Beqjës

Ish ministri i Shëndetësisë, Ilir Beqaj gjatë fjalës së tij sot në Kuvend  propozoi që gjatë verës, qeveria të vendosë që 2 ose 3 fundjava të lerë pushim administratën të premten dhe të hënën, përveç të shtunë të diel.

Kjo sipas tij do të ndihmonte në rimëkëmbejen e ekonomisë. Këtë  ide të tij, duket se e mbështet dhe ish ministri Arban Malaj.

Në një reagim të tij në rrjetet sociale, Malaj e quan këtë një propozim racional duke thënë se shtimi i ditëve pushim duhet të ndodhë jo vetëm për administratën por për të gjithë sektorët privatë dhe publik.

Kjo do të lehtësonte krizën ekonomike të krijuar si pasojë e pandemisë, duke nxitur turizmin vendas dhe do të rriste njëkohësisht dhe kohezionin social në familje, shkruan Malaj.

“Nje ide racionale qe duhet mbeshtetur. Paqartesite dhe pasigurite por rriten me progresion gjeometrik. Risku i rimbylljes dhe mos hapja e kufijve nga vendet e BE po bllokon turistet e huaj, do ta bejne krizen me te thelle, me te rende dhe me te gjate. Nje nga politikat kunderciklike eshte lehtesimi dhe nxitja e turizmit vendas.

Zgjatja e diteve nga turizmi vendas dhe rritja e numrit te turisteve vendas kerkon politika lehtesuese si propozimi i kolegut Beqja. Ndoshta mund te ishte me racionale te lejohej fillimi i punes diten e hene deri ne oren 11.00 dhe mbylljen e punes ditet e premte ne oren 14.00 Kjo edhe per faktin qe pjese e rritjes se turizmit duhet te jene te gjithe shqiptaret dhe jo vetem punonjesit e administrates publike. Per te ruajtur ekonomine nga krizat vende te ndryshme japin para ne dore tek cdo individi ne vendin e tyre qe te mund ti perdorin sa me pare per konsum sepse keshtu ndihmohet ringritja e ekonomise.

LEXO EDHE:  Si doli nga dera dhe po futet nga penxherja në politikë, Eduard Halimi

Ne nuk e kemi te plote kete mundesi pasi kemi borxh te larte dhe stabilitet te kercenuar te financave publike. Idene e pare e shkurtimit te oreve ose diteve te punes e ka dhene Kemal Dervish ish shefi i UNDP dhe tashme studjues ne nje prej qendrave kerkimore shkencore me te mira ne bote. Ne pergjigje te rritjes se papunesise deri ne 25% dhe 50% per te rrinjte per shkak te krizes globale 2008. Kemal Dervish propozoj qe per te ulur papunesine mund te rriten ditet e pushimit, duke ju rritur mundesine punonjesve te qendrojne dhe investojne per mire rritjen e femijeve te tyre. Rekomandimi parashikonte qe edhe pse do te shkurtoheshin oret dhe/ose ditet e punes konsumi do te rritej sepse studmet tregojne se ne dite pushimi konsumatoret shpenzojne me shume se gjate diteve te punes. Perfitimi afatgjate do te ishte mire-dukimi i femijeve dhe rritja e kohezionit socal. Pandemite do behen me te shpeshta, vet-izolimet do te imponohen here pas here, por pandemia po na “ndihmon” te jemi novatore si te harmonzojme mbrojtjen nga pendemia dhe si te ngadalesojme renien e ekonomise dhe lehtesojme ringritjen e saj, Nje lutje publike per te gjithe, te respektojme strikt vendosjen e maskes ne ambientet e mbyllura dhe kur nuk respektohet distancimi social. Kjo na ndihmojne te largojme pandemine nga ne, familjet tona , nga fqinjet apo koleget tane. Kjo na ndihmon te shpetojme jete njerezish. te shpetojme dhjetra mije te papune dhe te pa afte. Keshtu shpetojme familjet nga borxhet e rritura per shkak te renies se te ardhura nga puna apo nga bizneset e tyre indiduale, familjare apo biznese te vogla, te mesme dhe te medha.”/CNAal

LEXO TE PLOTE

Politikë

Myslim Murrizi nuk përmbahet me “spurdhjakët” / I uroj suksese rikthimit të PD dhe LSI në parlament

Publikuar

-

Nga

Myslim Murrizi nuk përmbahet me “spurdhjakët” / I uroj suksese rikthimit të PD dhe LSI në parlament

Deputeti Myslim Murrizi shprehet se deklaratat e sotme të 6 deputetëve legjitimon kthimin zyrtar të PD dhe LSI në Kuvend. “Hajdutët e politikës shqiptare dhe spurdhjakët politikë që harxhojnë paratë e vjedhura për të gjetur suflerë nga jashtë për të ruajtur karriget e pushtetit nuk mund të mbajnë peng 5 milionë shqiptarë. Koha kur një gjerman i jepte urdhër Europës ka perënduar më datë 9 maj 1945.

Shqipëria dhe shqiptarët nuk hyjnë në BE nga firma e asnjë hajduti që kanë mbajtur Shqiperinë jashtë Europës prej 30 vitesh. Delirantë që mbajnë në xhep vula partish dhe ju duket vetja si parti politike nuk mund të hiqen si shpëtimtarë të vendit dhe si faktorë që fusin Shqipërinë në BE. Sado të përpiqen trastaxhinjtë për të arritur numrin 84 me vemje pa pigment, pa këllqe dhe pa moral në kundërshtim me atë që vetë kanë deklaruar prej 13 muajsh.

LEXO EDHE:  Basha i frymëzuar nga Gjermania/ Premton stazhin për 10 mijë studentë në vit

Kurrë nuk do ia arrijnë dot. Shqiptarët duan lista të hapura dhe nuk mund t’i ndalojnë dot një grusht individësh që janë sot në parlament, por prej 25 vitesh kanë kandiduar për drejtorë. Deklaratat e sotme të 6 deputetëve legjitimon kthimin zyrtar të PD dhe LSI në Kuvend. Tashme “ kauza” e 20 shkurtit 2019 kur PD dhe LSI dogji mandatet, paska qenë hakmarrje ndaj deputetëve që ishin në Kuvend deri në atë kohë. I uroj suksese rikthimit të PD dhe LSI në parlament, por duhet të rihapin tenderin për të gjetur edhe 1 deputet tjetër që të arrijnë formimin e një grupi parlamentar miks me emrin PISDAL”, shkruan Murrizi. /CNA.al

LEXO TE PLOTE

Politikë

Spartak Ngjela zbulon emrin e politikanit që do e rrëzonte sërish Lulzim Bashën

Publikuar

-

Spartak Ngjela zbulon emrin e politikanit që do e rrëzonte sërish Lulzim Bashën

Avokati i njohur Spartak Ngjela ka bërë një analizë të gjatë për sa i përket ndryshimit të sistemit dhe listave të hapura.

Ngjela shkruan se me lista të hapura, Sokol Olldashi do e rrëzonte sërish Lulzim Bashën në Partinë Demokratike,  teksa thekson se as Basha as Rama nuk e duan këtë.

Janë tre kërcënime që po i vijnë ndërkohë korrupsionit të lartë shtetëror: nga reforma në drejtësi, nga reforma antikorrupsion dhe nga reforma e sistemit zgjedhor me lista të hapura.

Me lista të hapura, Sokol Olldashi e rrëzon sërish Lulzim Bashën në Partintë Demokratike.

l.

Duhet të theksojmë se likuidimi i klasës së lartë politike si goditje kryesore do të vijë nga funksionimi i SPAK- ut, domethënë nga fillimi i hetimit gjyqësor kundër pushtetarëve të lartë: përkatësisht nga Byroja Kombëtare e Hetimit, nga Prokuroria e Posaçme dhe nga Gjykata e Posaçme.

Këtyre tani po iu shtohet edhe reforma e sistemit zgjedhor me lista të hapura, dhe prandaj çështja e likuidimit të tyre bëhet edhe më e plotë.

Prandaj, nëse opozita parlamentare qëndron për listat e hapura, atëherë SPAK- ut, që tani është kërcënimi i tyre antikorrupsion, i shtohet edhe sistemi zgjedhor me lista të hapura.

Kjo na jep të kuptuar se, ata të korruptuar të lartë që mund të shpëtojnë nga SPAK – u, do të rrëzohen me anë të listave të hapura. Por, a e dinë ekspertët ndërkombëtarë këtë fakt? Sigurisht që ata janë të qartë dhe mendohet se, pikërisht për këtë, do ta përkrahin iniciativën e opozitës parlamentare, të cilën ata vetë e kanë inkurajuar për të mos e prishur Parlamentin me shpërndarje të tij.

ll.

As Rama dhe as Basha nuk dalin dot deputetë nëse vendoset sistemi me lista të hapura. Dhe si rrjedhojë, do të rrëzoheshin edhe si kryetarë të Partisë Socialiste dhe Partisë Demokratike.

Pikërisht me këtë arsye, me vendosjen e sistemit të listave të hapura, rrëzohet përfundimisht tirania partiake e dy kryetarëve të partive të mëdha, të cilët janë në krye të tyre jo me zgjedhje, por me uzurpim korruptiv.

lll.

Të dyja partitë e mëdha të Shqipërisë, PD dhe PS, nuk i kanë kryetarët e tyre rezultat i zgjedhjeve respektive në partitë e tyre, por si rezultat direkt i korrupsionit. Është forca e korrupsionit si blerje individësh ajo që i ka bërë kryetarë partish, që të dy: edhe Bashën, edhe Ramën.

Realisht, pikërisht ky është shkaku që nuk dalin dot deputetë me lista të hapura, sepse, në funksion të këtyre listave, bazat e partive do të zgjedhin individin me karrierë politike dhe jo flukset pa përkrahje që kanë implementuar në strukturat e partive të tyre Rama dhe Basha.

LEXO EDHE:  Si doli nga dera dhe po futet nga penxherja në politikë, Eduard Halimi

Për ta kuptuar edhe më qartë këtë, na duhet të theksojmë se, të dy këta kryetarë kanë ngjashmëri të plotë me njëri-tjetrin në ngritjen e tyre nëpër postet e tyre si pronarë të partive që përfaqësojnë.

Po, cili është ngjasimi i lansimit politik në karrierën politike të Ramës dhe Bashës?

1.Të dy këta po njëlloj, njëri pas tjetrit, eliminuan kongreset për zgjedhjen e kryetarit të partisë, duke futur skemën “një anëtar një votë”.

Kjo ndodhi, sepse kuptohet që këta nuk e manipulonin dot kongresin zgjedhor të partive të tyre për votën e kryetarit, ngaqë as Rama dhe as Basha nuk kishin lidhje organike me partitë që donin të rrëmbenin. Prandaj, kongreset partiakë, nuk do t’i zgjidhnin.

Kurse votimin “një anëtar një votë”, e manipulonin me bandat e tyre. Ashtu siç e manipuluan.

Të dy e kanë marrë partinë duke qenë më parë, njëri pas tjetrit, kryetarë të Bashkisë së Tiranës.

Të dy nuk kanë profesion që të njohin ose ligjin ose tregun, dhe janë manipulues të ngjashëm në blerjen e partive me leje ndërtimi. Në fakt Basha kishte edhe ndihmën e bandave të Saliut që i dhanë sigurimin e manipulimit të procesit partiak zgjedhor kundër Sokol Olldashit.
Por tani, me lista të hapura, si mendoni ju, Bashës nuk do t’i ringjallet Sokol Olldashi? E pra…

lV.

Por tani, që të dy këta kryetarë: edhe Rama, edhe Basha, janë drejt likuidimit: sepse, edhe nëse i shpëtojnë SPAK-ut, sistemi zgjedhor me lista të hapura i rrëzon që të dy si kryetarë të PD -së dhe PS -së.

Por kjo, në fakt, do të varet nga qëndresa e opozitës parlamentare. Nëse kjo opozitë qëndron, maxhoranca nuk i ka votat në Parlament. Kurse opozita parlamentare e ka interes kryesor për mbijetesën e saj këtë sistem. Pikërisht kjo është arsyeja që ajo nuk do të tërhiqet.

Ndërkohë, për arsyen Olldashi që përmendëm më lart, është kuptuar se më i shqetësuari për listat e hapura është Lulzim Basha. Ai po i luan të gjithë gurët që sistemi elektoral me lista të hapura të mos aplikohet; por shenjat janë që ai do të aplikohet, sepse mosvotimi parlamentar nga opozita krijon krizë të cilën nuk mund ta lejojnë ndërkombëtarët.

E pra: shqiptarët tani janë me shpresë, sepse me SPAK-un dhe listat e hapura do të çlirohen nga tirania korruptive e liderëve retrogradë që kanë shkatërruar mirëqenien e shqiptarëve në mbi njëzet e pesë vjet rresht.

LEXO TE PLOTE