Connect with Us

Negociatat për armëpushim/ Zbardhet roli i Gjermanisë, për zgjidhjen e konfliktin të Libisë

Bota

Negociatat për armëpushim/ Zbardhet roli i Gjermanisë, për zgjidhjen e konfliktin të Libisë

Publikuar

-

Kancelarja gjermane Angela Merkel dëshiron të mbajë në janar në Berlin një takim të nivelit të lartë për konfliktin në Libi. “Përgatitjet për një konferencë të tillë po vazhdojnë,” tha zëdhënësi i qeverisë Steffen Seibert. Ajo që diskutohet është që takimi të zhvillohet të dielën e ardhshme, më 19 Janar. Edhe për këtë datë ka bisedime në zhvillim e sipër, por ai nuk mund ta njoftojë zyrtarisht datën për momentin, tha Seibert. Qeveria federale do ta informojë publikun sapo të përfundojnë përgatitjet, tha ai.

Sipas transmetuesit CNN Türk, Presidenti turk Rexhep Tajip Erdogan do të udhëtojë të dielën e ardhshme për të ashtuquajturin Proces të Berlinit në kryeqytetin gjerman. Merkeli dhe Erdogani folën në telefon për Libinë të dielën në mbrëmje. Edhe Rusia i mbështet përpjekjet e ndërmjetësimit të Gjermanisë.

Negociata në Moskë

Ndërkohë, dy kundërshtarët libianë, kryeministri Famet al-Sarraxh dhe gjenerali Chalifa Haftar, ndodhen në Moskë për të negociuar për kushtet e një armëpushimi zyrtar. E paqartë është nëse ata flasin me njëri-tjetrin personalisht.

Edhe ministrat e jashtëm të Rusisë dhe Turqisë, si dhe diplomatë të tjerë të rangut të lartë nga të dyja vendet, kishin njoftuar pjesëmarrjen e tyre përpara se të fillonte takimi.

Natën duke gdhirë e diela hyri në fuqi një armëpushim i përkohshëm, për të cilin Haftari pati rënë dakord papritur. Të dyja palët megjithatë e akuzuan njëra-tjetrën që të dielën për shkeljen e armëpushimit.

Presidenti francez Emmanuel Macron tha pas një telefonate me homologun e tij rus Vladimir Putin se një armëpushim “duhet të jetë i besueshëm, i qëndrueshëm dhe i verifikueshëm”.

LEXO EDHE:  “Jo hapjes së negociatave”/ Berisha rendit konkluzionet e Samitit të Berlinit

Luftë me përfaqësim në shkretëtirë

Që nga rrëzimi i sundimtarit afatgjatë Muammar al-Gaddafi në vitin 2011, Libia nuk gjen qetësi. Gjithmonë ka fronte që ndryshojnë në luftën civile. Që prej pranverës së vitit 2019, Haftari me Ushtrinë e tij të vetëshpallur Kombëtare të Libisë, shënoi përparime të konsiderueshme në terren, duke e vënë në vështirësi gjithnjë e më të mëdha qeverinë në Tripoli, të njohur nga Kombet e Bashkuara.

Haftari ka donatorë dhe furnizues të fuqishëm si Rusia, Egjipti, Arabia Saudite dhe Emiratet e Bashkuara Arabe pas vetes. Edhe presidenti francez Emmanuel Macron konsiderohet si mbështetës i Haftarit, gjë që deri tani e ka bërë të pamundur që BE të ketë një pozicion të unifikuar.

Erdogani, nga ana tjetër, mbetet besnik i qeverisë Sarraxh, me të cilën Turqia sapo nënshkroi një kontratë për privilegje për naftën në Mesdheun lindor; edhe ish-fuqia kolonizatore Italia është në anën e qeverisë së Tripolit. Megjithë kritikat ndërkombëtare, Turqia ka vendosur të dërgojë ushtarët e saj në Libi./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Maqedonia e Veriut miraton Protokollin për anëtarësim në NATO

Publikuar

-

Nga

Kuvendi i Maqedonisë së Veriut miraton Protokollin për anëtarësim të vendit në NATO.

Mësohet se ky protokoll ka marrë 114 vota pro dhe asnjë kundër. Menjëherë pas votimit, jashtë Kuvendit u ngrit me ceremoni flamuri i NATO-s.

Kjo shënon një fillim të ri për Maqedoninë e Veriut lidhur me anëtarësimin në NATO.

Pritet që protokolli të ratifikohet edhe nga Spanja, në mënyrë që MV-së t’i hapet rruga për anëtarësim në NATO./ CNA.al

LEXO TE PLOTE

Kosova & Rajoni

Kryeministrja serbe sërish thirrje për heqjen e taksës/ “Është e rëndësishme për të ardhmen”

Publikuar

-

Nga

Kryeministrja serbe, Ana Bërnabiç, kërkoi sërish heqjen e taksës 100% që Kosova ka vendosur ndaj Serbisë dhe Bosnje Hecergovinës, pa kërkuar reciprocitet.

“Shpresoj që Prishtina ta heqë taksën për mallrat nga Serbia dhe Bosnja sa më shpejt që të jetë e mundur”, u shpreh ajo për mediat vendase.

Bërnabiç deklaroi se gjithçka varet nga Prishtina dhe kryeministri Albin Kurti, ndërsa theksoi se heqja e tarifës është e rëndësishme për të ardhmen, për serbët në Kosovë, por edhe për shqiptarët./ CNA.al

LEXO TE PLOTE

Bota

Presidenti Trump propozon uljen e ndihmës për jashtë

Publikuar

-

Nga

Administrata e Presidentit amerikan Donald Trump ka propozuar një ulje prej 21 përqind të ndihmës që Shtetet e Bashkuara u japin vendeve të tjera.

Kërkesa në buxhet për programe të tilla është 44.1 miliardë dollarë, nga 55.7 miliardë që ishte miratuar për vitin e tanishëm fiskal.

Disa ligjvënës dhe analistë të tjerë parashikojnë se plani i Presidentit Trump për të ulur me një të pestën ndihmën për jashtë nuk do të mund të miratohet dot në Kongres, veçanërisht në këtë vit zgjedhor.

“… Shtëpia e Bardhë duhet të kursejë ca letër në vend që të na dërgojë një buxhet që është i destinuar për t’u hedhur poshtë menjëherë,” tha në një koment në Twitter Kryetari i Komisionit të Çështjeve të Jashtme në Dhomën e Përfaqësuesve Eliot Engel.

Disa zyrtarë të administratës e quajnë të gabuar uljen e buxhetit për ndihmën e huaj.

“Ne thjesht nuk jemi dakord,” tha drejtori në detyrë i Zyrës së Menaxhimit dhe Buxhetit, Russ Vought, në përgjigje të një pyetjeje të Zërit të Amerikës në një konferencë të Shtëpisë së Bardhë të hënën. “Presidenti nuk pajtohet me idenë se ne duhet të vazhdojmë të kemi nivele të tilla të fuqishme fondesh në kategorinë e ndihmës së huaj,” tha ai.

Zoti Vought vuri në dukje se sipas planit të presidentit, i cili arrin në 4.8 trilion dollarë për të gjithë qeverinë federale, do të ketë megjithatë rreth 40 miliardë dollarë ndihmë të huaj.

“Është një sasi e konsiderueshme,” tha zoti Vought. “Ne do të jemi akoma në një nivel shumë të lartë në krahasim me pjesën tjetër të botës, për sa i përket asaj që ofrojmë.”

Dhoma e Përfaqësuesve, e kontrolluar nga demokratët e opozitës, edhe vitin e kaluar e kundërshtoi propozimin e Presidentit Trump për të ulur ndihmën e huaj.

PROJEKTBUXHETI I PENTAGONIT

LEXO EDHE:  Basha reagon ndaj Ramës/ Lëri përrallat. Erdhi ora e së vërtetës

LEXO EDHE:  Lufta kundër krimit/ Gjermania dhuron pajisje me vlerë 200 mijë euro  

Kërkesa e Presidentit Donald Trump për një buxhet mbrojtjeje prej 740.5 miliardë dollarësh dërguar Kongresit të hënën, përfshin më shumë para për armë bërthamore dhe një rritje të madhe të shpenzimeve për kërkime, që vendi të jetë i përgatitur për luftrat e së ardhmes.

Ky është buxheti më i madh i kërkuar nga Pentagoni në fushën e hulumtimeve gjatë 70 vjetëve, tha një zyrtar i lartë i mbrojtjes. Kërkesa vjen ndërkohë që ushtria synon të ndërtojë aftësi të reja për t’iu kiundërvënë fuqisë në rritje të Kinës dhe Rusisë.

Në përparësitë e Pentagonit, kërkesa për fonde për modernizimin e armëve bërthamore u rrit 18 për qind në krahasim vitin e kaluar, ose 29 miliard dollarë shtesë, tha një tjetër zyrtar i lartë i mbrojtjes.

Financimet do të përdoren për të përmirësuar komandën dhe kontrollin e armëve bërthamore si dhe platformat e lëshimit të tyre, siç janë nëndetëset e klasës Columbia, të prodhuara nga firmat Huntington Ingalls Industries dhe General Dynamics apo certifikimi për të instaluar bomba bërthamore në bordin e avionit “stealth” F-35, prodhim i kompanisë Lockheed Martin.

Kërkesat për buxhetin e Pentagonit përfshijnë 69 miliardë dollarë për të financuar luftërat e tanishme dhe nevoja të tjera të Pentagonit.

Buxheti i Marinës u ul me 1 për qind, ose 1.9 miliard dollarë, në 207 miliard dollarë ndërsa Forcat Ajrore kanë një buxhet pak më të lartë.

Propozimi i Presidentit Trump parashikon 79 avionë F-35, një më shumë nga sa ishte kërkuar vitin e kaluar. Por Kongresi vitin e kaluar e rriti numrin e avionëve F-35 në 98 nga 78 që ishte parashikuar në buxhet.

Agjensia e Mbrojtjes nga Raketat (MDA), po shqyrton një shtesë fondesh. Buxheti i saj prej 9.1 miliardë dollarësh përfshin fonde për zhvillimin e një prototipi rakete interceptuese THAAD për mbrojtjen e 48 nga të 50 shtetet e Amerikës.

LEXO TE PLOTE