Connect with Us

Vrasësi me pagesë pranon fajësinë për vdekjen e gazetarit investigativ

Bota

Vrasësi me pagesë pranon fajësinë për vdekjen e gazetarit investigativ

Publikuar

-

Një vrasës me pagesë pranoi fajësinë të hënën për vrasjen e një gazetari investigativ dhe të fejuarës së tij në Sllovaki, një kontratë e dyshuar për vrasjen që rrëzoi qeverinë e vendit.

Mirosllav Marcek pranoi se qëlloi për vdekje Jan Kuciak dhe Martina Kusnirova në shkurt të vitit 2018. Tre të pandehur të tjerë, përfshirë biznesmenin e akuzuar si organizatorin e vrasjeve, u deklaruan të pafajshëm, raporton VOA, duke iu referuar për këtë njoftim Associated Press

Prokurorët në gjykatën e qytetin Pezinok, në veri të kryeqytetit Bratislavë pretendojnë se janë paguar gjithsej 70,000 euro për vrasjen e gazetarit.

Organizatori i dyshuar, Marian Kocner, është një biznesmen i cili dyshohet se kishte kërcënuar gazetarin pas publikimit të një raporti për të.

LEXO EDHE:  Deklaratat e Edi Ramës/ Gazetari sherr me analistin në studion e Zhejit

Kuciak 27-vjeçar u qëllua në gjoks dhe Kusnirova u qëllua në kokë në shtëpinë e tyre në qytetin Velka Maca, në lindje të Bratislavës, më 21 shkurt 2018.

Vrasjet shkaktuan protesta të mëdha në rrugë dhe një krizë politike që çoi në rrëzimin e qeverisë së mëparshme. Kuciak kishte hetuar gjithashtu korrupsionin e mundshëm në qeverinë sllovake.

Katër të pandehurit përballen me dënime të mundshme me burg prej 25 vjet deri në burgim të përjetshëm. Një i dyshuar i pestë bëri një marrëveshje për të bashkëpunuar me prokurorët në këmbim të një dënimi më të ulët dhe u dënua me 15-vjet burg në 30 dhjetor.

Nuk është e qartë se kur mund të merret vendimi.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Edita Tahiri: Kurti u paraqit në Bruksel me platformë të mjerueshme

Publikuar

-

Nga

Edita Tahiri: Kurti u paraqit në Bruksel me platformë të mjerueshme

Katër pikat e propozuara nga kryeministri i Kosovës, Albin Kurti në takimin e parë përballë palës serbe në Bruksel, Edita Tahiri, ish-kryenegociatorja e Kosovës për bisedimet me Serbinë i konsideron “platformë të mjerueshme”.

Diplomatja thotë se ky është dialog i fazës finale dhe Kurti është dashur të paraqes si pikë të parë kërkesën për njohje reciproke në mes të dy shteteve, në kufijtë aktual. Tahiri thekson nevojën që dialogu me Serbinë të merret seriozisht nga kryeministri i Kosovës.

Sipas Tahirit, Kurti është paraqitur i papërgatitur në takimin e parë përballë palës serbe në Bruksel. Ajo vlerëson se Kurti ka gabuar duke shkuar në takim pa një rezolutë dhe platformë të miratuar nga Kuvendi i Kosovës.

Si takim i parë që tash është tepër i rëndësishëm, platforma që pash ishte e mjerueshme…Nga ato katër pikat që i pash, të Kurtit, që ishin në media, e vlerësova si një platformë shumë të dobët sepse i mungonte koncepti i qartë se për çka bëhet fjala në këtë dialog. Ky është dialog i fazës finale, andaj pika e parë dhe kryesore u deshtë të jetë kërkesa për njohje reciproke në mes të dy shteteve në kufijtë aktual. Ndërkohë që ajo pikë fare nuk ishte në atë platformë, kishte filluar me temën e CEFTA-s, nuk e kuptova pse por mendoj që deshti me e kundërshtu atë që e pranoi në Tiranë, që e pranoi tregun e përbashkët e që është një Minishengen, pra ishte përpjekje për ta neutralizuar”, thotë Tahiri.

Sipas saj, në takimin e parë me palën serbe, Kurtit i ka munduar platforma që do të përmbante çështjen e reparacioneve të luftës dhe suksesioni.

Platforma nuk e kishte çështjen e reparacioneve të luftës, ishte përfshirë vetëm çështja e të pagjeturve ndërkohë që ne kemi një gjenocid që ai fare nuk e përmendi, a nuk guxoi a, nuk e kuptova, kemi dhunimin e grave, mijëra vrasje, tortura e abuzime dëbimin e 1 milion shqiptarëve, pastaj nuk e kishte pikën për suksesionin… Zoti Kurti e ka pasur gati platformën të cilën e kemi lënë ne si qeveri në vitin 2014 dhe është në ‘ëeb site’ të qeverisë, vetëm ka pasur nevojë të ulet dhe ta lexojë dhe ta studiojë, dhe mos të dalë me kësi lloj platformë të dobët që në fakt ia ka ulë pazarin Kosovës në këto negociata sepse u deshtë të dalë me parimet kryesore e që i përmenda pak parëz”, shton ajo.

Ajo thotë se një pikë bashkëpunimi ndërshtetëror do të duhej të përmende vetëm nëse respektoheshin pikat paraprake.

Në negociatat ndërkombëtare bëhesh inferior kur e ke platformën e dobët, pra negociatat nuk janë vetëm mënyra si pozicionohesh në uljen apo e tensionon situatën, sepse gjithmonë ka mundësi me u tensionu për shkak se Serbia ka bërë gjenocid në Kosovë dhe normal që një reagim i Kosovës e nxit Serbinë në tension. Tensionet nuk janë të rëndësishme, me rëndësi është çfarë platforme ke paraqitur dhe çfarë po dëshiron të arrish në këtë dialog. Prandaj për shkak të një platforme që vet ai e shpalli me katër pika, për mua ka dëmtuar Kosovën dhe është paraqitur në emër të Kosovës në një pozitë nënshtruese, sikur ka pasur frikë që në platformë të fus njohjen reciproke në kufijtë aktual, ajo është kryesorja sepse tashmë që 10 vite po flasim me Serbinë në Bruksel, kjo është kohë e përfundimit të dialogut dhe rezultati duhet të jetë njohja reciproke sepse vetëm njohja reciproke krijon një paqe dhe stabilitet të qëndrueshëm në rajon dhe në Evropë”, thotë ajo.

LEXO EDHE:  Vrasja e gazetarit/ Zbulohen detajet, kush është biznesmeni që e donte të vdekur
LEXO EDHE:  Qeveri teknike/ Gazetari “shuplakë” Bashës

Ish-kryenegociatorja e Kosovës në bisedimet me Serbinë thotë se Kurti duhet të përgatitet për takimin e dytë me palën serbe, që sipas saj, duhet të punojë me opozitën parlamentare në Kosovë për një delegacion uniteti.

Pas këtij dështimi që e pati Kurti duhet të merret seriozisht me dialog, sepse ai paralajmëroj se dialogu është prioritet i tetë, tash ai e pa edhe vet është u bë prioritet numër një, prandaj ai tani duhet të angazhohet për dialog dhe t’i jap rëndësi dialogut të Brukselit dhe kjo rëndësi do të thotë që të punojë bashkë me opozitën parlamentare për një delegacion uniteti aq sa është e mundur, të përgatisë platformën, ta paraqes në Kuvend, Kuvendi ta miratojë pastaj do të jetë i përgatitur që raundin e dytë të jetë mbrojtësi i interesave të Kosovës”, thotë Tahiri.

Të martën, kryeministri i Kosovës, Albin Kurti ka marrë pjesë për herë të parë në takim përballë presidentit serb, me ndërmjetësimin e Bashkimit Evropian. Pas takimit në Bruksel, Kurti ka shkruar se ka shprehur gatishmërinë për dialog konstruktiv dhe njohje të ndërsjellë. Shefi i ekzekutivit ka thënë se nuk janë pajtuar për agjendën e dialogut ndërkohë ka bërë publike propozimet e tij të shtruara aty:

-Gjashtë shtetet e Ballkanit Perëndimor e avansojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.

-Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.

-Pas njohjes së ndërsjelltë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.

-Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, z. Veljko Odaloviç, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me z. Zoran Angjelkoviç”.

Sipas kryeministrit Kurti, pala serbe nuk është përgjigjur për propozimin e parë, ndërkohë pikat e tjera i ka refuzuar. Takimi i radhës në Bruksel pritet të mbahet në muajin korrik, para pushimit të verës./euronews

LEXO TE PLOTE

Bota

Navalny e quan Putinin “gënjeshtar”

Publikuar

-

Nga

Navalny e quan Putinin "gënjeshtar"

Politikani opozitar i burgosur në Rusi, Aleksei Navalny, ka thënë se presidenti i Rusisë, Vladimir Putin, është një “gënjeshtar që nuk mund të ndalet së gënjyeri”.

Reagimi i tij vjen pas deklaratave të Putinit se Navalny e ka injoruar ligjin dhe e ka ditur se çfarë do t’i ndodhë nëse kthehet nga Gjermania në Rusi.

Këto komente Putin i bëri më 16 qershor në Gjenevë të Zvicrës pasi u takua me presidentin amerikan, Joe Biden.

Në Gjermani, Navalny është trajtuar si pasojë e helmimit me një agjent nervor brenda Rusisë.

Helmimi tij kishte ndodhur gjatë një udhëtimi nga Siberia për në Moskë.

Përmes një postimi në rrjetin social Instagram, Navalny shkroi se Putini mbase vuan nga një “sëmundje psikiatrike për shkak të posedimit të shumave pa kufi të parave dhe të qenët në pushtet për një kohë të gjatë”.

“(Ai) thjesht nuk thotë asnjë fjalë të vërtetë. Edhe kur e di se gënjeshtrat e tij do të zbulohen menjëherë”, shkroi Navalny.

LEXO EDHE:  Fotot me gazetarin Artan Hoxha/ Si ka ndryshuar Klement Balili

LEXO EDHE:  Vrasja e “Nardit të Bujtinës”/ Detajet-Autori është një profesionist

Ai u bëri thirrje rusëve që duke përdorur sistemin e Votimit të Mençur, të cilin e ka përgatitur ai dhe ekipi tij, të marrin pjesë në zgjedhjet parlamentare të cilat pritet të mbahen në shtator për të mundësuar rrëzimin nga pushteti të partisë Rusia e Bashkuar.

Më herët, një gjykatë në Moskë u ka ndaluar veprimtarinë organizatave politike të lidhura me kritikun e burgosur të Kremlinit, Aleksei Navalny, duke i shpallur ato “ekstremiste”.

Aktivistët do të përballen me burgim nëse vazhdojnë punën e tyre dhe secilit që mbështet publikisht rrjetin politik të Navalnyt, mund t’i ndalohet gara për pozita publike.

Përmes rrjeteve sociale, Navalny është zotuar se nuk do të zmbrapset. Zgjedhjet parlamentare ruse pritet të mbahen në muajin shtator, dhe sondazhet tregojnë se partia në pushtet po humb përkrahjen.

Navalny ka fajësuar Putinin për dhënie të urdhrit për helmim, mirëpo Kremlini mohon diçka të tillë./rel

LEXO TE PLOTE

Kosova & Rajoni

Covid-19 në Kosovë/ Dhjetë raste të reja në 24 orë

Publikuar

-

Nga

Në Kosovë më 17 qershor janë regjistruar edhe dhjetë raste të reja me koronavirusin e ri që e shkakton sëmundjen COVID-19. Sipas Institutit Kombëtar të Shëndetësisë Publike (IKSHPK) shifra bazohet në testimin e 1.848 mostrave.

Gjatë 24 orëve të fundit janë shëruar edhe 12 pacientë ndërsa raste aktive janë 184 .

Me këto shifra, sipas IKSHPK-së, numri i përgjithshëm i të infektuarve në Kosovë qëndron në 107,620, i viktimave në 2,250 dhe i të shëruarve në 105,186.

Të martën në Kosovë ka nisur fushata e vaksinimit masiv kundër koronavirusit.

LEXO EDHE:  Gazetari për sharësit e Lulit/ Do e dridhni për herë të tretë
LEXO EDHE:  Vrasja e “Nardit të Bujtinës”/ Detajet-Autori është një profesionist

Kosova ka pranuar donacione vaksinash nga programi Covax i Organizatës Botërore të Shëndetësisë dhe nga Bashkimi Evropian.

Në muajin maj, autoritetet e Kosovës kanë njoftuar se kanë nënshkruar një kontratë me kompaninë farmaceutike amerikane Pfizer, për blerjen e mbi 1 milion dozave të vaksinës Pfizer/BioNTech.

Këto vaksina nuk dihet se kur do të arrijnë.

Ministria e Shëndetësisë ka njoftuar se deri të enjten janë dhënë 118.538 vaksina. Të vaksinuar me dy doza janë 15.093 qytetarë./REL

LEXO TE PLOTE