Connect with Us

32 gjyqtarë dhe prokurorë të lidhur me krimin/ Komisioni i Vettingut “amniston” të dyshuarit

Politikë

32 gjyqtarë dhe prokurorë të lidhur me krimin/ Komisioni i Vettingut “amniston” të dyshuarit

Publikuar

-

kreu i prokurorise apelit altim binaj

Procesi i Vettingut ka nxjerrë jashtë sistemit të drejtësisë qindra gjyqtarë e prokurorë.

Vetëm nga muaji shkurt i vitit 2018 deri në muajin dhjetor të vitit 2019, Komisioni ka marrë 221 vendime. Bëhet fjalë për  94 vendime për konfirmim në detyrë për subjektet e rivlerësimit, 83 vendime për shkarkim nga detyra për subjektet e rivlerësimit dhe 19 vendime për ndërprerje të procesit  sipas nenit G, të Aneksit të Kushtetutës, pas dorëheqjes së subjektit të rivlerësimit.

Është pushuar procesi i rivlerësimit për 8 subjekte, në bazë të nenit 56, të ligjit nr. 84/2016 (dorëheqje nga detyra brenda 3 muajve nga hyrja në fuqi e ligjit nr. 84/2016).

Komisioni i Pavarur i Kualifikimit, bazuar në nenin 95 të Kodit të Procedurave Administrative,  në ligjin nr. 96/2016 dhe në  ligjin nr. 84/2016, ka përfunduar procesin e rivlerësimit pa një vendim përfundimtar për 16 subjekte rivlerësimi (15 prej të cilëve iu kishte mbaruar statusi i magjistratit për shkak të mbushjes së moshës për pension). Komisioni ka marrë vendim për pezullimin nga detyra për një periudhë 1-vjeçare për 1 subjekt rivlerësimi.

Në bazë të nenit 4, të ligjit nr. 84/2016, Komisioni ka të drejtë të marrë vendimin përfundimtar për subjektet e rivlerësimit bazuar në një ose disa prej kritereve të vlerësimit, në vlerësimin e përgjithshëm të të tria kritereve ose në vlerësim tërësor të procedurave.

Gjatë kësaj periudhe pjesa më e madhe e vendimeve të Komisionit është bazuar  në vlerësimin e subjektit mbi tri kritere (vlerësimi i pasurisë; vlerësimi i figurës; dhe vlerësimin e aftësive profesionale). Vendimet e tjera janë marrë bazuar në një ose dy prej kritereve të  vlerësimit, kjo si rezultat i qartësisë së gjetjeve dhe i  krijimit të bindjes së brendshme të trupit gjykues në vendimmarrje, por gjithashtu edhe për ekonomi gjyqësore, raporton CNA.al.

Nga shkurti i vitit 2018 deri  në  dhjetor 2019 , 141 vendime janë dhënë bazuar në të tria kriteret e vlerësimit, 13 vendime bazuar në dy kritere  vlerësimi dhe 25 vendime bazuar vetëm në një kriter vlerësimi.

LEXO EDHE:  Krimi në Shkodër/ Artan Hoxha: Ka pasur marrëveshje mes grupeve kriminale

Ndërsa vetëm për periudhën shtator 2019 − dhjetor 2019, Komisioni i Pavarur i Kualifikimit  ka dhënë 13 vendime konfirmim në detyrë, 15 vendime shkarkim nga detyrasi dhe 4 vendime ndërprerje procesi sipas nenit G, të Aneksit të Kushtetutës.

Nga 32 vendime në total për këtë katër mujor 29 vendime janë marrë në unanimitet, ku të gjithë anëtarët e trupit gjykues kanë votuar në mënyrë të njëjtë, ndërsa  në 3 prej tyre me shumicë votash.

KPK hedh poshtë gjetjet e DSIK

Ndërsa sipas raporteve të ILDKPKI-së për 178 subjekte rivlerësimi, kanë rezultuar pa probleme me pasurinë 119 subjekte rivlerësimi dhe me probleme 59 prej tyre, ndërkohë që hetimi i kryer nga Komisioni ka dhënë rezultate të tjera: kanë rezultuar 80 subjekte pa probleme me pasurinë dhe 98 subjekte me probleme.

Nga raportet e DSIK-së për 152 subjekte rivlerësimi, kanë rezultuar të papërshtatshëm për vijimin e detyrës 32 subjekte rivlerësimi, ndërkohë që nga hetimi i Komisionit rezultuan me probleme 21 prej tyre, shkruan CNA.al. 

Thënë më qartë, KPK, ka hedhur poshtë gjetjet e DSIK, duke amnistuar prokurorët dhe gjyqtarët të dyshuar si të lidhur me krimin.

E njëjta gjë ka ndodhur edhe me herët me raportet e ILDKPKI-së.

 “Rrëzohen” 50 gjyqtarëve dhe 31 prokurorë

Më saktësisht 94 vendime kanë qenë për konfirmimin në detyrë të 39 gjyqtarëve, 46 prokurorëve dhe 9 ndihmësve ligjorë/kandidatë për magjistratë

83 vendime kanë qenë për shkarkimin nga detyra të 50 gjyqtarëve, 31 prokurorëve dhe 2 ndihmësve ligjorë/kandidatë për magjistratë.

19 vendime kanë qenë për ndërprerjen e procesit të 13 gjyqtarëve, 5 prokurorëve dhe 1 ish ndihmës ligjor;

8 vendime kanë qenë për pushimin e procesit të 3 gjyqtarëve, 1 prokurori dhe 4 ndihmësve ligjorë.

16 vendime kanë qenë për përfundimin e procesit pa një vendim përfundimtar, për kryeinspektoren e Këshillit të Lartë të Drejtësisë, 10 gjyqtarëve dhe 5 prokurorëve.

Ndërsa 1 vendim ka qenë  për pezullim nga detyra për një periudhë 1-vjeçare./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ylli Rakipi degjeneron Bashën/ “Ose i paaftë ose i kapur nga Rama”

Publikuar

-

Nga

Gazetari, Ylli Rakipi, ka shpërthyer në akuza të ashpra ndaj kryetarit të Partisë Demokratike, Lulzim Basha, teksa kritikoi nismën e ketij të fundit “Po të dëgjoj”, ku shkon derë më derë për të dëgjuar gjoja hallet e qytetarëve.

Në një lidhje on line për emisionin “Tempora”, Rakipi u shpreh se më këto lloj fushatash opozita ose është e paaftë, ose është e kapur nga kryeministri Rama.

Nëse kryetari i opozitës shkon dhe fillon procesin e fushatës për të pirë kafe me dy hapa, hapi i parë porosit kafen dhe hapi i dytë pi kafe, kur shkon dhe zihet me kujdestaren e konviktit, kur kryetari i opozitës shkon dhe merr shegë në pazar dhe megjithë këto gjëra që ndodhin, opozita shqiptare duket ose është e paaftë ose është e kapur nga Edi Rama.  Përveç gjithë pushteteve që ka marrë Rama, ka marrë 90% të mediave  dhe ndoshta edhe opozitën. Le të dalë opozitë të shpjegojë se çfarë është duke bërë.”, theksoi më tej Rakipi./CNA.al

 

LEXO EDHE:  Qëndrimi i LSI-së: Nuk jemi kundër Partisë Socialiste

LEXO EDHE:  Eskorta kriminale e Saimir Tahirit/ Emrat dhe dënimet

 

LEXO TE PLOTE

Politikë

Paloka akuza bombë për socialistët/ “Rama mori në telefon kriminelët në Shkodër…”

Publikuar

-

Nga

Nënkryetari i Partisë Demokratike, Edi Paloka, ka bërë deklarata të forta mbrëmjen e sotme për kryeministrin Edi Rama.

Ndërsa ka spikatur “dashurinë” e Ramës për personazhet e krimit Paloka ngriti akuzë konkrete kur tha se kryeministri, Edi Rama ka marrë në telefon kriminelët në Shkodër në vitin 2018 dhe i ka kërkuar të votojnë Bashkim Finon si kryetar të Federatës së Fubollit Shqiptar.

“Deri tek Federata ka ndërhyrë Kryeministri. I ka marë në telefon vetë kriminelët në Shkodër, i ka thënë votoni të fitojë zgjedhjet Bashkim Fino për Federatën e Futbollit”, u shpreh ai në emisionin “Tempora”.

Ish deputeti i PD-së nuk kurseu as deputetët dhe kryebashkiakët socialistë, teksa tha se gjysma e tyre janë të dënuar jashtë shtetit, por nuk preferoi të japë emra.

LEXO EDHE:  60 prokurorë dhe gjyqtarë u shkarkuan në 6 muaj/ 37 prej tyre u dorëhoqën nga frika e Vettingut

LEXO EDHE:  Krimi në Shkodër/ Artan Hoxha: Ka pasur marrëveshje mes grupeve kriminale

“Gjysma e këtyre deputetëve dhe kryetarëve të bashkisë kanë qenë të dënuar jashtë. Pse nuk i shkon këtyre kjo OFL-ja?”, nënvizoi Paloka./ CNA.al

LEXO TE PLOTE

Politikë

Deklarata e fortë e Malajt/ Krimi po tenton të bëjë krushqi me politikën

Publikuar

-

Nga

Ish ministri i Financave, Arben Malaj, i ftuar në “Tempora”, duke folur për paketën anti-KÇK, u shpreh se krimi po tenton të bëjë krushqi me politikën.

“Ne jemi ekonomistë. Ska nevojë që t’i thuash një njeriu që do ta përndjekësh, makina është e regjistruar në shtet, shtëpia në shtet, oborri në shtet, aksionet janë të regjistruar. Gjëja që duhet të bënte shteti, nëse do të ishte serioz, me një ekses të policisë do të nxirrte filani ka këtë pasuri. Kjo në veprim eksperti është kaq, na trego burimin. Të huajt theksojnë se lufta më e mirë e krimit është ndjekja e parasë, vijnë nga eksperienca në vende të tjera.

Një luftë e tillë frontale është një shpërdorim forcash. Të gjithë jemi të interesuar për krimin ekonomik që tenton të bëjë krushqi me politikën. Fakti që deputetët bën një ligj që quhet dekriminalizimi tregon që jemi prekur nga ky fenomen dhe pastrimi i saj duhet të ishte detyra e parë. Krimi ndërhyn në politikëbërje,” theksoi Malaj./CNA.al

LEXO TE PLOTE