Connect with Us

Bllokohet një tjetër mjet luksoz i vjedhur në Kakavijë/ Sekuestrohen 70900 euro

Kronika

Bllokohet një tjetër mjet luksoz i vjedhur në Kakavijë/ Sekuestrohen 70900 euro

Publikuar

-

Policia në Kakavijë ka bërë të mundur bllokimin e një tjetër mjeti luksoz, që dyshohet të jetë i vjedhur si dhe i ka sekuestruar 70900 euro një shtetasi, i cili tentoi t’i transferonte në mënyrë të paligjshme drejt Greqisë.

Burime nga uniformat blu bëjnë të ditur se si rezultat i kontrolleve te imtësishme të kryera nga Policia Kufitare, në bashkëpunim me shërbimet doganore dhe Frontex-in, në dalje të RSH-së është bërë bllokimi dhe sekuestrimi i automjetit të markës Renault, me drejtues shtetasin shqiptar E. X., 21 vjeç, lindur në Berat dhe banues në Greqi. Mjeti i këtij shtetasi rezultoi me ndërhyrje mekanike në numrin e shasisë.

Po në vijim të kontrolleve u kap shtetasi me inicialet V. G., 49 vjeç, lindur në Sarandë dhe banues në Greqi, të cilit gjatë kontrollit në automjet iu gjet një sasi prej 70900 eurosh, të cilat i kishte fshehur në automjet, me qëllim shmangien e kontrollit.

Në cilësinë e provës materiale u bllokuan 1 automjet dhe një sasi prej 70900 eurosh.

Veprimet e para hetimore për këto raste u kryen nga DVP Gjirokastër, për veprat penale “Trafikim i mjeteve motorike” dhe “Mosdeklarim i të hollave dhe sendeve me vlerë në kufi” dhe materialet në ngarkim të dy shtetasve i kaluan prokurorisë, për veprime të mëtejshme./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Drejtori i Burgjeve i pret shpresën Zani Çaushit/ Nuk është rehabilituar, mund t’i rikthehet krimit

Publikuar

-

Nga

Drejtori i Burgjeve i pret shpresën Zani Çaushit/ Nuk është rehabilituar, mund t’i rikthehet krimit

Ish- kreu i bandës së Vlorës, Zani Çaushi ka kërkuar lirimin me kusht dhe pritet që në seancën që do të mbahet më 17 korrik të paraqesë provat mbi të cilat mbështet kërkesën e tij.

Mirëpo vetëm dy ditë para seancës gjyqësore, Drejtori i Përgjithshëmi Burgjeve, Agim Ismaili, i ka prerë shpresat Çaushit.

Në një prononcim për Report Tv, Ismaili tha se Çaushi nuk ofron garanci dhe nuk të bind që është rehabilituar.

Drejtori i Përgjithshëmi Burgjeve paralajmëron se nëse del mund t’u rikthehet aktiviteteve kriminale.

“Është një merak i drejtë. Publiku është sensibilizuar me median. Hapësirat ligjore janë për një kategori dhe nëse një individ kalon këtë kalvar është diçka pozitive, pasi konsiderohet i rehabilituar. Por kur kjo ndodh me blerjen e drejtësisë… ajo që haset më shpesh është punësimi fiktiv i të burgosurve. Kjo ka qenë gjithmonë për të burgosur që impononin rregullat e tyre.

Kemi referuar materiale. Ne kemi qëndrim për çdo kërkesë. E kam paraysh edhe rastin e Myrteza Çaushit. Institucioni i burgut të Drenovës ka paraqitur një kërkesë që duhet t’i refuzohet kërkesa. Dhe kjo nuk ka lidhje me të shkuarën e tij, sepse ne dimë ta ndajmë atë që ka bërë ai jashtë, me veprimtarinë brenda. Jeta aty nis nga e para dhe askush nuk paragjykohet. Ai nuk ofron garanci dhe nuk të bind që është rehabilituar. Nëse del mund t’u rikthehet aktiviteteve kriminale”, deklaroi Ismaili./ CNA.al

“Kam fëmije të mitur, dua të punoj”/ Zani Çaushi kërkon lirinë

Zani Çaushi kërkon lirinë/ Lala: Ka bërë masakra, ekziston rreziku t’i kthehet aktivitetit kriminal

LEXO TE PLOTE

Kronika

Transportonin emigrantë të paligjshëm/ Arrestohet 21-vjeçari, shpallet në kërkim bashkëpunëtori

Publikuar

-

Nga

Transportonin emigrantë të paligjshëm/ Arrestohet 21-vjeçari, shpallet në kërkim bashkëpunëtori

Policia e Tiranës ka arrestuar një person në sajë të operacionit të koduar “TRACKING”, si dhe ka shpallur në kërkim një person tjetër.

Në pranga ka rënë shtetasi me iniciale J. K., 21 vjeç, banues në Has, ndërsa në kërkim u shpall i riu E. K., 21 vjeç, i cili dyshohet se është i implikuar si bashkëpunëtor.

21-vjeçari J. K., në bashkëpunim me persona të tjerë, dyshohet se kundrejt shpërblimit monetar, ka marrë me mjetin e tij privat, 9 shtetas emigrantë të paligjshëm, të cilëve iu kishte premtuar kalimin drejt vendeve të BE-së.

Ndërkaq, materialet i kaluan Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufijve”./ CNA.al

LEXO TE PLOTE

Kronika

Konflikt për çështje pronësie/ Plagoset me armë zjarri polici

Publikuar

-

Nga

Konflikt për çështje pronësie/ Plagoset me armë zjarri polici

Një ngjarje e rëndë ka ndodhur rreth mesditës së sotme në Tropojë, ku një punonjës policie është plagosur me armë zjarri.

Uniformat blu bëjnë të ditur se ngjarja ka ndodhur rreth orës 14:30, në fshatin Bujan, ku si pasojë e një konflikti të çastit për motive pronësie, shtetasi  R. B., në afërsi të banesës, ka plagosur me armë zjarri pistoletë, jashtë rrezikut për jetën, komshiun e tij shtetasin A. H., punonjës policie i Komisariatit të Policisë Tropojë, i cili në momentin e ngjarjes ishte jashtë shërbimit dhe ngjarja s’ka lidhje me detyrën.

Shërbimet e Policisë janë nisur menjëherë në drejtim të vendit të ngjarjes për të bërë të mundur kapjen dhe arrestimin e autorit.

Njëkohësisht është ngritur grupi hetimor, i cili po shkon në vendngjarje, për zbardhjen dhe dokumentimin e plotë të rrethanave të ngjarjes.

LEXO TE PLOTE