Connect with Us

“Aman o ti, si e kanë bërë të tjerët”/ Si ndryshon nota tek Mjekësia për 150 Euro

Denoncim

“Aman o ti, si e kanë bërë të tjerët”/ Si ndryshon nota tek Mjekësia për 150 Euro

Publikuar

-

Emisioni “Stop” në Tv Klan solli, këtë të martë, në vëmendje korrupsionin në universitet ku me para në dorë, studentët shndërrohen nga ngelës në kalues, madje me një notë të mirë në librezë.

Kamera e fshehtë “Stop” tregoi sesi një studente Masteri e Fakultetit të Shkencave Mjekësore Teknike, që kishte ngelur në provim, takoi pedagogun Besnik Faskaj, i cili pasi mori paratë, notën 4 e bëri 8. Për 150 euro, ai “tejkaloi” edhe vështirësinë e faktit, se notat ishin hedhur në sistem.

Studentja në fjalë pretendon, se pedagogu Faskaj e bën në mënyrë masive këtë pazar me notën. Madje ajo thotë se në provim në lëndën “Urgjencë kirurgjikale” kishte shkruar dhe notën 4 e ka marrë enkas, që të vinte puna te paratë.

Studentja: Jam një studente e Universitetit të Mjekësisë, Fakulteti i Shkencave Mjekësore Teknike. Mes shumë provimesh që kam pasur këto dy vjet, vitin e parë kam pasur një provim me profesor Besnik Faskaj, lënda “Urgjencë kirurgjikale”, në vit të parë të Masterit Shkencor. Pasi kam shkuar tek ky provim për notën 7 ose 8, profesori më ka vlerësuar me notën 4. Kisha dëgjuar nga shumë studentë që për të marrë notën në këtë lëndë me këtë profesor duhej të paguaje një shumë lekësh prej 150 Eurosh. Gjithsesi kur shkova vetë të takoja profesorin për t’i kërkuar tezën për një rivlerësim të notës, ai më konfirmoi të njëjtën gjë. Që domethënë se më kërkoi 150 Euro për një notë kaluese. Unë e dhashë përsëri këtë provim në vjeshtë dhe përsëri profesori më vlerësoi me të njëjtën notë. Unë i jam drejtuar emisionit “Stop” sepse unë nuk kam mundësi për të paguar këtë provim dhe për të marrë këtë notë kaluese.

Gazetarja: Të gjithë studentëve u kërkohej 150 Euro për të marrë një notë kaluese?

Studentja: Po. Kështu kam dëgjuar që të gjithë studentëve u kërkon 150 Euro për një notë kaluese, pastaj në varësi të notës, normalisht që një vlerë monetare më të lartë. Unë ndihem e pashpresë sepse nuk kam mundësi ta paguaj atë provim, por nuk jam as studente e keqe që të detyrohem të paguaj për një provim. Ndihem shumë e inatosur me sistemin arsimor në Shqipëri dhe mendoj se duhet bërë diçka për këtë gjë.

Fillimisht, studentja kontakton më profesorin për t’u takuar në lidhje me provimin. Pedagogu i thotë se notat janë dërguar tek sekretarja.

Studentja: Alo!

Profesori: Alo!

Studentja: Profesor, si kalove?

Profesori: Mirë!

Studentja: Jam një studente e Masterit Shkencor. Ke mundësi të takohemi në lidhje me atë provimin?

Profesori: Në lidhje me atë provimin…

Studentja: Me atë provimin e kirurgjisë.

Profesori: Tani unë i çova ato, se Margi (sekretarja) i donte urgjent, urgjent. Unë nuk e di, ca ka bërë Margi, nëse ajo nuk i ka hedh në sistem… Në qoftë se ajo i ka çuar për firmë te Dekani pastaj…

LEXO EDHE:  Një guidë për korrupsionin në Britani

Studentja: Po gjithsesi takohemi njëherë dhe flasim!

Profesori: Po takohemi, kur të duash. Unë jam te fakulteti tani, se kam mësim deri në 10 e gjysmë.

Studentja: Në rregull! Në orën 10 e gjysmë të të telefonoj përsëri, që ta lëmë, për t’u takuar?

Profesori: Po! Ok! Flasim.

Studentja: Në rregull! Faleminderit!

Emisioni “Stop” ka publikuar pasqyrimin në sistem ku rezulton se është hedhur më 6 Nëntor nota 4. Pas kësaj, studentja takohet me pedagogun, ku i jep 150 Euro për notën.

Edhe në bashkëbisedimin me studenten, ai i tregon asaj që vështirësia më e madhe qëndron për të ndryshuar notën në sistem.

Studentja: Si ke qenë ti profesor?

Pedagogu Besnik Faskaj: Mirë mo, mirë! Si shpirt! Mund të jetë ndonjë rrufë, ndonjë gjë.

Pedagogu Besnik Faskaj: Tani unë po bëj këtë: Unë fola çikë me Margin (sekretaren) dje dhe i thashë kështu, kështu, kështu, kështu… Asnjëra nga këto i thashë, që thua ti, nuk ka probleme me atë… me bursën. Ata mbi 6, që the ti në vit të parë, marrin bursë, apo nuk është për Masterin kjo?

Studentja: Jo, nuk është për Masterin.

Pedagogu Besnik Faskaj: Është vetëm për Bachelorin. Dhe i thashë këto nuk kanë probleme kështu. “Jo, se unë do dorëzoj aneksin.” Mirë, mirë, i thashë unë. Gjithë ideja është, që të bëjmë ato ndryshimet…

Studentja: Gjithsesi profesor, unë e kam këtu, që më është bërë ferr ky provimi. E kupton? Më është bërë shumë ferr edhe…A, i paskam këtu (për lekët).

Pedagogu Besnik Faskaj: Aman o ti, si e kanë bërë të tjerët. Ata kanë kopjuar, i kanë bërë, s’i kanë bërë etj.

(I jep 150 Euro)

Pedagogu Besnik Faskaj: Sa e vret mendjen ti.

Studentja: Jemi në rregull bashkë?

Pedagogu Besnik Faskaj: Mbetet… ja t’i them asaj.

Studentja: Profesor, unë kam edhe këtë pjesën, që kam mesatare edhe e kupton? E dua një farë note!

Pedagogu Besnik Faskaj: Do ta shohim atë ne!

Studentja: Në qoftë se s’prish punë, ma thuaj!

Pedagogu Besnik Faskaj: E di ku është…Ajo sforco më e madhe, është të bëj ndryshimin. E ke parasysh? Nuk ka rëndësi nota. Të bëj ndryshimin atje, që mos të kem konflikte.

Studentja: Ishalla bëhet, po gjithsesi më telefono dhe më thuaj!

Pedagogu Besnik Faskaj: Gjithsesi do të njoftoj!

Studentja: Mirupafshim!

Pedagogu Besnik Faskaj: Mirupafshim!

Pedagogu i urgjencës kirurgjikale duket se e rregulloi edhe me sekretaren Margi, që e përmend vetë në video, për të ndryshuar notat e publikuara tashmë.

“Stop” ka rritur të dokumentojë të dyja notat, para dhe pas pagesës nën dorë të pedagogut. Provimi është bërë më 6 Shtator të vitit të kaluar. Ndërkohë më 6 Nëntor në sistem ishte vendosur nota 4. Por menjëherë pas dhënies së parave, më 14 Nëntor, në sistem nota ndryshoi dhe u bë 8./tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Profesori ngacmon seksualisht nxënësen/ “Mbylle derën me çelës, nuk ma merr mendja se…”

Publikuar

-

Nga


Një nxënëse e shkollës së mesme artistike “Jakov Xoxa” në Fier, ka denoncuar në emisionin “Stop” në Tv Klan ngacmimin seksual nga ana e profesorit të muzikës, Agron Bego.
Ky i fundit ofrohet ta ndihmojë vajzën me mungesat, në këmbim të intimitetit. Madje profesori Agron Bego thotë, se vajza nuk duhet të bëjë seks me bashkëmoshatarë, se ata nuk dinë të bëjnë seks.

Nxënësja: Ë profesor…

Profesori Agron Bego: Ngaqë s’të gjeta atje unë, edhe pooo… të merrja në telefon. Do vish në mësim?

Nxënësja: Po, vajta mora d.m.th përgjigjen e analizave, por nuk kishin dalë.

Profesori Agron Bego: Vajte për përgjigjen, aaa… në rregull. Ok!

Profesori e ftoi nxënësen në klasën e tij me pretekstin e interesimit për mungesat.

Profesori Agron Bego: Po kështu nuk ëëë.., vazhdohet. Unë kam folur gjatë edhe me Mozën, edhe me Gencin.

Nxënësja: Ëëë.., nuk mund t’i neglizhoj mësimet, sepse në fund të fundit, jetës nuk i dihet, jeta është e gjatë…

Profesori Agron Bego: Lëri hartimet!

Nxënësja: S’është se po bëj hartim. Po them atë, që mendoj unë, profesor.

Profesori Agron Bego: Ti aktualisht je e përjashtuar.

Nxënësja: Pse?

Profesori Agron Bego: Po, sepse ti e ke mbushur me mungesa yyy…

Nxënësja: O profesor! Më fal pak! Ka shumë nxënës, që po bëjnë muaj e muaj, që nuk kanë ardhur në shkollë. Si ka mundësi, që nuk janë përjashtuar?

Profesori Agron Bego: Që t’i themi gjërat troç..!

Nxënësja: Po!

Profesori Agron Bego: Në qoftë se ti do të vish rregullisht, të gjitha gjërat i rregulloj unë. Më kupton? Në qoftë se ti vjen rregullisht, do t’i rregulloj unë, do t’i fal gjitha gjërat. Në qoftë se jo, do të jem unë i pari, që do të përjashtoj nga shkolla. Mbaje mend mirë! Po kështu nuk shkohet me premtime, jo sot, jo nesër, iku mbaroi viti. Thotë populli një fjalë: ti nuk ke lënë yndyrë, në kuptimin figurativ… E kupton pra? Nuk ke lënë një… besim…

Në një rast tjetër, teksa nxënësja ishte në oborrin e shkollës me shoqet, profesori e thirri nga dritarja, për “t’u interesuar” sërish për mungesat. Madje i kërkoi llogari se pse nuk ia ka hapur telefonin.

Profesori Agron Bego: Mirëmëngjes!

Nxënësja: Mirëmëngjes! Po profesor!

Profesori Agron Bego: Hajde pak këtu!

LEXO EDHE:  Denoncimi/ OSHEE po u rrjep lëkurën qytetarëve

LEXO EDHE:  STOP/ Drejtësia, që të vret për herë të dytë…

Nxënësja: E kuptoj…

Profesori Agron Bego: Mos shkel në bar! Mos shkel në bar!

Nxënësja: Si …?

Profesori Agron Bego: Çfarë do bësh orën e tretë?

Nxënësja: Po, seeee…

Profesori Agron Bego: Do ikësh?

Nxënësja: Po, po! Do iki…

Profesori Agron Bego: Të tretë dhe të katërt, do ikësh?

Nxënësja: Po! Të tretë, të katërt.

Profesori Agron Bego: Prandaj po të them, që…

Nxënësja: Jo, jo! Do vij, do vij!

Profesori Agron Bego: Në rregull?

Nxënësja: Në rregull!

Profesori Agron Bego: Hape telefonin, kur të marr, se më çmende!

Nxënësja: Nuk e dëgjoj, prandaj…

Profesori Agron Bego: Tani, të lutem! Më dëgjo mua! Hidhja sytë ndonjëherë! (telefonit) Shikoje ndonjëherë, ke thirrje, apo s’ke thirrje!

Nxënësja: Në rregull!

Pas orës së tretë dhe të katërt, profesori e thirri vajzën sërish në klasën e tij. Pasi vajza shkoi, ai i kërkoi që të mbyllë derën me çelës. Profesori Agron Bego e pyeti nëse ka kryer ndonjëherë marrëdhënie seksuale. Kur nxënësja iu përgjigj negativisht, ai i tha se mendonte që ajo ka kryer raport seksual më parë.

Nxënësja: Si je?

Profesori Agron Bego: Mbylle derën! Mbylle derën!

Nxënësja: Mbyllur është dera! E mbylla.

Profesori Agron Bego: Mbylle me çelës, me çelës…!

Nxënësja: Pse?

Vajza mbyll derën me çelës.

Profesori Agron Bego: Ulu aty, ulu!

Nxënësja: Po profesor!

Profesori Agron Bego: Pse po mungon? Po vazhdon të mungosh?

Nxënësja: Unë…? Nuk mungova!

Profesori Agron Bego: Qysh nuk mungove…?

Profesori më pas e pyet nxënësen, nëse ka të dashur.

Profesori Agron Bego: Deri ku ke arritur, thashë?

Nxënësja: Po!

Profesori Agron Bego: Asnjëherë s’ke bërë seks?

Nxënësja: Asnjëherë! As e mendoj!

Profesori Agron Bego: Ëëë…?

Nxënësja: As e mendoj!

Profesori Agron Bego: E vërtetë kjo?

Nxënësja: Shumë e vërtetë!

Profesori Agron Bego: Shiko! Nuk është turp, ta kam thënë…,por ëëë.., nuk di ëë.., d.m.th, ajo moshë, nuk dinë të bëjnë seks.

Nxënësja: Si?

Profesori Agron Bego: Ajo moshë nuk dinë të bëjë seks dhe nuk ma merr mendja, se ti nuk ke bërë seks.

Nxënësja: S’ta merr mendja! Pse duhet të jesh kaq i sigurtë, që unë s’…për këtë pjesën?

Profesori Agron Bego: Pfff…, unë …edhe ti, po vetë mosha, edhe natyra jote, nuk ka…/tvklan.al

 

 

 

LEXO TE PLOTE

Denoncim

“Gjobëvënës dhe sekser/ Kunati i Ben Blushit përzgjidhet për në Gjykatën e Lartë”

Publikuar

-

Nga

top story plagjiaturat

Ish-kryeministri Sali Berisha deklaron se Alban Brati, kunati i drejtorit të Top Medias është përzgjedhur si anëtar i Gjykatës së Lartë.

Duke iu referuar mesazhit të një qytetari dixhital, Berisha thotë se Brati është denoncuar si gjobvënës e sekser dhe ka dosje për ndjekje penale.

Sipas tij, Alban Bratit ia bën vetingun Blushi, për të cilin thotë se është 24 orë në 7, në lëpirje të kryeministrit Edi Rama.

LEXO EDHE:  Denoncimi/ OSHEE po u rrjep lëkurën qytetarëve

LEXO EDHE:  Denoncimi i policit/ Kushërinjtë e Tahirit dhe nipi i Leskajt, kultivues droge në Vlorë

“Mirmbrëma zoti Berisha! Desha t’ju vë në dijeni se sapo e mësova se sekretari i Përgjithshëm i Kuvendi Alban Brati është përzgjedhur si kandidat për gjygjtar në Gjykatën e Lartë dhe se ky person është i kallëzuar në Prokurorinë e Tiranës si sekser ndërhyrës nëpër istutucione, gjobvënës dhe mashtruës. Çështja është ankimuar në Gjykatën Penale. Për më tepër mund të sjell dosjen aty ku të më adresoni”, thuhet në mesazh./ CNA.al

LEXO TE PLOTE

Denoncim

Denoncon “Fiks Fare”/ Rekomandimet për tek specialisti i jep farmacistja…

Publikuar

-

Nga

Emisioni “Fiks Fare”  denoncoi Qendrën Shëndetësore Tërpan, ku pacientët për të marrë një rekomandim për te mjeku specialit, u duhej të shkonin te farmacia përball Spitalit Rajonal Berat.Marsela Stavri, mjeke e famijes e njëkohësisht drejtoreshë e Q.SH.  Tërpan nuk i rekomandonte  vetë pacientët e saj, por duke lënë disa rekomandime të vulosura në Farmaci”  Lina”, ku farmacistja i plotësonte në vend të mjekes edhe pse kjo është shkelje.

“Fiks Fare” udhëtoi fillimisht në fshatin Zhitom , në ambulancën e fshatit. Bashkëpunëtorët e Fiksit pasi e gjetën të mbyllur ambulancën, shkuan në shkollën pranë për të kërkuar ndihmë. Fiksi telefonoi infermierin, pasi kishte nevojë për matje tensioni. Infermieri ofron shërbimin, e më pas , Fiksi largohet në drejtim të Beratit , për te Farmaci Lina ashtu siç bëjnë banorët e fshatit. Bashkëpunëtorët i kërkuan farmacistes se kishin nevojë për një rekomandim te mjeku specialist për një familjarin e tyre. Farmacistja pasi sigurohet  që bëhet fjalë për banor të zonës,  nxjerrë nga sirtari disa rekomandime të gatshme, me firmë e vulë nga mjekja e familjes . Fillimisht  pyet se te cili mjek u nevojitej e më pas  bën të gjitha plotësimet në faqen e rekomandimit.

“Fiks Fare” udhëtoi përsëri drejt Tërpanit, për t’u interesuar pranë qendrës shëndetësore, ku mjeke familjeje e njëkohësisht drejtoreshë është Marsela Stavri.

Mjekja pranoi situatën, me pretendimin se  zona që ajo mbulonte , është zonë e thellë malore, e se banorëve u duhen shumë orë për të ardhur pranë qendrës, e më pas të shkojnë te specialisti. Ajo thotë se  kështu ka funksionuar edhe para se ajo të ishte mjeke në atë zonë, pasi farmacistja i njeh banorët, ishte e zonës. ” Unë nuk e di që është shkelje, e kemi bërë për të ndihmuar popullatën” -sqaroi mjekja.

Por edhe farmacistja pohoi të njëjtën arsye   se pse lëshonte rekomandime, kur u pyet nga “Fiksi”.

LEXO EDHE:  Denoncimi i “Fiks Fare”/ Dëshmia e 12 vjeçares: Dhunë seksuale dhe bullizëm tek “Zyber Hallulli”

LEXO EDHE:  Denoncimi i "Fiks Fare"/ Dëshmia e 12 vjeçares: Dhunë seksuale dhe bullizëm tek “Zyber Hallulli”

“Ti nuk e di çdo të thotë të ecësh nga 4 orë në këmbë për te qendra shëndetësor, për t’i ndihmuar e kam bërë, ta dija kështu nuk i ndihmoja fare” deklaroi ajo.

“Fiks Fare” iu drejtua Njësisë Vendore të Kujdesit Shëndetësor  Berat për  për të marrë një përgjigje për rastin.  Drejtori i NJVKSH , Artur Bani sqaroi se rekomandimet për te mjeku specialist lëshohen online nga mjeku i familjes, me përjashtim të rasteve, si zona e Tërpanit, ku shpeshherë ka probleme me internetin, pasi është zonë  malore. Ai thekson se rasti në fjalë është shkelje, e se duhet ngritur një grup punë për të verifikuar.” Masat administrative do t’ua vëmë në dispozicion  ” -përfundoi Artur Bani./ Top Channel

LEXO TE PLOTE