Connect with Us

Demaskohet Salianji/ Ja si përdor GJEDNJ nga frika e burgut

Politikë

Demaskohet Salianji/ Ja si përdor GJEDNJ nga frika e burgut

Publikuar

-

Ish deputeti demokrat Ervin Salianji nën panik nga burgu nuk di më se çfarë deklaron. Në një konferencë për mediat ai u shfaq duke sulmuar gjyqtarin që ka dhënë dënimin.

“Vendimi i (Artan) Gjermenit bie ndesh me jurisprudencën e GjEDNj, pasi i jep prioritet privatësisë dhe reputacionit publik të një të dënuari me vendim të formës së prerë për trafik narkotikësh që ka vëllain Ministër të Brendshëm, në dëm të lirisë së shprehjes së një politikani të opozitës dhe një gazetari investigativ”, është shprehur Salianji.

Kjo është një nga frazat që ka përdorur, Salianji në konferencën për shtyp.

Kjo është një nga frazat që tregon se ai është një sharlatan, një karagjoz politik bashkë me ata që ia përgatisin tekstet ose ata që flasin publikisht në emër të Opozitës.

Së pari, është po Ervin Salianji, i njëjti person i cili ka paditur media që GJEDNJ e ka përdorur për të kundërtën.

CNA.al është një nga mediat e paditura nga Ervin Salianji, i cili  jurisprundecën e Gjykatës Evropiane të të Drejtave të Njeriut e përdor në anën e kundërt, duke thënë që duhet të dënohet media se i ka prishur imazhin një politikani.

Pra,  kur i do interesi Salianjit dhe atyre avoketërve të tij, shkojnë në Gjykatë dhe bëjnë padi ndaj medias duke përdorur Gjykatën Evropiane të të Drejtave të Njeriut në mbrojtje të Salianjit, se iu prish imazhi një kllouni politik, i dalë nga skutat e Henri Çilit dhe që sot po e njohin publikisht të gjithë shqiptarët.

Në atë rast Salianji kërkoi dënimin e stafit të City News.al, sepse kishim publikuar fotot e tij me Henri Çilin, sepse kishim thënë është një klloun i UET-it të Çilit dhe të tjera si këto.

Pra, kishim thënë çdo të vërtetë, kundër një politikani dhe asgjë më shumë se sa kaq. Për më tepër pa i dëmtuar aspak karrierën. Përkundrazi i bëmë reklamë, se nga një garues i thjeshtë në një kryetar të FRPD-së në atë kohë, Salianji u bë deputet dhe sot po gjykohet si ish- deputet, po për një “krim” që e ka bërë kur ka qenë deputet. Pa folur për videon me G.D që u fsheh si struci.

Ne kërkoi të na dënonte duke na paditur në Gjykatë, sepse thamë të vërtetat për të, pra për një politikan dhe si një gazetar.

Ndërsa, sot ai thotë  jurisprudenca e GJEDNJ-së, është e kundërta, ashtu siç i intereson atij.

LEXO EDHE:  Faktet-Një mashtrues si Ervin Salianji/ Dënimet e vëllait nga Anglia në Gjermani

Sot edhe pse në deklaratën e tij përmend vëllain e ish-ministrit të Brendshëm si njeri të dënuar me vendim gjykate, në atë kohë ne nuk e kemi ditur, por më pas janë publikuar dokumentat për dënimin e vëllait të Salianjit.

E pra në qoftë se Salianji ka një standart si politikan, ose duhet t’i kërkojë falje publikisht shqiptarëve për aktin që ka bërë dhe ose të dalë publikisht dhe t’i kërkojnë ndjesë City News.al dhe gazetarëve të saj për padinë që ka bërë në gjykatë. Një rrugë të tretë nuk ka.

Se në një rast kërkon të përdorë GJEDNJ-në, për lirinë e shprehjes të gazetarëve investigativë, kundër një politikani apo të dënuari dhe në rastin tjetër e përdor për t’i dënuar.

Dhe tani kur ndodhet para këtij fakti thotë se iu dhanë të drejtë vëllait të dënuar të ish-Ministrit të Brendshëm. Po edhe Salianji e ka vëllain e dënuar. Në qoftë se jemi përballë fakteve se kush  ka vëllain e dënuar, kjo nuk është as politikë as  gazetari investigative.

Pra, nuk ka dy standarte, ka vetëm një standart. Salianji, ose të kërkojë falje publike ndaj nesh dhe të pranojë të vërtetat publike që i kemi thënë, ose të pranojë atë që ka bërë se nuk ka mundësi tjetër.

Sipas Salianjit, GJEDNJ,  duhet t’i japë të drejtë atij si politikan dhe gazetarit investigav. Në rregull deri këtu. Po, në rastin e padisë ndaj CNA.al pse nuk kishte të drejtë gazetaria dhe rivalët politik brenda PD-së.

Ish-deputeti i PD-së, duhet të jetë i qartë, se ne si media do t’ia themi të gjitha, për sa kohë ai të jetë në politikë ashtu si kemi bërë. Dhe për këtë nuk ka  as ligj censure të Edi Ramës dhe as një jurispridencë të GJEDNJ që na ndalon. Por të gjitha janë në krahun tonë.

Nuk mund ta përdorësh në 2020, GJEDNJ, sipas qejfit, njëherë në favor te tënd edhe pse ke bërë një një veprim të kundërt dhe një herë tjetër me të njëjtën argument juridik ke shkuar dhe ke paditur një media. Asaj media minimalisht duhet t’i kërkosh të falur publikisht ose duhet të dalësh po publikisht t’i kërkosh të falur Fatmir Xhafës, zgjidh e merr./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Vizita në Athinë dhe çaji me Erdogan/ Pollo zbulon “përpjekjet e dështuara” të Ramës

Publikuar

-

Nga

Ca fjalë për Ramën si kryetar i OSBE-së dhe për sikletet pa fund të kryetarllëkut

Ish-ministri demokrat Genc Pollo, ka reaguar pas deklaratave të kryeministrit Edi Rama nga Athina, ku ka zhvilluar edhe një darkë pune me kryeministrin grek Kyriakos Mitsotakis.

Pollo deklaron se Rama bën propagandë edhe kur kalon kufijtë e Shqipërisë.

Ish-ministri i përmend Ramës çajin me presidentin Recep Tayyip Erdogan dhe takimin në Athinë dhe deklaron se kreu i qeverisë po tenton të ndërtojë një arritje imagjinare diplomatike.



“Pas dështimit me video montazhe në vend i gënjen mendja se njësoj siç ndërtoi projekte imagjinare me 3D për të fshehur dështimin e qeverisjes, do të ndërtojë edhe arritje imagjinare diplomatike.

LEXO EDHE:  Deputeti injoron Salianjin/ “Nuk komentoj kalamaj”

LEXO EDHE:  Deputeti injoron Salianjin/ "Nuk komentoj kalamaj"

I pandashëm nga propaganda e gënjeshtra Rama duket thjesht si një cirk lëvizës që herë buzëqesh me çajin përpara në Turqi dhe herë pozon si lider global në Athinë. Askush nuk i ka harruar premtimet dhe zotimet e tij që e bëjnë qesharak përpara e Europës që gjithnjë e më shumë e ka mbyllur në kafazin e harresës.

Varfëria, kriza ekonomike dhe mungesa e një plani konkret për përballimin e pandemisë janë e vërteta që dhemb dhe që rëndon në kurrizin e shqiptarëve. E që nuk e zgjidhin dot shëtitjet dhe e farfuritjet diplomatike të Edi Ramës!”, shkruan ai./ CNA.al

LEXO TE PLOTE

Politikë

“Kandidimin në PD nuk e refuzoi vetëm Topalli”/ Enriketa Papa: Brenda shtatorit del lista me 300 emra

Publikuar

-

Nga

“Vettingun e PD-së nuk e refuzoi vetëm Topalli”/ Enriketa Papa: Brenda shtatorit del lista me 300 emra

Anëtarja e Komisionit për Vlerësimin e Kandidatëve për Deputet në Partinë Demokratike, Enriketa Papa,  ka deklaruar se formularin e vetdeklarimit të selisë blu nuk e ka refuzuar vetëm Jozefina Topalli.

Në një intervitë për Report Tv, ajo u shpreh se ka patur edhe figura të tjera të Partisë Demokratike që kanë hequr dorë nga kandidimi nën siglën e PD-së në zgjedhjet e ardhshme.

“Nuk është vetëm zonja Topalli që ka mohuar procesin e përzgjedhjes së përfaqësuesve politikë të Partisë Demokratike, por ka patur edhe emra të tjerë, jo ndoshta në rangun e zonjës Topalli, por edhe të tjerë të cilët unë nuk e di cilat kanë qenë arsyet që kanë refuzuar plotësimin e formularit.

LEXO EDHE:  Balla paralajmëron Shkullakun live/ Tërhiq deklaratën ose do të hedh në gjyq… Ironizon edhe Salianjin

LEXO EDHE:  Bashkim Shehu kallëzon për “shpërdorim detyre” paraardhësin e tij

Komisioni e ka kapërcyer pak afatin e 15 shtatorit edhe për shkak të diskutimeve, argumentevedhe informacioneve shtesë që ne kemi kërkuar. Komisioni është i përqendruar që të mbarojë sa më shpejt procesin edhe për shkak se motorët elektoralë janë ndezur për të gjitha palët dhe serioziteti e përkushtimi është maksimal për ta përfunduar brenda shtatorit shqyrtimin e të gjitha kandidaturave dhe dërgimin për votim në anëtarësi”, është shprehur ajo./CNA.al

 



 

 

 

 

LEXO TE PLOTE

Politikë

Nga Astrit Patozi/ Një propozim konkret për të shpëtuar zgjedhjet e 25 prillit

Publikuar

-

Nga

Nga Astrit Patozi/ Një propozim konkret për të shpëtuar zgjedhjet e 25 prillit

Mos bëni sikur po ziheni se kush e respekton më shumë OSBE/ODIHR-in, se maksimumin e dashurisë për të e keni shprehur më 5 qershor, kur i hodhët në kosh kryerekomandimin mëse 10 vjeçar për depolitizimin e administratës zgjedhore. Dhe nënshkruat atë marrëveshje të turpshme për ta lënë gjithçka siç ishte, mjafton që kryetarokracia të mos prekej. Një palë duke bërtitur fitore, se gjoja e shpëtuan Shqipërinë nga manipulimi, që i bie se e rekomandonte me forcë OSBE/ODIHR-i, kurse pala tjetër duke bërë si e mërzitur, por ndërkohë duke mbushur xhepin me gjysmën e komisionerëve dhe të numuruesve në gjithë Shqipërinë.

Nuk ua quan njeri këtë debatin e sajuar për ruajtjen e koalicioneve si më parë, ndërkohë që ka ndryshuar kushtetuta, për të cilën janë të qartë të gjithë, si ata që po e kërkojnë, ashtu edhe ata që po shtiren sikur nuk kanë ndërmend të lëshojnë pe. Çdo zvarritje në këtë drejtim mund të shërbejë vetëm për të shtyrë ditët e aleatëve të Lulzim Bashës brenda koalicionit, por asgjë më shumë se sa kaq. Nuk do të jetë e largët dita që secili prej tyre apo të gjithë bashkë do të ndajnë mendjen, nëse do të garojnë në një listë të përbashkët, apo secili më vete. Ky është i vetmi vendim që duhet të marrin dhe duke e vonuar, nuk është se fitojnë ndonjë gjë. Por tek e fundit, ky është halli i tyre, të cilit duhet t’i dalin zot vetë.

Problemi i Shqipërisë është që zgjedhjet e 25 prillit të paktën të jenë normale, se të lira dhe të ndershme, mbetet ende një fjalë e madhe në këtë vend. Dhe armikun kryesor, përveç qeverisë, që është në çdo rast aty për të vjedhur dhe manipuluar, ato kanë pikërisht komisionet e politizuara të votimit dhe të numurimit. Dhe këtë e dinë më mirë se gjithë të tjerët dashnorët e përvëluar të OSBE/ODIHR-it këto ditët e fundit, sepse për këtë punë e kanë bërë.

LEXO EDHE:  Protesta e opozitës/ Salianji: Gazi lotsjellës është karamele

LEXO EDHE:  Balla paralajmëron Shkullakun live/ Tërhiq deklaratën ose do të hedh në gjyq... Ironizon edhe Salianjin

Por meqë jemi ende në kohë për të shkruar rregullat e lojës në Kodin Zgjedhor, ka një mënyrë për ta minimizuar rolin e çakejve politikë në qendrat e votimit, pa e prekur marrëveshjen e 5 qershorit, megjithë neverinë që kemi për të. Por e duam apo nuk e duam ne, ajo tashmë është një fakt.

Dhe kjo mund të bëhet me komisione të depolitizuara numurimi, që llogarisin vetëm votat e kandidatëve brenda listave finale të paraqitura në KQZ.

Që do të thotë se votat për partitë apo subjektet zgjedhore të vazhdojnë t’i numurojnë komisionet politike, sipas marrëveshjes së 5 qershorit, por pastaj ata të dorëzojnë detyrën.



Kjo formulë garanton:

1-Mosprekjen e dakordësisë së 5 qershorit, që mund të shërbejë si zgjidhje kompromisi për të gjitha palët e interesuara për zgjedhje korrekte, duke përfshirë edhe nënshkruesit e saj.

2-Reflektimin e ndryshimeve kushtetuese te 30 korrikut si një realitet i ri në administrimin e zgjedhjeve, njësoj si hapjen e listave, pavarësisht që dikush e pëlqen, e dikush tjetër jo.

3-Nxjerrjen nga konflikti i interesit të çdo numuruesi, i cili jo vetëm karshi kundërshtarëve, por edhe brenda partisë apo subjektit të vet zgjedhor, mund të ketë kandidatë preferencialë dhe të tjerë të pëdëshiruar.

4-Krijimin e një mekanizmi verifikues për vetë komisionerët politikë, të cilët do të kenë parasysh se dikush tjetër do ta çertifikojë rezultatin e dalë prej tyre, gjë që me siguri do t’i bëjë më pak trima se më parë për të manipuluar rezultatin.

Mjafton kaq pak të bëjmë për ta ndryshuar kryekëput dhe paradhënie atmosferën dhe pse jo edhe fatin e zgjedhjeve të 25 prillit në Shqipëri, të cilat janë të kërcënuara kryesisht prej atyre, që sot po bëjnë be për kokën e OSBE/ODIHR-it.

LEXO TE PLOTE