Connect with Us

Themeluesi i PD-së, letër Kadri Veselit/ “Mos u bëj si Lulzim Basha, që u pa gjithmonë si marionetë e Berishës”

Kosova & Rajoni

Themeluesi i PD-së, letër Kadri Veselit/ “Mos u bëj si Lulzim Basha, që u pa gjithmonë si marionetë e Berishës”

Publikuar

-

Anëtari i Këshillit të Përgjithshëm të PDK-se, Lirak Çelaj i është drejtuar me një letër të hapur kryetarit të PDK-së, Kadri Veselit, ku kërkon hapjen e partisë, dhe instalimin e demokracisë në strukturat e brendshme të saj.

Me anë të letrës, Çelaj i ka bërë edhe disa kritika Veselit ku, i ka kërkuar që të mos marrë shembullin e kreut të PD-së së Shqipërisë, Lulzim Bashës, i cili sipas tij nuk është parë kurrë ndryshe, veçse si marionetë e Sali Berishës.

Letra e plotë:

Letër publike

kryetarit të PDK z. Kadri Veseli

I nderuari kryetar, z. Veseli

I shqetësuar me rrjedhën në Partinë Demokratike të Kosovës, unë si një ndër themeluesit dhe njëri ndër aktivistët më të hershëm të saj, të cilës ia kam përkushtuar gjithë aftësitë dhe dijet e mija, vendosa që të ju drejtohem me këtë letër publike me shpresën se do të dëgjoni zërin tim publik, pas indiferencës së manifestuar brenda partisë dhe me shpresën se do t’i ndalni disa veprime që e dëmtojnë atë dhe ta shpëtoni Partinë prej kësaj rruge që ka marrë.

Sa herë, siç do ta keni mbajtur në mend ju dhe anëtarët e tjerë të forumeve të Partisë, kam shprehur këto shqetësime më herët qoftë në forumet partiake, qoftë në bisedat private, por fatkeqësisht nuk e shoh që janë marrë parasysh. Prandaj vendosa që debatin ta hapi me shpresën e dëshirën se diçka do të ndryshojë.

Jo për kurtuazi, por sinqerisht i jam gëzuar shumë ardhjes suaj në PDK, e pastaj në krye të saj. Duke ju çmuar mbi të gjitha si njeri dhe si veprimtar i guximshëm që i keni dhënë shumë këtij vendi, kam besuar shumë që do të bëni ndryshimet e nevojshme, sidomos të atyre rregullave që nuk i ndihmonin zhvillimit përpara të Partisë, të instaluara në këtë subjekt nga mos dija, apo interesat e ngushta të individëve me ndikim, kam pritur unë dhe anëtarë të tjerë të Partisë që kanë zgjedhur heshtjen si pakënaqësi, se do t’ia ktheni partinë anëtarësisë dhe do të instaloni demokracinë e brendshme. Kam besuar se do të veproni atë që thoni. Fatkeqësisht nuk ndodhi ashtu.

Unë ende konsideroj që ju jeni njeri shumë i mirë, por jeni rrethuar me njerëz të cilët po ju këshillojnë që të mos jeni ai që keni qenë, por të bëheni dikush tjetër. Që partia nuk duhet t’i mbrojë dhe të identifikohet me vlerat mbi të cilat është themeluar, që i ka mbrojtur dhe të cilat përbëjnë ADN-në e PDK-së, por tash duhet të jeni “kuller”. Praktika që të dëgjueshmit, ata që veprojnë si t’u thotë “shefi”, të ngritën sa më lartë qoftë në parti apo në pozita udhëheqëse vetëm sa e ka dëmtuar edhe më shumë PDK-në. Në shumicën e rasteve janë individë që veprojnë si marioneta, avatarë, ngjashëm me modelin Lulzim Basha, i cili kurrë nuk u pa ndryshe pos si marionetë e Sali Berishës. Pra, tendenca që në pozitat udhëheqëse të jenë njerëzit e dikujt, sepse me ta kryejmë punë si të duam, kanë dëmtuar Partinë dhe qëllimet e saj themeltare dhe po vazhdojnë ta dëmtojnë. Është trasuar praktika ku zhvillimi i karrierës politike nuk bëhet me punë e përpjekje të mbara për Partinë e vendin, në struktura, por duke ia bartur çantën kryetarit, ose duke i duartrokitur me rend e pa rend.

Ajo që asnjëherë nuk u rregullua është demokracia e brendshme, ku zgjedhjet bëhen vetëm formalisht për të “legjitimuar” individët “avatarë” dhe për t’i paraqitur gjoja si vullnet të strukturave, në fakt pa i konsultuar ato.

LEXO EDHE:  “Kanë harruar luftën”/ Përmeti zbulon marrëveshjen e fshehtë mes Ramës, Metës dhe Bashës

Rasti i fundit me zgjedhjen e Kryesisë është shkelja më flagrante e të drejtës që e mbron Statuti i Partisë, ku secili anëtar ka të drejtë të zgjedhë dhe të zgjidhet në të gjitha instancat e partisë. Pra ju keni emëruar një grup njerëzish dhe nuk keni lejuar të zhvillohet garë demokratike siç e do demokracia. Keni shpërfillur besimin e strukturave të PDK-së duke vënë në krye të saj njerëz që u pëlqejnë bashkëpunëtorëve tuaj, por jo Partisë. Madje edhe njerëz që nuk janë pjesë e Këshillit Drejtues, njerëz që deri dje e kanë sharë PDK-në, njerëz që përveç servilizmit nuk paraqesin asnjë vlerë tjetër. Natyrisht në atë Kryesi ka edhe njerëz shumë të mirë dhe me vlera, por unë po flas vetëm për një pjesë të saj. Ashtu siç duket një pjesë e Kryesisë së re, asaj do t’ia kishte zili edhe PSD-ja e Shpend Ahmetit (jo kjo e Dardan Molliqajt).

Ka kohë që PDK-ja sikur turpërohet nga identiteti i saj që ka të bëjë me UÇK-në, me ish të burgosurit politikë, por edhe të tjerë aktivistë patriotë dhe intelektualë të sprovuar në stuhitë nëpër të cilat ka kaluar vendi. Ajo ka filluar të interpretohet si diçka demode, prandaj është pranuar këshilla për ndërrim të imazhit, ndryshim të identitetit, të shndërrimit “në kuller”.

Në emër të gjoja reformës, nga disa bashkëpunëtorë tuaj, por shumë të përkrahur nga ju,më shumë janë bërë spastrime sesa reforma. Nuk jam kundër sjelljes së kuadrove të reja, përkundrazi, mendoj se është e domosdoshme, por se duhet të ketë një kriter dhe një rrugë, pa dëmtuar të tjerë aktivistë dhe një mundësi që të dëshmohen këto kuadro dhe të fitojnë besimin e shumicës përmes formave të aktivitetit në bazë.

Në zgjedhjet e fundit dolëm me rezultatin më të keq që kishte pasur PDK ndonjëherë dhe lëre që askush nuk e mori përgjegjësinë për këtë dështim, por ndodhi e kundërta, të gjithë ata që ishin në shtab zgjedhor u rizgjodhën dhe u avancuan. Kjo duket sikur u shpërblyen për humbjen.

Sa ka pasur angazhim që individë të caktuar të dalin sa më të votuar, mendoj që ka qenë më mirë të angazhoheshit që partia të dalë më mirë e jo individët.

Konsideroj se është momenti i fundit që vendimmarrja t’i kthehet partisë, të rritet transparenca dhe demokracia, të ndalet praktika e ngritjes së individëve që nuk dinë të ecin me këmbë të veta, por vetëm në krahun e shefave dhe pa ta rrezohen menjëherë.

Po ju them sinqerisht, me disa persona që na i keni vënë në krye dhe të cilëve u keni deleguar shumë pushtet, unë nuk identifikohem aspak, as me të kaluarën e as me të tashmen e tyre. Në emër të reformës po dëmtoni ADN-në e PDK-së.

Disa nga ata që na i ke vënë në ballë, gjithsesi të kujton proverbin domethënës, sipas të cilit deveja po jepte shpirt dhe pronari i saj ia kërkon hallallin dhe deveja ia bën të gjitha hallall përveç kur ia kishte vënë para karvanit gomarin. Edhe unë po ua bëj hallall të gjitha përveç kësaj.

Me shpresë se kjo letër nuk do të hasë në vesh të shurdhër dhe nuk do të keqkuptohet, por do të merret si një kontribut i imi vullnetmirë për të mirën e përgjithshme, ju përshëndes.

Me respekt

Lirak Çelaj, anëtar i Këshillit të Përgjithshëm të Partisë Demokratike të Kosovës.

Prishtinë, 4 janar 2020.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Asnjë viktimë në 24 orë/ Bie numri i të infektuarve me Covid në Kosovë

Publikuar

-

Nga

Asnjë viktimë në 24 orë/ Bie numri i të infektuarve me Covid në Kosovë

Në 24 orët e fundit nuk është raportuar asnjë viktimë nga Covid-19 në Kosovë.

Instituti Kombëtar i Shëndetësisë Publike të Kosovës bën me dije se gjatë ditës së fundit janë testuar 592 persona si të dyshuar me Covid-19, prej të cilëve kanë rezultuar pozitivë 63 prej tyre.



Rastet pozitive janë nga: komuna Prishtinë 24 raste, komuna Lipjan 7 raste, komuna Mitrovicë 6 raste, komuna Fushë Kosovë 4 raste, komuna Prizren 4 raste, komuna Klinë 3 raste, komuna Suharekë 3 raste, komuna Deçan 2 raste, komuna Malishevë 2 raste, komuna Vushtrri 2 raste dhe me nga një rast komunat Ferizaj, Gjakovë, Istog, Obiliq, Pejë dhe Rahovec.

LEXO EDHE:  Habit Berisha: Vetë dhashë dorëheqjen, por në statut mos të jetë

LEXO EDHE:  “Kanë harruar luftën”/ Përmeti zbulon marrëveshjen e fshehtë mes Ramës, Metës dhe Bashës

Deri më tani në Kosovë 616 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 15.333./CNA.al

LEXO TE PLOTE

Kosova & Rajoni

Gjobitet në Maqedoni Zoran Zaev/ Ndëshkohen edhe zv.kryeministri me ministrin e Shëndetësisë

Publikuar

-

Nga

Gjobitet në Maqedoni Zoran Zaev/ Ndëshkohen edhe zv.kryeministri me ministrin e Shëndetësisë

Kryeministri i Maqedonisë së Veriut Zoran Zaev është gjobitur në shtetin fqinj nga patrulla e policisë.

Mësohet se Zaev është gjobitur për shkak se ka udhëtuarv me motor pa kaskë, ndërsa drejtësisë së Maqedonisë së Veriut nuk i ka shpëtuar as zëvendëskryeministri Lupço Nikollovski dhe mininistri i Shëndetësisë, Venko Filipçe.

Ndaj Nikollovskit dhe Filipçes rëndon akuza e korrupsionit dhe shkeljes së rregullave të qarkullimit në trafik. Ata janë gjobitur nga policia e Maqedonisë së Veriut me nga 50 euro secili në vlerë denari.



Zaev dhe dy vartësit e tij u gjobitën tre ditë më parë, ndërsa lajmi është bërë i ditur vetëm ditën e sotme nga mediat e shteit fqinj, të cilat kanë publikuar fotot e gjobave.

LEXO EDHE:  Propozimi PS për hapjen e listave/ Basha mbledh aleatët

LEXO EDHE:  Zbardhet udhëzimi/ Basha “shpërblen” protestuesit

Ndërkohë, kujtojmë se disa ditë më parë në rrjetet sociale u publikua një video e Zaev, i cili nuk kishte kaskë teksa drejtonte motorrin, duke shkaktuar një mori reagimesh./ CNA.al

LEXO TE PLOTE

Kosova & Rajoni

Vdekjet e “dyshimta” nga COVID-19

Publikuar

-

Nga

Vdekjet e “dyshimta” nga COVID-19

Më 9 shtator, Ragip Kajtazi nga fshati Syriganë në Komunën e Istogut, mori lajmin se motra e tij vdiq në Klinikën Intensive të Qendrës Klinike Universitare të Kosovës, ku edhe ishte e hospitalizuar si paciente me COVID-19, sëmundjen që e shkakton coronavirusi.

Megjithatë, ai filloi të dyshojë se motra e tij 71-vjeçare kishte vdekur nga virusi, pasi që nuk kishte marrë asnjë dokument zyrtar nga mjekët që vërtetonte se ajo kishte qenë e infektuar.
“Ditën e tretë në spital më kanë njoftuar që ka COVID-19, por në përcjellje të terapisë gjendja herë ka qenë stabile, e herë është përkeqësuar”, thotë Kajtazi.

“Çfarë ka vepruar mjekësia, unë nuk mund t’i paragjykoj ato gjëra. Ata më thanë se motra kishte vdekur nga virusi, por nuk kam marr asnjë letër (dokument) prej mjekut që ajo ka qenë pozitive me COVID-19 ose negative”, thotë ai për Radion Evropa e Lirë.

Kajtazi vendosi që dyshimet e tij t’i vërtetojë dhe kërkoi që motrës t’i bëhet autopsia.
Dy ditë pasi kishte vdekur motra e tij rezultatet dolën ndryshe nga ajo që ishte thënë më herët.
“Në mostrën e testuar nuk ka prezencë të ARN-së të virusit SARS-Cov-2. Testimi është kryer me Real Time PCR”, thuhet në raportin e Institutit Kombëtar të Shëndetësisë Publike të Kosovës pas kryerjes së autopsisë.
Kajtazi tregon për Radion Evropa e Lirë se nuk ka mundur të marrë pjesë as në varrimin e motrës së tij, pasi që i është thënë të qëndrojë në vetizolim, për shkak se ishte vazhdimisht në shoqërim të motrës së tij.

Obduksion për çdo të vdekur
Një konfuzion rreth numrit të vdekjeve nga COVID-19 është krijuar edhe më datë 19 shtator.
Në njoftimin e përditshëm të Institutit Kombëtar të Shëndetësisë Publike të Kosovës (IKSHPK), fillimisht u raportuan tri raste të vdekjes për atë ditë, por tri orë më vonë përmes një reagimi ky Institut tha se rastet e raportuara si vdekje nga COVID-19, kishin rezultuar negativë.
Neuropsikiatri Jusuf Ulaj, thotë për Radion Evropa e Lirë se për të shmangur dyshimet mbi vdekjet nga ky virus, atëherë duhet që çdo vdekjeje të dyshimtë t’i bëhet obduksioni.
“Vdekjet nuk mund të fshihen, por dyshohet se ka interferencë edhe nga politika sa i përket dinamikës dhe numrit ditor të raportimeve. Ka raste që kalojnë infeksionin dhe dalin negativë në testim, por vazhdojnë të kenë komplikime pas kalimit të infeksionit. Pra, disa mund të vdesin pasi që e kanë trajtuar virusin dhe rrjedhimisht mund të ketë gabime në përcaktimin e saktë të shkakut të vdekjes dhe raportimit të tyre”, thotë Ulaj.
Mirëpo, drejtori i Shërbimit Spitalor dhe Klinik Universitar (SSHKUK), Valbon Krasniqi, thotë për Radion Evropa e Lirë se nuk ka vend për dyshime sa i përket numrit të vdekjeve nga COVID-19.
Krasniqi thotë se rënia e numrit të rasteve të reja të infektuara me koronavirus nuk përcillet domosdoshmërisht edhe me uljen e numrit të rasteve që kërkojnë trajtim spitalor në mënyrë të menjëhershme.



“Inkubacioni i këtij infeksioni sillet nga një deri në dy javë. Atëherë është e pritshme që pas kësaj periudhe kur fillon të bie numri i rasteve të reja, do të fillojë të bie edhe numri i rasteve të hospitalizuara. Po ashtu edhe numri i atyre që përfundojnë me fatalitetet nuk pritet të zvogëlohet të paktën deri në dy javë prej kur fillon të ulet numri i rasteve të reja të infektuara”, thotë Krasniqi.

LEXO EDHE:  Basha rrit tonet kundër Ramës/ Hiq dorë nga kërcënimet!

LEXO EDHE:  Video-Basha braktiset në takimin për Qeverinë tranzitore

Besimi i luhatur në sektorin e shëndetësisë
Rasti i familjes Kajtazi nuk është i pari në Kosovë. Një rast tjetër ka ndodhur gjatë muajit prill.
Pas dyshimeve që patën familjarët e një gruaje 39-vjeçare nga Istogu, që ishte viktima e tetë nga koronavirusi në Kosovë, kërkuan që t’i bëhej autopsia.
Asnjë nga familjarët e saj nuk kishin rezultuar pozitivë me koronavirus, andaj me kërkesë të tyre, trupi ishte zhvarrosur për t’iu kryer autopsia.

Rezultatet vërtetuan se ajo nuk kishte qenë e infektuar.
Në fillim të muajit korrik, saktësisht më 5 korrik, disa familjarë ngritën dyshime për vdekjen e të afërmve të tyre që ishin të shtrirë në Klinikën Infektive si pacientë me COVID-19.
Infektologu Hamdi Ramadani, tash i pensionuar, thotë për Radion Evropa e Lirë se deklaratat kundërthënëse të mjekëve të ndryshëm dhe ekspertëve shëndetësorë, kanë ndikuar që qytetarët të mos besojnë që të afërmit e tyre po vdesin nga COVID-19.
“Kjo ka bërë që njerëzit, pra qytetarët apo familjarët e të vdekurve, kanë shprehur dyshime nëse eventualisht sëmundja është shkaktuar nga COVID-19 ose sëmundje të tjera. Këtë desha të them se këto vdekje, ne ende nuk e dimë a janë të shkaktuara nga COVID-19”, thotë ai.

Numër i vogël i testimeve
Derisa në Kosovë brenda ditës nuk bëhen më shumë se 500 teste, në vendin fqinj, Maqedoninë e Veriut, bëhen nga 1,000 deri 1, 500 teste.
Infektologu Hamdi Ramadani thotë se për t’u bërë një vlerësim real i gjendjes me COVID-19, në Kosovë duhet të bëhen më shumë teste.
“Numri i të testuarve është shumë i vogël, jashtëzakonisht i vogël. Pa e ditur sa kemi njerëz të testuar dhe sa i kemi pozitivë e sa negativë, ne e kemi të vështirë ta vërtetojmë se si do të sillet sëmundja pas një jave ose tri jave”, thotë Ramadani.
Rastet e para me koronavirus në Kosovë janë paraqitur në muajin mars. Që nga ajo kohë, mbi 15 mijë qytetarë të Kosovë janë infektuar me koronavirus dhe rreth 13 mijë janë shëruar.
Derisa si pasojë e koronavirusit, sipas të dhënave zyrtare, kanë vdekur mbi 600 persona.

LEXO TE PLOTE