Connect with Us

LSI drejt shkrirjes?/ Kryemadhi nuk heq dorë nga joshja me postet publike

Politikë

LSI drejt shkrirjes?/ Kryemadhi nuk heq dorë nga joshja me postet publike

Publikuar

-

Kryetarja e LSI-së Monika Kryemadhi është shfaqur sot me deklarata joshëse drejtuar qytetarëve.

Ajo u ka bërë ftesë atyre që të bëhen pjesë e LSI në këmbim të funksioneve shtetërore.

“Nën dritën e dekadës së re, ne e ofrojmë këtë investim për këdo që ka dëshirën, vullnetin dhe aftësinë, për t’u përfshirë në listat e partisë, për të garuar dhe për t’u bërë pjesë me angazhimin dhe kontributin e tyre nga kandidatë për deputetë, kryetarë bashkie, për  këshilltarë, anëtarë në komisionet politike pranë LSI, të forumeve drejtuese apo të konkurojnë për drejtues të degëve në të gjithë Shqipërinë”,është shprehur Kryemadhi.

A thua se postet shtetërore janë pronë private e Kryemadhit dhe ajo i ndan si t’i dojë.

Në fakt këto lloj deklaratash nuk përbëjnë habi, pasi Kryemadhi dhe bashkëshorti i saj themelues i LSI, sot Presidenti Ilir Meta, njihen për pazare që në thelb kanë interesat të tyre.

Nëpërmjet pazareve politike dhe “tepsisë së pushtetit”, ata sot jetojnë në luks dhe për më tepër gjejnë guximin ta justifikojnë përpara qytetarëve.

LEXO EDHE:  LSI drejt shpërbërjes/ 3 këshilltarë në Lezhë i bashkohen PS

Thirrja e saj për bashkim me LSI –në, vjen në një kohë kur i gjithë opinioni publik, pret që ajo dhe bashkëshorti i saj të japin llogari për pasurinë e dyshimtë që kanë vënë ndër vite. Të japin llogari për milionat e eurove për shkollimin e fëmijëve jashtë vendit.

Por, nga ana tjetër Kryemadhi, sot tregoi me zë dhe figurë se LSI është dobësuar më shumë se kurrë.

Rrudhja e LSI, kulmoi në vitin 2018, ku dhjetra këshilltarë bashkiakë u bashkuan me grupin e këshilltarëve të Partisë Socialiste.

LSI, sot në mjaft qytete thuajse është inekzistente, dhe sipas të gjitha gjasave “partia” e vetme që do t’i mbetet Kryemashit dhe Metës është SPAK, i cili pritet të hetojë psuritë e dyshimta dhe korrupsionin e politikanëve./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ambasadori i BE ultimatum palëve politike/ “Të finalizohen emërimet në Gjykatën Kushtetuese”

Publikuar

-

Nga

Ambasadori i BE ultimatum palëve politike/ “Të finalizohen emërimet në Gjykatën Kushtetuese”

Ambasadori i BE në Tiranë, Luigi Soreca, i ka bërë thirrje autoriteteve shqiptare të finalizojë emërimet në Gjykatën Kushtetuese.

Soreca thekson se autoritetet shqiptare duhet të veprojnë pa vonesë, me synimin për të rivendosur plotësisht funksionimin e Gjykatës.

“Është thelbësore që të finalizohen emërimet në Gjykatën Kushtetuese. #BE  vazhdon të inkurajojë autoritetet shqiptare të veprojnë pa vonesë, me synimin për të rivendosur plotësisht funksionimin e Gjykatës. Kjo është një kërkesë e Konkluzioneve të Këshillit të BE-së të datës 25.3.20 dhe duhet të përmbushet para Konferences së parë Ndërqeveritare. Opinioni i Komisionit të Venecias ofron udhëzimet e nevojshme për të gjithë autoritetet kompetente shqiptare për të përfunduar me shpejtësi emërimet. BE vazhdon të qëndrojë pranë #Shqipërisë në rrugën e saj të pranimit në BE”, shkruan ambasadori Soreca./CNA.al



"Është thelbësore që të finalizohen emërimet në Gjykatën Kushtetuese. #BE 🇪🇺 vazhdon të inkurajojë autoritetet shqiptare…

Gepostet von European Union in Albania am  Montag, 14. September 2020

LEXO TE PLOTE

Politikë

Hapja e shkollave/ Tomini: Presim të rriten rastet e infektimeve, qytetarët të bashkëpunojnë

Publikuar

-

Nga

Hapja e shkollave/ Tomini: Presim të rriten rastet e infektimeve, qytetarët të bashkëpunojnë

Shefja e Survejancës dhe Shërbimit të Inteligjencës Epidemike në Institutin e Shëndetit Publik, Eugena Tomini, ka folur sot lidhur me hapjen e shkollave.

Tomini tha se pritet që rihapja e shkollave të sjellë rritje të rasteve të të infektuarve me koronavirus.

“Realisht prezenca e infeksioneve respiratore nuk do jetë lidhur vetëm me Covid, por Covid do jetë prioritar. Risku nuk është zero përsa i përket prezencës së nxënësve dhe mësuesve në të njëjtin ambjent. Një rol të rëndësisëhm kanë edhe nxënësit dhe prindërit që do të ndihmojnë me bashkëpunimin. Kemi një pritshmëri të rritjeve të rasteve, kryesisht të problemeve respiratore”, u shpreh ajo në emisonin “Top Talk”.



Përsa i përket mbajtjes së maskave nga nxënësit, specialistja e ISHP deklaroi se nuk është e dëmshme, pasi do të mbahet për një kohë të shkurtër.

LEXO EDHE:  Meta provokon sërish debat/ Në 26 vjet vetëm retorikë e egër politike

LEXO EDHE:  E “braktisi” në ceremoni/Meta e pranon publikisht: Monika nuk vihet kollaj në rresht

Ndërkohë, Tomini theksoi se çdo rast i dyshuar sapo të marrë konfirmimin se është pozitiv duhet të izolohet Gjithahstu ajo kërkoi bashkëpunimin e qytetarëve./ CNA.al

LEXO TE PLOTE

Aktualitet

Lufta kundër pastrimit të parave/ Ngrihen strukturat në shtatë prokurori

Publikuar

-

Nga

23 prokurorë angazhohen në luftën ndaj pastrimit të parave dhe sekuestrimin e aseteve kriminale

Ditën e sotme janë organizuar seksionet e posaçme në prokuroritë  pranë gjykatave të rretheve gjyqësore në luftën kundër pastrimit të parave, financimit të terrorizmit, krimeve financiare dhe sekuestrimin e konfiskimin e aseteve kriminale.

Janë gjithesej 23 prokurorë, të cilët do të angazhohen posaçërisht në hetimet që lidhen me krimet në fushën e tatimeve, doganave, pastrimin e produkteve të veprës penale, financimin e terrorizmit, dhe sekuestrimin e konfiskimin e aseteve të krimit.

Përmes krijimit të këtyre strukturave, synohet rritja e efikasitetit në hetimin dhe gjykimin e këtyre veprave penale si dhe goditja e pasurive të vëna në mënyrë të paligjshme.

LEXO EDHE:  LSI kërkon të shpallen të pavlefshme zgjedhjet në Vorë



Strukturat e krijuara do të mbështeten nga njësi të specializuara në Drejtorinë e Përgjithshme të Policisë së Shtetit, Drejtorinë e Tatimeve, Drejtorinë e Doganave si dhe nga Drejtoria e Prandalimit të Pastrimit të Parave. Puna e tyre do të mbështetet në nivel qendror nga koordinimi mes Prokurorisë së Përgjithshme, Ministrisë Brendshme dhe Ministrisë së Financave, të cilat do të garantojnë sigurimin e mbështetjes së nevojshme për mirëfunksionimin e tyre./CNA.al

 

LEXO EDHE:  E “braktisi” në ceremoni/Meta e pranon publikisht: Monika nuk vihet kollaj në rresht

 

LEXO TE PLOTE