Connect with Us

Zbulohen pijedashësit/ Ky qytet i Shqipërisë ka shpenzuar dyfish më shumë se mesatarja “për raki dhe duhan”

Sociale

Zbulohen pijedashësit/ Ky qytet i Shqipërisë ka shpenzuar dyfish më shumë se mesatarja “për raki dhe duhan”

Publikuar

-

Shqiptarët janë shquar për dashurinë e tyre ndaj pijes dhe këtë e tregon edhe tradita që ende vijon për prodhimin e verës dhe rakisë së shtëpisë. Megjithatë, shifrat na tregojnë se dibranët janë “më pijedashësit” e vendit. Sipas të dhënave të Anketës së Buxhetit të Familjeve, në vitin 2018 ata rritën peshën e shpenzimeve për pije alkoolike dhe duhan në 6% të totalit të shpenzimeve të tyre. Një vit më parë, po sipas kësaj ankete, shpenzimet për këtë kategori në qarkun e Dibrës zinin rreth  5.4% e totalit të shpenzimeve. Krahasuar me mesataren e vendit, pesha e shpenzimeve të tyre për pije dhe duhan ishte thuajse dyfish më e lartë. INSTAT raporton se mesatarisht një familje në Shqipëri rreth 3.5% të totalit të shpenzimeve të tyre ia dedikon këtij zëri.

Në vend të dytë, renditet qarku i Elbasanit, të cilët gjithashtu gjatë vitit 2018 rritën shpenzimet për pijet alkoolike dhe duhan që ishin sa 5.2% e totalit të shpenzimeve nga 4.9% që ishte një vit më parë. Pas tij renditet qarku i beratit dhe Lezhës me 4.8% të totalit.  Por, në krahasim me një vit më parë duket se lezhjanët kanë shtrënguar dorën për sa i përket shpenzimeve për pije alkoolike dhe duhan, të cilët shpenzonin një vit më parë 5.7% të totalit të tyre.

LEXO EDHE:  Tahiri: Shqipëria nuk është imune nga sulmet terroriste

Kukësi dhe Korça, të dy këto qarqe, kishin gjithashtu shpenzime më të larta se mesatarja e vendit me përkatësisht 4.4% të totalit dhe 3.8%.

Nga ana tjetër qarku me shpenzimet më të ulëta për këtë kategori, renditet Vlora, ku sipas të dhënave të INSTAT kanë ulur shpenzimet për pije dhe duhan në masën prej 2% të totalit, nga 2.25 që ishin në vitin e kaluar.

Nuk është aspak çudi që edhe qarku i Gjirokastrës ka shënuar gjithashtu shpenzime të ulëta, prej vetëm 2.2% të totalit. Por, kjo nuk do të thotë që konsumojnë më pak pije alkoolike, pasi shpenzimet në anketë nuk përfshijnë konsumin e qytetarëve nga prodhimi  artizanal i verës dhe rakisë.

Po ashtu shpenzime relativisht të ulëta janë regjistruar edhe në Durrës dhe Shkodër, ku sipas Anketës së Buxhetit të Familjes, shpenzimet ishin përkatësisht 2.4 dhe 2.7%.

Ndërsa me një diferencë të ulët me mesataren e vendit renditet qarku i Fierit dhe Tiranës, ku mesatarisht janë shpenzuar për pijet alkoolike dhe Duhanin 3.2 dhe 3.3% e totalit të shpenzimeve të familjeve në këto qarqe./ Monitor

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. Kris

    3 Janar, 2020 at 9:08 pm

    Pogradeci eshte numri nje.Nuk krahasohen butet me vere me gotat!

Komentoni

Your email address will not be published. Required fields are marked *

Sociale

Shën Valentini ju gjeti vetëm? Në QTU gjeni dashurinë dhe fitoni udhëtim falas

Publikuar

-

Nga

Edhe ky Shën Valentin ju ka gjetur single? Epo, ky lajm me siguri që do t’ju gëzojë të gjithëve, pasi jo vetëm që do të keni mundësinë të gjeni një partner, por nëse i jepni mundësinë njëri-tjetrit për t’u njohur më shumë, do të fitoni një udhëtim në çift, në një nga destinacionet më të pëlqyera, me gjithçka të përfshirë.

Është pikërisht Qendra Tregtare Univers, e njohur ndryshe si QTU që këtë Shën Valentin, ka vendosur që t’i surprizojë të gjithë dhe në datat 13-14-15, duke sjelle për herë të parë në qendër “Kupidin e Dashurisë”, një organizim i QTU që për tre ditë me radhë do të jetë në ndihme të dashurisë së vërtetë.
Si funksionon?

Në datat 13-14-15 në qendër do të jetë “Kupidi” prezantuesi i njohur Eni Shehu, personazhi i cili do të bëjë të mundur bashkimin mes çifteve. Ju vetëm duhet t’i drejtoheni atij dhe të shprehni dëshirën për të njohur një person dhe ai do kujdeset të gjejë atë që mund t’i përshtatet personalitetit tuaj.
Çiftet do të kenë mundësinë të ulen dhe të pinë diçka, për të kuptuar nëse kanë interes reciprok dhe aty do të vendosin nëse do t’i japin një mundësi njëri-tjetrit për t’u njohur jashtë QTU. Nëse shigjeta e kupidit shënon, ata do të fitojnë një udhëtim falas, në destinacione si, Mavrova, Kolashini, Meteora etj.

LEXO EDHE:  5 euro për të hyrë në BE, tarifa prek edhe shtetasit shqiptarë

LEXO EDHE:  Gjosha vizitë në Hungari/ Szijjarto: Pro integrimit të Shqipërisë në BE

Ky aktivitet vjen në kuadër të Shën Valentinit dhe për tre ditë me radhë pritet që të sjellë një atmosferë mjaft të veçantë në qendër.

Por, jo vetëm kaq!
Qendra Tregtare Univers ka menduar edhe për ata që janë të dashuruar, duke sjellë një broshurë speciale me ide dhuratash Shën Valentini, për meshkuj dhe femra. Ju mund të shfletoni broshurën online në qtu.al, ku mund të shikoni sugjerimet e brandeve te QTU për dhurata vërtete unike, si edhe ofertat e dyqaneve për këto 3 ditë.

QTU, qendra e parë tregtare në vend është një nga destinacionet më të preferuar të qytetarëve, të cilët e zgjedhin jo vetëm për të bërë blerje cilësore, por edhe për të kaluar kohën e lirë, me shumëllojshmërinë e zgjedhjeve që qendra ofron.

QTU menaxhohet nga Acrem që është pjesë e Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon.

LEXO TE PLOTE

Sociale

“Shkollat në Shqipëri po kthehen në streha të pedofilëve/ Ministrja Shahini të japë llogari”

Publikuar

-

Nga

Qendra për Mbrojtjen e të Drejtave të Fëmijëve në Shqipëri CRCA/ECPAT ka reaguar lidhur me skqandalin e publikuar nga “Stop” për ngacmimin seksual të nxënëses nga mësuesi.

CRCA/ECPAT Shqipëri, vëren me shqetësim dhe indinjatë se ky nuk është as rasti i parë, por as rasti i fundit, në të cilin mediat dhe emisionet investigative arrijnë të regjistrojnë me zë dhe figurë praninë e dhunës seksuale në shkollat tona, duke treguar sa se të pambrojtur janë fëmijët dhe nxënësit në mjediset shkollore nga grabitqarët seksualë. Të shumta kanë qënë rastet e denoncimeve të fëmijëve të dhunës seksuale të mësuesve në institucionet arsimore publike.

Jo më larg se 10 ditë më parë, Gjykata e Durrësit dha vendimin me burgim për 7 adoleshentët e arrestuar për përdhunimin e të miturës në ambientet e një shkolle në Kavajë. Në Nëntor të vitit 2019, u dha vendimi i dënimit për mësuesin që dhunoi seksualisht nxënësen 11 vjeçare në shkollën e fshatit Kalasë të Delvinës. Në korrik të vitit 2019, Gjykata e Gjirokastërs, sërish me një tjetër çështje mbi dhunën seksuale të një mësuesi ndaj nxënëses së tij. Në korrik të 2019, një tjetër rast i rëndë i dhunës seksuale ndaj një vajze të mitur në mjediset e shkollës në Arapaj të Durrësit, ndërsa në Tepelenë, një mësues 63 vjeçar u akuzua për ngacmime seksuale në shkollë.

Sipas CRCA/ECPAT, të gjitha këto raste të ndodhura brenda një periudhe kaq të shkurtër kohore, fatkeqësisht tregojnë se Ministria e Arsimit, Sportit dhe Rinisë, dhe në veçanti drejtuesja e saj, ende nuk e kanë kuptuar jo vetëm shkallën e lartë, por edhe përhapjen e fenomenit të dhunës seksuale në institucionet e arsimit publik në vend!

LEXO EDHE:  Shqipëria e 111-ta për disponueshmërinë dhe cilësinë e infrastrukturës së transportit

LEXO EDHE:  Transparency International publikon raportin për korrupsionin/ Ja sa pozicione ka humbur Shqipëria  

“Shkollat tona nga mjedise mësimi, po kthehen në streha të pedofilëve dhe grabitqarëve seksualë! Nisur nga rasti më i fundit, CRCA/ECPAT Shqipëri, i kërkon Ministres së Arsimit, Besa Shahini, t’I jap pargjigje publike ketyre pyetjeve: 1. Ndonëse renditen në një vit kaq shumë raste të dhunës seksuale ndaj fëmijëve dhe adoleshentëve në brendësi të mjediseve arsimore publike, cilat janë masat dhe zgjidhjet që ka ndërmarrë vetë ministrja e Arsimit në lidhje me mbrojtjen e tyre? 2. Çfarë mekanizmash të rinj ka krijuar Ministrja aktuale e Arsimit, për të raportuar çdo rast të dyshuar apo të vërtetuar të dhunës dhe ngacmimeve seksuale ndaj fëmijëve? 3. Çfarë masash ka propozuar ministrja Shahini për të eleminuar nga trupat pedagogjike të gjithë ata mësues që tentojnë apo edhe kryejnë krime seksuale ndaj nxënësve e fëmijëve? CRCA/ECPAT Shqipëri, bazuar në këtë ngjarje të rëndë që duket se përsëritet, do të kërkojë urgjentisht një interpelancë të Ministres së Arsimit Shahini, në Komisionin Parlamentar për Edukimin dhe Mjetet e Informimit Publik, për të dhënë llogari përpara deputetëve, shoqërisë civile, prindërve, mësuesve dhe fëmijëve mbi situatën se si është e mundur që grabitqarët seksualë tashmë po ulen këmbëkryq në shkollat publike shqiptare”m thuhet në reagim./CNA.al

LEXO TE PLOTE

Sociale

Raporti global i ushqyerjes 2019/ Shqipëria ‘jashtë kursit’ për diabetin dhe mbipeshën

Publikuar

-

Nga

Barra e kequshqyerjes ndër vite po ndihet në mesin e shqiptarëve, teksa një studim i fundit nënvizon se Shqipëria ka ende shumë punë për të bërë, për të adresuar siç duhet problematikat nga mbipesha dhe diabeti.

Sipas raportit më të fundit global të Ushqyerjes, Shqipëria është në rrjedhën e duhur për të përmbushur objektivat globale për nën-pesë nën mbipeshë, ata që po vuajnë urie nën pesë vjeç, humbje jete nën pesë vjeç dhe peshë të ulët të lindjes, por është jashtë kursit për të përmbushur objektivat për ushqyerjen ekskluzive të foshnjeve, anemi në gratë e moshës riprodhuese, diabetin te meshkujt dhe femrat, si dhe mbipeshën te meshkujt dhe femrat.

“Megjithëse performon relativisht mirë kundër vendeve të tjera në zhvillim, Shqipëria ende përjeton një ngarkesë të kequshqyerjes në mesin e popullsisë nën pesë vjeç. Që nga viti 2017, prevalenca kombëtare e mbipeshës nën 5 vjeç është 16.4%, e cila është ulur nga 23.2% në 2009. Prevalenca kombëtare e stunting nën-pesë është 11.3%, që është më pak se mesatarja e vendit në zhvillim prej 25%. Prevalenca e jetëve të humbur nën 5 vjeç e Shqipërisë prej 1.6% është gjithashtu më pak se mesatarja e vendeve në zhvillim prej 8.9%.”-thuhet në raport.

Në Shqipëri, 36.5% e foshnjave nën 6 muaj ekskluzivisht ushqehen me gji, kjo është shumë mbi mesataren e Evropës Jugore prej 19.6%. Prevalenca e peshës së ulët të lindjes në Shqipëri në vitin 2015 prej 4,6% është ulur pak nga 4.9% në vitin 2000.

Popullsia e rritur në Shqipëri gjithashtu përballet me një peshë të kequshqyerjes. 25.3% e grave në moshë riprodhuese kanë anemi, dhe 7.7% të burrave të rritur kanë diabet, krahasuar me 7.1% të grave. Ndërkohë, 21.8% e grave dhe 21.6% e burrave janë mbipeshë.

LEXO EDHE:  5 euro për të hyrë në BE, tarifa prek edhe shtetasit shqiptarë

LEXO EDHE:  Shqipëria e 111-ta për disponueshmërinë dhe cilësinë e infrastrukturës së transportit

Raporti Global i Ushqyerjes u krijua pas Samitit të parë të Nutricionit për Iniciativën e Rritjes (N4G) në 2013 si një mekanizëm për ndjekjen e angazhimeve të bëra nga 100 palë të interesuara që përfshijnë qeveritë, donatorët e ndihmës, shoqërinë civile dhe bizneset. Një vit më pas, nisi botimi i parë i këtyre raporteve vjetore.

Sot, Raporti Global i Ushqyerjes është raporti kryesor në botë për gjendjen e të ushqyerit global. Është udhëhequr nga të dhënat dhe prodhohet në mënyrë të pavarur çdo vit për të hedhur dritë se ku është arritur përparimi dhe për të identifikuar se ku mbeten sfidat. Raporti synon të frymëzojë qeveritë, shoqërinë civile dhe palët e interesuara private që të veprojnë për t’i dhënë fund kequshqyerjes në të gjitha format e saj. Ai gjithashtu luan rol të rëndësishëm për të ndihmuar palët e interesuara të japin llogari ndaj angazhimeve që ata kanë bërë në drejtim të trajtimit të kequshqyerjes./Monitor

LEXO TE PLOTE