Connect with Us

Syri i keq/ Shkaktari i sëmundjeve në shoqëritë tradicionale

Politikë

Syri i keq/ Shkaktari i sëmundjeve në shoqëritë tradicionale

Publikuar

-

Pavarësisht se, mbërritëm në dekadën e dytë të shekullit ’21, besimi tek “syri i keq”, djalli, magjitë apo forcat demonike në përgjithësi nuk është shuar. Madje, këto fenomene merren si shkaqe për shumë sëmundje, edhe pse këto të fundit mund të shpjegohen fare mirë me metoda mjekësore.

Studimi me titull “Shpjegimi i sëmundjeve përmes të keqes”, i cili gjithashtu përfshiu një pjesë të mirë të Ballkanit, tregon se jo vetëm në të kaluarën e largët, por edhe në kohën tonë, shumë njerëz kanë tendencë të interpretojnë ekzistencën e sëmundjeve me veprimin e forcave demonike.

Studiues nga vende të ndryshme, të udhëhequr nga profesori Brock Bastian i Shkollës së Psikologjisë në Universitetin e Melbourne në Australi, publikuan artikullin përkatës në revistën “Proceedings B”. Ky studim u bazua në pyetësorë mbi besimin tek forcat e errëta dhe gojëdhëna të vjetra ku përfshiu rreth 58,000 njerëz, nga 50 vende. Në fokus ishte shpjegimi i sëmundjeve përmes “miteve” popullore.

Është zbuluar se në vendet ku sëmundjet infektive historikisht janë më të përhapura, njerëzit kanë qenë dhe kanë më shumë të ngjarë të besojnë në fuqinë e së keqes dhe në përgjithësi në veprimin e forcave demonike të padukshme për syrin e njeriut. Kur murtaja preku Europën në Mesjetë, u vranë shumë gra me anë të “gjuetisë së shtrigave”, të cilat dyshoheshin si shkaktare të sëmundjeve apo fatkeqësive të tjera. Fenomene të tilla vërehen edhe sot, sidomos në Afrikë ku sëmundjet infektive si ebola janë shumë të përhapura.

LEXO EDHE:  Lufta kundër Covid/ Qeveria gjermane publikon masat e reja me dy faza

Mendësia që bën shkaktare forcat e errëta për sëmundjet është e përhapur më tepër në vende si Nigeria, Bangladeshi, Filipinet, Kina etj. Nga ana tjetër, në Finlandë, Gjermani, Austri, Zvicër, Suedi, këto pikëpamje janë më të zbehta, për shkak edhe të një informimi shkencor më të mirë mbi sëmundjet. Çuditërisht, kjo nuk vlen për vendet e tjera të zhvilluara si SHBA dhe Japonia, ndërsa Ballkani dhe Spanja, ndoshta si vende që baraspeshojnë traditën me jetën moderne, ndodhen diku në mes.

Nëse besimet arkaike, të cilat i atribuojnë sëmundjet shpirtrave të këqij janë bërë pjesë e kulturës popullore, e kanë të vështirë të zhduken plotësisht, sipas shkencëtarëve. Kjo është arsyeja pse edhe sot një mentalitet i tillë zë vend edhe në shumë shoqëri moderne, si rezultat i të cilave problemet shëndetësore i atribuohen vullnetit të Zotit ose djallit dhe shpresë për ta janë vetëm shëruesit shpirtërorë.

Sidoqoftë, dikur ekzistonte një aspekt i dobishëm dhe praktik rreth besimit se të sëmurët janë nën ndikimin demoniak, pasi nga frika i izolonin ata, duke shmangur kështu përhapjen e sëmundjeve./Përshtati nga kathimerini.gr, CNA.al.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Blinken: SHBA nuk ka partner e mik më të mirë se Gjermaninë

Publikuar

-

Nga

Blinken: SHBA nuk ka partner e mik më të mirë se Gjermaninë

Sekretari amerikan i Shtetit Antony Blinken falenderoi të mërkurën Kancelaren e Gjermanisë, Angela Merkel për “udhëheqjen e jashtëzakonshme” duke thënë se “SHBA nuk kanë një partner më të mirë, një mik më të mirë sesa Gjermaninë“.

Duke theksuar nevojën për bashkëpunim dhe partneritet shumëpalësh në balladaqimin me sfidat globale, që nga pandemia, tek ndryshimet klimatike e deri tek teknologjitë e reja, Sekretari Blinken vlerësoi rolin e Gjermanisë si shembull në disa fronte.

“Mendoj se ne jemi të një bindjeje se kemi përgjegjësi, sidomos në këtë moment, për të demonstruar se demokracia është sistemi që funksionon për të përmirësuar jetë njerëzish në mbarë botën,” theksoi zoti Blinken.

Ai u ndal tek puna që ka bërë Gjermania lidhur me krizën në Libi, si bashkorganizatore e konferencës shumëpalëshe të së mërkurës përkrah OKB-së, për të arritur përparim drejt krijimit të kushteve përr zgedhje të sigurta dhe pastrimin e këtij vendi nga luftëtarët e huaj.

“Konferenca e sotma ishte një shembull shumë i mirë i punës që ka bërë Gjermania lidhur me Libinë dhe shpresojmë që nga ky moment të fillojmë të shohim një Libi në rrugën e sigurisë, lirisë dhe pavarësisë, të mbështetur nga komuniteti ndërkombëtar.

LEXO EDHE:  Dëmet e krizës pandemike në rajon/ Komisioni Europian: Më lehtë e kaloi Serbia
LEXO EDHE:  Zemërim në Gjermani pas sulmit ndaj Bundestagut

Sekretari amerikan i shtetit vazhdoi më tej se kishte tema të tjera me interes të përbashkët si Kina dhe Rusia, por shtoi se “për sot, zonja Kancelare, më lejoni të them Faleminderit! Po ashtu dua t’ju them se Presidenti Biden mirëpret takimin me ju në Uashington muajin e ardhshëm”.

Takimi me Kancelaren Merkel pasoi bisedimet mes zotit Blinken dhe homologut gjerman Heiko Maas.

Vizita e zotit Blinken në Gjermani nxori në pah përmasat dhe forcën e marrëdhënieve SHBA-Gjermani, por nuk duket se ka shenja përparimi në temën e gazjellësit rus Nord Stream 2. As zoti Blinken, as ministri i Jashtëm Mass nuk ofruan hollësi mbi afate kohore për një zgjidhje të mundshme.

Zoti Blinken ndodhet në Gjermani në vizitën e tij të dytë në Evropë brenda shtatë ditësh, pasi shoqëroi Presidentin Biden në takimin e tij me aleatët evropianë në Britani dhe Belgjikë.

Pas Gjermanisë, zoti Blinken do të vizitojë Francën dhe Italinë në kuadër të turneut të tij të parë në këto tre vende në rolin e kryediplomatit amerikan./ VOA

LEXO TE PLOTE

Politikë

Integrimi në BE/ Zef Mazi: E prisja shtyrjen e negociatave, nuk është hata

Publikuar

-

Nga

Integrimi me BE/ Zef Mazi: E prisja shtyrjen e negociatave, nuk është hata

Kryenegociatori i Shqipërisë për çeljen e negociatave me Bashkimin Europian, Zef Mazi, ka folur për shtyrjen e negociatave të Shqipërisë dhe Maqedonisë së Veriut.

Mazi tha se e priste këtë vendim, ndërsa u shpreh se Shqipëria i ka plotësuar të gjitha kërkesat dhe është për të ecur përpara në konferencën ndërqeveritare.

Ai deklaroi në emisionin “Arnautistan” se shpreson që të zgjidhet ngërçi mes Maqedonisë së Veriut dhe Bullgarisë, që shkaktoi edhe shyrjen e nisjes së bisedimeve.

“Sot në mbledhje nuk ka pasur asnjë vërejtje për Shqipërinë se i ka plotësuar të gjitha kërkesat dhe është për të ecur përpara në konferencën ndërqeveritare. Ngërçi midis një shteti anëtar dhe një shteti kandidat bëri që të mos ecë përpara një vendim i mundshëm për konferencën ndërqeveritare. Në rastin e hapjes së bisedimeve teknike ngërçi mes Maqedonisë së Veriut dhe Bullgarisë ka bërë që të shtyhet ky vendim. Starti teknik i negociatave, që është ulja në tavolinë do të duhet të miratohet kuadrin negociues i vendit nga Këshilli i BE dhe më pas paraqitet kuadri nacional i Shqipërisë.

LEXO EDHE:  FOTOT-Vuante nga një sëmundje e rrallë/ Ndahet nga jeta aktori i njohur i Bollywoodit

LEXO EDHE:  Zemërim në Gjermani pas sulmit ndaj Bundestagut

Pas miratimit bëhet konferenca e parë ndërqeveritare. Dje është diskutuar nëse do të duhet një konferencë e parë ndërqeveritare midis dy vendeve ose jo, për Shqipërinë s’ka pasur kontestime. Nuk është hata vendimi i djeshëm. Unë e prisja dhe e di procedurën që ndiqet. Shpresohet që ende mes Bullgarisë dhe Maqedonisë së Veriut do të gjendet kompromis. Presidenca gjermane dhe portugeze e këshillit bënë përpjekje të mëdha dhe presidenca sllovene besoj do ta gjejë zgjedhjen”, theksoi diplomati./ CNA.al

LEXO TE PLOTE

Politikë

Zgjedhjet e 30 qershorit/ Zbardhet vendimi i Gjykatës Kushtetuese

Publikuar

-

Nga

Kuvendi rihap garën për një vend vakant në Kushtetues/ Afati dhe kriteret

Gjykata Kushtetuese ka pezulluar gjykimin e zgjedhjeve vendore të 30 qershorit, që u ankimuan nga opozita joparlamentare.

Kushtetuesja ka vendosur të çështja të pezullohet dhe t’i drejtohet edhe njëherë Komisionit të Venecias përsa i përket kësaj çështjeje.

Pas seancës maratomë që ka zgjatur rreth 9 orë, Gjykata Kushtetuese doli në përfundimin se duhet pritur opinioni i Venecias.

LEXO EDHE:  Nëse bëni këto tre veprime jeni duke i shkatërruar veshkat me dorën tuaj

LEXO EDHE:  Gjermani/ Niveli më i ulët i papunësisë që nga viti 1990

Ndërkohë, kujtojmë se kryebashkiakja demokrate në detyrë e Shkodrës, Voltana Ademi, ankimoi zgjedhjet në korrik të 2019-ës, ku kërkoi që të mos njihen./ CNA.al

LEXO TE PLOTE