Libri vs Teknologjia/ Kush do të triumfojë?

31 Dhjetor 2019, 22:00, Blog CNA

Libri vs Teknologjia/ Kush do të triumfojë?

E shumëpërfolur është tashmë tema me në krye fjalinë: ?Njerëzit po i largohen leximit të librave.

Njeriu percepton përmes shqisave, thith, përpunon dhe nxjerr informacion nga to. Megjithatë, atë e dallon një element i ?pazbuluar? ende krejtësisht, një element që e bën të kërkojë infomacion përtej shqisave. Bëhet fjalë për një informacion të cilin e percepton me intelekt, bëhet fjalë për përgjigje ndaj pyetjeve të cilat duket sikur i ngre nga askundi, bëhet fjalë për dije.

Kujtesa dhe tradita kanë dëshmuar se dija, përgjatë historisë është lidhur ngusht me librin si objekt. Nëpër libra janë bërë kërkime të së vërtetës, analiza fenomenesh, janë ngritur pyetje e janë bërë aludime, janë dëshmuar e janë sajuar ngjarje, është bërë i mundur transmetimi dhe vazhdimësia e artit, shkencës, filozofisë, fesë e politikës, të cilat nuk janë gjë tjetër veç pjellë e nevojës së njeriut për të kaluar mbi veten e tij, mbi shqisat e tij duke bërë hapa drejt së vërtetës.

Kjo nevojë e njeriut, e lidhur me librin, shprehur tek ai, për t?u kërkuar tek ai, duket se është universale dhe se fle potencialisht brenda njeriut.

Përveçse si ?dritare dijeje? libri është trajtuar edhe si objekt për të kaluar kohën tonë në mënyrë të këndshme, gjë që lidhet me tendencen e njeriut për t?u marrë mendërisht me diçka, për ta përqendruar vëmendjen diku. Leximi i një libri bën që kjo energji, a vëmendje, e destinuar për t?u harxhuar, të harxhohet në mënyrë cilësore.

Zhvillimi i teknologjisë sjell me vete informacion më lehtësisht të aksesueshëm, bibliotekat e enciklopeditë mund të përmblidhen në disa faqe interneti, infomacioni dhe ?dija? tashmë serviret elektronikisht, pa kufizime sasiore, cilësore apo vështirësi aksesi. Mund të gjenden referenca të gatshme për një punim që do të kryesh, apo edhe punimi i tërë i gatshëm.

Gjithashtu mund të gjesh shumicën e veprave letrare, shkencore, filozofike etj. dhe t?i lexosh nga përtej ekranit. Ke mundësi pafund për të shfrytëzuar në rrugën tënde drejt dijes. Sigurisht, teoria se njeriu bëhet më dembel kur e merr informacion të tillë, të gatshëm mund të qëndrojë, por, përmes kësaj mënyre aksesi, mbase njeriu po zhvillon një tjetër lloj hetimi, atë që i nevojitet në periudhën kur jetojmë.

Megjithatë, faktet tregojnë se largimi prej librit, nuk nënkupton largim prej librit fizik. Pavarësisht mundësive që u përmenden më lart, faqet më të klikuara në internet nuk janë libraritë online dhe përdorimi i këtyre të fundit nuke justifikon rënien e interesit kundrejt librit fizik./CNA.al