Connect with Us

Një sindikatë për Arlindin dhe qorrat e tij

Denoncim

Një sindikatë për Arlindin dhe qorrat e tij

Publikuar

-

Prej disa ditësh, një sekt politik i njohur si “Organizata politike” , gjoja përfaqësuese e Qemal Stafës së dikurshëm apo idealeve të komunistëve të djeshëm, që me aksione kohët e fundit i është versulur biznesit, ka ngritur një tymnajë.

Në fakt, kjo organizatë ka qenë e paprekshme mediatikisht, për herë të parë shuplakën e mori gjatë protestave të studentëve vjet, kur Arlind Qorrin dhe të tjerët i dëbuan. Deri në atë kohë ata ishin thuajse të pangacmueshëm nga askush, askush nuk iu përgjigjej, përtej ndonjë debati politik që Arlind Qorri si drejtues i tyre, një pedagog i Universitetit të Tiranës që paguhet nga taksat e qytetarëve shqiptarë, bënte mbrojtjen e Universiteteve publike. Këtë e bënte në media duke kundërshtuar ligjin e arsimit të lartë, ndoshta në një rast të drejtë.

Por, mesa duket, qëllimi i Arlind Qorrit nuk ka qenë mbrojtja e një kauze qytetare, por marrja e rrogës nga taksapaguesit shqiptarë të cilët mbështesin biznesin, mbështesin sistemin kapitalist dhe paguhet për të ngritur tymnaja neokomunistësh dhe grupesh revolucionare në dëm të biznesit dhe shoqërisë shqiptare.

Çfarë ka ndodhur në fakt me atë të ashtuquajtur sindikatë dhe me Bulqizën ku Arlind Qorri dhe një tufë kalamajsh që e ndjekin nga pas, nga ata aksionistët që të kujtojnë vullnetarët e Enverit në ’90, po ngrenë në media, në rrjetet sociale, sikur çfarë ka ndodhur.

Në Bulqizë nuk ka një koncesion, por janë rreth 700 të tilla , gati 700 subjekte që operojnë. Në një prej tyre, kryesorin dhe me një investim prej rreth 30 milion eurosh kohët e fundit, Arlind Qorri, i përdorur, i urdhëruar politikisht, mesa duket, ka tentuar të ngrejë një sindikatë të dytë, një sindikatë paralele për interesa spekulative.

Në bazë të ligjit ka një sindikatë dhe sindikata njihet nga punëtorët, e cila është përfaqësuesja e tyre. Por Qorrit dhe atyre që qëndrojnë pas tij, ata që paralajmërojnë në media se do të sulmojnë bizneset dhe biznesmenët, këtu kujtojmë rastin e Monika Kryemadhit një javë apo dy javë më parë, nuk iu pëlqen por duan sindikatën e tyre në një biznes privat.

Janë të “rastësishme” sulmet e politikes ndaj biznesit dhe Arlind Qorri që versulet të ngrejë një sindikatë paralele.

Një gjë e ka të qartë, duhet sindikata e Qorrit dhe LSI patjetër, por sindikata është ndërtuar, punonjësit janë në një sindikatë, bëjmë një tjeter sipas qejfit edhe pse ska ligj ku të mbahet.

Arlindi, pas urdhrave politik shkon dhe kërkon të ndërtojë një sindikatë të dytë me disa njerëz të tjerë, në shkelje të ligjit, duke dhunuar edhe rregulloren e institucionit, biznesit i cili në fakt është brenda të gjitha rregullave ligjore.

Me këtë kanë ngritur një tymnajë, se nuk krijohet një sindikatë, se janë hequr njerëz nga puna. Në fakt nuk ka ndodhur asgjë e tillë. Në fabrikën e kromit apo kompaninë që pretendohet “Albchrome” ekziston sindikata, këtë e ka deklaruar dje edhe Kol Nikollaj me qëndrimin e tij, si kreu i Konfederatës së Sindikatave.

LEXO EDHE:  LSI mbledh Konventën Kombëtare/ Kryemadhi: Ne nuk e tradhëtojmë Shqipërinë

Ekziston një sindikatë ligjore dhe jo çdo i “çmendur” që ndjek nga pas organizata politike neokomuniste që Arlind Qorri, mund të dalë nëpër biznese e të ndërtojë sindikata se kështu ja ka shkrepur mendja atij, apo kështu duhet të bëjë sepse do Mona, Arlindi dhe qorrat që e ndjekin nga pas si vullnetarë të Enverit dje.

Ata po zbatojnë urdhra politikë të orientuar nga sekte të caktuara apo segmente  që kërkojnë të sulmojnë biznesin për t’u vënë gjoba apo për ta dëmtuar atë. Emri e ka Mona dikush e partia LSI ne terren qorrat.

Pra, kjo është e vërteta e asaj që ka ndodhur, nuk ka asgjë më shumë se sa kaq. Po përdoret një grup vullnetarësh enveristë kundër biznesit në Shqipëri dhe pikërisht njeriu që e drejton këtë grup, paguhet nga taksat e qytetarëve shqiptarë.

Ndërsa, të tjerët vijnë vërdallë, janë nga këta që pijnë duhan me të dredhur, që shkruajnë parrulla në rrugë, që mbajnë grushtat lart dhe bëjnë aksione si revolucionarë. Në fakt janë një tufë me spurdhjakë që nuk i duken dhe nuk i vlejnë askujt.

Në fabrikën dhe kompaninë “Albchrome” ka një sindikatë, Arlind Qorri ka shkuar të nxisë e krijojë një sindikatë tjetër se e do Mona për të krijuar përçarje midis bizneseve.

Për më tepër, ka edhe akuza se ai dhe të tjerë përdoren nga biznese rivale, pa folur këtu dhe për atë që u përmend më lart. Paralajmërimi i Monika Kryemadhit në media publikisht se do të kishte sulme ndaj bizneseve dhe menjëherë, “rastësisht” ndodhi kjo e Arlind Qorrit dhe të tijve. Kaq është situata dhe asgjë më shumë se sa kaq.

Ne, si media, kemi qenë të pozicionuar gjithmonë kundër këtyre rrymave neokomuniste apo anarkiste dhe pro biznesit e kapitalizmit duke demaskuar çdo veges e fare neomarksistesh.

Ditë pas dite do të publikojmë çdo detaj, të gjitha materialet që ne kemi në lidhje me këta personazhe të cilët një pjesë e mirë e tyre dërgohen nga familjet për të studiuar në Tiranë dhe përdoren për të tjera qëllime e për të tjera gjëra nga Arlind Qorri dhe të gjithë vullnetarët e Enverit që e ndjekin nga pas./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Denoncon “Stop”/Skandali në çerdhe, fëmija dhunohet nga personeli

Publikuar

-

Nga

Emisioni “Stop” në Tv Klan ka trajtuar një denoncim të ardhur nga Tepelena, sipas të cilit, një fëmijë është dhunuar në çerdhen e këtij qyteti.

Nëna tregon se në muajin Nëntor, fëmijën e saj e ka gjetur me shenjën e një pëllëmbe në fytyrë, pasi e ka goditur dikush nga personeli i çerdhes.

Edukatorja Natasha Qeli i thotë se nuk ka parë asgjë, sepse ishte duke u marrë me një fëmijë tjetër.

Më pas, prindi shkon në Bashkinë e Tepelenës, pasi ky institucion ka në varësi çerdhen. Në Bashki u ngrit një komision për ngjarjen dhe u vendos pushimi nga puna i edukatores. Por pas këtij vendimi, përgjegjësja e ushqimit të çerdhes, zonja Shpresa Meta, papritur shfaqet në shtëpinë e prindit dhe i përgjërohet që ta mbyllë me kaq këtë histori, sepse aktin nuk e ka bërë Natasha.

Në këto kushte, zonja tërheq denoncimin, por bën një deklaratë ku pohon se në atë çerdhen e fëmijës së saj është ushtruar dhunë nga personeli.

Jam nëna e një fëmije 2 vjeç e gjysmë e cila para 3 muaj e gjysmë ka pësuar një traumë në çerdhen e rrethit  të Tepelenës, sepse e ka goditur dikush aty në personel. Më thonë hajde të marrësh gocën sepse është shumë keq, po qan pa pushim dhe unë nuk po e pushoj dot. Edukatoret më thonë që goca është vrarë duke luajtur me fëmijët. Po goca ka shenja në fytyrë. Ka 5 gishta. Direkt kam lënë punën, jam nisur për tek edukatorja Natasha Çeli, duke i treguar foton që çfarë ka goca ime. Shumë e habitur dhe shokuar njëkohësisht, më thotë që nuk e kam idenë për çfarë po flet. I thashë, kush e ka idenë? Unë fëmijën ty ta kam lënë në dorë, nuk ja kam lënë dikujt tjetër. Jo s’e di, do jetë shtyrë me ndonjë fëmijë. Kjo s’është e shtyrë fëmijë, është pëllëmbë e një dore të rrituri tjetër aty.

Dhe më thotë që shko ankohu tek përgjegjësi se ka përgjegjës institucioni. Përgjegjësja është Shpresa. Shkoj në Bashki, sepse çerdhja varet nga Bashkia, dhe kërkoj aty përgjegjësen e institucionit. Zonja Arta më ka thënë që do ngremë një komision, të cilin e ngritën komisionin dhe pas 3 ditësh vendosën që të hiqnin nga puna Natasha Çelin, edukatoren e gocës. Deri këtu isha shumë e kënaqur me Bashkinë. Pastaj na shfaqet zonja Shpresë në shtëpi duke na ardhur dhe duke na kërkuar falje e përgjërime. Zëre se ta bëra unë, ja qëllomë mua dhe e mbyllim me kaq. Unë e kuptova që Natasha nuk e kishte bërë, sepse po ta kishte bërë nuk mund të rrinte pa reaguar. Do trembej, ose do thoshte më fal, unë e bëra. Kurse Natasha qëndroi stoike dhe mbi të gjitha mua Natasha më tha unë nuk kam parë gjë. Në momentin që mund të ketë ndodhur kjo, unë kam qenë duke ndërruar një fëmijë tjetër. Që do të thotë, fëmija im është qëlluar nga dikush tjetër aty. Dhe ajo që reagoi ishte Shpresa duke më ardhur në shtëpi.

Ndodhur në këto kushte, kuptova që znj. Natasha nuk kishte fare gisht në këtë punë, po ishte Shpresa ajo që e kishte bërë. Është mbledhur komisioni, unë kam tërhequr denoncimin për Natashën dhe kam lënë një deklaratë që në çerdhe ushtrohet dhunë nga personeli. Prita që të më telefononin, po deri më sot nuk është bërë asnjë gjë. Zonja Shpresa vazhdon të jetë atje, ndërkohë dhe mund të rrahë fëmijë. Dhe nuk ka një përgjegjës. Unë kërkoj që në atë institucion, ajo dorë të zhduket prej andej sepse aty janë shumë fëmijë të tjerë. Ata janë në një moshë që nuk flasin dhe nuk tregojnë dot se çfarë ndodh aty brenda. Dua drejtësinë e fëmijës tim”.

Përmes kamerës së fshehtë, nëna e fëmijës së dhunuar takohet me përgjegjësen e ushqimit të çerdhes, dhe nga biseda me të, sjellja e kësaj të fundit lë të kuptohet që mund të jetë e përfshirë në dhunën ndaj fëmijës.

LEXO EDHE:  Rama përdor bashkëpunëtorët si qen/ Kujt i referohet Kryemadhi?

LEXO EDHE:  Një përgjigje Andi Bejtës/ Kundër biznesit apo kundër Ilir Metës dhe LSI

Prindi-Si ka mundësi, që je akoma këtu ti?

Përgjegjësja Shpresa Meta-Çfarë kishe? Fol!

Prindi-Çfarë kam unë, apo çfarë ke ti?

Përgjegjësja Shpresa Meta-Unë s’kam!

Prindi-Ti s’duhet të jesh këtu!

Përgjegjësja Shpresa Meta-Në rregull!

Prindi-S’duhet të jesh fare këtu!

Përgjegjësja Shpresa Meta-Jo! Çfarë të të them unë?

Prindi-Çfarë do të thuash ti, që s’e bëre ti? Se nuk vjen kush të përgjërohet e të kërkojë falje, për një gjë, që s’e ka bërë!

Përgjegjësja Shpresa Meta-Çfarë të them unë?

Prindi-Çfarë të thuash ti? Ty të thashë, që tek shtëpia, që duhet të vesh të firmosësh, të ikësh vetë, se s’je për këtu! Ajo dorë, nuk duhet të jetë më këtu!

Përgjegjësja Shpresa Meta-Po mirë moj!

Prindi-Në rregull?

Përgjegjësja Shpresa Meta-Si të duash bëj!

Prindi-S’ke turp! S’ke turp moj, jo! Ti s’je as nënë, s’je as gjyshe, s’je asgjë! Nuk e di unë, se çfarë femre je ti! Ti, që ve dorë tek një fëmijë ashtu! Nuk e di unë se çfarë lloj njeriu je ti!

Gazetarja e emisionit “Stop” pyet vetë Shpresën për dhunën ndaj famijës, por ajo e mohon. Më pas shkon në Bashkinë e Tepelenës, në zyrën e Agjencisë së Mirëqenies e Kujdesit Social.

Gazetarja komunikon me përgjegjësen e kësaj zyre, e cila thotë se në këto kushte, Bashkia do të ngrejë një komision të dytë,

Arta Shaha, përgjegjëse e AMK-së: Ajo bëri denoncim për edukatoren. Për edukatoren ka mbaruar procedura, tani ka vajtur në një instancë tjetër sepse ka bërë një denoncim.

Përgjegjësja e Agjencisë së Mirëqenies e Kujdesit Social në Bashkinë e Tepelenës konfirmoi gjithashtu se brenda çerdhes do të vendosen kamera për të shmangur raste të tjera dhune. /tvklan.al

LEXO TE PLOTE

Denoncim

“Fiks Fare”/ Gabimet në vlerësimin e dëmeve të tërmetit lënë në qiell të hapur 73-vjeçaren

Publikuar

-

Nga

Një 73-vjeçare është lënë në qiell të hapur nga institucionet shtetërore, të cilat i kanë vlerësuar gabim dëmin e tërmetit të 26 nëntorit.

Meme Kajmaku, nga Ishmi i Durrësit, u ankua në redaksinë e emisionit “Fiks Fare” se vlerësuesit e dëmeve ia kanë nxjerrë shtëpinë pjesërisht të banueshme. Ndërkohë, shtëpia e saj është shkatërruar. Një nga muret e shtëpisë ka rënë, muret dhe çatia janë shkatërruar. Por, sërish në letra rezulton se shtëpia është e banueshme dhe e riparueshme.

E moshuara thotë se jeton në këtë shtëpi e vetme. “Kam fëmijët, po kanë hallet e tyre. Shtëpia është e shkatërruar plotësisht si e shihni, po kanë ardhur këto grupet dhe e kanë nxjerrë si të banueshme pjesërisht. Nuk e di si e kanë bërë, po shtëpia duket që është e shkatërruar. Një faqe muri ka rënë plotësisht, çatia është çarë. Muret po ashtu” thotë ajo, ndërsa shton se i ka shkuar policia dhe i ka thënë që të mos jetojë në atë shtëpi se rrezikon jetën. “Kam nevojë për një shtëpi të vogël, edhe 1+1, me një banjo jam e kënaqur, të kaloj pleqërinë” thotë ajo.

Në momentin që grupi i xhirimit shkoi te banesa e zonjës Meme Kajmaku, në atë zonë ishte edhe një grup vlerësimi nga Instituti i Ndërtimit dhe nga Inspektoriati i Ndërtimit. Gazetarët pyetën punonjësit nëse banesa është në listën e tyre, pasi ata kanë vetëm banesat që janë shkatërruar plotësisht dhe kanë nevojë për shembje që të fillojë procesi i rindërtimit. Një nga punonjësit na thotë se shtëpia duket që është e shkatërruar dhe nuk e di si ka dalë DS3. Sipas tij, kjo shtëpi është DS5 (e pabanueshme dhe duhet të shkatërrohet).

LEXO EDHE:  Deputeti plas bombën/ “Rama të shkarkojë Tërmet Peçin, s’durohet ky skandal”

LEXO EDHE:  LSI mbledh Konventën Kombëtare/ Kryemadhi: Ne nuk e tradhëtojmë Shqipërinë

Fiks Fare u interesua edhe në Njësinë Administrative Ishëm, ku administratori Kadri Gjyli thotë se vlerësimi i parë është bërë nga grupet paraprake, që kanë qenë në atë kohë nga Kadastra dhe OSHEE. Gjyli pohon se në sistem ka dalë DS3, pra që ka nevojë për riparime, ndërkohë saktëson se në realitet shtëpia është DS5 dhe duhet të shkatërrohet. Administratori pohon se nuk e di se i kujt ka qenë gabimi, por pas interesimit të Fiks Fare dhe të ankesës së zonjës Meme, problemi do të zgjidhet./ Top Channel

LEXO TE PLOTE

Denoncim

Denoncimi/ Plasin armët mes bandave të partisë në Shkodër

Publikuar

-

Nga

Ish kryeministri Sali Berisha ka denoncuar në rrjetet sociale përplasjen me armë në qytetin e Shkodrës, nga ata që quhen bandat qeveritare.

Sipas qytetarit dixhital, policia erdhi 15 minuta me vonesë në vendngjarje dhe kjo, sipas tij, është bërë me qëllim që bandat të kishin rrugën e lirë për t’u larguar.

“Breshëri ne mes te bandave te partise ne qender te qytetit!
Narkopolicia bene gjasme sikur i kap!
Lexoni mesazhet e qytetarit dixhital. sb

Pershendetje zoti Berisha!
Sot perseri ne lagjen Parruce banoreve dhe tregtareve ju rrezikua jeta nga bandat e Edvin Krimit. Para 40 min jane gjuajtur bandat nga makinat e tyre dhe kane rrezikuar jete njerezish. Policia ka vonuar 15 min per te vajtur ne vendngjarje me qellim qe bandat te kishin rruge te lire dhe te mos ju hynte gjembi ne kembe. Brenda dy javeve Shkodra ka perjetuar ty beteja bandash. Shkodranet jane te trembur dhe kane frike te dalin ne rruge si ne vitet 1997 ku bandat e Gramoz Ruçit terrorizuan qytetin.
Shkodranet kane disa pyetje për Edvin Mafinë dhe Sandër Mafinë:
Kur do goditen bandat?
Kur qytetaret do dalin te sigurt nga shtëpitë e tyre?
Kur do jene te sigurte bizneset nga gjobat ?
A ekziston Shkodra për ju dy?
A ekziston OFL, SPAK, etj ne Shkoder?”, shkruhet në postimin e plotë të Berishës./CNA.al

 

LEXO TE PLOTE