Connect with Us

Kujt po i tregojnë “muskujt”?/ Kina, Rusia dhe Irani mbajnë manovra ushtarake

Bota

Kujt po i tregojnë “muskujt”?/ Kina, Rusia dhe Irani mbajnë manovra ushtarake

Publikuar

-

Kina, Rusia dhe Irani kanë filluar një manovër të përbashkët detare në Gjirin e Omanit. “Manovra katërditore shërben për thellimin e “shkëmbimit dhe të bashkëpunimit” midis forcave detare të tria vendeve”, tha një zëdhënës i Ministrisë kineze të Mbrojtjes.

Së bashku, me lajmin media gjermane “Dojçe Welle”, raporton se Kina po merr pjesë në manovër me destrojerin “Xining”. Zëdhënësi nuk dha informacione se sa ushtarë dhe anije marrin pjesë gjithsej në mision, citohet në raportimin e “DW”, që vijon:

“Situata në rajonin e Gjirit ka qenë jashtëzakonisht e tensionuar pasi Shtetet e Bashkuara nën Presidentin Donald Trump e braktisën në vitin 2018 në mënyrë të njëanshme marrëveshjen ndërkombëtare bërthamore me Iranin. Në përgjigje të politikës së “presionit maksimal” të Uashingtonit, Teherani filloi nga ana e tij të tërhiqet gradualisht nga marrëveshja. Kina dhe Rusia, si Gjermania, Britania e Madhe dhe Franca, janë ndër partnerët e mbetur kontraktues.

Në muajt e fundit, situata në rajon është përkeqësuar më tej nga një seri sulmesh kundër cisternave të naftës në Gjirin Persik, nga lëshimi i një drone nga SHBA si dhe nga sulme me avionë pa pilotë dhe me raketa ndaj dy centraleve të rëndësishme të naftës në Arabinë Saudite. Shtetet e Bashkuara dhe partnerët e saj bëjnë për to përgjegjëse Iranin, por Teherani mohoi çdo përfshirje. Në përgjigje të sulmeve, Shtetet e Bashkuara formuan me disa aleatë një mision detar për të mbrojtur transportin detar.

LEXO EDHE:  Aurel Plasari kundër Ramës/ Jo qeverisje mesjetare, ja çfarë thotë Kushtetuta

Edhe Japonia po dërgon gjithashtu për herë të parë një destrojer dhe dy avionë zbulimi në rajonin e Gjirit për të mbrojtur anijet e saj tregtare dhe cisternat e naftës nga kërcënimet e mundshme. Kabineti i Tokios e kufizoi misionin në një vit. Megjithatë, japonezët nuk marrin pjesë në koalicionin e udhëhequr nga SHBA. Zona e operacioneve të marinë, sipas ministrisë së Mbrojtes është në Gjirin e Omanit, në pjesën veriore të Detit të Arabisë  dhe në Gjirin e Adenit, sipas Ministrisë së Mbrojtjes. Marrëdhëniet tradicionalisht të mira me Iranin duhet të ruhen, u tha më tej në Japoni.

Gjiri i Omanit lidhet me Gjirin Persik nga një ngushticë: ngushtica e Hormuzit. Rreth një e treta e naftës së dërguar me anije transportohet përmes kësaj ngushtice. Një bllokadë – me të cilën Irani kërcënon në mënyrë të përsëritur – do të ngrinte menjëherë çmimin e naftës dhe do ta rëndonte në mënyrë të konsiderueshme ekonominë globale”.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Britania regjistron 4000 raste me Covid-19/  Të rinjtë “e pabinduar” nuk respektojnë masat e reja

Publikuar

-

Nga

Britania e Madhe regjistron 4000 raste me Covid-19/  Të rinjt “e pabinduar” nuk respektojnë masat e reja

Në Britaninë e Madhe gjatë 24 orëve të fundit janë regjistruar  3991 raste të reja me Covid-19 dhe 20 viktima.

Që nga fillimi i pandemisë numri total i të prekurve nga koronavirusi është rritur në 378 219, për një total viktimash prej 41 684.

Për këtë aryse qeveria britanike ka vendosur ndalimin e takimeve dhe grumbullimin e më shumë se 6 personave që nuk i takojnë të njëjtës bërthamë familjare, si në ambiente të mbyllura ashtu dhe në ato të hapura. Deri tani kufiri i grumbullimit të njerëzve ishte deri 30 persona.

LEXO EDHE:  Rusia, Kina dhe Irani/ Hakerat “synojnë” zgjedhjet në SHBA



Nga rregulli janë të përjashtuar sektorët e prodhimit, zyrat, bizneset, dasmat, funeralet, institucionet fetare, eventet sportive të hapura për publikun dhe shkollat.

LEXO EDHE:  Origjina e koronavirusit/ OBSH nxit shtetet: Hetoni rastet e hershme

Masa e re e “rregullit të gjashtës”  ka për të ndikuar kryesisht në pub-et, restorantet dhe vizitat në shtëpi.

Situata ka dalë jashtë kontrollit, veçanërisht tek të rinjtë, grupi 18-25 vjeç që përfaqëson pothuajse 40% të infeksioneve.

LEXO TE PLOTE

Aktualitet

Shkatërrohet karteli shqiptar i trafikut ndërkombëtar të drogës në Itali/ Policia kryen dhjetëra arrestime

Publikuar

-

Nga

Shkatërrohet karteli shqiptar i trafikut ndërkombëtar të drogës në Itali/ Policia kryen dhjetëra arrestime

Është shkatërruar një kartel i trafikut ndërkombëtar të drogës në Europë.

Mediat italiane shkruajnë se karteli drejohej nga grupe shqiptare lider në kontinent,te cilët ishin të specializuar për trafikun e drogës.



Gjatë operacionit të zhvilluar në Firence  janë sekuestruar tonelata drogë si dhe miliona euro. Gjithashtu  janë kryer edhe dhjetëra arrestime të anëtarëve të këtij karteli kriminal.

LEXO EDHE:  Aurel Plasari kundër Ramës/ Jo qeverisje mesjetare, ja çfarë thotë Kushtetuta

LEXO EDHE:  Përplasja SHBA-Kinë për origjinën e Covid-19/ Trump bën një tjetër paralajmërim të fortë

Ky operacion është zhvilluar nga Europol dhe Eurojust si dhe një bashkëpunim Itali- Holandë që kanë aktivizuar sektorët anti-drogë.

LEXO TE PLOTE

Bota

Shifrat-Rëndohet bilanci/ Regjistrohen mbi 940 mijë viktima nga Covid në gjithë botën

Publikuar

-

Nga

Bashkëshorti i një punonjëseje pozitiv për Covid/ Pezullohet puna në hipotekën e Pogradecit

Që nga fillimi i pandemisë së Covid, në gjithë botën janë regjistruar më shumë se 29.8 milionë të infektuar, ndërsa totali i atyre që kanë humbur jetën ka shkuar në 940 720 persona.

Sipas të dhënave të siguruara nga Universiteti Johns Hopkins, Shtetet e Bashkuara me 23,261 infeksione të reja dhe 968 vdekje në 24 orët e fundit arritën në 6,626,242 raste të koronavirusit dhe 195,661 vdekje e ndjekur nga Brazili (134,106), India (82,066), Meksika (71,678) dhe Mbretëria e Bashkuar (41,664).

Brazili, një nga vendet më të prekura në botë nga pandemia e koronavirusit, ka arritur në 4,419,083 milionë infeksione dhe 134,196 vdekje.



India shënon një hap tjetër rekord në infeksionet e përditshme të koronavirusit, me 97,895 raste në 24 orët e fundit.

LEXO EDHE:  Rusia, Kina dhe Irani/ Hakerat “synojnë” zgjedhjet në SHBA

LEXO EDHE:  Ish-deputeti i PS paralajmëron Ramën/Kina shkaktoi tërmet, po Shqipëria? S'të lejojmë ...!

Me mbi 5.1 milionë raste të përgjithshme, India është vendi i dytë më i prekur në botë nga pandemia pas Shteteve të Bashkuara. Ministria Federale e Shëndetësisë e Indisë raportoi se 1,132 njerëz vdiqën nga Covid-19 në një ditë, duke e çuar numrin total të viktimave në 83,200./CNA.al

LEXO TE PLOTE