Connect with Us

Festivali i Minishengenit “Darko Magjikov”

Kultura

Festivali i Minishengenit “Darko Magjikov”

Publikuar

-

Nga Alfons Zeneli

Ka shumë vitë që në njërën prej ngjarjeve të rëndësishme të muzikës spikat dhe ”Kënga Magjike”. Pa dashur të ndërhyj në aspekte ngushtësisht profesionale siç është standarti artistik i prurjeve të festivalit në fjalë, jam ndalur shpesh tek dy shfaqje tërësisht të padenja për një skenë arti.

Sistemi kuplara i votimit ku këngëtarët konvertonin në pikë gjithë simpatitë, lidhjet, mllefet, vrerin dhe inatin meskin ndaj njëri tjetrit duke instaluar si të ligjshme publikisht subjektivitetin dhe humbjen e çdo kontakti me vlerat e vërteta si dhe dominancën egzaltuese të një maqedonsi të çuditshëm të cilin tashmë e kanë dëgjuar të gjithë: Darko Dimitrov. Në thelb, dukej se lufta e vërtetë ishte ajo për prenotimin e Darkos dhe jo ajo për marjen e çmimit pasi prenotimi i Darkos përbënte automatikisht dhe të vetmin shans për të marë një çmim. Erdhi një momet që festivalin ” Kënga Magjike” mund ta quaje edhe ‘Kënga Magjikov”. E gjithë kjo situatë solli kompromentimin deri në qelizë të atij kompeticioni artitstik. Shqetësimi ynë lidhet me faktin se këto ngjarje kanë impakt shumë të rëndësishëm tek publiku dhe tek strukturimi i shijeve estetike të tij gjë që është detyrim për mediat, pavarsisht se Fesivali i Këngës ”Darko Magjikov” është privat.

Tani le të vijmë tek ajo që prej 58 vitesh ka shënuar kulminacionin e këngës shqiptare. Sivjet pra Festivali i 58 i Kengës në RTSH ka provokuar sigurisht jo mëkot polemika e debate të gjëra. Darko Dimitrov ka gjetur pa asnjë vështirësi shtegun e depërtimit edhe tek Festivali i Këngës në RTSH. Personalisht, sapo e mësova këtët fakt pata parandjenjën e keqe se organizatorët, përzgjedhësit dhe juria do të binin në një unison fatlum për të votuar Darkon, se çmimi i parë do t’i akordohej atij. Kësaj radhe ai ishte i përforcuar edhe me një partner tjetër doemos maqedonas në kompozimin e këngës fituese. Kur Darko Dimitrov mbretëronte në fronin e Këngës Magjike, lëpirësit e tij publikë të inferiorizuar deri në neveri trumpetonin se ai ka bashkëpunuar me shumë këngëtarë të njohur e të mëdhenj dhe lista ilustruese përbëhej vetëm nga këngëtgarë maqedonas. Pikërisht ky pronar kioske këngësh e kompozimesh, këtë vit ia ka mbërritur të sfidojë dhe kompozimin e fundit të madhorit shqiptar Agim Prodani. Juria ka preferuar Darkon para kompozitorit tonë legjendar, kënga e të cilit duhej të ishte edhe sikur festivali të bëhej me një këngë të vetme. Por jo. E kush mund ta konkurojë Darkon dhe fuqinë e errësirës së klaneve apo pazareve që fshihen pas tij? Triumfi i Darkos dhe flakja tej e një vlere universale në botën shqiptare siç është Agim Prodani përbën treguesin më të qartë se si Fest 58 u shndërrua në një palaçoiadë antivlerash, biznesi muzikor dhe simbol i turpit.

LEXO EDHE:  Alketa Vejsiu dhe Shqipëria paskan marrë komplimentat më të mëdha në emisionin e famshëm në Itali

Nga ana tjetër skandal paraardhës ishte dhe forulimi i jurisë. Me gjasë edhe kjo lloj skemë në funksion të planit për kurorëzimin e Arilenës dhe Darko Dimitrovit me kurorën kombëtare të këngës shqiptare. Parandjenjën se festivalin do ta fitonte Arilena dhe Darko Dimitov e kishin dhe shumë të tjerë. U tha që para se të fillonte festivali. Kish të bënte me intuitën dhe fuqinë prognostikuese të publikut apo me rrjedhje informacioni nga parafabrikuesit e çmimit, kjo nuk dihet me saktësi, por ka shumë gjasë të jetë kjo e dyta. Sepse qarkulloi dhe shpifja që ky çmim ishte parapaguar me një shifër që vërtitej te gjysëm milion euro. Juria e papreçedent e mbushur me të huaj dhe jo kompetentë plotëson konturin e maskaradës së regjisuar plot kujdes për fest 58.

Një tjetër kumt vjen edhe prej faktit se e gjithë trupa realizuese përbëhej nga njerëz të cilët nuk ishin kontigjent i RTSH. 90% e trupës që ka marrë pjesë në realizimin e Festivalit të 58 të këngës në RTSH ishin punonjës të një tjetër televizioni privat. Ky tregues përbën një pyetje natyrale për drejtuesin e RTSH, z. Thoma Gëllçi. Përse e ka paaftësuar ai institucionin që drejton deri në atë gradë sa nuk është në gjëndje të bëjë festivalin, eksluzivitetin e tash 58 viteve? Çfarë çalon në institucionin e tij të rilindur? A mos vallë është molepsur edhe ky institucion nga metastazat e tenderave, bakshisheve, mikrokonçencioneve? Por kjo do të jetë temë e cila do të trajtohet më në detaje në një të ardhme të afërt. Fitimi i çmimit prej një kompozitori të huaj ndërkohë që vite më parë kishte njerëz që villnin vrer ndaj kosovarëve pjesëmarrës në Festival, prezantimi i Shqipërisë me një kompozitor maqedonas, primacia e programeve me këngë serbe në kanalin muzikor të RTSH, juria multietnike dhe aspak profesionale, trupa prodhuese pa asnjë lidhje me RTSH, fenomeni Alketa show si fansja më e përgjëruar e çorapeve të globalit, ndryshimi i beftë dhe në ilegalitet e në minutën e fundit i kritereve të pranimit të këngëve por dhe plot elementë të tjerë, bëjnë fjalë për një festival privat të Gëllçit, autorëve të këngës fituese dhe sektit të magjistarëve antivlerë. Nuk është aspak çudi që vitin e ardhshmëm këngëtarëve kosovarë t’ua ndalojnë me ligj pjesëmarrjen, të ftojnë edhe këngëtarë e kompozitorë serbë përveç maqedonasve për t’i dhënë kështu dorën e fundit festivalit të minishengenit kulturor./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kultura

“Parasite”, filmi Koreano-Jugor shkruan historinë në Oscar 2020/ Lista e plotë e çmimeve

Publikuar

-

Nga

Në edicionin e 92-të të Academy Awards, filmi korean “Parasite” ka shkruar historinë, duke triumfuar me katër çmime Oscar.

Filmi koreanojugor ka hyrë në histori duke u bërë filmi i parë joanglishtfolës që e fiton çmimin Oscar në kategorinë e filmit më të mirë.

Renee Zellweger fitoi aktoren më të mirë për interpretimin e Judy Garland në Judy. Joaquin Phoenix u zgjodh aktori më i mirë për Joker.

Brad Pitt dhe Laura Dern grumbulluan çmimet e aktrimit mbështetës për rolet e tyre në Once Upon A Time në Hollyëood dhe Martesa Story .

Brad Pitt fitoi Oskarin e parë të aktrimit të karrierës së tij. Ka marrë trofeun për aktorin më të mirë mbështetës rolin e tij në filmin e Quentin Tarantino.

Phoenix, u shpall si aktori më i mirë për performancën e tij të jashtëzakonshme në filmin “Joker” gjithashtu përdori podiumin për të dërguar një mesazh të përzemërt për gjendjen e botës, duke thënë se aktorët kanë fuqinë të japin një “zë për pazëshmëve”.

Sir Elton John dhe partneri i shkrimit të këngëve Bernie Taupin fituan këngën më të mirë origjinale (I’m Gonna) Love Me Again nga Rocketman. Është Oskari i dytë i Sir Elton, 25 vjet pasi fitoi për The Lion King.

Kompozitoria i Joker, Hildur Gudnadottir u bë fituesja e parë femër me rezultatin më të mirë origjinal që nga 1998.

American Factory, filmi i parë nga ndërmarrja prodhuese e Barack dhe Michelle Obama, u emërua filmi më i mirë dokumentar.

LEXO EDHE:  Teksa të gjithë flasin për ndarje, Kejsi i bën Stresit dedikimin super romantik

LEXO EDHE:  Thoma Gëllçi sqaron bllokimin e sinjalit të RTSH për televizionet private

Ish-futbollisti amerikan i futbollit Mattheë A Cherry, fitoi çmimin për filmin më të mirë të animuar “Hair Love” dhe ia dedikoi çmimin basketbollistit të ndjerë dhe fituesit të fundit të Oskarit, Kobe Bryant.

Filmat më të vlerësuar sipas numrit të “Oscar”:
Parasite – 4
1917 – 3
Ford vs Ferrari – 2
Joker – 2
Once Upon A Time in Hollywood – 2

Lista e plotë:
Fotografia më e mirë:
“Parasite”
Regjisori më i mirë:
Bong Joon Ho, “Parasite”
Aktori më i mirë:
Joaquin Phoenix, “Joker”
Aktorja më e mirë:
Renée Zellweger, “Judy”
Aktori i dytë:
Brad Pitt, “Once Upon a Time … in Hollyëood”
Aktorja e dytë:
Laura Dern, “Marriage Story”
Skenari origjinal:
“Parasite”
Skenari i përshtatur:
“Jojo Rabbit”
Filmi ndërkombëtar më i mirë:
“Parasite” (South Korea)
Filmi i animuar më i mirë:
“Toy Story 4”
Tingujt më të mirë:
“Ford v Ferrari”
Efektete visuale:
“1917”
Editimi i filmit:
“Ford v Ferrari”
Filmi i animuar më mirë:
“Hair Love”
Aksioni “Live” më i mirë:
“The Neighbors’ Window”
Dokumentar i shkurtër:
“Learning to Skateboard in a Warzone (If You’re a Girl)”
Dizanji:
“Once Upon a Time … in Hollywood”
Kinematografia:
“1917”
Kostumografia:
“Little Women”
Makeup :
“Bombshell”
Origjinaliteti:
“Joker”
Origjinaliteti i muzikës:
“(I’m Gonna) Love Me Again” from “Rocketman”
Dokumentari:
“American Factory”
Miksimi i këngës:

“1917”

Për më shumë shihni galerinë e mëposhtme:

 

LEXO TE PLOTE

Kultura

“Ngushëllohej me muzikën e vet”, Mbesa e Nexhmije Pagarushës flet për luftën me sëmundjen

Publikuar

-

Nga

Ikja e Nexhmije Pagarushës ka tronditur dhe prekur popullin shqiptar dhe jo vetëm familjen e saj.

Mbesa e Nexhmijes tha disa fjalë prekëse gjatë homazheve që u zhvilluan në Teatrin e Kosovës, duke përlotur të pranishmit.

Ajo tregoi se gjatë dy viteve që ka luftuar me sëmundjen e rëndë, Nexhmija ngushëllohej me muzikën e saj.

“Për të ishte familja çdo herë në vend të parë të cilën sipas mundësive që ka pas e përkrahte gjithmonë. Gjithmonë ka qenë e mirë dhe e kujdesshme, na ka mësuar që të jemi te pavarura, të zonja dhe të emancipuara dhe na dha shumë dashuri. Dy vitet e fundit nuk ishin të lehta pasi mosha e bëri të veten, në kohë kur nuk ishte mirë ngushëllohej me muzikën e vet”, u shpreh mbesa./ CNA.al

LEXO TE PLOTE

Kultura

U nda nga jeta dy ditë më parë/ Nisin homazhet për Nexhmije Pagarushën

Publikuar

-

Nga

Nisin homazhet në Teatrin Kombëtar të Kosovës për ikonën e skenës shqiptare, Nexhmije Pagarushën.

Mësohet se Ministria e Kulturës ka organizuar homazhe në Teatër. Rreth orës 11:00 do të mbahet një akademi Përkujtimore dhe më pas Teatri Kombëtar do të nisë kortezhin.

Varrimi i bilbilit të Kosovës do të bëhet në orën 14:30, në Pagarushë të Malishevës, ndërsa mbrëmë në Malishevë u ndezën qirinjtë në shenjë nderimi, pranë muzeut të qytetit.

LEXO EDHE:  Teksa të gjithë flasin për ndarje, Kejsi i bën Stresit dedikimin super romantik

LEXO EDHE:  Thoma Gëllçi sqaron bllokimin e sinjalit të RTSH për televizionet private

Kujtojmë se ikona e skenës shqiptare humbi jetën në moshën 86 vjeçare, pas betejës me një sëmundje të rëndë./ CNA.al

LEXO TE PLOTE