Connect with Us

Minishengeni, fake news me pasoja/ Ish Presidenti: Qeveria po maskon planin real

Politikë

Minishengeni, fake news me pasoja/ Ish Presidenti: Qeveria po maskon planin real

Publikuar

-

Ish Presidenti Bujar Nishani ka shprehur shqetësimin e tij në lidhje me të ashtuquajturin “minishengen ballkanik”, për të cilin janë realizuar deri më tani tre samite.

Sipas Nishanit, minishengeni është një plan i Presidentit të Serbisë Vuçiç, për të provokuar destabilitetin rajonal. Ky projekt i cili favorizon Serbinë është i mbështetur nga qeveria shqiptare dhe sipas Nishanit nuk ka asnjë lidhje me Shengenin Europian, pasi të gjitha “rezultatet” që priten prej tij, nuk përbëjnë as mungesë dhe as problematika në rajon.

Ish presidenti tha se minishengeni ballkanik është një shpifje politike e cila minon situatën në rajon, duke e bërë Serbinë që të fitojë territor. Platforma politike Vuçiç-Rama, sipas Nishanit, është një fasadë që fsheh qëllimin dhe synimin e vërtetë të iniciativës së Nishit.

“Shengeni Ballkanik apo Nishi Serbomadh duket se synon detin shqiptar “free of charge”, madje duke minuar ekonominë edhe të Kosovës”, u shpreh Bujar Nishani.

Sipas Nishanit, i vetmi impakt rajonal që do të ketë minishengeni është minimi i shtetit të Kosovës dhe tentativa për të rikthyer raportet para pavarësisë së saj.

Bujar Nishani: “Minishengeni Ballkanik, një fake news me pasoja rajonale”

Pas dështimit të projektit luftënxitës të ndarjes së territorit të Kosovës mbi baza etnike, projekt i hartuar dhe synuar nga qeveria e Serbisë dhe mbështetur nga qeveria e rilindsve në Shqipëri, tashmë një projekt tjetër i provokimit të destabilitetit rajonal ka dalë në skenë.

I ashtuquajturi, jo pa qëllimin e mbrapshtë “minishengeni ballkanik” ! Eshtë vënë ky emër për të fshehur të vërtetën e kësaj inciative. Ky projekt jo vetëm që nuk ka asgjë të përbashkët me platformën e Shengenit Evropian, por ajo është thjesht një lëvizje politike Vuçiç-Rama. Shengeni evropian si koncept politik ka në themel të tij lëvizjen e lirë të njerëzve dhe mallrave.

Serbia dhe serbet e Bosnje & Herzegovinës nuk i njohin, nuk i pranojnë e nuk i lejojnë fare dokumentet shtetërore të njerëzve dhe mallrave të Republikës së Kosovës.
Koncepti real i Shengenit ngrihet mbi kolonat e integrimit ekonomik, integrimit kulturor dhe sigurisë së përbashkët.

Po ti shohim këto kolona në konteksin e trios së NISHI-t do të kuptojmë fare mirë se “shengeni ballkanik” është një fake news, është një shpifje politike për të fshehur synimin real që minon situatën e stabilitetit në rajon.

BASHKEPUNIMI EKONOMIK midis vendeve të rajonit tonë është i rregulluar.
7-të vendet e rajonit përfshirë Kosovën kanë një marrveshje për bashkëpunimin ekonomik. Kemi CEFTA-n ! E pranuar, mbështetur dhe kordinuar me Bashkimin Evropian. Përse u dashkërka të sajohet një shpikje e re ? Përveçse të synohet asgjesimi “de facto” i CEFTA-s e bashkë me të dhe përfshirjen e Kosovës në të. “Shengeni Ballkanik” apo “Nishi Serbomadh” duket se synon detin shqiptar “free of charge”, madje duke minuar ekonominë edhe të Kosovës.

LEXO EDHE:  Kodheli ne ministerialin e NATO-s: T'u vijme ne ndihme aleateve tane

Nëse do të flasim për INTEGRIMIN KULTUROR, kjo nismë është mashtrimi më i madh. Ka fakte pafund për ta denoncuar këtë fake story. Po ndalem veç tek njëra. Prej vitesh Serbia refuzon njohjen e diplomave shqiptare të banorëve shqiptarë në Luginën e Preshevës. Sot e kësaj dite, kryeministri i Shqipërisë as nuk nxihet e as nuk skuqet që na gënjeu paturpësisht përpara 5 vitesh për gjoja arritjen e marrveshjes me Vuçiç për diplomat shqiptare.

Imagjinoni tani integrimin kulturor të ofruar nga “Nishi Ballkanik” ! Po të mendojmë pastaj çështjen e SIGURISE, imagjinoni se çfar produkti na jep Vuçiç-Rama teksa njëri ka Rusinë ulur këmbëkryq në Nish dhe tjetri ka në qafë çelsin e NATO-s për Shqipërinë.

Nga analiza e tre prej kolonave kryesore të asaj çka është filozofia, fryma dhe struktura e Shengenit, duket qartë se platforma politike Vuçiç-Rama nuk është gjë tjetër veçse një fasadë që fsheh qëllimin dhe synimin e vërtetë të iniciativës së Nishit.

Ky projekt lancohet dhe behet subjekt i politikës rajonale në një kohë kur
Serbia jo vetëm refuzon njohjen ndaj Kosovës, jo vetëm që përdor lidhjet, lobimet dhe shërbimet e saja financiare dhe ekonomike për dëmtimin e shtetit të Kosovës si dhe bllokimin e saj nga aleatët e Serbisë në arenën ndërkombëtare, por tashmë po tenton të ndërtojë një fasadë fake me synimin e qartë të zhbërjes të të gjitha proçeseve rajonale ku Kosova tashmë është e përfshirë dhe me objektivin final rikthimin e gjendjes para pavarësisë, në kuptimin politik.

Minimi i shtetit të Kosovës dhe tentativa për të rikthyer raportet e para pavarsisë së saj kanë një dhe vetëm një impakt rajonal. Destabilitet dhe izolim të rajonit. Askush në botën shqiptare nuk është kundër stabilizimit dhe pajtimit të mardhënieve me Serbinë. Serbia është një vend dhe aktor në rajonin tonë. Shqiptarët jo vetëm janë të prirur drejt stabilitetit, paqes dhe bashkëpunimit por ato janë në interesat strategjike të shqiptarëve. Kjo nuk është as e fshehtë dhe as sekret.

Por shqiptarët nuk mund të keqpërdoren më si kaçube maskimi për platforma destabilizimi dhe provokimi antiperëndim.

Rajoni ynë ka nevojë jetësore për zhvillim dhe integrim. Por alternativa e vetme e atij integrimi është ai në Bashkimin Evropian dhe vetëm përmes standarteve e praktikave evropiane. Dështakët dhe minuesit e proçesit të integrimit evropian nuk munden të infiltrojnë agjenda të tjera, duke i mbuluar me fasada fake si kjo e ashtuquajtura “shengeni ballkanik”.

Shqetësimi më i madh në të gjithë këtë histori për ne shqiptarët ka të bëjë me faktin se rilindsit po e kthejnë Shqipërinë në një mballomë mbi fasadën e gënjeshtërt të Serbisë./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ivi Kaso flet për propozimet e PD/ Ja roli i policisë në procesin zgjedhor

Publikuar

-

Nga

Sekretari për çështjet zgjedhore në PD Ivi Kaso zbuloi rolin e Policisë së Shtetit në zgjedhjet e ardhshme, teksa ishte duke analizuar propozimet e Partisë Demokratike.

Kaso deklaron se PD po synon të largojë elementët kriminalë nga qendrat e votimit.

Sipas tij, duhet krijuar një qeveri kujdestare për Policinë e Shtetit, në mënyrë që kjo e fundit të jetë e pavarur nga partitë politike dhe të kujdeset për procesin zgjedhor pa ndikime.

“Kemi zgjedhur t’i përqasemi kësaj problematike duke marrë një qasje të ndryshme të paktën që prej vitit 2003, kur u largua policia nga procesi zgjedhor.  Atëherë ka qenë më problem policia se krimi.

Sot situata është ndryshe. Është krimi që ka marrë kontrollin e procesit zgjedhor, që fillon nga demonstrimi i fushatave parazgjedhore, duke intimiduar, duke mbledhur kartat e identitetit për të mës votuar, duke dhënë lekë e deri në ditën e zgjedhjeve që shfaqen personalisht në qendrat e votimit.

LEXO EDHE:  A ka “vdekur” NATO?

LEXO EDHE:  A ka “vdekur” NATO?

Dhënia e policisë detyrat që i takon në ruajtjen e qendrave të votimit. Jo në perimetrin e brendshëm, por në perimetrin e jashtëm duke mos iu dhënë mundësi elementëve kriminalë të përfshihen në proces.

Kemi nxjerrë në dritën e diellit policinë për detyrat që duhet të kenë”, u shpreh Kaso në studion e Syri Tv./ CNA.al

LEXO TE PLOTE

Politikë

Përplasja me Ruçin në Parlament/ Flet Gjoni: Duhet ta kem prekur në plagë

Publikuar

-

Nga

Në seancën e djeshme plenare, një debat i ashpër u regjistrua mes Gramoz Ruçit dhe deputetit opozitar Ralf Gjoni, pasi kryeparlamentari i ndërpreu fjalën këtij të fundit, teksa ishte duke folur për Reformën në Drejtësi.

Ruçi i kërkoi Gjonit të lironte foltoren, me pretendimin se ishte duke folur jashtë kohës, por deputeti nuk iu bind dhe kryeparlamentari e përjashtoi nga seanca dhe kërkoi pezullim për 10 ditë nga Kuvendi.

Për këtë ka folur sot deputeti Gjoni në emisonin “Top Talk”, ku deklaroi se ajo që ndodhi dje ishte e shëmtuar dhe e cilësoi personale irritimin e Gramoz Ruçit.

LEXO EDHE:  Taksa ndaj Serbisë/ Thaçi sulmon Haradinajn

LEXO EDHE:  Samiti BE/Mbrojtje vendeve ish-sovjetike përballë Rusisë

“Nuk e di çfarë problemi ka Ruçi me mua, por duhet t’i kem prekur në plagë. Unë dje fola edhe për mazhorancën, edhe për Edi Ramën, edhe për Lulzim Bashën dhe për Monika Kryemadhin dhe për Ilir Metën. Unë kam shprehur dje se këta po mundohen të krijojnë struktura paralele me atë të Reformës në Drejtësi”, u shpreh ai./ CNA.al

LEXO TE PLOTE

Politikë

Sërish marrëveshje Rama-Basha?/ Ralf Gjoni sfidon opozitën joparlamentare

Publikuar

-

Nga

Deputeti Ralf Gjoni ka folur ditën e sotme për angazhimin e opozitës në  tryezën e Reformës Zgjedhore dhe për një marëveshje të mundshme Rama-Basha.

Gjoni tha se i vjen mirë që opozita joparlamentare bëri “mea culpa” dhe u angazhua në këtë proces, ndërsa theksoi se duhen bërë propozime substanciale që rrisin garancinë e votës.

Deputeti përsëriti edhe njëherë se problemi i sistemit zgjedhor qëndron te listat, ndaj kërkon një zgjidhje për këtë nga dy partitë më të mëdha në vend.

Ralf Gjoni deklaroi në emisionin “Top Talk” se Partia Socialiste është e hapur të diskutojë për ndryshimin e sistemit zgjedhor.

Teksa u pyet nëse mendon se PS dhe PD do të bëjnë një kompromis si ai i vitit 2017, deputeti tha se çfarëdo që të bëjnë opozita në Parlament është më e fortë se ajo joparlamentare.

“Nuk mund të besoj Lulzim Bashën të cilin nuk e mbështesin as  ata të PD. Realiteti i prekshëm është që ne jemi në parlament, kemi votën. Ata mund të thonë se janë opozita e bashkuar, por këta janë vetëm numra. Numrat janë në Parlament dhe jo në këshill”, theksoi ai.

LEXO EDHE:  Kosova: Ulje taksash e shtim të fondit të garancisë për vende të reja pune në Tiranë

LEXO EDHE:  Samiti BE/Mbrojtje vendeve ish-sovjetike përballë Rusisë

Ndërkohë, për tentativat për të nxjerë jashtë loje opozitën parlamentare, Gjoni theksoi se pavarësisht kësaj, ata janë më në lojë se kurrë.

“Në vend që t’i japim drejtësi shqiptarit, i mbyllin gojën deputetit, kalojmë ligje që ia mbyllin gojën edhe gjyqtarit të vettingut. Ne jemi më tepër brenda lojës se kurrë. Nëse krahasojmë ku ishim dhe ku jemi, ne figurojmë axhendën e opozitës sot në Parlament. Ne kemi një dakordësi mes nesh për ta çuar deri në fund këtë”, nënvizoi deputeti./ CNA.al

LEXO TE PLOTE