Connect with Us

“Nuk ka humbur Adi, as Shqipëria”/ Ish-ministri i Ramës thumbon Irfan Hysenbelliun

Politikë

“Nuk ka humbur Adi, as Shqipëria”/ Ish-ministri i Ramës thumbon Irfan Hysenbelliun

Publikuar

-

Ish-ministri i Drejtësisë në qeverinë “Rama 1”, Ylli Manjani ka reaguar në lidhje me rishfaqjen e Adi Krastës mbrëmjen e djeshme me emisionin e tij në një nga mediat kosovare.

Në një postim në rrjetet sociale, Manjani thumbon edhe Irfan Hysenbelliu, ndërsa shkruan se me largimin e Krastës, humbi televizioni i tij.

Po ashtu, Manjani shkruan se me largimin e tij nuk ka humbur as Adi Krasta as Shqipëria, por media shqiptare.

“Ja prova tjetër që tregon se me largimin e Adi Krastës ka humbur vetëm televizioni ku punonte dhe media shqiptare.

LEXO EDHE:  Ish-ministri i LSI në krah të Saimir Tahirit

Ai televizion dhe media e deformuar nuk mund të meritonte audiencën masive që afron Adi Krasta!

Nuk ka humbur Adi, as Shqipëria.

Bravo Adi Krasta!

Njëkohësisht bravo Kosova që vijon të na japë mesime mbi demokracinë.”-shkruan Manjani në postimin e tij./ CNA.al

Video-Adi Krasta rikthehet në një tjetër ekran/ Monologu brilant që i “theu turinjtë” pushtetit

Krasta, dëshmia e kontrollit të medias nga droga dhe korrupsioni

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ramzi o ditëzi”/ Maliqi-Ramës: Bëhu burrë dhe prano listat e hapura 100%

Publikuar

-

Nga

“Ramzi o ditëzi” /Maliqi-Ramës: Bëhu burrë dhe prano listat e hapura 100%

Deputeti Lefter Maliqi ka reagur sërish për listat e hapura ku i kërkon kryeministrit Rama ti pranojë ato 100% pasi  dhe 39 deputetë të opozitës parlamentare në mënyrë unanime kanë votuar për to.

Krahas postimi ai ka shpërndarë dhe fletën e votimit shembull që publikoi sot Oerd Bylykbashi.



Sipas Maliqit kjo është një fletë e thjeshtë dhe e kuptueshme ku zgjedhësi voton partinë brenda koalicionit dhe kandidatin për deputet sipas numrit.

“Opozita parlamentare ka kerkuar dhe kemi firmosur ne menyre unanime te 39 deputetet per lista te hapura 100%.Zgjidhni jeni me shqiptaret qe duan lista te hapura 100% sic kemi firmosur te 39 apo lista te pjeshme e prishje kualicionesh sic do Rilindja e krimit. Dy rruge keni o rreshtohuni me popullin ashtu sic keni firmosur ose u doli boja shkoni me Rilindjen si te kapur dhe te keqperdorur.Listat e hapura demokraci e paster,populli voton partine brenda kualicionit dhe kandidatin per Deputet sipas nr. Ramzi zgjidh do demokracine me listat e hapura 100% apo do pushtet ne tavoline me mafien,oligarket,drogen,institucionet e kapura dhe krimin. Ja fleta e votimit e thjeshte e kuptueshme,votohet partia brenda kualicionit dhe kandidati per deputet sipas nr.Ramzi o ditezi qe mbete me djallezi behu burre prano listat e hapura 100% sic duan Shqiptaret dhe shikoje sa do te vlej lekura e ujkut qe mban te mbrojtur me antiplumb.Antiplumbin ta çpon populli me vote te drejtperdrejt me lista te hapura 100%. Hiqe maskën e zeze ,vere maskë te bardhe si gjithe populli.”/CNA.al

LEXO TE PLOTE

Politikë

Rama rikthen kërpudhën te Kryeministria/ Duma nuk kursehet: Po i kthen shpinën çdo problemi

Publikuar

-

Nga

Rama rikthen kërpudhën te Kryeministria/ Duma nuk kursehet: Po i kthen shpinën çdo problemi

Kryeministri Edi Rama njoftoi dje se ka rikthyer një tjetër kërpudhë për të zëvendësuar kërpudhën e famshme të artisit Carsten Holler, që ishte vendosur në oborrin e Kryeministrisë dhe që u shemb nga protestuesit vitin e kaluar.

Për këtë ka reaguar edhe demokratja Grida Duma, e cila sulmon Ramën për këtë gjest të tijin në kohë pandemie.



LEXO EDHE:  Manjani: Ambasadat, mesazhe ‘kërcënuese’ deputetëve

“Në kohë pandemie, tërmeti, rrënimi ekonomik, pamundësisë për të mbijetuar duke emigruar, qeveria i kthen shpinën çdo problemi dhe merret me hobet personale!”, shkruan Duma në rrjete sociale./ CNA.al

LEXO TE PLOTE

Politikë

Nga Astrit Patozi/ Pse Gaz Bardhi dhe Petrit Vasili nuk mund të qajnë njësoj për koalicionet?

Publikuar

-

Nga

Nga Astrit Patozi/ Pse Gaz Bardhi dhe Petrit Vasili nuk mund të qajnë njësoj për koalicionet?

Në fakt, hierarkia e do që krahasimi të bëhet mes zotit Luli Basha dhe zonjës Monika Kryemadhi. Por kjo e fundit, jo pa qëllim dhe ndoshta mençurisht, ka zgjedhur të mos marrë shumë rol në simfoninë e qarjes për vrasjen e koalicionit, si taktikë të Edi Ramës për të dëmtuar opozitën. Me siguri që ka menduar se është më mirë të bërtasësh “me koalicion, pa koalicion, shoferi ynë është kampion”, se sa të ankohesh për humbjen një vit para zgjedhjeve.

Kur i shikon bashkë dhe i dëgjon si flasin, të krijohet idea se kanë 20 vjet që mendojnë dhe veprojnë njësoj, aq të ngjashëm dhe të sinkronizuar duken sot zotërinjtë Bardhi dhe Vasili. Dhe duhet të mos kesh qenë asnjë ditë në Shqipëri dhe të mos kesh lexuar asnjë lajm për të në dy dekadat e fundit, që të besosh se këta i janë betuar realisht njëri-tjetrit për besnikëri deri sa vdekja një ditë t’i ndajë.
Po le ta lëmë pas krahëve historinë e flirteve politike në Shqipëri dhe të trajtojmë vetëm problemin e koalicioneve.

Gaz Bardhi dhe Petrit Vasili mund të ketë dhjetëra cilësi të ngjashme, por kur flasin për këtë çështje nuk mund të jenë kurrësesi të dy njësoj. Për faktin e thjeshtë, se nuk kanë të njjëtën përgjegjësi dhe nuk janë sjellë njësoj në të shkuarën e afërt dhe të largët me këtë temë.

Tre vjet më parë Gaz Bardhi nuk e lejoi Petrit Vasilin që të bënte koalicion, qoftë edhe me vetëm PDIU-në, pa llogaritur plot parti të tjera më të vogla që ishin të gatshme të hipnin në trenin e Ilir Metës, ngaqë u gjendën papritur si peshku pa ujë. Ishte koha e shpërthimit të dashurisë së paharrueshme të 17 majit, kur me firmën e Edi Ramës dhe Lulzim Bashës koalicionet u ndaluan, jo me ligj, por me marrëvehsje, në kapërcim flagrant të Kushtetutës dhe të Kodit Zgjedhor.



LEXO EDHE:  Ironizon ish-ministri i Ramës: Kryeministri në avion, atlete ngjyrë kokaine, rroba ngjyrë hashashi, pamje trafikanti

Dhe pyetja është, a ishte e njëjta nevojë e popullit për të pasur patjetër parti të bashkuara në koalicione edhe atëherë, apo kjo gjë ka vlerë vetëm për tani? Kjo sigurisht që vlen vetëm për zotin Bardhi, sepse zoti Vasili nuk ka pse ngatërrohet, si viktimë që ka qenë në atë kohë. Nëse po, atëherë zoti Bardhi duhet t’i kërkojë falje një herë zotit Vasili për atë që i bëri para tre vjetësh dhe pastaj të vazhdojnë me konferencën e përbashkët të shtypit.

LEXO EDHE:  Vrasja në Fier/ Manjani: Prokuroria të zbardhë përgjegjësit dhe të disiplinojë sjelljen shtetërore

Ndryshe i bie që nevoja e popullit dhe fatet e demokracisë në Shqipëri qenkan të lidhura vetëm me humorin e Lulzim Bashës. Kur ky i ndaloka koalicionet bashkë me Edi Ramën, nuk paska problem, por gjithë të tjerët duhen të futen në rresht dhe të mos bëjnë zë. Ndërsa kur këtij iu dashka patjetër aleanca parazgjedhore dhe e pandryshuar me formulën që i duhet, shkoka gjaku në gju të kalit, po të mos i plotësohet.

Ndaj edhe stonon shumë kjo qarja me dy zëra e Petrit Vasilit dhe e Gaz Bardhit sot. Sepse i pari, të paktën është koherent me qëndrimet politike, koalicion donte atëherë, koalicion do edhe tani. Njësoj si Edi Rama, që kundër ishte atëherë, kundër është edhe tani.
Kurse Gazi i shkretë nuk e ka këtë luks, sepse tre vjet më parë ishte në prehërin dhe në qeverinë e Edi Ramës, duke pasur të njëjtat qëllime dhe objektiva me të, kurse tani thjesht ka ndërruar portat./ CNA.al

LEXO TE PLOTE