Connect with Us

Mbrojtja e pakicave kombëtare/ ISP: 46% e akteve nënligjore nuk janë miratuar ende

Sociale

Mbrojtja e pakicave kombëtare/ ISP: 46% e akteve nënligjore nuk janë miratuar ende

Publikuar

-

Instituti i Studimeve Politike, në kuadër të Ditës Botërore Antikorrupsion ka reaguar lidhur me mbrojtjen e pakicave kombëtare në Shqipëri.

Në një njoftim për mediat ISP shprehet se aktet nënligjore duhet të ishin në fuqi në maj të vitit 2018, por sot në dhjetor të viti 2019, rreth 46% e tyre nuk janë miratuar ende. Ndërkohë që në afatin ligjor, nuk ishin hartuar dhe as miratuar 100% e akteve nënligjore.

Sipas ISP, impakti i mungesës së akteve të tilla e bën ligjin praktikisht ende të pazbatueshëm.

Problematikat që lidhet me pakicat kombëtare në Shqipëri janë gjithnjë pjesë e axhendës në monitorimin dhe raportet e institucioneve ndërkombëtare mbi Shqipërinë, përfshirë Progres Raportet e BE, raportet vjetore nga KE dhe Raportet vjetore mbi Lirinë dhe të Drejtat e Njeriut të Departamentit Amerikan të Shtetit.

Kjo është një prej arsyeve që problematika të tilla kanë vëmendje dhe bëjnë pjesë në prioritetet vendimmarrëse të qeverive dhe institucioneve shqiptare. Në Raportin Vjetor 2018 “Shqipëria 2018, Raport për të drejtat e njeriut“ të DASH, theksohet me të drejtë se “në tetor 2017 qeveria miratoi një ligj të ri për pakicat por Kuvendi nuk miratoi ligjin dhe rregullat zbatuese[1]”. Instituti i Studimeve Politike (ISP) në kuadër të monitorimit të impaktit të mungesës së akteve nënligjore në Shqipëri, mbështetur nga Programi për Demokracinë, Zyra e Marrëdhënieve me Publikun në Ambasadën Amerikane në Tiranë, monitori të gjitha aktet e dala në zbatim të këtij ligji, si dhe zhvilloi intervista të fokusuara me përfaqësues të pakicave përfshirë dy deputetë në Kuvendin e Shqipërisë.

Nga të dhënat e mbledhura nga ISP rezulton se 100% e akteve nënligjore të ligjit 96/2017 nuk janë miratuar në afatin e përcaktuar ligjor dhe më shumë se 1.5 vjet nga skadimi i afatit ligjor për nxjerrjen e akteve nënligjore ende nuk janë miratuar 46% të akteve nënligjore. Konkretisht, më 13.10.2017 Kuvendi i Shqipërisë ka miratuar ligjin 96/2017 “Për mbrojtjen e pakicave kombëtare në RSH”, ligj që sic thuhej në relacionin e tij në Kuvend, përbush një boshllëk ligjor, si dhe përbën bën një arritje të rëndësishme në procesin e integrimit dhe vendos një standard të lartë në trajtimin e pakicave kombëtare në Shqipëri. Në dispozitat e fundit të ligjit (neni 23) ngarkohej Këshilli i Ministrave që “brenda 6 muajve nga hyrja në fuqi e këtij ligji, të miratojë aktet nënligjore në zbatim të neneve 4, pika 3; 7, pika 2; 11, pika 3; 12, pika 3; 13, pikat 3, 4 dhe 5; 15, pika 6; 18, pika 2; 20, pika 4, dhe 21, pika 3, të këtij ligji. 2″. Ligji u publikua në Fletoren Zyrtare më 9.11.2017 dhe hyri në fuqi më 24.11.2017. Pra, ligji detyronte qeverinë që të gjitha aktet nënligjore të miratoheshin 6 muaj nga hyrja në fuqi, konkretisht përpara datës 24 maj 2018.

Nga të dhënat rezultoi se asnjë prej 7 akteve nënligjore në përgjegjësi të Këshillit të Ministrave nuk kanë dalë brenda afatit ligjor që përcaktonte ligji 96/2017. Konkretisht, janë miratuar VKM nr.561, datë 29.9.2018 (neni 13(5) i ligjit), VKM nr.562, datë 29.9.2018 (neni 13(5) i ligjit), VKM. nr.726, datë 12.12.2018, VKM nr. 227, datë 17.4.2019, VKM nr. 286, datë 10.5.2019  (neni 20(4) i ligjit), VKM nr.462, datë 3.7.2019 (neni 11 (3) i ligjit), VKM nr.463, datë 3.7. 2019 (neni 12 (3) i ligjit). Pra, akti më i parë nënligjor është miratuar së paku 4 muaj pas detyrimit ligjor dhe akti i fundi i miratuar është së paku 14 muaj pas skadimit të afatit ligjor për Këshillin e Ministrave.

LEXO EDHE:  Marrëveshjet me Greqinë/ Ish-ministri kërkon transparencë

Ky nuk është vetëm problemi i vetëm i vonesës së akteve nënligjore në zbatim të këtij ligji. Ligji parashikon edhe 6 akte të tjera nënligjore që nuk janë miratuar ende 1.5 vjet pas skadimit të afatit ligjor për miratimin e tyre. Dy prej akteve nënligjore ende të pa miratuara janë hedhur në portalin e konsultimit publik në mars 2019 dhe në gusht 2019, ndërkohë që nuk janë miratuar ende. Ato janë detyrimi i nenit 4(3) të ligjit nr.96/2017, si dhe detyrimi nenit 21(3) i ligjit nr.96/2017 mbi kriteret për mbështetjen e nismave dhe projekteve lidhur me pakicat. Tri akte të tjera nënligjore që lidhen me kriteret për njësitë e vetëqeverisjes vendore për arsimin (neni 13.3), për mënyrën e përdorimit të gjuhës në njësitë vendore (neni 15.2.3.6) si dhe për kriteret e procedurat  për mbledhjen e të dhënave mbi identifikimin e personave që u përkasin pakicave kombëtare (neni 7.2 i ligjit nr.96/2017). Gjithashtu edhe detyrimi ligjor i nenit 23.2 për KQZ nuk është miratuar ende si akt zyrtar nga ky i fundit.

Cili është impakti i mungesës së akteve nënligjore? Në intervista me përfaqësues të pakicave kombëtare thuhet se “ligji u miratua me urgjencë, ndoshta për t’i treguar BE në kuadër të hapjes së negociatave se ne kemi një ligj të tille, por në fakt ligji ka shumë probleme, sidomos në mungesën e akteve nënligjore për zbatimin e tij”. Për shembull, VKM e majit 2019 përcaktoi procedurat për konkurrimin dhe zgjedhjen e drejtuesve dhe anëtarëve të Komitetit për Pakicat Kombëtare, organ kryesor në funksion të jetësimit të ligjit, por praktika zgjedhore ende nuk është jetësuar madje asnjë prej detyrimeve të përcaktuara në kritere sipas këtij VKM nuk janë respektuar (publikimi në faqe interneti të thirrjes dhe afatet ligjore të kandidimit e selektimit). Përfaqësuesit e minoritetit grek citojnë si impakt negative për moszbatimin e ligjit edhe çështjen e rregullimit me akt nënligjor të përdorimit të gjuhës dhe simboleve, kuotat arsimore për zonat minoritare, emërimet e rrugëve, përdorimin e gjuhës në faqet zyrtare të njësive, lajmet në media në gjuhën e pakicave, sinjalistika në akset rrugore, etj. Të pyeturit deklarojnë se vetëm në lajmet e TVSH ka pasur reflektim gjithsesi minimal nga ligji duke dhënë lajme në gjuhën e minoriteteve,

Deputeti Ligoraq Karamelo i pyetur nga stafi i ISP për këtë problematike thotë se “është një sukses miratimi i ligjit më 2017, por mungesa e akteve nënligjore e ka bërë këtë ligj të mbetet pa zbatim”. Të njëjtin vlerësim ndan edhe deputeti Vasil Sterjovski, përfaqësues i pakicës maqedonase në Shqipëri, sipas të cilit “ky ligj erdhi sepse ishte një nga kushtet e Shqipërisë për integrimin në BE, por ligji nuk po zbatohet në shumë elementë të tij”, gjë që ka impakt negativ jo vetëm ligjin dhe për pakicat kombëtare, por edhe për vetë standardet e demokracisë, mirëqeverisjes, si dhe interesat e Shqipërisë në procesin integrues.

Sipas vlerësimit të ekipit monitorues dhe të ekspertëve ligjorë të ISP, nxjerrja e akteve nënligjore është një detyrim ligjor, por parlamenti shqiptar nuk ka ende një mekanizëm monitorimi dhe ndjekje të nxjerrjes së akteve nënligjore nga institucionet ekzekutive në zbatim të detyrimit të ligjit që kalon në parlament. Nga ana tjetër, nxjerrja e akteve nënligjore do të duhet të shoqërohet me dhjetëra akte të tjera administrative nga institucione qendrore dhe lokale në zbatim të tyre, pra procesi i jetësimit 100% të ligjit është shumë më i gjatë sesa thjesht procesi i shkrimit dhe miratimit të tij.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Kapriçot e motit/ Mos dilni pa çadër nga shtëpia

Publikuar

-

Nga

Për ditën e sotme, pritet që moti të jetë i vranët në të gjithë territorin shoqëruar me reshje shiu të vazhdueshme dhe lokalisht të herëpashershme me intensitet mesatar deri dhe të lartë (reshjet me intensitet deri të lartë në qarqet Shkodër, Berat, Elbasan, Vlorë e Gjirokastër).

Sipas SHMU, në zonën e Alpeve si dhe lartësitë mbi 700-800 metër në verilindje dhe juglindje reshjet e shiut pas orëve të mesditës kthehen në reshje dëbore. Pas orëve të pasdites bie itensiteti i reshjeve dhe bëhen të herëpashershme dhe të dobta.

Temperaturat në vlerat minimale parashikohen nga 4ºC në zonat malore deri në 12ºC në ato bregdetare ndërsa në vlerat e mesditës ato parashikohen nga 6ºC në zonat malore deri në 15ºC në ato bregdetare.

LEXO TE PLOTE

Sociale

Horoskopi i ditës, 14 shkurt 2020

Publikuar

-

Nga

DASHI 21. mars – 20. prill

Nen ndikimin e madh te Venusit sot do mundoheni te vendosni bashkëpunimin ne çift dhe keni për t’ia dale mbanë. Marrëdhënia mes jush do filloje te zbukurohet pas mesditës. Beqaret pa kërkuar shume do arrijnë ta gjejnë princin e tyre te kaltër dhe do fillojnë një histori te bukur dashurie. Plutoni do jete i pozicionuar keq tek financat dhe mund te sjelle goxha tronditje.

DEMI 21. prill – 21. maj

Ju që jeni ne çift do jeni shume romantike gjate kësaj dite dhe do mundoheni ta bëni çdo moment sa me emocionues. Do kujdeseni edhe për detajet me te vogla qe personi ne krah te ndihet si ne ëndërr. Beqaret do kenë njohje interesante, por me mire te mos nxitohen. Me financat do jeni mjaft inteligjente dhe do dini t’i mbani gjithë kohës nen kontroll.

BINJAKET 22. maj – 21. qershor

Jeta juaj ne çift do jete me e privilegjuar se kurrë me pare. Do keni një bashkëpunim te adhurueshëm me partnerin dhe mund te përgatisni edhe dhurata te veçanta. Beqaret do jene sharmante dhe do bëjnë disa persona për vete. Tashme ata do jene me te bindur për hapat qe duhet te hedhin. Ne planin financiar nuk do keni për çfarë te ankoheni sepse situatën do e keni nen kontroll.

GAFORRJA 22. qershor – 22. korrik

Dite shume e qete dhe pa probleme do jete kjo e sotmja për çiftet. Jeta e tyre do marre rrjedhën normale dhe për asnjë moment nuk do ndodhin probleme. Beqaret me mire le te presin edhe pak kohe sepse mund te gjejnë persona me më shume vlera. Me shpenzimet duhet te bëni pak me shume kujdes dhe nuk keni për te pasur asnjë problem. Një shpërblim nga puna do iu ndihmoje pamase.

LUANI 23. korrik – 22. gusht

Dite shume entuziaste do jete kjo për ju qe keni një lidhje. Jupiteri do iu beje edhe me tolerante dhe te kuptueshëm me njeri-tjetrin. Beqaret mund te fillojnë një aventure te këndshme. Ata duhet te jetojnë momentin dhe nuk duhet te mendojnë se çfarë do ndodhe me pas. Ne planin financiar mos i shtyni për nesër marrjet e masave sepse mund te jete vone.

VIRGJERESHA 23. gusht – 23. shtator

Nëse keni një lidhje te gjate, as mos mendoni për aventura te tjera sepse do shkatërroni gjithçka dhe nuk do keni me mundësi te riktheheni me partneren. Beqaret do i kenë idetë shume me te qarta dhe nuk do hedhin hapa pa qene plotësisht te bindur. Gjendja e financave nuk do jete e shkëlqyer, por do keni mjaftueshëm para sa për te kryer shpenzimet e domosdoshme.

PESHORJA 24. shtator – 23. tetor

Marrëdhënia ne çift duket se do përmirësohet gjate kësaj dite. Do jeni me te gatshëm për ta dëgjuar atë qe keni ne krah dhe pse jo për te ndrequr edhe disa gabime qe keni bere. Beqaret nuk do i ndaloje askush te shprehin ndjenjat kështu qe nuk kane pse ta frenojnë veten. Ne planin financiar fati do ju buzëqeshë dhe situata do këtë përmirësime te jashtëzakonshme.

AKREPI 24. tetor – 22. nëntor

Sot do e keni me te vështirë te shpreheni dhe ndonjëherë do e vini partnerin ne dyshim për ndjenjat qe keni. Ne shumicën e kohës, mes ju te dyve, do mbizotërojë qetësia dhe klima do jete disi e ftohte. Ju beqaret do jeni gati për te vepruar dhe do merrni vendime qe do ua ndryshojnë tërësisht rrjedhën. Me shpenzimet tregohuni vetëm pak me te matur dhe gjithçka do ju ece mire.

SHIGJETARI 23. nëntor – 21. dhjetor

Jeta juaj ne çift ka shume mundësi te marre drejtimin e duhur sot. Jupiteri do ju nxite t’i shprehni me shume ndjenjat dhe te bëni përpjekje për te zgjidhur edhe disa mosmarrëveshje te vogla qe ju kane dale. Beqaret nga ana tjetër, te nxitur nga Venusi, do hidhen ne krahët e personit qe ka kohe qe i josh. Për financat nuk do keni ankesa sepse gjendja do jete vërtet e mire.

BRICJAPI 22. dhjetor – 20. janar

Ka mundësi te jeni shume xheloze gjate kësaj dite dhe kjo mund te sjelle probleme te njëpasnjëshme. Po kërkuat ta mbani te kufizuar partnerin keni për te pasur probleme shume serioze edhe me vone. Beqareve nuk do ju ndodhe asgjë e jashtëzakonshme dhe do vazhdojnë te mbeten me te njëjtin status. Ne planin financiar vështirësitë do jene akoma me te mëdha.

UJORI 21. janar – 19. shkurt

Nëse jeni në një lidhje sot do merrni vesh shume mire me partnerin, megjithatë mos prisni ndonjë pasion shumë të madh. Për shkak të Venusit, beqarët nuk do jenë me shumë fat në dashuri dhe do ndihen me të vërtetë keq. Buxhetin do dini si ta organizoni dhe si ta menaxhoni gjithë kohë kështu që për asnjë moment nuk do ju dalin vështirësi e probleme.

PESHQIT 20. shkurt – 20. mars

Nëse jeni në një lidhje çastet e lumtura kanë për të qenë të shumta sot. Do programoni edhe gjëra të veçanta që do ua ngrenë zemrën peshë. Ju beqarët do e lini veten të lirë, do mbyllni sytë dhe do pranoni çdo ftesë që do ju bëhet. Buxheti do ketë disa tronditje të vogla për shkak të një investimi që do bëni për shtëpinë, por situata nuk ka për të qenë alarmante.

LEXO TE PLOTE

Sociale

Lajm i keq për të dashuruarit/ Surprizat e pakëndshme të motit

Publikuar

-

Nga

Një lajm i keq për të dashuruarit vjen nga Shërbimi Meteorologjik. Mësohet se nga dita e nesërme do të kemi ndryshim total të situatës meteorologjike.

Duke nisur që nga orët e vona të mbrëmjes së sotme, nis shtimi i vranësirave mesatare dhe të dendura në pjesën më të madhe të territorit. Në orët e para të mëngjesit, gradualisht nisin reshjet e shiut me intensitet të ulët në të gjithë territorin, ndërsa në jugperëndim-veriperëndim reshjet do të jenë në formë shtrëngatash.

Parashikohet se nesër moti do të jetë i vranët në të gjithë territorin shoqëruar me reshje shiu të vazhdueshme dhe lokalisht të herëpashershme me intensitet mesatar deri dhe të lartë në qarqet Shkodër, Berat, Elbasan, Vlorë e Gjirokastër. Në zonën e Alpeve si dhe lartësitë mbi 700-800 metër në verilindje dhe juglindje reshjet e shiut pas orëve të mesditës kthehen në reshje dëbore. Pas orëve të pasdites bie itensiteti i reshjeve dhe bëhen të herëpashershme dhe të dobëta.

LEXO EDHE:  Tabaku: Europa nuk i ka mbyllur dyert e Shqipërisë por të korrupsionit

LEXO EDHE:  KE: Do të analizojmë praktikat e prokurimit në Shqipëri

Ndërkohë, temperaturat në vlerat minimale parashikohen nga 4ºC në zonat malore deri në 12ºC në ato bregdetare ndërsa në vlerat e mesditës ato parashikohen nga 6ºC në zonat malore deri në 15ºC në ato bregdetare./ CNA.al

LEXO TE PLOTE