Connect with Us

“Ka të drejtë të ketë një çati mbi kokë”/ Një familje shqiptare “gjunjëzon” Kölnin në gjykatë

Bota

“Ka të drejtë të ketë një çati mbi kokë”/ Një familje shqiptare “gjunjëzon” Kölnin në gjykatë

Publikuar

-

Gjykata gjermane detyron Kölnin të strehojë një familje shqiptare. Megjithëse kjo familje nuk ka të drejtë të qëndrojë në Gjermani, ajo ka të drejtë të ketë një çati mbi kokë, vendosi gjykata.

Dinjiteti i njeriut është i paprekshëm. Kështu shkruhet në nenin 1 të Kushtetutës së Gjermanisë. Një familje shqiptare e vuri në provë këtë nen dhe fitoi në gjykatë. Qyteti i Kölnit është kështu i detyruar të strehojë përkohësisht familjen shqiptare në një qendër të të pastrehëve derisa ajo të largohet nga Gjermania. Sipas Gjykatës Administrative të Kölnit, të huajt megjithë detyrimin për t’u larguar nga Gjermania kanë të drejtë të strehohen në qendrën e të pastrehëve. Ky vendim u mor të enjten (12.12) pas një kërkese për trajtim të përshpejtuar nga familja shqiptare, që me sa duket nuk kishte parë rrugë tjetër, sepse ndryshe do mbetej e pastrehë e do duhej të flinte në rrugë bashkë me fëmijët.

Familja shqiptare donte që deri në pranimin një qendër pranimi, të strehohej diku tjetër. Autoritetet e Kölnit e kishin kundërshtuar këtë fillimisht. Sipas tyre, familja është e detyruar të largohet nga Gjermania dhe mund ta shmangë situatën e të qenit e pastrehë me kthimin në Shqipëri. Drejt Tiranës e marrin rrugën përditë autobusët, argumentuan autoritetet.

Verwaltungsgericht Köln (Raimond Spekking / CC-BY-SA-3.0)
Gjykata Administrative, Köln

Gjykata i dha fund paqartësisë. Për shkak se familja shqiptare nuk është në gjendje me forcat e veta të sigurojë një strehë, qyteti, si autoritet i rregullit është i detyruar t’i strehojë në qendrën e të pastrehëve deri në pranimin në një qendër pranimi. Pretendimi për strehim nuk shfuqizohet me detyrimin për largimin nga vendi, por është i shkëputur nga problematika e së drejtës të të huajve, argumentuan gjykatësit. Për sa kohë personat janë të pastrehë dhe jetojnë në hapësirën, për të cilën është përgjegjës qyteti i Kölnit.

Familja shqiptare shkel afatin e largimit nga Gjermania

Sipas të dhënave të gjykatës, jo shumë ditë më parë kishte ardhur një çift nga Shqipëria bashkë me dy fëmijët në Gjermani. Agjencia e lajmeve dpa, shkruan, se familja shqiptare kishte në plan të qëndronte në Gjermani, pa bërë as kërkesën për azil. Dihet, se për shkak se Shqipëria është vend i sigurtë origjine, shanset për azil janë gati zero.

Grenzdurchgangslager Asylheim Friedland (picture-alliance/dpa)Qendra azili

Zyra e të Huajve reagoi dhe i dha familjes shqiptare një dokument detyrues për kalimin e kufirit. Me këtë dokument, personave që janë të detyruar të largohen nga Gjermania, se nuk kanë të drejtë qëndrimi iu vihet një afat i caktuar për largimin vullnetar. Por familja shqiptare nuk u kthye vullnetarisht. Zyra e të huajve veproi më tej duke e dërguar çështjen në një qendër shpërndarjeje të refugjatëve, por asgjë nuk ndodhi. Familjes nuk iu caktua një vend në qendrën e pranimit.

Kështu shqiptarët e mbetur pa mbështetje u detyruan të kërkojnë strehë në qendrën e të pastrehëve në Köln, ku edhe kaluan një natë. Por më pas familja duhej të largohej nga kjo qendër, për shkak të dokumentit detyrues për largim nga Gjermania. Në një situatë të tillë, familja shqiptare nuk pati rrugë tjetër dhe iu drejtua gjykatës me një kërkesë për trajtim të përshpejtuar të çështjes./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Rritja e tensioneve pas vrasjes së gjeneralit iranian / Qindra ushtarë amerikanë drejt Lindjes së Mesme

Publikuar

-

Nga

Qindra ushtarë amerikanë u zhvendosën nga Fort Bragg, Karolina e Veriut, në Kuvajt për të shërbyer si përforcime në Lindjen e Mesme pas tensioneve në rritje pas vrasjes të gjeneralit iranian.

3.500 anëtarë të brigadës së vendosjes së shpejtë, e njohur zyrtarisht si Forca e Reagimit të Shpejtë, do të zhvendosen brenda disa ditësh.

750 ushtarët që u vendosën menjëherë ishin shtesë, përveç 14,000 trupave amerikane që ishin vendosur në rajonin e Gjirit që nga maji si përgjigje ndaj shqetësimeve për agresionin iranian.

Vendosja e trupave shtesë reflekton shqetësime në lidhje me veprimet e mundshme hakmarrëse iraniane pas sulmit që vrau Gjeneralin Qassem Soleimani, kreun e forcës elitare Quds të Iranit i cili është fajësuar për sulme ndaj trupave amerikane dhe aleatëve amerikanë që shkojnë prapa dekadave.

Irani është zotuar për ndëshkim, duke ngritur frikën e një lufte gjithëpërfshirëse, por është e paqartë se si ose kur mund të vijë një reagim.

Mëngjesin e së shtunës ushtarët të cilët futeshin në avion mbanin me vete thasë me armë.

Ushtarët vazhdimisht duhet të jenë të gatshëm të përgjigjen shpejt ndaj krizave jashtë vendit. Kur thirren nga eprorët e tyre, ata kanë dy orë për t’u përgatitur me pajisjet e tyre dhe duhet të mbajnë një gjendje gatishmërie në mënyrë që ata të mund të jenë në ajër brenda 18 orëve.

Gruaja e një anëtari të Airborne që u largua në fillim të kësaj jave tha që largimi i tij ishte aq i papritur, saqë nuk kishte mundësinë t’i thoshte lamtumirë personalisht ose me telefon.

Edhe burri i Bri’anna Ferry mori thirrjen në natën e Vitit të Ri, dhe ajo tha se ai do të nisej me aeroplan për në Lindjen e Mesme brenda disa orësh. Ajo ka frikë se ai mund të humbasë kontaktet me vajzën e tyre të vogël por gjithashtu dëshiron që ai të përqëndrohet në misionin e tij.

LEXO TE PLOTE

Bota

Vetëm 1 i vdekur nga aksidentet rrugore në 2019/ Njihuni me kryeqytetin që shënoi rekordin europian

Publikuar

-

Nga

Vetëm në katër ditët e para të vitit janë shënuar 3 viktima në vendin tonë, shkaktuar nga aksidentet rrugore, por si duket ky bilanc nuk ka të krahasuar me disa qytete të tjera evropiane.

Oslo, kryeqyteti i Norvegjisë, ka thyer rekordin europian për vitin 2019, ku është regjistruar vetëm një viktimë nga aksidentet rrugore.

Në shkallë vendi, Norvegjia ka regjistruar 110 aksidente me vdekje gjatë 2019-ës, popullsia e së cilës është 5.3 milionë banorë.

Shifrat e bëra publike nga autoritetet norvegjeze tregojnë se, gjatë 50 viteve të kaluara, numri i vdekjeve në rrugët e qytetit ka rënë në mënyrë drastike, nga 41 vdekje në 1975.

Në 2002, qeveria Norvegjeze prezantoi “Vizionin Zero”, si pjesë e planit të tyre kombëtar të transportit për 2018-2029.

Vizioni Zero është baza për të gjithë punën e sigurisë rrugore në Norvegji dhe synon të krijojë një sistem transporti në të cilin askush nuk vritet ose plagoset rëndë në trafik.

Ndërkaq, vendet më të rrezikshme në BE për sigurinë rrugore janë Bullgaria dhe Rumania, e cila ka mesatarisht mbi 90 vdekje për një milion banorë./CNA.al

 

 

 

LEXO TE PLOTE

Bota

Sulmi ajror në Irak/ Koalicioni i udhëhequr nga SHBA hedh poshtë njoftimet

Publikuar

-

Nga

Koalicioni i udhëhequr nga Shtetet e Bashkuara, që lufton kundër Shtetit Islamik, bën të ditur se nuk ka kryer sulme ajrore pranë kampit Taji në veri të Bagdadit.

Gjithashtu ushtria irakene hodhi poshtë njoftimet për një sulm ajror ndaj një aukolone me ndihmë mjekësore në Taji.
Më herët, Forca e Mobilizimit Popullor të Irakut, grupi ombrellë i grupimeve paraushtarake tha se, si pasojë e sulmeve ajrore pranë kampit Taji ishin vrarë gjashtë persona dhe plagosur rëndë tre të tjerë.

Sipas televizioni shtetëror irakian, sulmet ajrore ishin kryer nga forcat amerikane.
Në një postim në twitter një zëdhënës i koalicionit shkruante “Fakt: koalicioni … nuk ka kryer sulme ajrore pranë kampit Taji (në veri të Bagdadit) ditët e fundit”.

Forca e Mobilizimit Popullor të Irakut tha se sulmet goditën një autokolonë me personel mjekësor dhe jo udhëheqës të lartë, sikurse u raportua në disa media. Por më vonë zëdhënësit e kësaj force lëshuan një deklaratë tjetër ku thuhej se në Taji nuk ishte goditur asnjë autokolonë me personel mjekësor.

LEXO TE PLOTE