Connect with Us

Paketa anti-shpifje/ “Washington Post”: Karakteristikë e liderave diktatorë

Bota

Paketa anti-shpifje/ “Washington Post”: Karakteristikë e liderave diktatorë

Publikuar

-

/

Ndërsa vitit 2019 po i vjen fundi, rreth 30 gazetarë deri në fund të këtij viti janë futur në burg në të gjithë botën me akuzën e “lajmeve të rreme” ose, siç quhen rëndom, “fake news”.

Në Shtetet e Bashkuara është bërë tashmë i zakonshëm arrestimi i personave për fake news, shkruan Washington Post. Në vendet e tjera të botës  të tilla si Egjipti, Turqia, Somalia dhe Kameruni, akuza të tilla nuk përbëjnë habi dhe kanë një impakt shumë të ftohtë.

Grupet për të drejtat e njeriut në Egjipt shprehin se  Presidenti i tyre  Abdel Fatah al-Sissi po e tepron me sulmet kundrejt mediave, sulme të cilat po përkeqësohen dita ditës. 21 gazetarë kanë hyre në burg pasi kanë botuar kinse “lajme të rreme”, sipas të dhënave të CPJ. Në praktikë, avokatët e lirisë së shtypit thonë se arrestimet kanë rrjedhur nga një fakt i thjeshtë: Gazetarët kanë publikuar lajme të cilat Presidenti thjesht nuk i pëlqen.

Në Kamerun anglofonët po luftojnë për pavarësinë dhe të drejtat e tyre brenda një shteti frankofon dhe për këtë arsye 5 gazetarë janë futur në burg.

Në vitin 2012 kishte vetëm një gazetar në burg me akuza për lajme të rreme. Deri në vitin 2014, u bënë tetë. Pastaj erdhi viti 2016, kur filloi ngritja më dramatike, vit gjatë të cilit 16 gazetarë në të gjithë botën u burgosën me akuza për shpërndarje lajmesh të rreme. Në fund të 2019, numri u rrit në 27 të burgosur.

Gazetarja amerikane C. Radsch është shprehur se rritja e numrit të gazetarëve të burgosur i atribuohet përhapjes së internetit, i cili tradicionalisht ka qenë një mjet për përhapjen e lirë të shtypit, gjë që i ka bërë Qeveritë e shteteve kryesisht të prapambetura në aspektin demokratik, që të censurojnë dhe sulmojnë mediat. Si rezultat, shumë vende kanë miratuar ligje rreth lajmeve të rreme si një mënyrë për të ushtruar presion dhe për të kontrolluar informacionin që publikohet dhe shpërndahet në internet.

LEXO EDHE:  E arrestuan?!/ Hoxha poston foton: Thoni po deshët që nuk ka shtet

Në tetor të këtij viti, Malajzia vuri në fuqi një ligj që i përfshin lajmet e rreme në seksionin kriminalistik. “Në nëntor, Singapori për herë të parë vuri në fuqi ligjin e tij për lajmet e rreme gjë që ka detyruar akoma edhe qytetarët të ndryshojë postimet e tyre në Facebook . Gjithashtu, po në nëntor, në Nigeri kanë shpërthyer protesta kundër një projektligji që do të lejonte policinë të arrestojë njerëzit, postimet e të cilëve mendohej se kërcënojnë sigurinë kombëtare ose zbehin besimin e popullit tek qeveria”, raportoi Danielle Paquette për Washington Post.

Donald Trump është shprehur për Presidentin egjiptian Abdel Fatah al-Sissi se është “diktatori i tij i preferuar”. Ky i fundit ka vënë fuqi një ligj që kriminalizon praktikat e zakonshme gazetareske. Për shembull, gazetarët që botojnë informacione për ushtrinë përveç informacioneve që publikon vetë qeveria, mund të përfundojnë të mbyllur në burg për “fake news”.

Avokatët e shtypit thonë se ligjet për lajmet e rreme, apo “paketat anti-shpifje” janë më shumë një mjet për të shtypur median sesa për të nxitur një mjedis më transparent në internet./Përshtatja dhe titulli nga CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Referendumi i Serbisë/ Protesta në veri të Kosovës

Publikuar

-

Nga

Referendumi i Serbisë për ndryshime kushtetuese në këtë vend nuk po mbahet edhe në Kosovë, por serbët e Kosovës mund të votojnë në disa qytete në jug të Serbisë. Qeveria e Kosovës nuk ka lejuar majtjen e referendumit të Serbisë. Presidenti i Serbisë, Aleksandar Vuçiq, të dielën u shpreh i ashpër me bashkësinë ndërkombëtare që nuk arritën ta bindin Prishtinën zyrtare që të lejojë hapjen e vendvotimeve nëpër lokalitetet e banuara me shumë serbe në Kosovë. Vuҫiq serish paralajmëroi siҫ tha “pasoja afatgjata” lidhur me këtë çështje.

Disa grupe të serbëve të veriut të Mitrovicës protestuan të dielën kundër vendimit të autoriteteve të Kosovës. Kryetari i Listës Serbe, Goran Rakiq, që është edhe ministër për Komunitete dhe Kthim në qeverinë e Kosovës, tha se qytetarët serbë nuk do të “lejojnë që Prishtina t’i trajtojë ata si qytetarë të dorës së dytë”. Ai tha në protestë se serbët do të votojnë në zgjedhjet e shpallura nga Serbia më 3 prill dhe paralajmëroi vendosjen e reciprocitetit me Prishtinën.

Rakiq paralajmëron Prishtinën

LEXO EDHE:  “Facebook di gjithçka”/ Këto janë kompanitë që mbledhin të dhënat personale

LEXO EDHE:  Facebook kërcënon ndalimin e ndarjes së lajmeve në Australi



“E drejta e votës është një e drejtë themelore e njeriut e garantuar me të gjitha normat dhe rregulloret ndërkombëtare, përfshirë Rezolutën 1244 të Këshillit të Sigurimit të Kombeve të Bashkuara”, tha Rakiq.

Parlamenti i Kosovës të shtunën me anë të një rezolute mbështeti vendimin e qeverisë, për të mos lejuar hapjen e qendrave të votimit në Kosovë, për referendumin e Serbisë, me gjithë thirrjet e vendeve të QUINT-tit që të lejohet votimi. Sipas rezolutës së kuvendit, “mbajtja e referendumit të Serbisë në Kosovë, cenon sovranitetin dhe rendin kushtetues të Republikës së Kosovës, është në kundërshtim me Kushtetutën, ligjet e Republikës së Kosovës, si dhe me normat e praktikat ndërkombëtare”.

Serbia po mban një referendum në të cilin qytetarët e saj do të deklarohen në pyetjen “a jeni për konfirmimin e aktit për ndryshimin e Kushtetutës së Republikës së Serbisë?”. Ndryshimet kanë të bëjnë me gjyqësorin dhe janë pjesë e përpjekjeve të Serbisë për t’u afruar me strukturat e Bashkimit Evropian./dw

LEXO TE PLOTE

Bota

Vullkan i madh nën ujor, SHBA dhe Japonia paralajmërojnë cunam

Publikuar

-

Nga

Qendra e paralajmërimit të cunamit në Paqësor ka paralajmëruar rrezikun e një cunami pas shpërthimit të një vullkani të madh nën ujë pranë ishullit Tonga.

SHBA dhe Japonia kanë paralajmëruar qytetarët që të largohen nga zonat bregdetare edhe pse rreziku nuk është dhe aq i madh.

Kryeministrja e Zelandës së Re, Jacinda Ardern tha se varkat dhe mjetet e mëdha lundruese janë ankoruar për të shmangur çdo rrezik të mundshëm.

Ardern tha se Zelanda e Re po përgatitet për të dërguar një ekip të flotës ajrore për të parë nivelin e dëmeve pasi deri tani ka pasur raporte për viktima dhe dëme në Tonga.

LEXO EDHE:  Vlonjati shpërthen ndaj Ramës/ Mu thaftë dora që ta dhashë votën

LEXO EDHE:  Kryemadhi sulmon Sorosin / Fabrikues i Fake News



Sekretari amerikan i Shtetit, Antony Blinken tha se Uashingtoni ishte gati për të dërguar mbështetje.

Videot e publikuara në rrjetet sociale tregojnë se si uji përfshin banesat ndërsa njerëzit përpiqen që t’i largohen vërshimit.

Shpërthimi i vullkanit është dëgjuar në të gjithë Paqësorin Jugor deri në SHBA, kurse në Japoni është regjistruar një cunami me 1.2 metra lartësi mbrëmjen e së shtunës në ishullin Amami-Oshima.

Tonga, një vend në Polinezi përbëhet nga 169 ishuj nga të cilët 36 janë të banuar. Në total ajo ka një popullsi prej rreth 105 mijë banorë./euronews

LEXO TE PLOTE

Bota

Novak Gjokoviç humbi betejën juridike/ Duhet të largohet nga Australia

Publikuar

-

Nga

Tenisti më i mirë në botë, Novak Gjokoviç duhet të largohet nga Australia dhe nuk do të lejohet të luajë në turneun Australia Open në Melbourne.

Vendimin e mori sot (16 janar 2022) gjykata federale në Australi, ku Novak Gjokoviç ishte ankuar pas kërkesës së autoriteteve qeveritare që yllit serb të tenisti ti anulohet viza dhe që ai të largohet nga Australia, për shkak të mosrespektimit të rregullave për mbrojtjen e shëndetit publik si dhe paraqitje të dokumenteve jo të sakta.

Ardhja me leje speciale

Numri një i tenisit botëror është futur në Australi me një leje speciale, të lëshuar nga autoritetet e Serbisë. Ai nuk është vaksinuar kundër virusit Corona, por në hyrje në Australi ka paraqitur një dokument ku thuhet se ai ka qenë i infektuar me virusin Corona dhe se testi pozitiv ka rezultuar me datën 16 dhjetor 2021. Megjithatë ai vetëm një ditë më vonë ka marrë pjesë në një manifestim me tensitë të rinj në Serbi dhe është fotografuar me ta pa maska, pa respektimin e distancës dhe masave kundër pandemisë Corona. Në një shpjegim të mëvonshëm Gjokoviç tha se rezultatin e ka marrë më vonë dhe se nuk e ka ditur se është i infektuar. Por të nesërmen, me 18 dhjetor numri një i tenisit në botë i ka dhënë një intervistë gazetës franceze L’eqipue dhe ka bërë fotografi pa maska. E në prag të vitit të Ri ai ka udhëtuar në Spanjë, ku ka stërvitur dhe prej nga ka postuar edhe vet fotografi në rrjetet sociale.

LEXO EDHE:  E arrestuan?!/ Hoxha poston foton: Thoni po deshët që nuk ka shtet

LEXO EDHE:  “Nuk janë vetëm gazetarët”/ Paralajmërimi i fortë i deputetit për Ramën

Dyshimet për manipulim



Ndërkohë janë ngritur dyshime edhe për vërtetësinë e dokumentit të infektimit me virusin Corona, të lëshuar nga autoritetet në Beorgrad, sepse një portal gjerman ka shkruar se kjo certifikata e vaksinimit është futur në bazën e të dhënave me datën 26 dhjetor 2021, e jo me 16 dhjetor. Sipas rregullave në Serbi, personat që nuk i respektojnë masat e karantinimit dhe izolimit pas testit pozitiv ndaj virusit Corona, mund të denohen me gjoba por edhe me heqje lirie.

Sidoqoftë, në hyrje në Australi, Novak Gjokoviç ka paraqitur një dokument ku thuhej se pas infektimit ai nuk ka udhëtuar në asnjë vend tjetër. Më pas ai ka kërkuar falje dhe ka pranuar se shoqëruesit e tij e kanë bërë këtë gabim. Ai ka pranuar edhe gabimin pse i ka dhënë intervistë gazetës franceze. Por gjykata sot vendosi që Gjokoviç duhet të largohet nga Australia.

Dëbimi

Pas këtij vendimi Novak Gjokoviç duhet të largohet nga Australia dhe nuk mund të mbrojë titullin e më të mirit në Australian Open, i cili fillon ditën e hënë. Gjokoviç kishte shansin që me një titull eventual në këtë turne të thyejë rekordin e titujve në Grand Slam turne të tenisit. Ndërsa autroitetet e Australisë tani duhet të vendosin a do të dëbohet ai, kur do të dëbohet dhe nëse Gjokoviç do të denohet edhe me moslejim të hyrjes në këtë vend për tri vjte të tjera, siç zakonisht veprohet në raste të dëbimit nga vendi./DW

LEXO TE PLOTE