Connect with Us

Meta takon përfaqësues të Aleancës për Teatrin/ Do jem gjithmonë me ju

Politikë

Meta takon përfaqësues të Aleancës për Teatrin/ Do jem gjithmonë me ju

Publikuar

-

Presidenti Ilir Meta priti sonte me kërkesë të tyre një përfaqësi të Aleancës për Mbrojtjen e Teatrit Kombëtar

Artistët e falënderuan Kreun e Shtetit për mbështetjen e dhënë prej Tij për aplikimin e tyre drejtuar organizatës “Europa Nostra”, me qëllim mbrojtjen e kompleksit të Teatrit Kombëtar.

Presidenti Meta i garantoi se do të jetë gjithmonë me tyre,, pasi e cilëson kauza e tyre tërësisht të drejtë.

Gjithashtu, artistët e falenderuan Kreun e Shtetit edhe për depozitimin e kërkesës në Gjykatën Kushtetuese për rrëzimin e ligjit për shembjen e godinës së Teatrit.

Në fjalën e rastit, Presidenti Meta tha se Teatri Kombëtar nuk është thjesht një godinë që u përket artistëve, por një vlerë e jashtëzakonshme kulturore dhe kombëtare, që duhet mbrojtur nga të gjithë.

Kreu i Shtetit gjithashtu vlerësoi rezistencën paqësore dhe demokratike të artistëve, duke theksuar se kjo qëndresë ia ka vlejtur edhe për faktin sepse ka bërë të mundur që të ndërgjegjësohet, jo vetëm opinioni vendas, por edhe ai ndërkombëtar për mbrojtjen e kësaj trashëgimie kulturore.

Duke bashkëbiseduar me artistët dhe përfaqësuesit e Aleancës për Mbrojtjen e Teatrit Kombëtar, Presidenti Meta u shprehu mirënjohjen personale dhe institucionale për ndihmat bujare që kanë mbledhur vullnetarisht për të dëmtuarit nga tërmeti i 26 nëntorit 2019.

LEXO EDHE:  Vettingu alarmon Metën dhe KLD-në/ Bllokohen të dhënat për gjyqtarët dhe inspektorët

“Unë kam bërë detyrën time, që duhet ta bënte kushdo që është në këtë detyrë dhe në këtë institucion, pasi teatri nuk është vetëm i juaji. Atje është e gjithë jeta juaj, krijimtaria dhe emocionet tuaja.

Teatri është i të gjithëve sepse është një vlerë e jashtëzakonshme kulturore dhe kombëtare, që duhet mbrojtur pa asnjë diskutim nga të gjithë.

Ne nuk e ndalim dot globalizimin dhe duhet të përfitojmë aq sa mundemi maksimalisht nga të gjitha avantazhet që ai sjell për zhvillim, për komunikim, por në këtë situatë në të cilën ndodhemi dhe ky presion i madh që vjen nga globalizimi duhet të na ndërgjegjësojë se sa shumë duhet të kujdesemi për rrënjat tona kombëtare, për mbrojtjen e vlerave kulturore, në mënyrë që të mos zhbëhemi dhe të mos na cënohet identiteti ynë kombëtar për të cilin paraardhësit tanë kanë sakrifikuar aq shumë”, deklaroi Kreu i Shtetit./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Komunizmi është tashmë midis nesh!”/ Manjani: Rilindja ja arriti qëllimit

Publikuar

-

Nga

Ish ministri i Drejtësisë, Ylli Manjani mbështet deklaratën e avokatit Spartak Ngjela i cili thotë se: “Rama po e quan kapitalizmin si krim të organizuar. Fiks si në komunizëm.”

Sipas Manjanit “Rilindja ja arriti qëllimit, risolli midis nesh kulturën komuniste të luftës kundër kulakëve, borgjezëve dhe të gjithë atyre që punojnë për rehatinë personale…!!!

Ish ministri thekson se nuk mjatojnë të fortët, as politikanët, por cilido që ka një pasuri duhet ti japë llogari portalofonisë së organizuar e cila kërkon llogari, në emër të popullit. Manjani shprehet i sigurt se komunizmi është tashmë midis nesh..!

“Rilindja e Frontit dhe kontrollit punëtor. Jam dakort me Spartak Ngjelën, kur thotë se “Rama po e quan kapitalizmin si krim të organizuar. Fiks si në komunizëm..”
Pyetja me e përdorur masivisht në rrjete, media e portalofoni është: “ku i mori lekët filani/nia që ka blerë shtëpi”?
Ja arriti qëllimit Rilindja! Risolli midis nesh kulturën komuniste të luftës kundër kulakëve, borgjezëve dhe të gjithë atyre që punojnë për rehatinë personale…!!!
Portalofonia ngjajnë si këshillat e frontit. OFL si kontrolli punëtor e fshatar.
Nuk mjatojnë të fortët, as politikanët, por cilido që ka një pasuri duhet ti japë llogari portalofonisë së organizuar e cila kërkon llogari, në emër të popullit.
I kërkonin llogari, fjala vjen, një drejtoreshe banke “ku i gjete paratë që blen vilë”?!!! Kulmi! Vetëm opsioni që një drejtor banke ka aq para sa për të blerë një vilë nuk thuhet..!!!
Zonat rezidenciale të njohura në vend shpallen si vendstrehime borgjezësh dhe se duhen mallkuar, sharë e mundësisht sekuestruar nga OFL, SPAK e dreqi e di se kush!! Ka disa që këtë detyrë ja ngarkojnë edhe Ambasadës Amerikane!!!
Prona, paraja e liria e të drejtat nuk vlejnë..!
Dashakeqësi?! Jo thjesht ndaj personit, por duan ta kthejnë në sistem populist. Do ta përdorin derisa të kuptojnë se do u bjerë në kokë! Se një drejtues portali apo medie paska të drejtë të ketë shtëpi e vilë, kurse një drejtor banke jo!! Llogjika 0. Fiks si në komunizëm. Ndërkohë, nuk është krejt pa gjë kjo punë.
Njerëzit bërtasin: “borgjezët e ndyrë”, “gjakpirësit”, “kulakët”!!! Udhëheqja është e qetë se populli ka marrë inatë pasurinë dhe të pasurit, jo atë vetë (dmth udhëheqjen). Formulë e njohur që garanton sukses, për fat të keq! E varfëron aq keq popullin sa ky i fundit e kërkon të keqen tek cilido që ka shtëpi, makinë e rroba. Vetëm te qeveria që.e varfëroi jo! E ka ngrënë kaq thellë vërtetë ky popull?!
Mbetet për t’u parë. Shenjat nuk janë të mira… Komunizmi është tashmë midis nesh..”, shkruan Manjani./CNA.al

LEXO TE PLOTE

Politikë

Basha përfundon takimin me delegacionin e Venecias/ Kemi 2 rrugëdalje

Publikuar

-

Nga

Kreu i PD, Lulzim Basha ka përfunduar takimin me delegacionin e Komisionit të Venecias.

Basha u shpreh se gjatë takimit diksutuan për problematikën në vend, e cila sipas tij, është rënduar nga muaji në muaj.

Kreu i PD u shpreh se vendi është në kolaps total dhe jeta e qytetarëve shqiptarë është në rrezik.

“Vendi është në kolaps total, jeta e qytetarëve shqiptarë është e kërcënuar. Sot Republika e Shqipërisë nuk është e shqiptarëve. Gjithçka në këtë vend kontrollohet nga një grup njerëzish. Me Komisionin e Venecias disutuam problematikën dhe gjendjen e Shqipërisë që është rënduar nga muaji në muaj.
Dy janë rrugëdaljet, do të vazhdojmë me Shqipërinë e 12 pushtetarëve apo do kthejemë Shqipërinë shqiptarëve përmes zgjedhjeve të lira e të ndershme”, tha Basha./CNA.al

LEXO TE PLOTE

Politikë

Përplasjet për Kushtetuesen/ Delegacioni i Venecias takon përfaqësuesit e opozitës

Publikuar

-

Nga

Delegacioni i Venecias që ndodhet në vendin tonë për çështjen e emërimeve në Gjykatën Kushtetuese do të ketë një takim dhe me përfaqësues të opozitës jo parlamentare.

Kreu i PD-së, Lulzim Basha i shoqëruar edhe nga Petrit Vasili i LSI, Gazment Bardhi dhe Oerd Bylykbashi po zhvillojnë një mëngjes pune me delegacionin e Venecias te Rogneri. Në mbyllje, kryedemokrati Basha ka njoftuar se do të ketë një komunikim me gazetarët.

Pas takimit me Bashën, delegacioni i Venecias do të takohet me kreun e KED, Ardian Dvorani.

LEXO TE PLOTE