Connect with Us

Denoncoi në “Fiks Fare” abuzimet me fondet/ Me urdhër të Kryeinspektorit e pezullojnë nga puna

Denoncim

Denoncoi në “Fiks Fare” abuzimet me fondet/ Me urdhër të Kryeinspektorit e pezullojnë nga puna

Publikuar

-

Pas denoncimit të “Fiks Fare” mbrëmjen e së martës ku drejtues të Inspektoriatit Shtetëror të Punës dhe Shërbimeve Shoqërore bënin procedura fiktive për karburant, dieta dhe fatura hoteli, reagoi ISHPSHSH-ja.

Komisioni disiplinor i ngritur me urdhër të Kryeinspektorit vendosi pezullimin nga ushtrimi i detyrës të nënpunësit znj. Fatbardha Pashollari dhe znj. Drita Mandreja.

Fatbardha Pashollari mbante postin e shefes së Financës kurse Drita Mandreja drejtoreshë e Shërbimeve Mbështetëse në Drejtorinë Qendrore të ISHPSHSH-së.

Edhe pse në biseda duket qartë se drejtoresha Mandreja në të gjitha rastet ka kundërshtuar kërkesat për abuzime me fondet e institucionit, ajo u pezullua nga detyra, me arsyetimin se komisioni disiplinor kishte filluar punën për pezullimin e saj përpara publikimit të videos në Fiks Fare.

Elvis Bedo inspektor pranë ISHPSHSH-së në një intervistë për Fiks Fare sqaroi vendimin e komisionit të ngritur posaçërisht menjëherë pas transmetimit të abuzimeve në emision. Ai pohon se kundrejt drejtoreshës Mandreja e cila edhe denoncoi abuzimet në Fiks Fare, është marrë masa e pezullimit jo vetëm për këtë rast, por sipas tij kundrejt saj ishte ngritur edhe më herët një komision disiplinor. Komisioni do dilte në përfundim në nëntor sipas Bedos , por me rënien e tërmetit ai u shty dhe pas denoncimit të Fiks Fare u morë ky vendim. Por komisioni duhet të mblidhej në dt 13 dhjetor, ndërkohë që është mbledhur vetëm një ditë pas transmetimit në Fiks Fare të videos ku shefja e financës i kërkonte drejtoreshës Mandreja firmosjen e dietave fiktive.

Inspektori i ISHPSHSH-së pranon se shkak për pezullimin e drejtoreshës që ngriti zërin kundër abuzimeve ishin edhe faktet e publikuara në Fiks Fare, ndërkohë që në të gjithë bisedën ajo kundërshtonte firmosjen e shtesës së karburantit pa urdhër shërbimi, kundërshtonte firmosjen e dietave të shërbimit fiktive dhe riparimet fiktive të automjeteve të institucionit.

Ai shton se dokumentacioni i plotë i është vënë në dispozicion komisionit disiplinor dhe jo vetëm atij, por edhe oficerëve të policisë gjyqësore për të bërë një hetim të gjithanshëm.

Inspektori gjithashtu në intervistën e tij pranoi se festa e fundvitit të kaluar është bërë me kontributin personal të punonjësve dhe se i gjithë stafi i ISHPSHSH-së ka qenë në një trajtim disa ditor përpara organizimit të kësaj feste. Ndërkohë që në videon e transmetuar në Fiks Fare shefja e financës së këtij institucionit i kërkonte shtesën e buxhetit drejtoreshës Mandreja për dietat fiktive që do t’i jepeshin stafit për të mbuluar shpenzimet e darkës së fundvitit

Ditën e martë me zë dhe figurë, “Fiks Fare” zbuloi skemën e zyrtarëve të këtij Inspektoriati për zhvatjen e fondeve shtetërore. Emisioni zbuloi se të përfshirë janë nga shefa financash, deri te ish-shoferi i titullarit të institucionit. Ata bisedojnë për të marrë para nga arka e këtij institucioni sikur të ishte gjëja më normale, pasi siç deklarojnë edhe vetë “kjo gjë po bën vite që ndodh”. Me zë e figurë u faktua se si abuzohej më karburantin, ku ish shoferi i titullarit i kërkonte drejtoreshës së Shërbimeve Mbështetëse që të bëjë dalje karburant më shumë sa është distanca e përcaktuar në urdhër shërbimi. Drejtoresha e kundërshton këtë fakt duke kërkuar që urdhëri i shërbimit t’i shkojë me shkrim. Po ashtu u faktuan edhe abuzimet me dietat e Vitit të Ri.

“Gjithë stafi do bëjë mbrëmje të Vitit të Ri dhe nuk dua të nxjerrë asnjë lekë nga xhepi tha shefi. Foli për fond të veçantë në ministri me ministrin, i tha që jo, nuk bëhet. Dhe u ra dakord që të mbulohen me dieta” thuhet në bisedë mes shefes së financës dhe drejtoreshës së shërbimeve mbështetëse në këtë Inspektoriat ndërsa vijon se “do nxjerrë një urdhër Eda, për trajnim këtej nga qendra nëpër ca drejtori e rrethe.Mbrëmja është në datë 27 në drekë”.

Punonjësja e financës pohon se dietat do të jenë fiktive dhe e për çdo punonjës me urdhër të titullarit të institucionit do të firmosen nga 4 dieta të plota për të përballuar shpenzimet e drekës, shpenzimet e të ftuarve dhe pjesa tjetër e lekëve do ta mbajnë vetë punonjësit.
Drejtoresha e shërbimeve mbështetëse e kundërshton vazhdimisht këtë veprim, por përgjigja që merr disa herë nga shefja e financës është “Fol me shefin, është urdhër i shefit”.

Një tjetër abuzim në këtë institucion ishin prokurimet fiktive për serviset e makinave që të paguheshin rojet private. Në biseda, shefja e financës pranon se këto tendera bëhen fiktive. /Top Channel

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Denoncon “Stop”/Skandali në çerdhe, fëmija dhunohet nga personeli

Publikuar

-

Nga

Emisioni “Stop” në Tv Klan ka trajtuar një denoncim të ardhur nga Tepelena, sipas të cilit, një fëmijë është dhunuar në çerdhen e këtij qyteti.

Nëna tregon se në muajin Nëntor, fëmijën e saj e ka gjetur me shenjën e një pëllëmbe në fytyrë, pasi e ka goditur dikush nga personeli i çerdhes.

Edukatorja Natasha Qeli i thotë se nuk ka parë asgjë, sepse ishte duke u marrë me një fëmijë tjetër.

Më pas, prindi shkon në Bashkinë e Tepelenës, pasi ky institucion ka në varësi çerdhen. Në Bashki u ngrit një komision për ngjarjen dhe u vendos pushimi nga puna i edukatores. Por pas këtij vendimi, përgjegjësja e ushqimit të çerdhes, zonja Shpresa Meta, papritur shfaqet në shtëpinë e prindit dhe i përgjërohet që ta mbyllë me kaq këtë histori, sepse aktin nuk e ka bërë Natasha.

Në këto kushte, zonja tërheq denoncimin, por bën një deklaratë ku pohon se në atë çerdhen e fëmijës së saj është ushtruar dhunë nga personeli.

Jam nëna e një fëmije 2 vjeç e gjysmë e cila para 3 muaj e gjysmë ka pësuar një traumë në çerdhen e rrethit  të Tepelenës, sepse e ka goditur dikush aty në personel. Më thonë hajde të marrësh gocën sepse është shumë keq, po qan pa pushim dhe unë nuk po e pushoj dot. Edukatoret më thonë që goca është vrarë duke luajtur me fëmijët. Po goca ka shenja në fytyrë. Ka 5 gishta. Direkt kam lënë punën, jam nisur për tek edukatorja Natasha Çeli, duke i treguar foton që çfarë ka goca ime. Shumë e habitur dhe shokuar njëkohësisht, më thotë që nuk e kam idenë për çfarë po flet. I thashë, kush e ka idenë? Unë fëmijën ty ta kam lënë në dorë, nuk ja kam lënë dikujt tjetër. Jo s’e di, do jetë shtyrë me ndonjë fëmijë. Kjo s’është e shtyrë fëmijë, është pëllëmbë e një dore të rrituri tjetër aty.

Dhe më thotë që shko ankohu tek përgjegjësi se ka përgjegjës institucioni. Përgjegjësja është Shpresa. Shkoj në Bashki, sepse çerdhja varet nga Bashkia, dhe kërkoj aty përgjegjësen e institucionit. Zonja Arta më ka thënë që do ngremë një komision, të cilin e ngritën komisionin dhe pas 3 ditësh vendosën që të hiqnin nga puna Natasha Çelin, edukatoren e gocës. Deri këtu isha shumë e kënaqur me Bashkinë. Pastaj na shfaqet zonja Shpresë në shtëpi duke na ardhur dhe duke na kërkuar falje e përgjërime. Zëre se ta bëra unë, ja qëllomë mua dhe e mbyllim me kaq. Unë e kuptova që Natasha nuk e kishte bërë, sepse po ta kishte bërë nuk mund të rrinte pa reaguar. Do trembej, ose do thoshte më fal, unë e bëra. Kurse Natasha qëndroi stoike dhe mbi të gjitha mua Natasha më tha unë nuk kam parë gjë. Në momentin që mund të ketë ndodhur kjo, unë kam qenë duke ndërruar një fëmijë tjetër. Që do të thotë, fëmija im është qëlluar nga dikush tjetër aty. Dhe ajo që reagoi ishte Shpresa duke më ardhur në shtëpi.

Ndodhur në këto kushte, kuptova që znj. Natasha nuk kishte fare gisht në këtë punë, po ishte Shpresa ajo që e kishte bërë. Është mbledhur komisioni, unë kam tërhequr denoncimin për Natashën dhe kam lënë një deklaratë që në çerdhe ushtrohet dhunë nga personeli. Prita që të më telefononin, po deri më sot nuk është bërë asnjë gjë. Zonja Shpresa vazhdon të jetë atje, ndërkohë dhe mund të rrahë fëmijë. Dhe nuk ka një përgjegjës. Unë kërkoj që në atë institucion, ajo dorë të zhduket prej andej sepse aty janë shumë fëmijë të tjerë. Ata janë në një moshë që nuk flasin dhe nuk tregojnë dot se çfarë ndodh aty brenda. Dua drejtësinë e fëmijës tim”.

Përmes kamerës së fshehtë, nëna e fëmijës së dhunuar takohet me përgjegjësen e ushqimit të çerdhes, dhe nga biseda me të, sjellja e kësaj të fundit lë të kuptohet që mund të jetë e përfshirë në dhunën ndaj fëmijës.

Prindi-Si ka mundësi, që je akoma këtu ti?

Përgjegjësja Shpresa Meta-Çfarë kishe? Fol!

Prindi-Çfarë kam unë, apo çfarë ke ti?

Përgjegjësja Shpresa Meta-Unë s’kam!

Prindi-Ti s’duhet të jesh këtu!

Përgjegjësja Shpresa Meta-Në rregull!

Prindi-S’duhet të jesh fare këtu!

Përgjegjësja Shpresa Meta-Jo! Çfarë të të them unë?

Prindi-Çfarë do të thuash ti, që s’e bëre ti? Se nuk vjen kush të përgjërohet e të kërkojë falje, për një gjë, që s’e ka bërë!

Përgjegjësja Shpresa Meta-Çfarë të them unë?

Prindi-Çfarë të thuash ti? Ty të thashë, që tek shtëpia, që duhet të vesh të firmosësh, të ikësh vetë, se s’je për këtu! Ajo dorë, nuk duhet të jetë më këtu!

Përgjegjësja Shpresa Meta-Po mirë moj!

Prindi-Në rregull?

Përgjegjësja Shpresa Meta-Si të duash bëj!

Prindi-S’ke turp! S’ke turp moj, jo! Ti s’je as nënë, s’je as gjyshe, s’je asgjë! Nuk e di unë, se çfarë femre je ti! Ti, që ve dorë tek një fëmijë ashtu! Nuk e di unë se çfarë lloj njeriu je ti!

Gazetarja e emisionit “Stop” pyet vetë Shpresën për dhunën ndaj famijës, por ajo e mohon. Më pas shkon në Bashkinë e Tepelenës, në zyrën e Agjencisë së Mirëqenies e Kujdesit Social.

Gazetarja komunikon me përgjegjësen e kësaj zyre, e cila thotë se në këto kushte, Bashkia do të ngrejë një komision të dytë,

Arta Shaha, përgjegjëse e AMK-së: Ajo bëri denoncim për edukatoren. Për edukatoren ka mbaruar procedura, tani ka vajtur në një instancë tjetër sepse ka bërë një denoncim.

Përgjegjësja e Agjencisë së Mirëqenies e Kujdesit Social në Bashkinë e Tepelenës konfirmoi gjithashtu se brenda çerdhes do të vendosen kamera për të shmangur raste të tjera dhune. /tvklan.al

LEXO TE PLOTE

Denoncim

“Fiks Fare”/ Gabimet në vlerësimin e dëmeve të tërmetit lënë në qiell të hapur 73-vjeçaren

Publikuar

-

Nga

Një 73-vjeçare është lënë në qiell të hapur nga institucionet shtetërore, të cilat i kanë vlerësuar gabim dëmin e tërmetit të 26 nëntorit.

Meme Kajmaku, nga Ishmi i Durrësit, u ankua në redaksinë e emisionit “Fiks Fare” se vlerësuesit e dëmeve ia kanë nxjerrë shtëpinë pjesërisht të banueshme. Ndërkohë, shtëpia e saj është shkatërruar. Një nga muret e shtëpisë ka rënë, muret dhe çatia janë shkatërruar. Por, sërish në letra rezulton se shtëpia është e banueshme dhe e riparueshme.

E moshuara thotë se jeton në këtë shtëpi e vetme. “Kam fëmijët, po kanë hallet e tyre. Shtëpia është e shkatërruar plotësisht si e shihni, po kanë ardhur këto grupet dhe e kanë nxjerrë si të banueshme pjesërisht. Nuk e di si e kanë bërë, po shtëpia duket që është e shkatërruar. Një faqe muri ka rënë plotësisht, çatia është çarë. Muret po ashtu” thotë ajo, ndërsa shton se i ka shkuar policia dhe i ka thënë që të mos jetojë në atë shtëpi se rrezikon jetën. “Kam nevojë për një shtëpi të vogël, edhe 1+1, me një banjo jam e kënaqur, të kaloj pleqërinë” thotë ajo.

Në momentin që grupi i xhirimit shkoi te banesa e zonjës Meme Kajmaku, në atë zonë ishte edhe një grup vlerësimi nga Instituti i Ndërtimit dhe nga Inspektoriati i Ndërtimit. Gazetarët pyetën punonjësit nëse banesa është në listën e tyre, pasi ata kanë vetëm banesat që janë shkatërruar plotësisht dhe kanë nevojë për shembje që të fillojë procesi i rindërtimit. Një nga punonjësit na thotë se shtëpia duket që është e shkatërruar dhe nuk e di si ka dalë DS3. Sipas tij, kjo shtëpi është DS5 (e pabanueshme dhe duhet të shkatërrohet).

Fiks Fare u interesua edhe në Njësinë Administrative Ishëm, ku administratori Kadri Gjyli thotë se vlerësimi i parë është bërë nga grupet paraprake, që kanë qenë në atë kohë nga Kadastra dhe OSHEE. Gjyli pohon se në sistem ka dalë DS3, pra që ka nevojë për riparime, ndërkohë saktëson se në realitet shtëpia është DS5 dhe duhet të shkatërrohet. Administratori pohon se nuk e di se i kujt ka qenë gabimi, por pas interesimit të Fiks Fare dhe të ankesës së zonjës Meme, problemi do të zgjidhet./ Top Channel

LEXO TE PLOTE

Denoncim

Denoncimi/ Plasin armët mes bandave të partisë në Shkodër

Publikuar

-

Nga

Ish kryeministri Sali Berisha ka denoncuar në rrjetet sociale përplasjen me armë në qytetin e Shkodrës, nga ata që quhen bandat qeveritare.

Sipas qytetarit dixhital, policia erdhi 15 minuta me vonesë në vendngjarje dhe kjo, sipas tij, është bërë me qëllim që bandat të kishin rrugën e lirë për t’u larguar.

“Breshëri ne mes te bandave te partise ne qender te qytetit!
Narkopolicia bene gjasme sikur i kap!
Lexoni mesazhet e qytetarit dixhital. sb

Pershendetje zoti Berisha!
Sot perseri ne lagjen Parruce banoreve dhe tregtareve ju rrezikua jeta nga bandat e Edvin Krimit. Para 40 min jane gjuajtur bandat nga makinat e tyre dhe kane rrezikuar jete njerezish. Policia ka vonuar 15 min per te vajtur ne vendngjarje me qellim qe bandat te kishin rruge te lire dhe te mos ju hynte gjembi ne kembe. Brenda dy javeve Shkodra ka perjetuar ty beteja bandash. Shkodranet jane te trembur dhe kane frike te dalin ne rruge si ne vitet 1997 ku bandat e Gramoz Ruçit terrorizuan qytetin.
Shkodranet kane disa pyetje për Edvin Mafinë dhe Sandër Mafinë:
Kur do goditen bandat?
Kur qytetaret do dalin te sigurt nga shtëpitë e tyre?
Kur do jene te sigurte bizneset nga gjobat ?
A ekziston Shkodra për ju dy?
A ekziston OFL, SPAK, etj ne Shkoder?”, shkruhet në postimin e plotë të Berishës./CNA.al

 

LEXO TE PLOTE