Connect with Us

Peter Handke fiton çmimin Nobel në letërsi/ Unioni i Gazetarëve Shqiptarë kundër vlerësimit

Lajme

Peter Handke fiton çmimin Nobel në letërsi/ Unioni i Gazetarëve Shqiptarë kundër vlerësimit

Publikuar

-

Unioni i Gazetarëve Shqiptarë u bashkohet të gjithë kolegëve shqiptarë dhe të huaj në refuzimin ndaj vlerësimit të Peter Handke me cmimin Nobel në letërsi.

“Ne vlerësojmë kundërshtimin e ish gazetarëve dhe korrespondentëve për vlerësimin e Handke duke risjellë në kujtesë të publikut ndërkombëtar krimet e ndodhura në Ballkan në vitet 90’.
Zyrtarizimi i Peter Handke si fituesi i cmimit Nobel për vitin 2019 u shoqërua me kundërshti të shumta. Peter Handke është i njohur si një apologjist i Sllobodan Milloshevic dhe si shkrimtari që bëri eulogjinë e liderit jugosllav në varrimin e tij. Handke është një mohues i gjenocidit dhe pastrimeve etnike të ndodhur në Ballkan dhe vendimi i Akademisë Suedeze për ta vlerësuar punën e tij artistike, duke anashkaluar qëndrimet e tij politike, është një goditje e madhe për imazhin e cmimit Nobel dhe për vetë Akademinë Suedeze”, thuhet në reagimin e UGSH.

Sipas Unionit të Gazetarëve, nëpërmjet risjelles së raportimeve të viteve 90’ që pasqyrojnë masakrat dhe krimet e luftës, sikurse dhe dëshmive personale të tyre, ish-reporterët dhe korrespondentët që hodhën dritë mbi krimet monstruoze në Ballkan dikur, nxjerrin zbuluar sot vendimin e Akademisë Suedeze për të vlerësuar një mohues sikurse Handke.

LEXO EDHE:  “Gazetarët janë të kërcënuar në Shqipëri”/ UGSH reagon pas raportit të ‘Reporterëve pa Kufij’

“Gazetarët dhe korrespondentët e luftërave në Ballkan kanë rikujtuar përgjatë këtyre ditëve përdhunimet masive, pastrimin etnik, gjenocidin, sikurse dhe kanë risjellë në vëmendje të publikut gjyqet për krimet e luftës. Këto dëshmi jo vetëm që ndërgjegjësojnë për drejtësinë e munguar në shumë rastë dhe mungësën e vendosjes së përgjegjësve për krimet përpara drejtësisë. Por, në të njëjtën kohë, nëpërmjet eksperiencës profesionale dhe gjykimit të ftohtë, ish gazetarët dhe reporterët ngrejnë shqetësimin se ato krime po harrohen, mbulohen dhe, nëpërmjet vlerësimeve për persona publikë kontraversë si Peter Handke, po legjitimohen dhe racionalizohen”, thuhet më tej në reagim./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Lajme

GI: Ballkani rajon kontrabande emigrantësh, droge dhe pastrimi parash

Publikuar

-

Nga

Raporti nga Iniciativa Globale Kundër Krimit të Organizuar Transnacional e paraqet Ballkanin Perëndimor rajon kyç në kontrabandën e emigrantëve ilegalë drejt BE dhe prodhimin e trafikun e drogave nga Lindja në Perëndim.

Raporti investigativ “Flukset e njerëzve, drogës dhe parave – Maj 2021”, nga Iniciativa Globale Kundër Krimit të Organizuar Transnacional ( GI – Global Initiative, Against Transnational Organized Crime, ) publikuar ditët e fundit, përmes faktesh dhe të dhënash paraqet Ballkanin Perëndimor, (BP) si një rajon kyç të përfshirë fuqimisht në kontrabandën e emigrantëve të paligjshëm dhe azil-kërkuesve drejt vendeve të BE-së, prodhimin dhe trafikun e drogave nga Lindja në Perëndim dhe pastrimin e parave të krimit të organizuar. Në bazë të dhënash dhe faktesh raporti arrin në konkluzionin që “sasia më e madhe e parave vjen nga trafiku i drogës që realizohet nga grupe kriminale që veprojnë jashtë BP. Pastrimi i parave të krimit të organizuar bëhet kryesisht në Spanjë, Mbretërinë e Bashkuar dhe Dubai. Në vendet e rajonit shumat e parave të pastruara edhe pse janë relativisht më të vogla mbajnë gjallë një ekosistem të krimit dhe korrupsionit, që dobëson sundimin e ligjit.”

Raporti synon “të kuptuarit më të mirë të ekonomive të paligjshme në BP, për marrjen e masave më efektive drejt zvogëlimit të stimujve dhe fitimeve të krimit të organizuar”.

Kontrabanda e emigrantëve të paligjshëm

Raporti investigativ i GI vë në dukje që “vlera totale e tregut të kontrabandës së emigrantëve ilegalë në pikat e hyrjes në vendet e BP arrin nga 20-28 milionë Euro, kurse vlera vjetore në pikat e daljes, drejt vendeve të Bashkimit Europian (BE) shkojnë nga 14.4 – 21.4 milionë Euro .

Të dhënat e GI në raportin në fjalë tregojnë që pandemia COVID-19 gjatë vitit 2020 nuk i uli flukset e emigrantëve dhe azilkërkuesve në BP, përkundrazi i rriti ngaqë kufizimet rritën stimujt financiarë të kontrabandës. Emigrantët e paligjshëm dhe azilkërkuesit që hynë në 6 vendet e BP janë kryesisht nga Lindja e Mesme dhe Afrika e Veriut: Siria, Iraku, Irani, Pakistani Afganistani, Algjetria dhe Bangladeshi.

Numri i tyre më i madh prej 41.257 personash ka hyrë gjatë vitit 2020 në Maqedoninë e Veiut, (MV) e ndjekur nga Serbia me 39 648, nga Bosnjë –Herzegovina me 16 211, nga Shqipëria me 11 971, Mali i Zi me 2 898 dhe në fund Kosova me 1 910 emigrantë të paligjshëm dhe azilkërkues.

Në Shqipëri flukset e emigrantëve nga Lindja e Mesme dhe Afrika e Veriut nisën të rriten në vitin 2018, “kur u bë e vështirë për ata të kalonin nga Greqia në MV dhe u detyruan të hyjnë nga Greqia në Shqipëri permes pikës kufitare të Kakavijës në Gjirokastër dhe asaj të Kapshticës, në Korꞔë. Itinerari i tyre vazhdon në Tiranë, në periferinë e saj, në Babrru ku është Qendra Kombëtare e Pritjes së Azil-Kërkuesve, për të kaluar në Mal të Zi , Kosovë dhe Itali me synim Europën Perëndomore”, thekson raporti. Çmimi i kontrabandistëve për të kaluar kufirin me Malin e Zi është 70 Euro për person, për të hyrë nga Greqia në Shqipëri arrin në 3.000 – 5000 Euro për person, zbulon raporti i GI.

Ministri i Brendshëm i Gjermanisë, Horst Seehofer, citohet të martën (11.05) nga DPA të ketë thënë se “Numri i migrantëve po rritet përsëri ndjeshëm, veçanërisht në Rrugën Ballkanike. Ne duhet të bëjmë diçka,”

Trafiku i canabis, kokainës dhe heroinës

Gjashtë vendet e BP mbeten një rajon i madh tranziti për trafikimin e kanabisit, heroinës dhe përherë e më shumë i kokainës dhe drogave sintetike, vëren raporti i GI. Sipas të dhënave të këtij raporti, kanabis kalon nga Shqipëria drejt Lindjes ndërsa heroina kalon nga Turqia në Perëndim, duke kaluar në MV dhe Kosovë përpara se të mbrrijë në Evropën Perëndimore dhe Qendrore,

Shqipëria ka qenë tradicionalisht prodhuesja më e madhe e kanabisit, por kultivimi i tij u ul ndjeshëm në 2016, pas një goditjeje të madhe nga zbatimi i ligjit shqiptar, megjithatë vazhdon të mbillet në disa zona të vendit, thekson raporti i GI.

LEXO EDHE:  Rama përjashton mediat nga ndihma/ Reagon Unioni i Gazetarëve: Jemi në gjendje kolapsi

LEXO EDHE:  Filmi “Babai” triumfon në “Karlovy Vary”

Kanabisi nga Shqipëria trafikohet përmes rrugës detare për në Itali dhe liqenit të Ohrit për në MV. Ndërsa drejt Greqisë trafikimi bëhet në rrugë detare dhe tokësore, përmes pikave të kalimit kufitarmes dy vendeve fqinjë. Pasi kalon kufijtë e Shqipërisë drejt vendeve të sipërpërmedura 1 kg kanabis kushton 2 200 Euro në MV, 2 800 Euro në Greqi dhe 3 200 Euro në Itali, raporton GI. .

Droga nga Shqipëria trafikohet edhe përmes pikave të kalimit kufitar me Kosovën duke synuar tregun e Serbisë. Heroina që shkon në Serbi nga Shqipëria kushton 19.500 Euro një kg.

Kokaina hyn në Shqipëri nga porti i Durrësit, zakonisht e fshehur në dërgesa frutash apo lëkura kafshësh nga Amerika Latine. Nga Shqipëria kalon në Mal të Zi dhe në MV dhe që andej në gjithë Europën, kryesisht me kamionë që kanë ndarje të posaçme të fshehta. Në Europën Perëndimore, thekson raporti i GI. 1 kg kokainë kushton nga 25 000 – 30 000 Euro.

Sipas të dhënave të GI, Shqipëria importon opium. Laboratorë të prodhimit të heroinës nga opiumi u zbuluan në Fushë-Krujë dhe në Has të Kukësit, ku punonte një kimist nga Turqia, ndërkohë që të tillë laboratorë ka edhe në periferi të Elbasanit dhe Kukësit, thekson GI. “Prodhimi i heroinës në vend nga opiumi i importuar krijon një fitim shumë më të madh sesa rishitja e heroinës së importuar” thekson raporti i GI.

Pastrimi i parave

Krim i organizuar gjeneron miliarda euro të paligjshme në vit nga kontrabanda e emigrantëve ilegalë dhe trafiku i drogës. Paratë e paligjshme që gjenerohen në BP ose në vende të tjera të Europës pastrohen në ekonomitë lokale të BP ose investohen sërish në aktivitete të tjera kriminale, thekson raporti i GI. Sipas këtij raporti, të ardhurat nga kontrabanda e kanabisit në Shqipëri investohen në droga më të forta si kokaina apo heroina duke bërë të mundur që grupet kriminale të kapin një pjesë të konsiderueshme të tregut të këtyre drogave në Europën Perëndimore dhe të kenë fitime më të mëdha.

“Të ardhurat që vijnë nga trafiku i drogës mbështesin kontrabandën e armëve të zjarrit dhe trafikimin e qenieve njerëzore”, thekson raporti i GI.

Sipas këtij raporti në 6 vendet e BP pastrohen nga 1,8-4,6 miliardë Euro në vit nga kontrabanda e emigrantëve dhe trafiku i drogës. Ndërtimi, agjencitë imobiliare dhe ato të taksive janë aktivitetet në Shqipëri, ku kryesisht pastrohen paratë e rrjeteve të krimit të organizuar në vendet e BP. Raporti sjell në vëmendje të dhëna nga Instituti i Statistikave në Tiranë, sipas të cilave rezulton që lejet e ndërtimit, edhe pse në kushtet e pandemisë COVID-19, arritën numrin më të madh në gjysmën e dytë të vitit 2020. Që nga viti 2008 që konsiderohet viti i lulëzimit në industrinë e ndërtimit.

Legjislacioni në vendet e BP kundër pastrimit të parave ka zbrazëti, sidomos lidhur me zbatimin e ligjit, thekson raporti./DW

LEXO TE PLOTE

Lajme

INSTAT konfirmon 9,300 vdekje shtesë në një vit pandemi/ Rekord Tirana

Publikuar

-

Nga

Pandemia e Covid-19, një vit pas fillimit të saj, ka dhënë pasoja fatale në rritjen e vdekshmërisë shtesë në vend.

Të dhënat e publikuara sot nga INSTAT bëjnë të ditur se nga prilli 2020 deri në mars 2021, u shënuan rreth 9,300 vdekje shtesë në krahasim me periudhat përkatëse të vitit të mëparshëm, kur virusi nuk ishte i pranishëm. (për të njëjtën periudhë, zyrtarisht janë 2423 vdekje Covid).

Gjatë kësaj periudhe 12 mujore (prill 2020-mars 2021) kanë humbur jetën rreth 31 mijë persona, nga 21.8 mijë persona në prill 2019-mars 2020, me një rritje prej rreth 42.7%.

Vetëm në tremujorin e parë të vitit 2021 janë shënuar gjithsej rreth 9,657 vdekje, me një rritje prej 55.8% në krahasim me të njëjtën periudhë të vitit 2020 dhe me 52% në raport me mesataren 2016-2019.

Rritja e fataliteteve nisi që në tremujorin e dytë 2020 (+4.6%), pasi vendi filloi të dilte gradualisht nga karantina, u përshpejtua në tremujorin e tretë (+32.3%) dhe kulmoi në tremujorin e katërt, me një rritje prej 73% në krahasim me të njëjtën periudhë të një viti më parë.

Pasi qeveria nuk zgjodhi të ndërmarrë masa të ashpra karantine, vdekshmëria e lartë shtesë vijoi edhe në tremujorin e parë të këtij viti (+56%), ndryshe nga pjesa tjetër e Europës, që arriti të frenonte virusin përmes izolimeve më të rrepta.

Qarqet, Në Tiranë vdekjet u rritën me 77% në TI 2021; Shkodra dhe Lezhe rekord për vitin pandemik

Rritja e vdekshmërisë ka qenë më e fortë në të gjitha qarqet si në tremujorin e parë 2021, ashtu dhe përgjatë një viti pandemi.

Në tremujorin e parë, rekordin e mban Tirana, ku fatalitetet u shtuan me 77.4%, e ndjekur nga Vlora, me 74%, dhe Durrësi me +72.9%, ndërsa më e lehtë pandemia ishte në Korçë, me +11%.

Në një vit pandemi (prill 2020-mars 2021), pasojat më të forta në humbjen e jetëve të njerëzve janë konstatuar në qarkun e Shkodrës dhe të Lezhës, me përkatësisht 32.9% dhe 29.5%, e ndjekur nga Elbasani (27%) dhe Tirana 26.1%. ë lehtë e ka kaluar pandeminë Vlora, me rritje prej vetëm 9.5%.

Treguesit Demografikë T I 2021

Sipas publikimit të INSTAT, numri i lindjeve për tremujorin e parë 2021 është 6.006, duke shënuar një rënie me 5,4 %, krahasuar me tremujorin e parë 2020. Numri i vdekjeve për tremujorin e parë 2021 rezulton 9.657, duke shënuar një rritje prej 55,8 %, krahasuar me tremujorin e parë 2020.

LEXO EDHE:  Piktorja shqiptare Suela Pulaha Brown, vjen sërish me një çmim të parë në Angli

LEXO EDHE:  Çmimi Nobel e ka humbur peshën dhe vlerën që ka pasur dikur

Shtesa natyrore e popullsisë, diferenca midis lindjeve dhe vdekjeve në tremujorin e parë 2021, pësoi një rënie krahasuar me të njëjtën periudhë të vitit 2020, nga 153 në -3.651 në 2021.

Në tremujorin e parë 2021, Kukësi është i vetmi qark i vendit që ka shënuar shtesë natyrore pozitive të popullsisë, ndërsa në qarqet e tjera, shtesa natyrore e popullsisë është negative

Në tremujorin e parë 2021, vlera më e lartë e shtesës natyrore regjistrohet në qarkun e Kukësit, ku numri i lindjeve tejkalon me 10 numrin e vdekjeve, ndërsa ai më i vogël regjistrohet në qarkun e Tiranës, ku vdekjet tejkalojnë me 681 numrin e lindjeve.

Lindjet

Në tremujorin e parë 2021, katër qarqe të vendit kanë shënuar rritje të numrit të lindjeve, ndërsa në tetë të tjerat numri i lindjeve është ulur, në krahasim me të njëjtën periudhë të vitit 2020.

Në tremujorin e parë 2021, numri më i madh i lindjeve regjistrohet në qarkun e Tiranës, me 2.020 lindje, ndërsa ai më i vogël në qarkun e Gjirokastrës, me 113 lindje. Rritjen më të madhe në përqindje të lindjeve, gjatë tremujorit të parë 2021, krahasuar me të njëjtën periudhë të vitit 2020, e zë qarku i Gjirokastrës, me 18,9 %.

Uljen më të madhe në përqindje të lindjeve, gjatë tremujorit të parë 2021, krahasuar me të njëjtën periudhë të vitit 2020, e zë qarku i Vlorës, me – 16,7 %.

Vdekjet

Në tremujorin e parë 2021, të gjitha qarqet e vendit kanë shënuar rritje të numrit të vdekjeve, në krahasim me të njëjtën periudhë të vitit 2020. Në tremujorin e parë 2021, numri më i vogël i vdekjeve regjistrohet në qarkun e Kukësit, me 168 vdekje, ndërsa ai më i madh në qarkun e Tiranës, me 2.701 vdekje.

Rritjen më të vogël në përqindje të vdekjeve, gjatë tremujorit të parë 2021 krahasuar me të njëjtën periudhë të vitit 2020, e zë qarku i Korçës, me 11,5 %. Rritjen më të madhe në përqindje të vdekjeve, gjatë tremujorit të parë 2021, krahasuar me të njëjtën periudhë të vitit 2020, e zë qarku i Tiranës, me 77,5 %./Monitor

LEXO TE PLOTE

Aktualitet

Ra në krye të detyrës/ Meta vlerëson me “Dekoratën e Artë të Shqiponjës” Majorin Klodian Tanushi

Publikuar

-

Nga

Me anë të një ceremonie solemne, Presidenti i Republikës, Ilir Meta,  vlerësoi sot me “Dekoratën e Artë të Shqiponjës”, Dëshmorin e Atdheut, Major Klodian Tanushi (pas vdekjes), me motacionin: “Në shenjë vlerësimi ndaj ushtarakut i cili nuk kurseu as jetën në shërbim të Atdheut, duke u shndërruar në një shembull frymëzimi nëpërmjet profesionalizmit të tij të lartë dhe trimërisë së rrallë në radhët e Forcave tona të Armatosura, të treguar në mbrojtje të paqes dhe sigurisë krah për krah si aleatë të denjë dhe të shkëlqyer të Aleancës së Atlantikut të Veriut (NATO)”.

Në fjalën e Tij përshëndetëse drejtuar familjarëve të Dëshmorit të Atdheut dhe ushtarakëve të lartë të Forcave të Armatosura, Presidenti i Republikës u shpreh:

“Jemi mbledhur sot, në këtë ceremoni solemne për të përkujtuar dhe vlerësuar denjësisht një ushtarak shqiptar të paharruar, i cili shërbeu me profesionalizëm, përkushtim dhe trimëri në misionin paqeruajtës në kuadër të Aleancës së Atlantikut të Veriut, Majorin Klodian Tanushi.

Major Tanushi ra heroikisht në krye të detyrës dhe me aktin e tij dhe shërbimin shembullor në mbrojtje, në ruajtje të paqes dhe sigurisë, na bën të gjithëve krenarë duke lartësuar Shqipërinë dhe Forcat tona të Armatosura, si një aleate e denjë e NATO-s.

Gjatë gjithë trajnimeve të programuara, kur ndodhi fatkeqësia e paparashikuar, shpërthimi i një mine, i mori jetën Nëntetares Zarife Hasanit, plagosi Nëntetarin Kapaj dhe njëkohësisht plagosi rëndë dhe më pas i mori jetën Major Tanushit.

Me gjithë ndërhyrjen e shpejtë dhe shumë të specializuar të strukturave përkatëse, Klodiani nuk ja doli dot t’u mbijetonte plagëve të rënda, duke ndërruar jetë e duke lënë në pikëllim të thellë prindërit, bashkëshorten, fëmijët, kolegët dhe mbarë qytetarët shqiptarë.

Akti i tij heroik, i rënies në krye të detyrës duke dhënë jetën për ruajtjen e jetëve të civilëve, në shërbim të paqes e sigurisë përtej kufijve të vendit tonë, ka bërë krenar familjen e tij, Forcat tona të Armatosura ku shërbeu, si dhe çdo qytetar shqiptar brenda dhe jashtë kufijve të Atdheut tonë.

Për heroizmin e treguar, duke sakrifikuar edhe jetën e Tij në krye të detyrës, si President i Republikës dhe Komandant i Përgjithshëm i Forcave të Armatosura, kam nderin sot të vlerësoj Major Klodian Tanushin me dekoratën e lartë, ”Dekorata e artë e Shqiponjës”.

I përjetshëm dhe i ndritur qoftë gjithmonë kujtimi i Tij!”

LEXO TE PLOTE